478.23
-0.15
574.4
+0.97
8.26
+0.03
+22
Եղանակը Երևանում
Հայ
Բաքվի դիրքորոշումը Ղարաբաղի վերաբերյալ. մտքերի խանգարու՞մ, թե՞ պարզապես խուճապ
15:08
14 Հուլիսի 2011

ԵՐԵՎԱՆ, 14 հուլիսի. /Նովոստի-Արմենիա/. Ղարաբաղյան հակամարտության կարգավորման հեռանկարներին վերաբերող Ադրբեջանի բարձրաստիճան պաշտոնյաների և ղեկավարության վերջին հայտարարությունները վհատեցնում են աչքի ընկնող հակասությամբ և արդարացված կասկածներ են առաջացնում այս հարցի շուրջ Բաքվի մոտ ունեցած միասնական մոտեցումների առկայության առումով:

Մի շարք հայ փորձագետներ կարծում են, որ ադրբեջանական քաղաքական վերնախավի ներկայացուցիչների շուրթերից հնչած փոխբացառող արտահայտությունները վկայում են կամ տիրող խուճապի, կամ էլ մանևրելու փորձերի մասին:

Մասնավորապես, Ադրբեջանի նախագահ Իլհամ Ալիևը երեքշաբթի կառավարության նիստի ժամանակ փորձել է բացել «խաղաքարտերն» ու իրեն հատուկ մեկնաբանությամբ ներկայացրել, այսպես կոչված, թարմացված «մադրիդյան սկզբունքները»՝ դիտմամբ մոռանալով հրապարակել որոշ առանցքային դրույթներ, առանց որոնց կարգավորումը գրեթե անհնար է:

Այնուամենայնիվ, Ալիևը ստիպված էր ընդունել, որ կարգավորման սկզբունքներով նախատեսվում է Ղարաբաղին միջանկյալ կարգավիճակի տրամադրում՝ այդ դրույթը համարելով ընդունելի:

Նախագահի աշխատակազմի հասարակական-քաղաքական հարցերի բաժնի պետ Ալի Հասանովն ավելի հեռու գնաց: Նա հայտարարեց, որ Ադրբեջանը գնում է զիջումների՝ համաձայնելով Ղարաբաղին տրամադրել միջանկյալ կարգավիճակ, նա ավելացրեց, որ խնդրի կարգավորման սկզբունքները, որոնք ներկայացվել են ԵԱՀԿ ՄԽ-ի կողմից, հակամարտության կողմերից որևէ մեկի հաղթանակի երաշխիք կամ երաշխավորում չեն:

Թվում է, թե ձևավորվող «ներդաշնակությունը» հանկարծակի խախտում է Ադրբեջանի ԱԳՆ-ի մամուլի քարտուղար Էլհամ Պոլուխովը, ով միջանկյալ կարգավիճակի մասին պնդումներն, այդ թվում նաև սեփական նախագահի խոսքերն անվանել է «անհեթեթ ու անտրամաբանական»:

Արդեն անզեն աչքով նկատվող խանգարումն ու տատանումը կարող են վկայել ցանկացած բանի մասին, բայց ոչ ինքնավստահության, ադրբեջանական իշխանության վերնախավում Ղարաբաղի շուրջ միասնական դիրքորոշման և հետագա քայլերի ամբողջական գիտակցման մասին:

Հատկանշական են նաև Ադրբեջանի արտգործնախարար Էլմար Մամեդյարովի վերջին հայտարարությունները, որոնք տարբերվում են անսովոր խաղաղասիրությամբ և խաղաղ համաձայնագրի շուրջ ակտիվ աշխատելու պատրաստակամությամբ:

Մամեդյարովը նույնիսկ ճանաչում է ազատ կամարտահայտության միջոցով ինքնորոշման հայերի իրավունքը՝ միաժամանակ հույս ունենալով «համոզել» ղարաբաղցիներին մտնել Ադրբեջանի կազմ՝ խոստանալով նրանց տնտեսական շահեր: Ադրբեջանի արտգործնախարարի խղճի վրա թողնելով տնտեսության հետ որևէ կապ չունեցող խնդրի իրական էությունը գիտակցելու ունակության բացակայությունը՝ չի կարելի չնշել, որ այս հարցում ևս Բաքվից հակասական հայտարարություններ են հնչում:

Եթե Մամեդյարովը կարող է միայն կարծել, թե Ղարաբաղի հայերը կքվեարկան այս կերպ, այլ ոչ թե ուրիշ կերպ և մտորում է, թե ինչ քայլեր է պետք ձեռնարկել դրա համար, ապա Ադրբեջանի նախագահը միանշանակ կերպով պնդում է, որ «Ադրբեջանից Լեռնային Ղարաբաղի բաժանումն ու նրան անկախության տրամադրումը կամ Հայաստանին նրա միացումը երբեք չի եղել և չի լինի բանակցությունների թեմա»:

Ալիևի հայտարարության մեջ թաքնված է որոշակի խորամանկություն, որն, ամենայն հավանականությամբ, ուղղված է ներքին սպառողին, քանի որ կարգավորման սկզբունքների մեջ ներառված Ղարաբաղի ժողովրդի կամարտահայտության իրավունքի մասին դրույթը՝ իրավաբանորեն պարտադրվող արդյունքներով, չի հանգեցնի ոչ այլ ինչին, քան այսօրվա իրողությունների միջազգային ճանաչմանը:

Առանց Լեռնային Ղարաբաղի կարգավիճակի հետ կապված հարցի վերջնական և անդառնալի լուծման որևէ կարգավորում անհնար է: Դա վաղուց հասկացել են միջազգային միջնորդները, և  ամենայն հավանականությամբ կսկսեն գիտակցել նաև Ադրբեջանում: Գոյություն ունեցող իրողությունների անտեսումը միայն ձգձգում է որոշումների ընդունումը:-0- 

Գագիկ Բաղդասարյան, «Նովոստի-Արմենիա» գործակալության տեսաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը: