485.92
+0.24
514.49
-2.52
8.16
-0.01
-4
Եղանակը Երևանում
Հայ
Տնտեսություն և անվտանգություն. Հայաստանը` ՀԱՊԿ–ի և ԵՏՄ–ի գագաթնաժողովներում
14:38
25 Դեկտեմբերի 2014

ԵՐԵՎԱՆ, 25 դեկտեմբերի. /Նովոստի–Արմենիա/. Նախորդ երեքշաբթի Մոսկվայում տեղի ունեցավ միանգամից երկու գագաթնաժողով`  ՀԱՊԿ Հավաքական անվտանգության խորհրդի նիստն ու Եվրասիական գերագույն տնտեսական խորհրդի նիստը։ ԵՏՄ–ի նիստը պատմական էր Հայաստանի համար։ Հենց այդ նիստի շրջանակում հայտարարվեց ԵՏՄ–ին Հայաստանի անդամակցության պայմանագրի վավերացման երկրների ընթացակարգերի ավարտի մասին։

ՀԱՊԿ. Հայաստանի արտաքին քաղաքականության առաջնահերթություններից մեկը

Ելույթ ունենալով ՀԱԽ–ի նիստին` ՀՀ նախագահ Սերժ Սարգսյանը ՀԱՊԿ–ի գծով իրականացվող համագործակցությունը համարել է երկրի արտաքին քաղաքականության առանցքային առաջնահերթություններից մեկը։ Նա պատրաստակամություն է հայտնել ակտիվորեն փոխգործակցել գործընկերների հետ` ելնելով Հավաքական անվտանգության պայմանագրի դրույթների ապահովման շահերից։ Միաժամանակ հայկական կողմը պնդում է, որ արտաքին քաղաքական կոորդինացման մեխանիզմների հետագա ամրապնդումը կնպաստի ՀԱՊԿ–ի հեղինակության բարձրացմանը։

«Կարծում եմ, որ ՀԱՊԿ անդամ պետությունների ռազմական համագործակցության հաջորդական զարգացման գործում միանգամայն տեղին քայլ կլինի Հավաքական ավիացիոն ուժերի ստեղծումը: Նաև կցանկանայի նշել մեր պետությունների ռազմատեխնիկական համագործակցության բարձրացման նպատակով ձեռնարկվող միջոցների կարևորությունը», – նշել է ՀՀ նախագահը։

ՀՀ նախագահը խոսել է նաև ղարաբաղյան խնդրի մասին` ներկայացնելով գործընկերներին հակամարտության գոտում տիրող իրավիճակը  և նշելով, որ Հայաստանը միանգամայն անընդունելի է համարում Լեռնային Ղարաբաղի հակամարտության շուրջ լարվածության շիկացումը և տարածաշրջանի ռազմականացումը։

Ղարաբաղյան խնդրի հարցում ՀԱՊԿ երկրների դիրքորոշումն արտացոլվեց գագաթնաժողովի արդյունքում ընդունված հայտարարության մեջ, որտեղ պետությունների ղեկավարներն ընդգծել են ղարաբաղյան հակամարտության բացառապես խաղաղ լուծման անհրաժեշտությունը։ Փաստաթղթում կարևորվում է ղարաբաղյան հակամարտության կարգավորման հիմնական սկզբունքներին  ուղղված իրականացվող աշխատանքի շուտափույթ ավարտը ԵԱՀԿ ՄԽ համանախագահների միջնորդությամբ` միջազգային իրավունքի և սկզբունքների, ՄԱԿ–ի կանոնադրության, Հելսինկյան եզրափակիչ ակտի դրույթների հիման վրա, որոնք, մասնավորապես, վերաբերում են ուժի չկիրառմանը և ուժի կիրառման սպառնալիքին, պետությունների տարածքային ամբողջականությանը, իրավահավասարությանն ու ժողովուրդների ինքնորոշման իրավունքին։

