480.44
-0.05
545.78
+5.04
8.07
-0.08
+24
Եղանակը Երևանում
Հայ
Միասնական պետական քննությունները սկսվել են, թեպետ դպրոցներն այս տարի շրջանավարտներ չունեն
16:51
02 Հունիսի 2011

Հայաստանում չորեքշաբթի մեկնարկել են միասնական պետական քննությունները, որոնք այս տարի աննախադեպ են շրջանավարտների բացակայության պատճառով։ Իսկ դա պայմանավորված է երկրում իրականացվող կրթական բարեփոխումներով, հատկապես այն հանգամանքով, որ Հայաստանն անցել է միջնակարգ կրթության 12-ամյա համակարգի։ Դա է պատճառը, որ դիմորդների քանակը, ինչպես և ենթադրվում էր, բավական քիչ է։
 
Ինչպես պարզաբանեց Գնահատման և թեստավորման կենտրոնի մամուլի քարտուղար Գայանե Մանուկյանը, Հայաստանում և Լեռնային Ղարաբաղում ՄՊՔ-ի առաջին փուլին մասնակցելու համար 1209 հայտ է ներկայացվել։ Միաժամանակ բուհերում 20928 տեղ է պահպանվել, որոնցից 2428-ը՝ անվճար են, իսկ 18500-ը՝ վճարովի։ Դա նշանակում է, որ այս տարվա դիմորդները՝ հաղթահարելով 7,5-8 բալանոց շեմը, կկարողանան համալրել ուսանողության շարքերը, ավելին, նրանից ոմանք կկարողանան սովորել անվճար հիմունքով։

ՄՊՔ-ի հանձնման առաջին օրը երկու քննություն է անցկացվել՝ «ռուսաց լեզու» և «քիմիա» առարկաներից։ Քիմիայի քննությանը մասնակցելու համար 102 հայտ է ներկայացվել, իսկ ռուսաց լեզվի քննության համար՝ 81 հայտ, դրանցից Երևանում՝ 29և 15 հայտ, համապատասխանաբար։ Երևանի տվյալների մասին խոսելիս, Մանուկյանն ասաց, որ քիմիայի քննությանը չեն եկել ութ, իսկ ռուսաց լեզվին՝ մեկ դիմորդ։

Այս տարի բուհեր են դիմում կամ բանակից զորացրվածները, կամ անցած տարի բուհեր չընդունված անձինք:

Ըստ Մանուկյանի, հաշվի առնելով դա, Գնահատման և թեստավորման կենտրոնի տնօրենը թեստերի պատրաստման մշակման գծով խմբերին հանձնարարել է դրանք այնպես կազմել, որպեսզի նվազագույն դրական անցողիկ շեմը հեշտ հաղթահարելի լինի, քան նախորդ տարի։ «Խոսքը 35-40 հարցերի մասին է, որոնք  7,5-8 անցողիկ բալ են ապահովում։ Մնացած հարցերը նույն մակարդակում կլինեն, ինչ անցած տարվա թեստերը»,- ասաց նա։
Միաժամանակ անձնական փորձից ելնելով՝ Մանուկյանը պարզաբանեց, որ պատահում են դիմորդներ, ովքեր դժվարանում են անգամ սեփական անունը գրել, այդ պատճառով նրանց՝ գրեթե չպատրաստվածների համար, ՄՊՔ-ին մասնակցելը բավական բարդ կլինի։

Այս տարվա նորամուծություններից մեկն այն է, որ թեստեր կազմող խմբերում ներառված են նաև դպրոցի ներկայացուցիչները, ինչն արվել է՝ հաշվի առնելով անցյալ տարվա քննադատությունը, երբ քննարկվում էր այն հանգամանքը, որ թեստերում ընդգրկվել են չափազանց բարդ հարցեր, որոնց պատասխանները սովորական շրջանավարտը չի կարող տալ։

Այդ պատճառով այս տարի թեստեր կազմող աշխատանքային խմբերում մասնավորապես՝ «մաթեմատիկա», «հայոց լեզու», «անգլերեն» առարկաների մասով, ներառված են մեկական ներկայացուցիչներ հանրակրթական դպրոցներից։

Այլ նորամուծությունների շարքում Մանուկյանը նաև նշեց, որ ՄՊՔ-ի բոլոր թեստերը տպագրվել են Գնահատման և թեստավորման կենտրոնի տպարանում։ Միաժամանակ նա նշեց, որ այս տարի տպագրությունը տեխնիկապես առավել լավ է սարքավորված, տեսախցիկների դիտումն ավելացվել է, ընդ որում արձանագրվել է ոչ միայն թեստերի տպագրության գործընթացը, այլ նաև՝ դրանց տեղադրումը ծրարներում ու ծրարների կնքումը։

Սկզբից մինչև վերջ թեստերի տպագրության ողջ գործընթացն անձամբ հսկել է Գնահատման և թեստավորման կենտրոնի տնօրենը, նաև հրավիրվել է Անվտանգության ազգային ծառայության ներկայացուցիչը,  ներկա է եղել ընդունող հանձնաժողովի անդամների մեկը։ Տպագրության աշխատակիցների քանակը սահմանափակ է եղել, նրանց արգելել են իրենց մոտ բջջային հեռախոսներ պահել։

Այս տարի ՄՊՔ-ի մասնակիցների համար հարմարավետությունների ապահովման պայմաններից ելնելով՝ Հայաստանի տասը մարզերից յուրաքանչյուրում մեկական քննական կենտրոն է ձևավորվել՝ անկախ քննվողների քանակից։ Կենտրոնները զինված են ձայնագրող սարքերով, որոնք արձանագրում են քննությունների հանձնման ողջ գործընթացը, ինչը ոչ միայն թույլ է տալիս ծնողներին դիտել քննության ընթացքը, այլ նաև անհրաժեշտ է հետագա բողոքարկության համար, եթե լինի նման անհրաժեշտություն։ Խոսելով «խլացուցիչների» մասին, Մանուկյանն ասաց, որ դրանք տեղադրվել են ոչ թե քննական սենյակներում, որտեղ գրեթե անհնար է օգտվել բջջային հեռախոսներից, այլ՝ զուգարաններում։


ՄՊՔ-ի հանձնման կանոններին համապատասխան, քննությունների արդյունքները կամփոփվեն հինգերորդ օրը, իսկ բողոքարկության հնարավոր կլինի դիմել արդյունքները հայտարարելու հաջորդ օրը, ժամը 09.00-ից մինչև  18.00-ն այն քննական կենտրոնում, որտեղ հանձնվել է տվյալ քննությունը։ Բողոքարկության արդյունքները հայտնի են դառնում բոլոր քննությունների ավարտից հետո եռօրյա ժամկետում։

Ըստ մամուլի քարտուղարի, այն դիմորդները, ովքեր չեն հասցրել հայտ ներկայացնել Գնահատման և թեստավորման կենտրոն, նրանց համար հունիսի 24-ից մինչև հուլիսի 2-ը հայտերի ներկայացման լրացուցիչ փուլ կկազմակերպվի։ Լրացուցիչ փուլին մասնակցում են ԱՊՀ երկրներում, հիմնականում Վրաստանի տարածքում գտնվող Ջավախքից ժամանող դիմորդները, ովքեր ցանկանում են ուսումը շարունակել Հայաստանում, արտերկրի հայերը, ինչպես նաև բանակից զորացրվածները։

«Այս երեք կատեգորիաների ներկայացուցիչների համար փաստաթղթեր ներկայացնելու հնարավորությունը երկարաձգվել է մինչև հուլիսի 10-ը»,- ասաց Մանուկյանը։
Բարեհաջող քննությունները հանձնած և բուհեր ընդունված դիմորդների ցուցակներն ավանդաբար հայտնում են օգոստոսի սկզբին։ -0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։