480.39
+0.17
536.6
+0.48
8.07
+0.03
+23
Եղանակը Երևանում
Հայ
Չեմպիոնների լիգայի եզրափակիչ. Գավաթը վերադառնում է Կատալոնիա
18:50
30 Մայիսի 2011

Չեմպիոնների լիգայի հերթական փուլը, որը չափազանց կանխատեսելի ստացվեց՝ չհաշված «Շալկե 04»-ի մինչև կիսաեզրափակիչ փուլը կտրած ճանապարհը, մոտեցել է իր տրամաբանական ավարտին։

Չնայած մակդիրը կանխատեսելի է, սակայն այդքան էլ տեղին չէ այս մրցախաղի համար, երբ «կրակել» կարող է յուրաքանչյուր թիմը։ Չեմպիոնների լիգայի տրամադրվածությունը լիովին այլ է, այդ մասին յուրաքանչյուր խաղից հետո միաձայն հաստատում են հենց ֆուտբոլիստները։ Պատմությունը շատ դեպքեր է արձանագրել, երբ բացարձակ ֆավորիտները լիակատար պարտություն են կրել։
Սակայն այնպես է ստացվել, որ այս տարի եզրափակչում են հայտնվել այն թիմերը, որոնց հենց սեզոնի սկզբից վստահաբար կարելի էր  հաղթանակի գլխավոր հավակնորդներ անվանել։

«Բարսելոնան», որն ամեն ինչ ոչնչացնում է իր ճանապարհին (հազվադեպ է պատահում, որ այդպես չի լինում) շատերի կողմից ընդհանրապես լավագույն թիմն է համարվում ոչ միայն Եվրոպայում, այլ նաև աշխարհում։ Եվ խոսքը միայն արդյունքների մեջ չէ, որոնց  փորձում են հասնել Խոսեփ Գվարդիոլայի սաները։ «Կատալոնացիների» խաղը պարզապես չի կարող անտարբեր թողնել նույնիսկ ֆուտբոլից չհասկացող մարդուն։ Ֆիրմային ոճը, որը ստեղծվել է Մեսիի կողմից կամ Մեսիի շուրջ, տաղանդավոր երիտասարդ մարզիչը, ով կարողացել է ընդհանուր լեզու գտնել յուրաքանչյուր խաղացողի հետ, և, իհարկե, հիանալի երկրպագուն. ահա թե որն է Բարսելոնայի հաջողությունների գրավականը։

Ի տարբերություն «Բարսայի» Մանչեսթեր Յունայթեդն այլ փիլիսոփայություն է քարոզում, սակայն Ալեքս Ֆերգյուսոնը նույնպես հարձակողական ֆուտբոլի կողմնակից է։ Մանչեսթերական թիմում շատ վետերաններ կան, որոնց հաջողվում է իրենց հետևից տանել իրենց երիտասարդ գործընկերներին։ Իհարկե, նրանցից գլխավորը Ռայան Գիգզն  է, ով երևում է՝ չի պատրաստվում հեռանալ սպորտից։

Վերջին երեք տարիների ընթացքում սա «Բարսելոնայի» և «Մանչեսթեր Յունայթեդի» երկրորդ պայքարն է մրցախաղի եզրափակիչ փուլում։ 2008/2009 սեզոնին Գավաթը մնաց կատալոնացիներին, այդ պատճառով «Մանչեսթեր» չկարողացավ մտածել ռևանշի մասին։ Միաժամանակ Եվրոպայի գլխավոր ակումբային մրցանակն այդ թիմերը նվաճեցին երեք անգամ, և այդ պատճառով միկրոդիմակայության մեջ առաջ սլանալու ցանկություն ուներ նրանցից յուրաքանչյուրը։ Բայց մի բան է ցանկությունը, բոլորովին այլ բան՝ հնարավորությունը։ Ինչպես ցույց տվեցին «Ուեմբլի» 90 րոպեները, կատալոնական ակումբն այդ հնարավորություններն ավելի շատ ուներ։ Ալիքս Ֆեգյուսոնը չկարողացավ պատվաստանյութ գտնել «Բարսելոնա» անունով վարակի դեմ։ Նման պատվաստանյութ հաջողվում էր գտնել միայն Մոուրինյոյին (մադրիդյան «Ռեալի» ներկա մարզիչը), ընդ որում՝ մի քանի անգամ։

Շաբաթ օրվա խաղում երևում էր, որ Մեսիի և խաղընկերների մոտ ամեն ինչ լավ է դասավորվում, այդ պատճառով առաջին րոպեներից սկսած նկատելի էր «կատալոնացիների» առավելությունը, որն աճում էր յուրաքանչյուր րոպեից։ Գոլը հասունանում էր և իրեն սպասեցնել չտվեց։ Դաշտի կենտրոնում գնդակը ստանալով՝ Խավին առաջ ընթացավ և գնդակը գլորեց դեպի աջ՝ Պեդրոյին։ Վերջինը երկար չմտածելով, գնդակն ուղղեց մոտակա անկյուն։ Էդվին վան  դեր Սարը չկարողացավ իր թիմին օգնության հասնել՝ չնայած  հարվածը ճիշտ էր փոխանցված։ «Մանչեսթերը» կամա, թե ակամա ստիպված էր առավել ակտիվ գործել, և, իհարկե, կենտրոնում պետք է ազատ գոտիներ հայտնվեին։ Այդ ամենը «կարմիր սատանաների» համար լավ բան չէր խոստանում։ «Բարսելոնային» ազատ տարածություն տրամադրելը, նրա հետ բաց ֆուտբոլ խաղալը «հանցագործություն» է, որը ոչ ոք չի ներում։ Սակայն այս անգամ հեշտ անցավ Ուեյն Ռունի շնորհիվ։ Անգլիացի հարձակվողը հերթական անգամ սուր հարձակումների ժամանակ անհաղթելի էր։ Տուգանային հրապարակ դուրս գալով՝ Ռունին կտրուկ հարվածով ֆուտբոլային գնդակն ուղղեց դարպասի հեռավոր անկյուն։

Երկրորդ կեսը զարգանում էր հետևյալ սցենարով՝ «Բարսան» գրոհում էր, «ՄՅ»-ն պաշտպանվում էր ողջ ուժով, իսկ Մեսին իր հնարավորությանն էր սպասում։ Արգենտինացին հայտնի է իր ֆիրմային անցումներից հետո կատարած հարվածով, սակայն նա նաև հայտնի է իր «հեռավոր» հարվածներով։ «Մանչեսթերի» պաշտպանները կամ այդ մասին մոռացել էին, կամ հույսը Վան դեր Սարի վրա էին դրել, սակայն Մեսիին հարվածեց տուգանային հրապարակի դրսից։ «ՄՅ» դարպասապահը, ով չէր տեսնում հարվածի պահը, արձագանքեց, բայց չափազանց ուշ էր։

«Մանչեսթերը» չկարողացավ երկրորդ անգամ հաշիվը հավասարեցնել։ Դրա փոխարեն նրանք բաց թողեցին երրորդ գոլը, որի հեղինակ դարձավ Դավիթ Վիլյան։ Եզրափակիչ սուլոցը գրատախտակին արձանագրեց 3։1 հաշիվը և Չեմպիոնների Գավաթը չորրորդ անգամ հասավ «Բարսելոնային»։
Ոչ ոքի լեզուն չի պտտվի՝ Մանչեսթերին մեղադրի կամազուրկ խաղի մեջ. հակառակորդն էր չափազանց ուժեղ։ Անգլիական թիմը հաջողության  հնարավորություններ ուներ, և Ալեքս Ֆերգյուսոնը մշակվել էր խաղի ծրագիրը, բայց մի բան է թղթի վրա գրված ծրագիրը, այլ է՝ այն վերարտադրելը։

«Մանչեսթերին» որպես մխիթարանք կմնան երկրի առաջնության ոսկե մեդալները, իսկ ահա Կատալոնիան սպասում է իր հերոսներին, որպեսզի հերթական անգամ «շնորհակալություն» ասի։
Արթուր Խաչատրյան. հատուկ «Նովոստի-Արմենիա» գործակալության համար
Հեղինակի կարծիքը կարող է չհամընկնել խմբագրության դիրքորոշման հետ։ -0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։