483.58
+0.74
513.85
-7.76
7.67
+0.05
-1
Եղանակը Երևանում
Հայ
ԱԿՆԱՐԿ. Հայաստանի պետական երիտասարդական նվագախումբ. Խաչատրյանի անվան Երաժշտական փառատոնից մինչև «Hollywood Non-Stop»
19:42
17 Ապրիլի 2014

2014 թվականը խոստանում է արգասաբեր լինել Հայաստանի պետական երիտասարդական նվագախմբի համար հետաքրքիր գաղափարների և վառ նախագծերի տեսանկյունից, որոնք նվագախմբի գործունեության նոր էջերի մեկնարկային կետը կդառնան։ Ելնելով դրանից` նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը «Նովոստի–Արմենիա» գործակալությանը պատմել է իր ստեղծագործական ծրագրերի մասին և խոսել իրագործած նախագծերից ստացած տպավորություններից։

Hollywood Non-Stop և շարքի նոր նախագիծը

Հայաստանի պետական երիտասարդական նվագախումբը ծրագրում է շարունակել «Hollywood Non-Stop» հաջողված նախագիծն այլ ձևաչափով` Cartoon Non-Stop համերգաշարով, որի ընթացքում կհնչեն մուլտֆիլմների հայտնի երաժշտություններ։

Cartoon Non-Stop շարքը մեկնարկում է մայիսի 30–ին և կշարունակվի մինչև հունիսի 1–ը։

«Non-Stop»–ը հետաքրքիր և նորարարական նախագիծ է, ինչը կարծում եմ` դեռ երկար ժամանակ սպասված իրադարձություն կլինի երաժշտական աշխարհում։ Non-Stop–ի շրջանակում, բացի Cartoon Non-Stop համերգաշարից, հետագայում կլինեն նաև այլ հետաքրքիր նախագծեր»,– «Նովոստի–Արմենիա» գործակալության հետ զրույցում ասաց նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։

«Hollywood Non-Stop» նախագիծը, որը ոգեշնչել է Պետական երիտասարդական նվագախմբին Non-Stop շարքը շարունակել այլ ձևաչափերով, մեկնարկել է 2012 թվականին և կինոֆիլմերի ճանաչված երաժշտության նկատմամբ հայ երիտասարդությանը հաղորդակից դարձնելու բացառիկ հնարավորություն է դարձել։

Դիրիժորը չբացառեց, որ «Hollywood Non-Stop» նախագիծը կշարունակվի նաև այս տարի։

Ըստ նրա, «Hollywood Non-Stop» համերգներից հետո բազմաթիվ երիտասարդներ հետաքրքրվել են դասական երաժշտությամբ և սկսել են հաճախել նվագախմբի ելույթներին։ Ավելի քան 1500 ուսանողներ և երիտասարդներ բաժանորդագրվել են նվագախմբի մշտական հաղորդագրություններին։

«Նախագծից հետո ես հասկացա, որ մենք ձևաչափի խնդիր ունենք` ինչպես ներկայացնել այն երաժշտությունը, որ բոլորը սիրում են։ Hollywood Non-Stop և Cartoon Non-Stop–ի պես նախագծերը սեփական գործիքավորման, ճանաչված երաժշտության նկատմամբ սեփական մոտեցման հնարավորություն են տալիս»,– ասաց Սմբատյանը։

«Hollywood Non-Stop» համերգաշարում ընդգրկվել են «Գլադիատոր», «Կարիբյան ծովի ծովահենները», «Կնքահայրը», «Նախաճաշ Տիֆանիի մոտ», «Մի անգամ Ամերիկայում», «Ռոմեո և Ջուլիետ», «Աստղային պատերազմներ», «Առաքելություն», «Վեսթսայդյան պատմություն», «Շրեկ», «Շինդլերի ցուցակը», «Առաքելությունն անիրագործելի է» և այլ կինոնկարներում հնչող երաժշտությունները։ Ծրագրում ընդգրկված բոլոր ստեղծագործությունները հատուկ գնել են Հոլիվուդից:

Երաժշտության հեղինակներ են հայտնի կոմպոզիտորներ Լեոնարդ Բերնսթայնը, Ջոն Ուիլյամսը, Էննիո Մորիկոնեն, Նինո Ռոտան, Ջեյմս Հորները, Հանս Ցիմերը, Հովարդ Շորը, Լալո Շիֆրինը, Մոնտի Նորմանը, Գրեգ Քեմփը, Հենրի Մանչինին, Ջորջ Գերշվինը։

Արամ Խաչատրյանի անվան երաժշտական փառատոնը հաջող մեկնարկ ու հեռանկարային ապագա է

Հայ ականավոր կոմպոզիտոր Արամ Խաչատրյանի անվան երաժշտական փառատոնը, որը 2013 թվականի վառ իրադարձություններից մեկն է դարձել, թափ է հավաքել և պատրաստ է ամենամյա իրադարձություն դառնալ։ Փառատոնի նախաձեռնողը Հայաստանի պետական երիտասարդական նվագախումբն է։

Ինչպես նշեց նվագախմբի գլխավոր դիրիժորը, փառատոնն անցել է մեծ ոգեշնչմամբ և շարունակություն կունենա։ «Եթե մարդիկ միանգամից և ոգևորվածությամբ ընդունում են գաղափարը, նշանակում է` նման նախագծի անհրաժեշտություն կար։ Ամենասկզբից փառատոնը Խաչատրյանի երաժշտության քարոզչության հիմք չուներ, թեև դրա կարիքը կա, և ի սկզբանե ուղղված էր նրան, որ երիտասարդ երաժիշտներն ընդգրկեն կոմպոզիտորի ստեղծագործություններն իրենց երկացանկում»,– ասաց Սմբատյանը։ Նա նշեց, որ դա էլ հենց ժամանակակից աշխարհի գլոբալիզացումն է, երբ Խաչատրյանի երաժշտությունը հնչում է, օրինակ, Ճապոնիայում ռուս ջութակահարի կատարմամբ։ «Աշխարհի հայտնի մենակատարները ժամանեցին այստեղ` չնայած խիտ ժամանակացույցին։ Տպավորություն էր ստեղծվել, թե փառատոնն արդեն երկար տարիների պատմություն ունի։ Խաչատրյանը, անխոս, հայկական երաժշտության աշխարհը և, ընդհանուր առմամբ, Հայաստանի մշակույթը ճանաչելու մեր ուղենիշն է»,– կարծում է նվագախմբի գեղարվեստական ղեկավարը։
 
Նա նշեց, որ Հայաստանում մինչ օրս «արտագնա» երաժշտական փառատոն չի եղել, այլ միայն` տեղական։

«Գերբնական ոչինչ չկա, որ մեզ մոտ համերգներ ունենան այլ երաժիշտներ, բայց երբ փառատոնի շրջանակում աշխարհին մեր երաժշտական ներուժը ցույց տալու հնարավորություն տվող հյուրախաղեր են անցնում, դա շատ ավելի արժեքավոր է»,– նկատեց դիրիժորը։
 
Նրա խոսքով` Հայաստանը չի կարելի նույն աստիճանի վրա դնել տարածքով և տնտեսապես ավելի խոշոր պետությունների հետ, սակայն արվեստի, մասնավորապես, երաժշտության հարթակում, մեր երկիրը բավականին մրցունակ է։

Այդ համատեքստում Սմբատյանն ընդգծեց, որ Արամ Խաչատրյանի անվան փառատոնի աճող ճանաչումը, մասնակցած երաժիշտների աշխարհագրական ծավալները և նրանց պրոֆեսիոնալ մակարդակը վստահություն են ներշնչում, որ այն կանցկացվի ամեն տարի։

2014 թվականին փառատոնը մեկնարկում է հոկտեմբերին պահանջված երաժիշտների մասնակցությամբ։ Արամ Խաչատրյանի անվան առաջին երաժշտական փառատոնի շրջանակում նախորդ տարի մեծ հաջողությամբ դասական երաժշտության համերգներ անցան Հայաստանում և արտասահմանում։ Հայ մեծանուն կոմպոզիտորի երաժշտությունը հնչեց հայտնի երաժիշտների կատարմամբ` թավջութակահար Գոթյե Կապյուսոնի, ռուս դաշնակահար Անաստասիա Նեստերովայի, ջութակահար Սերգեյ Խաչատրյանի, հայտնի դաշնակահար Ալեքսանդր Ռոմանովսկու կատարմամբ։ Փառատոնի շրջանակում ելույթ ունեցան հայտնի ռուս վիրտուոզ ջութակահար Անդրեյ Բարանովը, վրացի երգչուհի Մարինա Նակճեբիան (սոպրանո), Գրիգոր Վեգները (բարիտոն, Ռուսաստան)։ Հաջողությամբ անցան Պետական երիտասարդական նվագախմբի համերգներն Իտալիայում և Ռուսաստանում։

Միջազգային փառատոների պաշտոնական նվագախումբ

2014 թվականի մարտին Պետական երիտասարդական նվագախումբը հրավիրվեց Բեյրութ որպես Al Bustan 20–րդ միջազգային փառատոնի պաշտոնական նվագախումբ։ Փառատոնի շրջանակներում Պետական երիտասարդական նվագախումբը տվեց չորս համերգ` կատարելով Շումանի թավջութակի համար կոնցերտը, Պ.Չայկովսկու «Կարապի լիճ» բալետի սյուիտը, լիբանանցի կոմպոզիտոր Խալեդ Մուզանարի` կինոֆիլմերի համար գրված երաժշտական ստեղծագործությունները, Բերլիոզի «Ամառային գիշերներ» վոկալ–սիմֆոնիկ շարքը և այլն։

Պետական երիտասարդական նվագախումբն առաջին հայկական նվագախումբն է, որը նման հրավեր ստացավ Al Bustan փառատոնից։

Բացի այդ, հայկական երաժշտական պատմության մեջ առաջին անգամ Հայաստանի կոլեկտիվը հանդես եկավ իտալական Ռիվա դել Գարդա իտալական քաղաքում անցկացված ու 30–ամյա պատմություն ունեցող Musica Riva միջազգային հեղինակավոր փառատոնի պաշտոնական նվագախմբի դերում։

Հայաստանի Պետական երիտասարդական նվագախմբի ելույթները Musica Riva փառատոնում ընդհանուր առմամբ անցան մեծ հաջողությամբ։

«Նվագախումբն այսօր արտերկրում մեծ ճանաչում է վայելում։ Մեզ շատ են հրավիրում միջազգային փառատոների, և մեր նպատակն է` ինտեգրվել միջազգային փառատոների ցանցում։ Գոյություն ունեն շատ բարձր մակարդակի փառատոներ, ուր մենք ձգտում ենք հասնել և, չնայած դրանց ժամանակացույցն արդեն իսկ գրված է առաջիկա 3-4 տարիների համար, ես ավելի քան համոզված եմ, որ նվագախումբը կհայտնվի այդ փառատոներին որոշ ժամանակ անց։ Մեր նպատակն արտասահմանյան ավելի երկարատև փառատոնային նախագծերում ներգրավված լինելն է»,– նշեց Սմբատյանը։

ՌոմանոսՖեստ

Հայկական կոմպոզիտորական արվեստի հինգերորդ փառատոնն այս տարի նվիրված է Ռոմանոս Մելիքյանի 130–ամյակին և Երևանի Կոմիտասի անվան պետական կոնսերվատորիայի 90–ամյակին ու կրում է «ՌոմանոսՖեստ» անունը։

Փառատոնն անցկացվում է 2010 թվականից Հայաստանի նախագահ Սերժ Սարգսյանի բարձր հովանու ներքո, կազմակերպիչներն են` Հայաստանի մշակույթի նախարարությունը, Հայաստանի պետական երիտասարդական նվագախումբը և Հայաստանի կոմպոզիտորների ու երաժշտագետների միությունը։ Հայկական կոմպոզիտորական արվեստի փառատոնն ամեն տարի նվիրվում է այն գործչին, ում հոբելյանն է նշվում այդ տարի։

Փառատոնի առաքելությունը սերունդների միջև կապի հաստատումն է, հայկական կոմպոզիտորական դպրոցի ժառանգության ներկայացումը և այդ գործընթացի հաջորդականության ապահովումը։ Փառատոնն ուղղված է նաև հայկական կոմպոզիտորական դպրոցի հասարակական ճանաչմանը։

«Ռոմանոս Մելիքյան Ֆեստ» հինգերորդ փառատոնի շրջանակներում երեք համերգ է անցկացվել։ «Հայկական կոմպոզիտորական արվեստի փառատոնը» զուտ մասնագիտական փառատոն է, որը կարելի է հաջողված կոչել, քանի որ դրա անցկացումից անմիջապես հետո 2010 թվականին հայ կոմպոզիտորների երաժշտությունը մեծ ճանաչում գտավ»,– ասաց Սմբատյանը։

Նվագախմբի բրենդը

Հայաստանի պետական երիտասարդական նվագախումբը մեծ ուշադրություն է դարձնում նաև իր նախագծերի ներկայացվածությանը և նվագախմբի բացառիկ կերպարի ձևավորմանը։

«Նվագախմբի հենց բրենդն ասում է, որ դրանում ներգրավված են երիտասարդ հավակնոտ երաժիշտներ, ովքեր երաժշտական կրթություն են ստացել Հայաստանում, մնացել են այստեղ և շարունակում են ստեղծագործել այս երկրում։ Եթե երիտասարդ տաղանդավոր երաժիշտները մնում են երկրում և լեփ–լեցուն դահլիճներ են հավաքում, նշանակում է, որ մեր արած գործն իմաստ ունի»,– նշեց Սմբատյանը։

Հայաստանի պետական երիտասարդական նվագախումբը հիմնվել է 2005 թվականին։ Դրա հիմնադիրը, գեղարվեստական ղեկավարը և գլխավոր դիրիժորը Սերգեյ Սմբատյանն է։ Կոլեկտիվը ելույթ է ունեցել ինչպես Հայաստանի, այնպես էլ արտասահմանյան բազմաթիվ հայտնի բեմերում, այդ թվում` Opera Garnier–ում (Փարիզ), Konzerthaus–ում (Բեռլին), Dr. Anton Philipszaal–ում (Հաագա), Կոնսերվատորիայի մեծ համերգասրահում և Չայկովսկու անվան համերգասրահում (Մոսկվա), Palais des Beaux-Arts–ում (Բրյուսել)։ Նվագախումբը համագործակցում է այնպիսի հայտնի վարպետների հետ, ինչպես Վալերի Գերգիև, Քշիշտոֆ Պենդերեցկի, Վլադիմիր Սպիվակով, Գրիգորի Ժիսլին, Մաքսիմ Վենգերով, Դենիս Մացուև, Վադիմ Ռեպին, Վահագն Պապյան, Բորիս Բերեզովսկի և այլն։

2007 թվականից կոլեկտիվն Արամ Խաչատրյանի անվան միջազգային մրցույթի պաշտոնական նվագախումբն է, 2009 թվականից` Ազգային երիտասարդական նվագախմբերի եվրոպական ֆեդերացիայի (EFNYO) անդամ։ 2013 թվականին դարձել է Արտիստիկ մենեջերների միջազգային ասոցիացիայի (International Artist Managers’ Association - IAMA) անդամ։ -0-

 

 

Loading...
Թեմատիկ նյութեր
Բաժնի այլ նյութեր
21:11
09 Դեկտեմբերի 2016
Հայաստանը չի կենտրոնանում միայն իր սեփական ցավի վրա, այլ ապագայում ցեղասպանությունների կանխման առաջամարտիկ է
Դեկտեմբերի 9-ը «Ցեղասպանության հանցագործության զոհերի հիշատակի և արժանապատվության եւ այդ հանցագործության կանխարգելման միջազգային օրն» է։
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։