481.79
+0.02
538.93
-1.33
8.53
+0.03
+16
Եղանակը Երևանում
Հայ
Շաբաթվա մարզական ամփոփումը. Արոնյանի հաջողություններն ու աշխարհի առաջնությանը հայ գեղասահորդի առաջին քայլերը
17:51
03 Մայիսի 2011

ԵՐԵՎԱՆ, 3 մայիսի. /Նովոստի-Արմենիա/. Հայաստանում նախորդ մարզական շաբաթը նշանավորվեց հայկական շախմատի առաջատար Լևոն Արոնյանի հաջողությունների և Մոսկվայում անցկացված գեղասահքի աշխարհի առաջնությունում հայ մենագեղասահորդ Սարգիս Հայրապետյանի առաջին քայլերի մասին տեղեկություններով:

Շախմատի պրոֆեսիոնալների ասոցիացիան Արոնյանին լավագույն շախմատիստ է ճանաչել

Շախմատի պրոֆեսիոնալների ասոցիացիան (ՇՊԱ) ներկայացրել է աշխարհի լավագույն շախմատիստների 2010-2011 թթ.-ի իր տարբերակը: Հրապարակված վարկանիշային աղյուսակի համաձայն՝ առաջին տեղը զբաղեցնում է հայ գրոսմայստեր Լևոն Արոնյանը (2119 միավոր): Վերջին տարիների լավագույն հայ շախմատիստը 108 միավորով առաջ է անցել իրեն հետևող Խիկարու Նակամուրայից (ԱՄՆ): ՇՊԱ-ի վարկանիշի համաձայն՝ նրանց հետևում են ուկրաինացի Վասիլի Իվանչուկը (1894 միավոր), ռուս Սերգեյ Կարյակինը (1805) և աշխարհի գործող չեմպիոն հնդիկ Վիշվանաթան Անանդը (1744): ՇՊԱ-ի վարկանիշային աղյուսակում է հայտնվել ևս մեկ հայ գրոսմայստեր՝ Սերգեյ Մովսիսյանը: 699 միավորով 33-ամյա մարզիկը զբաղեցրել է 26-րդ տեղը:

Լևոն Արոնյանն առաջին անգամը չէ, որ ՇՊԱ-ի կողմից ճանաչվում է լավագույն շախմատիստ: Առաջին անգամ դա տեղի է ունեցել 2005-2006 թթ.-ին, իսկ երկու տարի անց (2008-2009 թթ.) Արոնյանը կրկին լավագույն շախմատիստ է ճանաչվել:

Հայ գեղասահորդն աշխարհի առաջնությանը

Ապրիլի 25-ին Մոսկվայում մեկնարկել է Գեղասահքի աշխարհի առաջնությունը, որին Հայաստանը ներկայացրել է գեղասահորդ Սարգիս Հայրապետյանը, ով հանդես է գալիս մենասահքով: Նա աշխարհի առաջնության ուղեգիր էր նվաճել այս տարվա փետրվարին Սլովակիայի Լյուբլյանա քաղաքում անցկացված ընտրական մրցաշարում:

Սկզբից առաջնության եզրափակիչ դուրս գալու մեր մարզիկի հնարավորությունները մինիմալ էին գնահատվում: Աշխարհի առաջնությանը մասնակցում էին բոլոր ուժեղագույն գեղասահորդները, և պարզապես անիրական էր, որ փոքրիկ Հայաստանը կարող է այս մարզաձևում մրցել այնպիսի գերտերությունների հետ, ինչպիսիք են Ռուսաստանը, Չինաստանը, ԱՄՆ-ն: Այս երկրները տղամարդկանց մենասահքում ունեին մի քանի ներկայացուցիչ, և նրանք էլ անցան եզրափակիչ: Իսկ Հայրապետյանը, ում համար նմանատիպ խոշոր մրցումներում հայտնվելն իսկ արդեն մեծ հաջողություն է, որակավորումից հետո զբաղեցրեց նախավերջին տեղը:

ՃՏՊ-ի հետևանքները Նազիկ Ավդալյանի համար

Ապրիլի 26-ին Ծանրամարտի Եվրոպայի և աշխարհի չեմպիոն Նազիկ Ավդալյանը Սպիտակ-Գյումրի ավտոմայրուղու վրա ՃՏՊ-ի էր ենթարկվել: Գտնվելով սեփական ավտոմեքենայի ղեկին՝ Ավդալյանին չէր հաջողվել կառավարել այն: Ողնաշարի վնասվածքով և տարբեր տեսակի կոտրվածքներով նա Գյումրիից տեղափոխվել էր «Էրեբունի» բժշկական կենտրոն: Երկու օր անց նույն բժշկական կենտրոնում մարզուհուն վիրահատեցին, վիրահատությունը տևեց հինգ ժամ:

Դեռևս հայտնի չէ՝ կկարողանա՞, արդյոք, Ավդալյանը շարունակել իր մարզական կարիերան: Բժիշկների խոսքերով՝ արվում է հնարավոր ամեն ինչ, սակայն իրավիճակը  պարզ կդառնա հետվիրահատական, վերականգնողական շրջանում:

Սա 2011 թ.-ի ընթացքում Ավդալյանի արդեն երկրորդ ավտովթարն է, հունվարի 3-ին Շիրակի մարզիկ Արթիկ քաղաքում մարզուհուն պատկանող Mercedes մակնիշի մեքենան բախվել էր շենքի պատին: Նազիկը չէր տուժել:

Նազիկ Ավդալյանը 2008 թ.-ին դարձել է Ծանրամարտի Եվրոպայի չեմպիոն, 2009 թ.-ին՝ ծանրամարտի աշխարհի չեմպիոն: Հարավային Կորեայի Գոյանգում վառ ելույթից հետո մարզուհին վնասվածքի պատճառով բաց էր թողել մի քանի խոշոր մրցաշար: 2011 թ.-ին նա արդեն վերականգնվել էր, հասցրել էր դառնալ Հայաստանի չեմպիոն և արդեն պատրաստվում էր Փարիզում կայանալիք աշխարհի առաջնության վարկանիշային փուլին:

Ֆուտբոլի պատանեկան հավաքականը Ղազախստանի նախագահի գավաթի հանդիպումներում

Հայաստանի պատանեկան հավաքականն անհաջող ելույթ ունեցավ Ղազախստանի նախագահի գավաթի ֆուտբոլի միջազգային մրցաշարում: Անցկացված չորս խաղերից հետո հայ ֆուտբոլիստներին հաջողվեց հաղթել միայն երկուսում, իսկ մնացած երկուսում հայ ֆուտբոլիստները պարտություն կրեցին: Երկու հաղթանակը բավականացրեց միայն յոթերորդ տեղի համար: Հաշվի առնելով այն, որ մրցաշարին մասնակցում էր ութ հավաքական, արդյունքն այնքան էլ ոգևորիչ չէ:

Հայաստանի հավաքականը խմբային փուլում հանդիպել է Վրաստանի, Ուկրաինայի և Թուրքիայի հավաքականների հետ: Մեկնարկն անհաջող էր, վրացիների հետ մրցապայքարում մեր հավաքականի դարպասապահը բաց թողեց հինգ գնդակ, իսկ մերոնք դարձան երեք գոլի հեղինակ: Սակայն արդեն երկրորդ փուլում իրավիճակն արմատականորեն փոխվեց, հայկական հավաքականը 2:0 հաշվով պարտության մատնեց Ուկրաինայի հավաքականին, իսկ վրացիները պարտվեցին թուրքերին: Այսպիսով, խմբային փուլի ավարտից մեկ խաղ առաջ բոլոր հավաքականները վաստակել էին 3-ական միավոր, և ամեն ինչ որոշվեց երրորդ՝ եզրափակիչ փուլում:

Սակայն Սուրեն Չախալյանի սաները չկարողացան անել վերջին, վճռորոշ քայլը՝ թուրքերի հետ խաղում բաց թողնելով երկու գնդակ: Այսպիսով, Հայաստանը խմբում զբաղեցրեց վերջին տեղը և ստիպված եղավ Ուզբեկստանի հավաքականի հետ պայքարել 7-8 տեղերի համար: Մեր պատանիներն իրենց եզրափակիչ խաղում հաղթանակ տարան՝ խփելով երկու գնդակ:

Մրցաշարի հաղթող դարձավ Ադրբեջանի հավաքականը, որը տուգանայինների խաղարկությամբ պարտության մատնեց Ուկրաինայի հավաքականին:

Մխիթարյանը մասնակցեց ուկրաինական «Էլ կլասիկոյին»

Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանը Կիևի «Դինամոյի» հետ արտագնա խաղի ողջ ընթացքում դաշտում էր: Նա շատ ակտիվ էր, սակայն դա չօգնեց նրա թիմին խուսափել պարտությունից: Կիևի «Դինամոյին» հաղթանակ բերեցին Օլեգ Գուսևի կրկնակի գոլը և Անդրեյ Շևչենկոյի դիպուկ հարվածը, իսկ «Շախտյորը» չկարողացավ գոլի հեղինակ դառնալ:

Այս մրցակիցների հանդիպումները միշտ անցնում են համառ պայքարում՝ չնայած մրցաշարային խնդիրներին: Սակայն այս անգամ, որքան էլ տարօրինակ է, հենց մրցաշարային աղյուսակում զբաղեցրած դիրքն ազդեց հանդիպման ընթացքի վրա: Դոնեցկի թիմն առաջնությունում ակնհայտ առավելությամբ առաջատարի դիրքում է, և նույնիսկ այսօրվա պարտությունը չի կարող խանգարել Միրչի Լուչեսկոյի սաներին հերթական անգամ դառնալ երկրի չեմպիոն: Այս չեմպիոնությունը Հենրիխ Մխիթարյանի համար կդառնա առաջինը Ուկրաինայի բարձրագույն լիգայում հանդես գալու ժամանակաշրջանում:-0-

Արթուր Խաչատրյան, հատուկ «Նովոստի-Արմենիա» գործակալության համար

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։