484.04
+0.53
523.1
+1.64
8.44
+0.03
+2
Եղանակը Երևանում
Հայ
Սերժ Սարգսյան. նախագահության երեք տարի
14:37
08 Ապրիլի 2011

ՀՀ նախագահ Սերժ Սարգսյանն ուղիղ երեք տարի առաջ՝ 2008թ.-ի ապրիլի 9-ին, ստանձնելով ՀՀ նախագահի պաշտոնը, սահմանեց ամենագլխավոր նպատակը՝ ուժեղ, հպարտ և ժողովրդավարական պետության կառուցում, որտեղ բոլորը հավասար կլինեն օրենքի առաջ:

Այս նպատակների իրականացման համար օգտագործվում են հայկական իրողությունների համար բացարձակապես նոր մոտեցումներ, որոնք հիմնված են լայն քաղաքական համագործակցության, ընդդիմախոսների կարծիքները հաշվի առնելու և երկրի գրեթե բոլոր հասարակական-քաղաքական շերտերի շահերը ներկայացնող ուժերի ներկայացուցիչների հետ շահագրգիռ քննարկումների սկզբունքների հիման վրա: Համագործակցության և երկրի քաղաքական ներուժի օգտագործման պատրաստակամությունը դրսևորվեց նաև առանցքային պաշտոններին կոալիցիոն կուսակցությունների ցանկերում չներառված մասնագետների նշանակում նախատեսող՝ Հայաստանի համար համեմատաբար նոր մոտեցմամբ: Նախագահը համոզված է, որ միայն ուժեղ քաղաքական կուսակցությունը կարող է գնալ նման քայլի:

Սոցիալական խնդիրների լուծում. նախագահն ակտիվ գործողությունների է սպասում

Սարգսյանի նախագահության առաջին տարիները համընկան վերջին տասնամյակների ընթացքում ամենածանր համաշխարհային ֆինանսատնտեսական ճգնաժամի հետ, որի հետևանքները չէին կարող չանդրադառնալ Հայաստանում նախատեսված ծրագրերի իրագործման վրա: Այնուամենայնիվ, երկիրը դուրս եկավ ճգնաժամից առանց ողբերգական կորուստների և լուրջ ցնցումների:

Այսօր, ՀՀ նախագահի կարծիքով, եկել է ակտիվ գործողությունների ժամանակը սոցիալական խնդիրների լուծման հարցում: Ինչպես հայտարարում է Սարգսյանը, ժողովուրդը պետք է զգա դրական փոփոխություններն արդեն 2011թ.-ի մայիս-հունիսին: Խոսքն, առաջին հերթին, գնաճի հետ կապված խնդիրների լուծման մասին է` գյուղատնտեսության ոլորտում իրավիճակի բարելավման համատեքստում:

Գյուղը, գյուղացին և գյուղատնտեսությունն առաջնահերթ կլինեն 2011թ.-ին: Գյուղացուն կօգնեն իրացնել արտադրանքը, գյուղ կուղղեն էժան վարկային միջոցներ, կիրականացվեն խոշոր նախագծեր: «Հողի հետ աշխատող մարդը պետք է արժանավայել ապրի», - համոզված է ՀՀ նախագահը:

Աշխատավարձերի, կենսաթոշակների և նպաստների սահուն բարձրացումից բացի, սոցիալական խնդիրների լուծմանն ուղղված մեկ այլ կարևորագույն գործիք դարձավ գազի գների զսպումը: Թերևս Հայաստանում առաջին անգամ սոցիալապես խոցելի շերտերի համար բնական վառելիքի գինը նվազեց 30 տոկոսով:

Վերջին տարիներին հատուկ ուշադրության է արժանանում մարզերի զարգացումը, ինչն արտահայտվում է ինչպես մարզային ծրագրերի պետական ֆինանսավորման կտրուկ աճով, այնպես էլ փոքր և միջին ձեռներեցության խթանմամբ ու նոր աշխատատեղերի ստեղծմամբ:

Առողջ քննադատությունը պետք է ի գիտություն ընդունել

Սերժ Սարգսյանը նոր ավանդույթ ներդրեց Հայաստանի քաղաքական կյանքում՝ ազգային հրատապ հարցերի շուրջ բոլոր քաղաքական ուժերի հետ խորհրդակցությունների անցկացում: Կառուցողական համագործակցության պատրաստակամությունը, այդ թվում նաև` իշխանության ընդդիմախոսների հետ, ՀՀ նախագահի սկզբունքային դիրքորոշումն է:

Նախագահը կարծում է, որ հաճախ քննադատությունը լուրջ նկատողություններ և առաջարկներ է պարունակում, որոնք հարկավոր է օգտագործել «Մենք պատրաստ ենք ընդունել ցանկացած բարի և օգտակար խորհուրդ: Մենք պարտավոր ենք մեր աշխատանքների մեջ ներգրավել այն մարդկանց, ովքեր ճիշտ և օգտակար խորհուրդներ են տալիս», - հայտարարում է ՀՀ նախագահը:

Արմատական ընդդիմության բոլոր պնդումներին և Հայաստանի ժողովրդավարությունը նկարագրելիս գույների խտացմանը հակառակ՝ իշխանություններն իսկապես ժողովրդավարական գործընթացների զարգացման ուղղվածություն են ընտրել: Այս ամենը կարելի է հաստատել գոնե նրանով, որ ընդդիմությունն անցկացնում է իր ակցիաներ այնտեղ, որտեղ ցանկանում է և այն ժամանակ, երբ ցանկանում է, իսկ ընդդիմադիր մամուլը երբեմն այնպիսի գործողություններ է թույլ տալիս, որոնք ամեն զարգացած երկրում չէ, որ հանդուրժելի կլինեին:

Իշխանությունները ընդդիմադիրների քայլերին հանգիստ են վերաբերվում, հանրահավաքների ժամանակ ոչ մի արտառոց միջադեպ, որպես կանոն, տեղի չի ունենում բացառությամբ այն դեպքերի, երբ բողոքի ակցիայի որոշ մասնակիցներ դուրս են գալիս օրենքի սահմաններից:

Օրենքը մեկն է բոլոր համար

ՀՀ նախագահը միշտ հայտնի է եղել իր կայուն անբարյացակամ վերաբերմունքով ամենաթողության, էթիկայի նորմերը, իսկ երբեմն նաև Քրեական օրենսգրքի հոդվածներն անտեսելու միջոցով ինքնահաստատման ձգտման նկատմամբ: ՀՀ նախագահը բազմաթիվ անգամ զգուշացրել է, որ այս ուղին բռնած մարդիկ չպետք է որևէ լավ բան ակնկալեն: Այս զգուշացումները հաստատող քայլերն երկար սպասել չտվեցին:

Այս համատեքստում ամենաաղմկահարույց պատմությունը դարձավ Երևանի քաղաքապետ Գագիկ Բեգլարյանի հրաժարականը: Սակայն, այնուամենայնիվ, մեծ արձագանք ստացավ ոստիկանության՝ անձեռնմխելի գեներալ-քրեական հետախուզության գլխավոր վարչության պետ Հովհաննես Թամամյանի պաշտոնազրկումը, իսկ հետո նաև ձերբակալությունը:

Նախագահը համառորեն խորհուրդ է տալիս հրաժարվել հին սովորություններից, որոնք անհամատեղելի են համընդհանուր կանոնների հետ՝ հակառակ դեպքում խոստանալով բավականին տխուր հետևանքներ:

Արտաքին քաղաքականություն

ՀՀ նախագահի արտաքին-քաղաքական ուղղվածությունը նշանավորվեց նոր նախաձեռնություններով, որոնք, մասնավորապես, կապված են հայ-թուրքական հարաբերությունների կարգավորման, ղարաբաղյան հակամարտության կարգավորման գործընթացում հայկական շահերի հստակ և կոշտ պաշտպանության հետ: Երևանը հայտարարել է, որ Հայաստանի և Թուրքիայի միջև հարաբերությունները պետք է կարգավորվեն առանց որևէ նախապայմանի: Հայկական կողմն այս դիրքորոշումից ոչ մի քայլ հեռու չգնաց:

Ամբողջովին ցրվեցին մտավախությունները, իսկ հաճախ նաև շահարկումներն այն հարցի շուրջ, թե հայ-թուրքական հարաբերությունների կարգավորման գործընթացը կարող է խանգարել Հայոց ցեղասպանության միջազգային ճանաչմանը, մասնավորապես՝ ԱՄՆ-ում այս հարցի շուրջ կոնկրետ դիրքորոշման ձևավորմանը:

Այս բանավեճերում վերջակետ դրեց Սերժ Սարգսյանը՝ հայտարարելով, որ Երևանը ԱՄՆ նախագահ Բարաք Օբամայից 1915թ.-ի Հայոց ցեղասպանության խնդրի վերաբերյալ հստակ գնահատական է ակնկալում:

«Մեր ցանկությունը միշտ եղել և մնում է այն, որ ԱՄՆ նախագահն իր ամենամյա ելույթում (ապրիլի 24-ին նշվող Հայոց ցեղասպանության հերթական տարելիցի կապակցությամբ հայ ժողովրդին ուղղված ուղերձում) շատ հստակ գնահատականներ տա և, բնականաբար, հնչեցնի «ցեղասպանություն» բառը», - օրերս հայտարարեց Սարգսյանը: Նա տեղեկացրեց, որ ժամանակին նա այդ մասին խնդրել է ԱՄՆ նախագահին:

Պաշտոնական Երևանը միանշանակ դիրքորոշում է զբաղեցնում նաև ղարաբաղյան հակամարտության հարցում: Այն է` հակամարտության կարգավորման գործընթացում փոխզիջումները պետք է փոխադարձ լինեն, և անհնար է ստիպել Ղարաբաղին հրաժարվել անկախությունից:

Նախագահ Սարգսյանի արտաքին-քաղաքական ուղղվածությունն, ընդհանուր առմամբ, անփոփոխ է մնում՝ Ռուսաստանի հետ ռազմավարական դաշնակցություն, ինչպես նաև գործընկերություն և համագործակցություն ազդեցիկ այլ կենտրոնների, մասնավորապես՝ Եվրոպայի և ԱՄՆ-ի հետ:-0-

Loading...
Թեմատիկ նյութեր

Բաժնի այլ նյութեր
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը: