485.25
-0.08
569.44
-2.72
8.18
-0.02
-2
Եղանակը Երևանում
Հայ
Բոլոր հարցերի հստակեցում ընդդիմության հետ երկխոսությունում և կազանյան հանդիպմանը սպասելիս. անցած շաբաթվա ամփոփումը
14:29
20 Հունիսի 2011

Արմատական ընդդիմության սպասելիքները զուր չէին՝ անցած շաբաթվա վերջին ՀՀ նախագահ Սերժ Սարգսյանն ասաց իշխանության և ընդդիմության միջև երկխոսության վերաբերյալ իր ծանրակշիռ խոսքը։

Դրական գնահատելով Հայ Ազգային Կոնգրեսի հետ վերջին ամիսների աշխատանքը և սկսած գործընթացը համատեղ ջանքերով պահպանելու և առաջ տանելու փոխադարձ ըմբռնման հույս հայտնելով՝ նախագահը երկխոսության շարունակման պատրաստակամություն հայտնեց։

«Քաղաքական կոալիցիան պատրաստ է նմանօրինակ քննարկումների բոլոր քաղաքական ուժերի հետ, որոնք ունեն կոնկրետ առաջարկություններ»,- ասաց նա:

Միաժամանակ նախագահը նշել է, որ եթե ՀԱԿ-ին հայ ժողովրդի հոգսերի և մեր երկրում առկա բազմաթիվ խնդիրների շարքում սոսկ ընտրություններն են հետաքրքրում, ապա ԱԺ նախագահը պատրաստ է անձամբ ընդունել ներկայացուցիչների այդ քաղաքական կառույցի ղեկավար կազմից և լսել նրանց:

Եթե առաջ կքաշվեն առաջարկություններ, որոնք ուղղված կլինեն մեր տնտեսության վերելքին և երկրում առկա սոցիալական խնդիրների լուծմանը, ապա վարչապետն անձամբ է պատրաստ ընդունել և քննարկել դրանք:

«Հանրապետության նախագահի միջամտությունը պահանջող հարցերի առկայության դեպքում նախագահի աշխատակազմի ղեկավարը կարող է ընդունել և քննարկել»- նշել է նախագահը:

Առաջիկա օրերին, ամենայն հավանականությամբ, պետք է սպասել ընդդիմության արձագանքին և գնահատականներին նախագահի հայտարարությանը:

Կազանի հանդիպումը

Ինչպես ցույց տվեց երկրի քաղաքական դաշտի մոնիտորինգը, հայ քաղաքական գործիչները նախորդ շաբաթվա ընթացքում իրենց ուշադրությունը կենտրոնացրել են երկու հիմնական թեմաների վրա՝ հունիսի 25-ին Կազանում կայանալիք ՌԴ-ի, Հայաստանի և Ադրբեջանի նախագահներն հանդիպման և Թուրքիայի ընտրությունների վրա՝ հայ-թուրքական հարաբերությունների պրիզմայի միջով:

Նախագահներ Դմիտրի Մեդվեդևի, Սերժ Սարգսյանի և Իլհամ Ալիևի եռակողմ հանդիպմանը հաշված օրեր են մնացել: Վերջին ժամանակաշրջանում պետության առաջնորդներն ու միջնորդներն այսքան հույս չէին կապում: նմանատիպ հանդիպումներից ոչ մեկի հետ:

Ի տարբերություն նրանց՝ փորձագիտական շրջանակները ոգևորված չեն  և կայանալիք հանդիպումից որևէ արտառոց բան չեն ակնկալում: Բացառված չէ, որ «վերևներում» գիտեն բաներ, որ չգիտեն շարքային քաղաքացիները: Ամեն դեպքում, հուզող հարցերի պատասխանները հայտնի կդառնան արդեն շաբաթ օրը:

ՀՀ ԱԳ նախարար Էդվարդ Նալբանդյանը նախորդ շաբաթ հայտարարեց, որ Դրական միտումների պահպանման դեպքում Հայաստանը հույս ունի, որ ղարաբաղյան հարցում առաջընթաց կլինի Կազանում նախատեսվող հանդիպման ժամանակ:

«Վերջին հանդիպման արդյունքում կողմերին հաջողվեց մոտեցնել դիրքորոշումները: Եվ եթե այդ միտումը պահպանվի, ապա առաջընթաց հնարավոր է Կազանի հանդիպման ժամանակ: Միաժամանակ նա նշեց, որ Ղարաբաղյան հակամարտության կարգավորման մասին համաձայնագիր չի կարող ստորագրվել առանց ԼՂՀ մասնակցության և համաձայնության»:

