480.49
+0.04
540.74
+3.69
8.15
+0.02
+33
Եղանակը Երևանում
Հայ
Տարվա առավել նշանակալի մշակութային իրադարձությունների տասնյակն ըստ «Նովոստի-Արմենիա» գործակալության
12:33
27 Դեկտեմբերի 2011

«Նովոստի-Արմենիա» գործակալությունը ներկայացնում է 2011 թվականի առավել նշանակալի մշակութային իրադարձությունների տասնյակի սեփական տարբերակը

1. 100 համերգ՝  Հայոց ցեղասպանության զոհերի հիշատակի 100-ամյակի նախաշեմին

Նոյեմբերի վերջին Հայաստանում մեկնարկեց իր մշակութային ծավալով և քաղաքական նշանակությամբ դասական երաժշտության 100 համերգների աննախադեպ մի ծրագիր՝ Հայոց ցեղասպանության զոհերի հիշատակի 100-ամյակի նախաշեմին, որը նշվելու է 2015 թվականի ապրիլին: Համերգները կանցկացվեն ողջ աշխարհով Հայոց ցեղասպանության 100-ամյա տարելիցին նվիրված միջոցառումների համակարգման պետական հանձնաժողովի կողմից կազմակերպվող ծրագրերի շրջանակներում, որոնց կմասնակցեն հայ և օտարերկրյա կատարողներ: Համերգային ծրագրերի մեծ մասը պարտադիր կարգով բաղկացած կլինի հայ կոմպոզիտորների ստեղծագործություններից: Արտասահմանյան համերգները ծրագրի շրջանակներում կուղեկցվեն Հայոց ցեղասպանության թանգարան-ինստիտուտի կողմից կազմակերպված շարժական ցուցահանդեսներով, և յուրաքանչյուր ցուցահանդես կկրի Ցեղասպանությունից փրկված հայ փախստականներին աջակցություն ցուցաբերած կոնկրետ մարդասերի անունը:

2. «Մատենադարանի» նոր մասնաշենքը

Ազգային մշակութային արժեքների պահպանման և վերականգնման ուղղությամբ կատարված կարևոր քայլերից է կարելի համարել «Մատենադարանի» նոր մասնաշենքի բացումը, որը կայացավ սեպտեմբերի 20-ին: Մատենադարանի նոր մասնաշենքը զինված է անվտանգության նորագույն համակարգով և ապահովում է գրքերի պահման անհրաժեշտ ջերմաստիճանը: Բացի մեծ գրապահոցից, նոր մասնաշենքում կտեղակայվեն նաև ժամանակակից սարքավորումով զինված ռեստավրացիոն բաժինը: Մասնաշենքի ստեղծումը հնարավոր դարձավ հայ բարերարների օժանդակության շնորհիվ: Այժմ այստեղ պահվում է մոտ 18 հազար հնագույն ձեռագիր մատյան: Ինստիտուտ-պահոցի ֆոնդը մշտապես համալրվում է, և միայն վերջին 3-4 տարիներին այն համալրվել է 1,5 հազար ձեռագրերով:

3. «Հերոսական բալլադ» համերգը Հայաստանի անկախության 20-ամյակի առթիվ

Հայաստանի անկախության 20-ամյակի առթիվ կազմակերպված  «Հերոսական բալլադ» բացառիկ համերգ-ներկայացումը մեկնարկեց սեպտեմբերի 21-ի երեկոյան Հանրապետության Հրապարակում: «Հերոսական բալլադի» կատարման ընթացքում, որը տևեց գրեթե մեկուկես ժամ, հայ հանդիսատեսին ներկայացվեցին հայոց պատմության առավել առանցքային դրվագները հայրենական ականավոր կոմպոզիտորների լավագույն երաժշտական ստեղծագործությունների ուղեկցությամբ, որոնք կատարում էին Հայաստանի պետական ֆիլհարմոնիկ նվագախումբը, Հայաստանի պետական ակադեմիական երգչախումբը, Հայաստանի նախագահի պատվոպահակի փողային նվագախումբը: Կայացան նաև Հայաստանի «Բարեկամություն» պետական համույթի և Հայաստանի Թաթուլ Ալթունյանի անվան երգի և պարի պետական համույթի ելույթները: Տոնական համերգի ընթացքում Հանրապետության Հրապարակի կառավարական շենքերը վերածվեցին հսկայական էկրանների, որոնց վրա դասական երաժշտության ներքո ցուցադրվում էին Հայաստանի պատմության և երկրի անկախության 20-ամյա ժամանակահատվածի դրվագներ:

4. Գառնու՝ 11-րդ դարի միջնադարյան կամրջի վերականգնման և հայկական մշակութային ժառանգության պահպանման միջազգային ծրագրեր

Գառնու՝ 11-րդ դարի միջնադարյան կամրջի վերականգնման հուշագիրը ստորագրվեց Հայաստանի մշակույթի նախարար Հասմիկ Պողոսյանի և ԱՄՆ դեսօան Ջոն Հեֆֆերնի հետ նոյեմբերի 3-ին՝ Երևանում: Գառնիի կարմրջի վերականգնման փաստաթղթի շրջանակներում մշակութային արժեքների պահպանման ԱՄՆ դեսպանի հիմնադրամը 110 հազար դոլարի դրամաշնորհ հատկացրեց: Հայկական մշակութային ժառանգության պահպանման և վերականգնման ծրագրի շրջանակներում նոյեմբերի 8-ին Ճապոնիայի կառավարությունը Հայաստանի ազգային պատկերասրահին որպես նվիրատվություն փոխանցեց գեղանկարչության, գրաֆիկական աշխատանքների և փորագրությունների նմուշների վերականգնման նորագույն տեխնիկական սարքավորումներ:

5. 2012 թվականին Երևանը Գրքի համաշխարհային մայրաքաղաք հռչակելու միջոցառումներ

Այս տարի Երևանում, ինչպես և մեկ տարի առաջ, շարունակվում են ՅՈՒՆԵՍԿՕ-ի կողմից 2012 թվականին քաղաքը որպես Գրքի համաշխարհային մայրաքաղաք հռչակելու միջոցառումները: Այդ միջոցառումների շարքում կարելի է առանձնացնել մայիսի 14-ին «Թանգարանային գիշերվա» շրջանակներում «Տպագիր ժառանգություն» կարգախոսով երկրի 60 թանգարաններում անցկացված հայ գրավոր ժառանգության բազմաթիվ ցուցահանդեսները: Նմանատիպ ցուցահանդեսներ անցկացվեցին նաև Եվրոպայի երկրներում: Միաժամանակ 2012 թվականի դեկտեմբերի 14-ից ապրիլի 10-ը Վենետիկում, որտեղ 1512 թվականի հրատարակվել է «Ուրբաթագիրք» առաջին հայկական տպագիր գիրքը, կգործի ցուցահանդես, որտեղ կներկայացվեն Հայաստանի և Եվրոպայի թանգարանների և գրադարանների ավելի քան 200 բացառիկ ձեռագրեր: Այստեղ կցուցադրվեն նաև անտիկ ժողովածուներ, խճանկարների նմուշներ, կարպետներ, խաչքարեր, հուշարձանների մակետներ, աշխարհագրական քարտեզներ:

6. «Ոսկե ծիրան» կինոփառատոն

«Ոսկե ծիրան» երևանյան ութերորդ միջազգային կինոփառատոնը, որը կայացավ հուլիսի 10-17-ը, զգալիորեն ընդլայնեց իր ծրագիրն այս տարի: Մասնավորապես, այս անգամ հայտնվեց հայ երիտասարդ ռեժիսորների կարճամետրաժ ֆիլմերի «Կորիզ» մրցութային նոր ծրագիրը: Բացի այդ, այս տարի «Ոսկե ծիրանը» հատուկ ծրագիր ունեցավ՝ նվիրված Հայաստանի անկախության 20-ամյակին, անցկացվեց նաև Համագործակցության 20-ամյակին նվիրված «ԱՊՀ երկրների կինո» արտամրցութային ծրագիր: Եվ, իհարկե, «Ոսկե ծիրանը» «ոսկե» չէր լինի առանց առաջին մեծության աստղերի, այդ թվում՝ ֆրանսիացի կինոաստղ Ֆանի Արդանի, հունգարացի ռեժիսոր Բելա Տարրի, իրանական կինեմատոգրաֆի հայր Աբբաս Կիորաստամիի: Հատկանշական է, որ փառատոնի ավարտից հետո երևան եկան նրա երկու «դուստրերը»՝ Gaudeamus, որտեղ ընդգրկվեցին երևանյան բուհերի ասանողների փառատոնի վերջին երկու տարիների ֆիլմերը, և WebԾիրանը՝ webtv.am ինտերնետ-հեռուստատեսության հետ փառատոնի համատեղ նախագիծը, որն անցկացվեց նոյեմբերի 15-ից դեկտեմբերի 25-ը:
7. Երևանի հինգերորդ միջազգային երաժշտական փառատոնը

Հայաստանի մշակութային ոլորտի առավել նշանակալի իրադարձություններից մեկը դարձավ Երևանի միջազգային երաժշտական հինգերորդ փառատոնը, որն անցկացվեց ՀՀ մայրաքաղաքում սեպտեմբերի 9-ից հոկտեմբերի 12-ը: Հայաստանի մշակույթի նախարարության և Հայաստանի պետական ֆիլհարմոնիկ նվագախմբի կողմից կազմակերպած փառատոնի ծրագիրն ընդգրկել էր սիմֆոնիկ և կամերային 10 համերգներ, որոնց շրջանակներում հանդես եկան համաշխարհային մեծության մոտ 15 երաժիշտներ: Նրանց թվում էին, մասնավորապես, Բեռլինի ֆիլհարմոնիկ նվագախմբի կոնցերտմայսթեր, ջութակահար Դայշին Կաշիմոտոն, Լոնդոնի թագավորական երաժշտական դպրոցի պրոֆեսոր, թավջութակահար Ալեքսանդր Չաուշյանը, աշխարհահռչակ դիրիժոր Կլաուդիո Վանդելին և Քրիստոֆեր Ուորեն-Գրինը:

8. «Դալին և սյուրռեալիստներ» ցուցահանդեսը

Սյուրռեալիստ-նկարիչների «Դալին և սյուրռեալիստները» խորագրով բացառիկ ցուցահանդեսն առաջին անգամ բացվեց Հայաստանի ազգային պատկերասրահում: Ցուցահանդեսում ներկայացվեցին Սալվադոր Դալիի ընկեր Պյեր Արժիլեի հավաքածուի մոտ 160 աշխատանքներ: 1934-1973 թվականներին ստեղծված նկարների նկարների մեծ մասն ընդգրկվեցին 20-րդ դարի գրավյուրայի ոսկե ֆոնդում: Դրանց թվում էին սյուրռեալիստ նկարիչներ Սալվադոր Դալիի, Հանս Բելմերի, Լեոնոր Ֆինիի և Ջորջիո դը Կիրիկոյի աշխատանքները: Ցուցահանդեսում ներկայացվեցին նաև աբստրակցիոնիզմի հիմնադիր Վասիլի Կանդինսկու փայտափորագրությունները Արժիլե պատկերասրահի տնօրեն Կրիստին Արժիլեի հավաքածուից:

9. «Երևանյան հեռանկարներ» միջազգային երաժշտական տասներկուերորդ փառատոն

Այս տարի իր հաղթաարշավը շարունակեց «Երևանյան հեռանկարներ» փառատոնը: Այն մեկնարկեց հունիսի 3-ին «The King’s Singers» բրիտանական աշխարհահռչակ խմբի կատարմամբ: Բացի այդ, փառատոնի շրջանակներում ելույթ ունեցան Հաագային հայտնի քառյակը, «Գյուլբենկյան» լեգենդար սիմֆոնիկ նվագախումբը, աշխարհահռչակ դաշնակահար Ելենա Բաշկիրովան և ականավոր ջութակահար Պինկաս Ցուկերմանը, ով հանդես եկավ Հայաստանի պետական ֆիլհարմոնիկ նվագախմբի ուղեկցությամբ:

10. «Կինոաշուն» ազգային կինոյի միամսյակ

Այս տարվա աշնանը Հայաստանի Ազգային կինոկենտրոնի նախաձեռնությամբ անցկացված «Կինոաշուն» ազգային կինոյի միամսյակն աննախադեպ դարձավ իր ծավալներով: Հայաստանի անկախության 20 տարիների ընթացքում նկարահանված հայրենական ֆիլմերը կարողացան դիտել ոչ միայն մայրաքաղաքի, այլ նաև Հայաստանի բոլոր տասը մարզերի բնակիչները: Բացի այդ, մի շարք հայկական մարզերի ղեկավարներ պատրաստակամություն հայտնեցին բացել կինոդահլիճներ, հաշվի առնելով այն փաստը, որ խորհրդային ժամանակներում հանրապետության մարզերում գործող 15 կինոդահլիճներից ոչ մեկն այսօր չի պահպանվել: -0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։