478.55
+0.13
563.73
+1.43
8.1
+0.05
+30
Եղանակը Երևանում
Հայ
Ռուսաստանում առաջարկվում է խոշոր հայկական կրթական կենտրոն ստեղծել
14:51
15 Դեկտեմբերի 2014

«Ռոսիա սեգոդնյա» ՄԼԳ–ում կայացած «Կրթական ոլորտում համագործակցությունը` որպես միջպետական ինտեգրացիոն քաղաքականության մաս» Մոսկվա–Աստանա–Երևան տեսակամրջի ընթացքում փորձագետները քննարկել են կրթության ոլորտում նոր հնարավորությունները ԵՏՄ–ի երկրների մերձեցման համար, ինչպես նաև համաեվրոպական կրթական տարածք ինտեգրման հարցեր։
ԵՏՄ և Բոլոնյան գործընթաց

Մասնակիցները կարևորել են համագործակցությունը կրթության ոլորտում եվրասիական ինտեգրման շրջանակում, մեծ ուշադրություն են դարձրել Բոլոնյան գործընթացին և դրանում ԵՏՄ երկրների մասնակցությանը։ «Կրթությունն այն ոլորտն է, որը, այսպես թե այնպես, վերաբերում է բնակչության բոլոր շերտերին», – ընդգծեց ՀՀ ԿԳ նախարարության արտաքին կապերի և սփյուռքի վարչության պետ Տիգրան Սահակյանը, որը ներկայացնում է հայկական կողմը։

Նա պատմեց Հայաստանում վերջին տասը տարում կրթության ոլորտում իրականացված բարեփոխումների և հաջողությունների մասին, որոնք ձեռք են բերվել համաեվրոպական տարածք ինտեգրվելու գործընթացում։ Նրա խոսքերով` այս գործընթացում հանրապետության հասած հաջողությունների վկայությունն այն է, որ վերջին երեք տարում Բոլոնյան գործընթացի քարտուղարությունը գտնվում է Հայաստանում, իսկ հաջորդ տարի Երևանում կանցկացվի Բոլոնյան գործընթացի նախարարական գագաթնաժողովը` ԵԽ, ԱՊՀ երկրների և աշխարհի մյուս երկրների ավելի քան 500 նախարարների մասնակցությամբ։

«Համոզված ենք, որ ճիշտ ուղի ենք ընտրել, սակայն դա չի նշանակում, որ Հայաստանը չի մասնակցելու այլ ինտեգրացիոն կրթական գործընթացների։ Հակառակը, մենք շահագրգռված ենք ինտենսիվորեն մասնակցելու նաև այլ գործընթացներին, մասնավորապես` եվրասիական», – նշել է Սահակյանը։

Ղազախստանի ներկայացուցիչներն իրենց հերթին նշեցին, որ եվրասիական կրթական տարածքը չպետք է պատճենի եվրոպական կրթական տարածքը, արժի եվրոպական փորձից վերցնել լավագույնը, սակայն հիշել սեփական առանձնահատկության մասին։

Միասին` ուսանողների համար մրցակցային պայքարում

Այս կապակցությամբ հետաքրքիր է ռուսական կողմի դիրքորոշումը. մտադի՞ր է, նա, արդյոք, Արևմուտքի հետ ներկա առճակատման պայմաններում շարունակել համաշխարհային կրթական տարածք ինտեգրվելու գործընթացը, թե՞ ԵՏՄ–ի շրջանակում կստեղծի համակարգ, որը կմրցի եվրոպական կրթական համակարգի հետ։

ՌԴ ԿԳ նախարարի տեղակալ Վենիամին Կագանովը շտապեց ցրել մտավախությունները։ «Մենք կարող ենք առանձին կրթական համակարգ կառուցել, սակայն չենք կարող կառուցել աշխատանքի և կրթական ծառայությունների առանձին շուկա, և, ամեն դեպքում, ստիպված կլինենք մրցել մեր ուսանողների համար արդեն մեր տարածքում, այլ ոչ միայն ուրիշ երկրների տարածքում», – հայտարարել է նա` պատասխանելով «Նովոստի–Արմենիա» գործակալության հարցին։

Կագանովը նաև կարևորել է ԵՏՄ երկրների հետ համատեղ ծրագրերը բարձրագույն կրթության ոլորտում` հաշվի առնելով համաշխարհային բուհերի կողմից ուսանողների համար մղվող կոշտ մրցակցությունը։ «Հենց ինտեգրումը կարող է մրցակցային առավելություններ ապահովել», – ընդգծել է նա։ Նրա խոսքերով` այդ համագործակցությունը պետք է օգնի ԵՏՄ երկրների կրթական համակարգի առաջխաղացմանը համաշխարհային կրթական տարածքում, հատկապես դրա մրցակցային տեսանկյունից։ «Մեզ մոտ կրթությունն ավելի լավ վիճակում է, քան կարող ենք պատկերացնել։ Մեր արևմտյան գործընկերների մոտ հաճախ հակառակն է լինում, սակայն նրանք կարողանում են դա անել (ներկայացնել վարկանիշներ, խմբագրություն)», – այս կապակցությամբ նշել է փոխնախարարը։

Հայոց լեզուն ՌԴ-ում

Տեսակամրջի ընթացքում քննարկվեց նաև ԵՏՄ երկրներում ռուսաց լեզվի և Ռուսաստանում միության մյուս մասնակիցների լեզուների ուսումնասիրման հարցը։ ՀՀ ԿԳՆ ներկայացուցիչը նշեց, որ, օրինակ, հանրապետության դպրոցներում երկրորդ դասարանից պարտադիր կարգով ռուսաց լեզու է դասավանդվում, գործում է Ռուս–հայկական սլավոնական համալսարանը, մի քանի ռուսական բուհերի մասնաճյուղեր, նախատեսվում է բացել ՄՊՀ–ի մասնաճյուղ և ռուսական գիմնազիա։

ՌԴ ԿԳ փոխնախարար Վենիամին Կագանովն իր հերթին հայտարարեց, որ Ռուսաստանը պատրաստ է օգնել ԵՏՄ երկրներին ռուսաց լեզվի մանկավարժների որակավորման բարձրացման հարցում։ «Մենք պատրաստ ենք աջակցել հայկական, բելառուսական և ղազախական կողմերի բոլոր նախաձեռնություններին` ուղղված մեր տարածքում լեզուների առաջխաղացմանը, մեթոդական տեսակետից աջակցել նրանց ջանքերին», – ասաց նա։

Կագանովն ավելացրեց, որ Ռուսաստանի դպրոցներում ուսումնասիրվում են ՌԴ–ի և աշխարհի ժողովուրդների 62 լեզուներ, և այդ տեխնոլոգիան կարգավորված է, երբ հայտնվում են լեզվի ուսումնասիրմամբ հետաքրքրվող մի խումբ անձինք, այդ հարցը լուծվում է ԿԳՆ–ի հնարավորությունների օգնությամբ։

Շարունակելով ՌԴ–ում հայոց լեզվի ուսումնասիրման հարցը` «Ռուս–հայկական միություն» կազմակերպության նախագահ Յուրի Նավոյանը նշեց, որ Ռուսաստանը` որպես բազմազգ պետություն, օրենսդրական մակարդակում ապահովում է տարբեր լեզուների ուսուցում, և հայկական սփյուռքը ՌԴ–ի տարբեր սուբյեկտներում արդեն օգտվել է այդ իրավունքից։ Միաժամանակ Նավոյանը նշեց, որ մասնակցության ակտիվությունը տարբեր է, և հայկական դասարաններ և դպրոցներ բացելու անհրաժեշտություն կա։

Նավոյանի կարծիքով` հիմա հասունացել է Մոսկվայում և ՌԴ-ի Հարավային դաշնային օկրուգում խոշոր հայկական կրթական կենտրոնի ստեղծման հարցը, որտեղ մեծ թվով հայեր են բնակվում։

«Առավել ևս, որ երևանցի գործընկերը նշեց, թե որքան ռուսական կրթական հաստատություններ կան Հայաստանում և որքան է պատրաստվում բացել` ռուսական ճեմարան, ՄՊՀ–ի մասնաճյուղ», – ընդգծել է նա։

Նավոյանն ավելացրեց, որ կենտրոնի բացումը հայ–ռուսական միջպետական հարաբերությունների հարց է, իսկ հայկական սփյուռքն իր հերթին կարող է հանդես գալ որպես լրացուցիչ ռեսուրս` այդ նախագծի արդյունավետ իրականացման համար։

Մնում է հուսալ, որ Հայաստանի իշխանությունները կկարողանան օգտվել Ռուսաստանի հետ կրթության ոլորտում ընթացող համագործակցության հնարավորություններից, մասնավորապես` հայոց լեզվի ուսումնասիրման հարցում ՌԴ–ի հայկական համայնքի օգնությունից։

Մոսկվա, Հայկ Խալաթյան, «Նովոստի–Արմենիա» գործակալության համար

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։