478.76
-0.07
556.89
-1.04
7.99
+0.01
+23
Եղանակը Երևանում
Հայ
Իռլանդիա-Հայաստան. գողացած հաղթանակ
17:16
13 Հոկտեմբերի 2011

Հոկտեմբերի 11-ին Եվրո-2012-ի ընտրական փուլի շրջանակներում Դուբլինում կայացած Հայաստանի հավաքականի վերջին խաղը մռայլ երանգներ ստացավ իսպանացի մրցավար Էդուարդո Իտուրալդո Գոնսալեսի կոպիտ սխալների պատճառով, ով զրկեց հայ ֆուտբոլիստներին Եվրո-2012-ի եզրափակիչ դուրս գալու հնարավորությունից:

Դեռևս խաղից առաջ, որի ժամանակ հայ ֆուտբոլիստները համառ պայքարում զիջեցին 2:1 հաշվով, հայ ֆուտբոլասերները խոսում էին այն մասին, որ ֆուտբոլային Եվրոպան մեղքի զգացում ունի Իռլանդիայի հավաքականի նկատմամբ՝ 2009թ.-ի նոյեմբերի 18-ին կայացած աղմկալի խաղի համար, որի ժամանակ ֆրանսիացի հարձակվող Տյերի Անրին ձեռքով խաղալով՝ որոշիչ գոլ խփեց իռլանդացիների դարպասին՝ փակելով 2010թ.-ի աշխարհի առաջնություն դուրս գալու նրանց ճանապարահը:

Հայ երկրպագուները մտավախություն ունեին, որ այս զգացումը կարող է ազդել մրցավարության վրա, և Գոնսալեսն իր մրցավարությամբ ակամայից խորացրեց այդ մտավախությունները՝ առիթ տալով ամենատարբեր ասեկոսեների համար, որոնք հաճախ վերածվում են մեղադրանքների:

Հայաստանի հավաքականն իռլանդացիների դեմ խաղում հաղթանակի էր տրամադրված, որը նոր էջ կբացեր երկրի ֆուտբոլային պատմության մեջ, և խաղի սկիզբը լավատեսություն էր ներշնչում, չնայած, որ մրցավարը հաճախ ուշադրություն չէր դարձնում իռլանդացիների չափից դուրս կոպիտ խաղի վրա: Սակայն խաղի 26-րդ րոպեին Գոնսալեսը սխալ թույլ տվեց, որը ճակատագրական դարձավ հայկական թիմի համար: Իռլանդացիների հարձակվող Սայմոն Քոքսը, փորձելով հասնել Հայաստանի հավաքականի դարպասապահ Ռոման Բերեզովսկու պաշտպանած դարպասին, գնդակը ձեռքով հրեց առաջ, իսկ տուգանային հրապարակից դուրս եկած Բերեզովսկին կրծքով շեղեց գնդակի ուղղությունը:

Իռլանդացիների թույլ տված կանոնների խախտմանը մրցավարի արձագանքն անսպասելի էր. նա Բերեզովսկուն կարմիր քարտ ցույց տվեց և վտանգավոր տուգանային հարված նշանակեց հայկական թիմի դարպասին:

BBC հեռուստաալիքին տված հարցազրույցում Քոքսը խոստովանեց, որ գնդակը դիպել էր իր ձեռքին, և իքնը Բերեզովսկու կողմից խախտում չի նկատել:

Հայաստանի հավաքականի վիճակը, որին միայն հաղթանակ էր հարկավոր, դարձավ կրիտիկական: Փորձառու Բերեզովսկու փոխարեն հայկական թիմի դարպասի մոտ կանգնեց 20-ամյա Արսեն Պետրոսյանը: Խաղի շրջանակներում Գոնսալեսի կողմից արհեստականորեն ստեղծված լարվածությունը փոխանցվեց ֆուտբոլիստներին: 43-րդ րոպեին Հայաստանի հավաքականի պաշտպան Վալերի Ալեքսանյանն ինքնագոլ գրանցեց, իսկ 59-րդ րոպեին իռլանդացիների պաշտպան Ռիչարդ Դանը կրկնապատկեց խաղի հաշիվը: Դաշտում մնալով ընդամենը տասը հոգով՝ Հայաստանի հավաքականին հաջողվեց 62-րդ րոպեին գոլ գրանցել, որի հեղինակը դարձավ Դոնեցկի «Շախտյոր» ակումբի կիսապաշտպան Հենրիխ Մխիթարյանը: Խաղի 81-րդ րոպեին իռլանդացիների հարձակվող Քևին Դոյլը ստացավ երկրորդ դեղին քարտը և հեռացվեց դաշտից: Սակայն հայ ֆուտբոլիստներին չհաջողվեց փրկել խաղը:

Այլանդակ մրցավարության մասին Հայաստանում խոսում են բոլորը՝ մարզասերները, բլոգերները, ֆուտբոլային մասնագետները: «Ինչ-որ մեկին կանխակալության մեջ մեղադրելու համար հարկավոր է դա ապացուցել: Սակայն մրցավարը վարեց խաղը թույլ, վատ և տգետ ձևով», - կարծում է Երևանի  «Արարատի» կազմում ԽՍՀՄ չեմպիոն և գավաթակիր, Ֆուտբոլի վետերանների միության նախագահ Սերգեյ Պողոսյանը: 

Նրա խոսքերով՝ մրցավարը հաճախ ուշադրություն չէր դարձնում կանոնների լուրջ խախտումների, մասնավորապես՝ հայկական թիմի հարձակվող Մարկոս Պիզելիի և կիսապաշտպան Հենրիխ Մխիթարյանի դեմ կոպիտ խաղի վրա, ինչն ազդում էր Հայաստանի հավաքականի խաղի վրա: Պողոսյանի կարծիքով՝ մրցավարը կարող էր տուգանային  նշանակել տուգանային հրապարակում Մխիթարյանին վայր գցելու համար, իսկ նրա ամենակոպիտ սխալը հայկական հավաքականի դարպասապահի հեռացումն էր:

Սակայն մրցավարի գործողությունների նկատմամբ առավել սուր կերպով արձագանքեց հայկական ինտերնետ-հանրությունը: Մրցավարությունից վրդովված երկրպագուները Facebook-ում էջ են բացել:

«We hate Iturralde Gonzales» էջին միացել է ավելի քան մեկուկես հազար մարդ, ովքեր բուռն կերպով քննարկում են մրցավարի գործողություններն՝ օգտագործելով անպարկեշտ արտահայտություններ: Ցանցը լի է Գոնսալեսի տասնյակ ծաղրանկարներով, «խայթող նկարներով»:

Այնուամենայնիվ, ֆուտբոլային մասնագետները համոզված են, որ հայկական հավաքականը հիանալի ապագա ունի:

«Համոզված եմ, որ Հայաստանի հավաքականի մարզիչ Վարդան Մինասյանն իր սաների առաջ խնդիր կդնի՝ դուրս գալ աշխարհի 2014 թ.-ի առաջնության եզրափակիչ», - հայտարարել է հայտնի հայ մարզական մեկնաբան Կարեն Գիլոյանը:

Սերգեյ Պողոսյանն իր հերթին ընդգծեց, որ կարելի է չանհանգստանալ ազգային հավաքականի առաջիկա խաղերի համար: «Մենք կարող ենք հանգիստ լինել, մեր թիմը շատ լավ մարզավիճակում է: Մարտական թիմ է, որը շատ որակյալ, թիմային ֆուտբոլ է խաղում», - ասել է Պողոսյանն՝ ավելացնելով, որ հայ ֆուտբոլիստները չպետք է ընկճվեն, և հարկավոր է շարունակել ցուցադրել սեփական խաղը:-0-

Գագիկ Բաղդասարյան, «Նովոստի-Արմենիա» գործակալության տեսաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։