ՀԱՊԿ գագաթնաժողովն անցավ բարդ ժամանակաշրջանում։ Այս մասին հայտարարեց նաև ՌԴ նախագահ Վլադիմիր Պուտինը։ ՌԴ նախագահի խոսքերով` տեղի է ունենում գլոբալ անվտանգության համակարգի դեֆորմացիա, և այս ամենը ՀԱՊԿ անդամ պետություններից պահանջում է համաձայնեցված և հավաքական միջոցառումներ` ուղղված երկրների և տարածաշրջանի անվտանգության ապահովմանը, ահաբեկչության, թմրանյութերի վաճառքի, անդրսահմանային կազմակերպված հանցավորության հակազդմանը, բնական և տեխնածին աղետների կանխմանը։

«ՀԱՊԿ–ն այդ խնդիրների լուծման իրական հնարավորություններ ունի։ Բազմաթիվ տարիների ընթացքում կազմակերպությունն իրեն ներկայացրել է որպես հեղինակավոր և արդյունավետ տարածաշրջանային կառույց։ Աշխատանքի մեծ փորձ է կուտակվել` իրավահավասար գործընկերության, թափանցիկության, փոխադարձ հարգանքի և վստահության սկզբունքների հիման վրա», – ընդգծել է Պուտինը։

Անվտանգությունից դեպի տնտեսություն

ՀԱՊԿ–ի նիստից հետո տեղի ունեցավ Եվրասիական գերագույն տնտեսական խորհրդի նիստը։ Չնայած երկու ինտեգրացիոն նախագծերի գործառույթների տարբերությանը, նրանց փոխադարձ կապն ակնհայտ է։

«ԵՏՄ–ն տնտեսական համագործակցություն է, իսկ ՀԱՊԿ–ն` անվտանգություն։ Կապահովվի տնտեսական միության անդամ երկրների անվտանգությունը, կլինի աճ, կլինի կայունություն։ Այդ պատճառով մենք զուգահեռ կատարում ենք մեր ռազմավարական գործառույթները, որպեսզի ապահովենք Եվրասիական տնտեսական միության արդյունավետ գործունեությունը»,– ասաց Բորդյուժան լրագրողներին։

Այդուհանդերձ, Եվրասիական գերագույն տնտեսական խորհրդի նիստի շրջանակում ընդունվեց երկու կարևորագույն որոշում` վերջնականապես ձևակերպվեց ԵՏՄ–ին Հայաստանի անդամակցությունն ու պայմանագիր ստորագրվեց Միությանը Ղրղըզստանի անդամակցության մասին։ ԵՏՄ–ում առաջինը կնախագահի Բելառուսը։

Նիստից հետո ՀՀ նախագահըւ շնորհակալություն հայտնեց ԵՏՄ պետությունների ղեկավարներին` ԵՏՄ–ին երկրի անդամակցության հարցում աջակցելու համար։

Իսկ ՌԴ նախագահի կարծիքով` Հայաստանի և Ղրղըզստանի անդամակցությունը նոր ինտեգրացիոն նախագծում համապատասխանում է այդ երկրների արմատական ազգային շահերին, լայն հորիզոններ է բացում այդ երկրների սոցիալ–տնտեսական զարգացման համար։

Պուտինը հիշեցրել է, որ 2015 թ.–ի հունվարի 1–ից ԵՏՄ–ի գործունեության սկզբից ստեղծվում է ընդհանուր շուկա, որը գործում է Առևտրի համաշխարհային կազմակերպության ունիվերսալ կանոնների և նորմերի հիման վրա։ Այն կունենա ավելի քան 170 մլն սպառող և 2,4 տրիլիոն դոլարը գերազանցող համախառն ՀՆԱ։

Նրա խոսքերով` ԵՏՄ պայմանագիրը նախատեսում է 2016 թ.–ին ընդհանուր դեղագործական շուկային ստեղծում։ Այսօր մենք հաստատեցինք համաձայնագրերը, որոնք կանոնակարգում են մեր երկրների տարածքում դեղորայքի և բուժտեխնիկայի շրջանառության կանոնները։

Բացի այդ, երկրները մտադիր են շարունակել 2019 թ.–ին էլեկտրաէներգիայի ընդհանուր շուկայի ձևավորման ուղղված աշխատանքները, 2025 թ.–ին` գազի, նավթի և նավթամթերքի շուկան։ Միաժամանակ 2025 թ.–ի Ալմաթիում պետք է իր աշխատանքը սկսի Միության ֆինանսական շուկայի կարգավորման անդրազգային մարմինը։

Ռուսաստանը ողջունում է ԵՏՄ–ին Հայաստանի անդամակցությունը։

ԵՏՄ–ին Հայաստանի անդամակցության նկատմամբ ռուսական քաղաքական վերնախավի վերաբերմունքը միանշանակ դրական է։

Ռուսաստանում բացարձակ համաձայնություն է ձևավորվել Հայաստանի հետ համագործակցության հարցում, «Նովոստի–Արմենիա» գործակալությանն ասաց ՌԴ Պետդումայի նախագահ Սերգեյ Նարիշկինը։

«Բացարձակ համաձայնություն։ Մենք ընկալում ենք Հայաստանը` որպես մեր հուսալի ընկեր», – նշեց Նարիշկինը։ Նրա խոսքերով` ռուսական քաղաքական ուժերը կողմ են Հայաստանի հետ համագործակցությանը` անկախ նրանց հայացքներից։

Իսկ Եվրասիական տնտեսական հանձնաժողովի կոլեգիայի անդամ-նախարար Տատյանա Վալովայան վստահ է, որ Հայաստանի բնակիչները շատ շուտով կզգան ԵՏՄ–ի առավելությունները, որոնք վերաբերում են, մասնավորապես, անտուրք արտահանմանը, ինչպես նաև Ռուսաստանում աշխատանքի տեղավորմանը։

ՌԴ դաշնային խորհրդի անդամ, Հայաստանի Ազգային հերոս Նիկոլայ Ռիժկովը Հայաստանի անդամակցությունը ԵՏՄ–ին համարեց նշանակալից իրադարձություն։ Նրա խոսքերով` այս քայլը ճանապարհ կբացի շահավետ տնտեսական նախագծերի իրականացման համար։

Հայաստանը ԵՏՄ լիիրավ անդամ կդառնա 2015 թ.–ի հունվարի 2–ին` միության աշխատանքից հետո մեկ օր անց։–0–

Loading...
Թեմատիկ նյութեր
Բաժնի այլ նյութեր
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։
20:07
15 Դեկտեմբերի 2016
Օպերացիա «Ձմեռ Պապ». նվերների լավագույն տասնյակը «Նովոստի Արմենիայից»
Նոր Տարին ամենասիրված տոներից մեկն է, և այդպիսին է այն դարձնում հրաշքի հանդեպ հավատը և ցանկացած երազանք կատարելու և հիասքանչ տրամադրություն պարգևելու ուժը:
19:38
14 Դեկտեմբերի 2016
Մի սահմանախախտի պատմություն, կամ Ադրբեջանի տեղեկատվական սուտ քարոզչությունը
Օրերս ադրբեջանական ԶԼՄ-ները հրապարակել էին մեծ աղմուկ առաջացրած նամակ` ուղղված Ադրբեջանի նախագահ Իլհամ Ալիևին:
14:20
14 Դեկտեմբերի 2016
Գիտությունը` քաղաքականությունից դուրս կամ Էրմիտաժը Հայաստանի և Ադրբեջանի միջև
«Նովոստի–Արմենիա» գործակալությունը, օգտվելով հնարավորությունից, կրկին փորձեց լույս սփռել հայկական հասարակությանը հուզող հարցերին։ Մենք ցանկանում էինք պարզել թանգարանի տնօրեն Պիոտրովսկու դիրքորոշումը` միաժամանակ որևէ կերպ չնսեմացնելով գիտնական Պիոտրովսկու վաստակները։