«Կարգավորման երկրորդ փուլին հնարավոր կլինի անցնել միայն այն դեպքում, եթե Լեռնային Ղարաբաղն իր համաձայնությունը տա համաձայնագրի հիմնարար սկզբունքների վերաբերյալ: ԼՂՀ-ն պետք է մասնակցի կարգավորման համաձայնագրի մշակմանը», - նշեց Նալբանդյանը:

Ինչպես հայտնի է, ԼՂՀ-ն որպես կողմ դեռևս ներգրավված չէ բանակցային գործընթացում, և այս հարցը նույնիսկ չի քննարկվել: Այս դեպքում անհասկանալի է, թե կազանյան հանդիպման ժամանակ ինչպիսի զգալի առաջընթացի մասին է խոսքը: Հայկական կողմի նմանատիպ կոշտ մոտեցման դեպքում շաբաթ օրը կայանալիք հանդիպման ցանկացած արդյունք հազիվ թե հնարավոր լինի բեկումնային համարել:

Բեկում չեն ակնկալում նաև Ստեփանակերտում: Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը կարծում է, որ չարժե որևէ բեկում ակնկալել ղարաբաղյան հակամարտության կարգավորման հարցում՝ հաշվի առնելով Ադրբեջանի վարքագիծը:

«Ադրբեջանը շարունակում է իրականացնել իր ապակառուցողական քաղաքականությունը և մեկ միլիմետր անգամ հեռու չի գնում իր մաքսիմալիստական դիրքորոշումից», - նշել է նա:

Թուրքիայի ընտրությունների արդյունքները՝ հայ-թուրքական հարաբերությունների ապագայի պրիզմայի միջով

Ինչպես և սպասվում էր, թուրք վարչապետ Ռեջեփ Թայիպ Էրդողանի գլխավորած կուսակցությունը համոզիչ հաղթանակ տարավ խորհրդարանական ընտրությունների ժամանակ։ Բոլոր փորձագետները միաձայն հաստատում են՝ իշխանափոխություն տեղի չունեցավ, կուրսի  փոփոխություն նույնպես տեղի չի ունենա։

Թուրքիայի խորհրդարանական ընտրությունների արդյունքները հայ-թուրքական հարաբերությունների արմատական փոփոխություններ չեն բերի, ասաց թուրքագետ Արտակ Շաքարյանը։

Նրա կարծիքով՝ թուրքական իշխանությունները հայ-թուրքական մերձեցման տեսանկյունից կշարունակեն վերջին 2-3 տարիներին տարվող քաղաքականությունը։ Թուրքիան որոշակի քայլեր կձեռնարկի հարաբերությունների բարելավման ուղղությամբ այնքան, մինչև որ դա հակառակ չլինի Ադրբեջանի շահերին։

Փորձագետը նշեց նաև, որ վերջին ժամանակներում հակահայկական տրամադրությունների նկատվող աշխուժացումը Թուրքիայում շուտով կանցնի, քանի որ դա նախընտրական քարոզարշավի մի մասն էր ընդամենը։

Տարածաշրջանային հետազոտությունների կենտրոնի ղեկավար Ռիչարդ Գիրագոսյանը կարծում է, որ Թուրքիայում կայացած խորհրդարանական ընտրությունները նշանավորեցին հայ-թուրքական արձանագրությունների վերջը: «Հայաստանն այժմ ավելի ուժեղ դիրքերում է, քան Թուրքիան: Բոլոր սպասումները (հայ-թուրքական գործընթացնում) այս պահին կապված են հենց Հայաստանի հետ», - երեքշաբթի մամուլի ասուլիսի ընթացքում ասաց Գիրգոսյանը:

Երևանի պետական համալսարանի արևելագիտության ֆակուլտետի փոխդեկան, թուրքագետ Ռուբեն Մելքոնյանի կարծիքով՝ Թուրքիայի խորհրդարանական ընտրություններն ապացուցեցին թուրքական հասարակության իսլամամետ և ազգայնամոլական դիրքորոշումը: Նա անհնարին է անվանել Թուրքիայում անցած խորհրդարանական ընտրություններից հետո  հայ-թուրքական հարաբերությունների փոփոխությունները։

«Թուրքիայում դեռ նախագահական ընտրություններ են լինելու, և սպասվում է, որ այդ պաշտոնին կհավակնի Էրդողանը, ով, հաշվի առնելով օրենսդրական փոփոխությունները, պետության ուժեղ ղեկավար կդառնա և նոր Աթաթուրքի դերին կհավակնի»,- ասաց Մելքոնյանը։ Ըստ նրա, այդ առումով գրեթե անհնար է հայ-թուրքական հարաբերությունների փոփոխություն սպասել։ --0--

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին: