478.65
-0.08
560.79
-0.28
8.05
-0.01
+38
Եղանակը Երևանում
Հայ
Համաներման ակնկալիքով և տարածաշրջանային համագործակցության շեշտադրմամբ. նախորդ շաբաթը Հայաստանում
12:24
23 Մայիսի 2011

Նախորդ շաբաթ տեղի ունեցավ մի իրադարձություն, որին վերջին մի քանի շաբաթվա ընթացքում շատ էր սպասում հայկական հասարակության ընդդիմադիր հատվածը: ՀՀ նախագահ Սերժ Սարգսյանը դիմեց ՀՀ ԱԺ-ին՝ համաներում հայտարարելու առաջարկով:

Այս իրադարձությունը երկար սպասված է հաճախակի դարձած բանավեճերի համատեքստում այն մասին, որ համաներման շրջանակներում ազատ կարձակվեն նաև այն անձինք, ովքեր անազատության մեջ են 2008 թ.-ի մարտի 1-2-ի իրադարձություններից հետո: Սպասվում է, որ համաներման մասին որոշումը կընդունվի մայիսի 28-ին նշվող Հայաստանի Հանրապետության անկախության օրվա կապկացությամբ:

ՀԱՊԿ-ն՝ որպես գործընկեր և հենասյուն Հայաստանի համար

Հարավային Կովկասի զարգացման հեռանկարներն ու տարածաշրջանային խնդիրները նախորդ շաբաթ ևս քաղաքական գործընթացների և բանավեճերի կիզակետում էին: Բարձրաստիճան պաշտոնյաների և միջազգային մակարդակի փորձագետների գնահատականները հնչեցին միանգամից երկու միջազգային կոնֆերանսներում՝ «ՀԱՊԿ և Հարավային Կովկաս. խաղաղության և անվտանգության հեռանկարները տարածաշրջանում» և «Կովկաս 2010»: Բնականաբար, ուշադրության կենտրոնում էին չկարգավորված հակամարտությունները:

ՀՀ պաշտպանության նախարար Սեյրան Պհանյանը ՀԱՊԿ-ի կոնֆերանսի ընթացքում ոչ երկիմաստորեն հայտարարեց, որ երկիրը կազմակերպության հետ համագործակցության մեծ հույսեր ունի: «Այսօր, հաշվի առնելով ՀԱՊԿ-ում Հայաստանի անդամակցությունը, մենք կարծում ենք, որ իրավունք ունենք Կազմակերպության մեր դաշնակիցների աջակցությունն ու համապատասխան արձագանքն ակնկալել, որոնք, նախևառաջ, որոշակի պարտավորություններ ունեն միմյանց հանդեպ, երկրորդ, հնարավորություններ ունեն հնարավոր ագրեսիային ադեկվատ պատասխանելու համար»,-  ասաց Օհանյանը:

Միաժամանակ պաշտպանական գերատեսչության ղեկավարը ընդգծեց, որ Հայաստանը չի ընկալում ՀԱՊԿ-ին որպես այլ ռազմաքաղաքական դաշինքներին հակազդելու միջոց, քանի որ «սառը պատերազմի դարաշրջանն արդեն վաղուց ավարտվել է»:

Հնարավոր ագրեսիայի թեմային բավականին մեծ ուշադրություն էր հատկացված: ՀԱՊԿ գլխավոր քարտուղար Նիկոլայ Բորդյուժան կոնֆերանսի շրջանակներում հայտարարեց, որ ղարաբաղյան հակամարտության խաղաղ կարգավորումն այլընտրանք չունի: Պատասխանելով բոլորին մտահագող հարցին այն մասին, թե ինչպես կվարվի ՀԱՊԿ-ն ղարաբաղյան հակամարտության հետագա սրման դեպքում, Բորդյուժան ընդգծեց, որ Հայաստանը կազմակերպության ակտիվ անդամ է՝ այստեղից բխող բոլոր հետևանքներով:

«Մենք կողմ ենք հակամարտության խաղաղ լուծմանը, ակնհայտ է մշտական լարվածությունը, երբ կյանքից հեռանում է տարեկան 50 մարդ, երբ հսկայական միջոցներ են ուղղվում ռազմական կարիքներին և ոչ թե երկրի զարգացմանը կամ ազգաբնակչության բարեկեցությանը»,- ասաց Բորդյուժան:

Ղարաբաղյան հակամարտության կարգավորման ռազմական գործողությունները բացառում են նաև հեղինակավոր փորձագետները: Այսպես, ռուս փորձագետ, Մոսկվայի միջազգային հարաբերությունների պետական ինստիտուտի միջազգային ուսումնասիրությունների գիտական-համակարգող խորհրդի տնօրեն Ալեքսանդր Օռլովը կարծում է, որ Ղարաբաղում նոր արյունահեղ հակամարտությունը կործանարար կլինի հայերի և ադրբեջանցիների համար: «Լեռնային Ղարաբաղի խնդրի ուժային լուծում գոյություն չունի», - նշել է Օռլովը:

Ռուսաստանի գիտությունների ակադեմիայի համաշխարհային տնտեսության և միջազգային հարաբերությունների ինստիտուտի գլխավոր գիտաշխատող, տնտեսագիտության դոկտոր Վիկտոր Շեյնիսը ևս ղարաբաղյան հակամարտության կարգավորման գործընթացում առաջնահերթ խնդիր է համարում ռազմական գործողությունների չվերսկսման երաշխիքների ապահովումը:

«Պաշտպանության բանակի կողմից ինքնապաշտպանության նպատակով զբաղեցված շրջանների փոխանցումը չպետք է հանվի համատեքստից: Անվտանգության օղակի ինչ-որ մասից հայերի հեռացումը հեռավոր հեռանկար է: Հիմա կարևոր է պայմանավորվել ռազմական գործողությունների չվերսկսման երաշխիքների շուրջ», - ասաց Շեյնիսը

Ադրբեջանական դիրքորոշումը սեփական փորձագետների մեկնաբանությամբ և հայ-թուրքական գործընթացի ձևափոխումը

Երևանում տեղի ունեցավ Կովկասի ինստիտուտի կողմից կազմակերպված «Կովկաս 2010» միջազգային կոնֆերանսը, որի ընթացքում մասնակիցները մեծ հետաքրքրությամբ քննարկեցին տարածաշրջանային խնդիրներին վերաբերող հարցերի լայն շրջանակ, այդ թվում նաև ղարաբաղյան հակամարտության կարգավորման հարցը:

«Զերկալո» ադրբեջանական թերթի քաղաքական մեկնաբան Ռաուֆ Միրգադիրովի կարծիքով՝ Ադրբեջանի իշխանությունները Ղարաբաղում ռազմական գործողություններ չեն սկսի՝ մտավախություն ունենալով Մոսկվայի հնարավոր արձանագանքի կապակցությամբ: Նրա խոսքերով՝ Ադրբեջանը չի կարող հաշվի չառնել Ռուսաստանի գործոնը ռազմական գործողությունների հնարավոր վերսկսման դեպքում, և կարծում է, որ այս գործոնը զսպող դեր է խաղում և ստիպում է ավելի լուրջ վերաբերվել խաղաղ լուծում որոնելու հարցին:

Միրգադիրովը կարծում է, որ ղարաբաղյան հակամարտության ռազմական գործողությունների վերսկսումը չի ազդի Ղարաբաղի կարգավիճակի փոփոխության վրա և չի հանգեցնի նրա անկախության ճանաչմանը:

«Այսօր գերտերություններին ձեռնտու չէ ճանաչել Ղարաբաղի անկախությունը, միաժամանակ նրանք ճնշում են գործադրում Հայաստանի և Ադրբեջանի վրա՝ կարգավորման փաստաթղթի ստորագրման համար, քանի որ ոչ Մոսկվային, ոչ Վաշինգտոնին ձեռնտու չէ Ղարաբաղի ներկայիս ստատուս-քվոն», - Երևանում կայացած կոնֆերանսի ընթացքում ասաց Միրգադիրովը:

Ինչ վերաբերում է հայ քաղաքագետներին, ապա նրանք կարծում են, որ 2010 թ.-ին տարածաշրջանում լուրջ տեղաշարժեր չեն գրանցվել: Կովկասի ինստիտուտի տնօրեն Ալեքսանդր Իսկանդարյանի գնահատականների համաձայն՝ 2010 թվականն աննախադեպ ձանձրալի և անհետաքրքիր էր քաղաքական տեսանկյունից:

Փորձագետը նշեց, որ արտաքին քաղաքականության մեջ հիմնական իրադարձությունը հայ-թուրքական գործընթացի մահն էր կամ, ամենաքիչը, նրա սառեցումը: «Չգիտեմ, թե ինչ կլինի Թուրքիայում խորհրդարանական ընտրություններից հետո, սակայն, ամեն դեպքում, 2010 թ.-ին հայ-թուրքական գործընթացը հեռացավ հայկական իրական քաղաքականությունից՝ մեծ մասամբ տեղափոխվելով ներքին քաղաքականություն, դառնալով ներքին քննարկումների մի մասը», - ասաց Իսկանդարյանը:

Փորձագետը ղարաբաղյան հակամարտության կարգավորման հարցում ևս ոչ մի փոփոխություն չի տեսնում: Միակ դինամիկան, նրա կարծիքով, այն է, որ ղարաբաղյան հակամարտության կարգավորման քննարկումները Հայաստանի ներսում փոփոխվում են, ինչն ավելի շատ կապված է հայ-թուրքական գործընթացի, քան հակամարտության հետ: Նրա խոսքերով՝ եթե դեռևս մի քանի տարի առաջ արմատական հայտարարություններն այն մասին, թե հայերը մի թիզ հող էլ հետ չեն տա, հնչում էին միայն մարգինալների կողմից, ապա հիմա արդեն նման հայտարարությունները հնչում են լուրջ քաղաքական գործիչների կողմից, ինչը որոշակի դինամիկա է ներկայացնում:

Հայաստանը ԵՄ-ի առանցքային հարևան Հարավային Կովկասում

Նախորդ շաբաթ Հայաստան այցելած Եվրախորհրդարանի նախագահ Եժի Բուզեկը Հայաստանը համարեց Եվրամիության առանցքային հարևանը Հարավային Կովկասում: «Հայաստանի և Եվրամիության քաղաքացիներն ապրում են միևնույն տանը՝ Եվրոպայում: Մենք միմյանց հետ գործընկերություն ենք հաստատում Հայաստանի բաց լինելու շնորհիվ», - ասել է նա:

Բուզեկն անդրադարձավ նաև հարցերի լայն շրջանակի, մասնավորապես՝ ղարաբաղյան հակամարտության կարգավորմանն ու ներքին քաղաքականությանը: Նա նաև նշեց, որ չնայած Եվրամիությունն ու Եվրախորհրդարանը չեն ճանաչում Ղարաբաղը որպես ինքնուրույն միավոր, սակայն պատրաստ են օգնության ձեռք մեկնել ԼՂՀ-ի հասարակ բնակիչներին:

Բուզեկը կարծում է, որ ապագայում ղարաբաղյան խնդրի վերաբերյալ համապարփակ որոշում ընդունելու համար անհրաժեշտ է ժողովրդին  նախապատրաստել դրան, այդ թվում՝ նաև Լեռնային Ղարաբաղում: Նա համոզմունք հայտնեց, որ Մինսկի խմբի առաքելությունը ղարաբաղյան կարգավորման հարցում հաջողությամբ կպսակվի:

Անդրադառնալով Հայաստանի ներքաղաքական խնդիրներին՝ Եվրախորհրդարանի նախագահն ընդգծեց, որ ԵԽ-ն չի ցանկանում Հայաստանի իշխանություններին պարտադրել Երևանում 2008 թ.-ի մարտյան իրադարձությունների բացահայտման վերաբերյալ որոշումը: «Այն, ինչ դուք անում եք, ձեր ընտրությունն է: Մենք չենք ցանկանում ինչ-որ բան պարտադրել, դա պետք է լինի ձեր իշխանությունների, ձեր ժողովրդի որոշումը, իսկ մենք պատրաստ ենք աջակցություն ցուցաբերել, քանի որ մեծ փորձ ունենք», - ասաց նա:-0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։