482.26
+0.64
516.89
-1.62
7.57
+0.02
0
Եղանակը Երևանում
Հայ
«Ժառանգության» առաջնորդի հացադուլի դադարեցումն ու Շվեյցարիայի դեսպանատան բացումը Հայաստանում. շաբաթվա ամփոփում
16:05
04 Ապրիլի 2011

«Ժառանգություն» ընդդիմադիր կուսակցության առաջնորդ, պատգամավոր և Հայաստանի ԱԳՆ առաջին ղեկավար Րաֆֆի Հովհաննիսյանի «Ծոմ` հանուն ազատության» անժամկետ ակցիայի դադարեցման լուրը գլխավոր, բայց միակ իրադարձությունը չէր, որին հուզմունքով հետևում էր հայ հասարակությունն ավելի քան երկու շաբաթ շարունակ։ Նշանակալի էր նաև Հայաստանի նախագահի այցն Իրան, ինչպես նաև Շվեյցարիայի նախագահի առաջին այցը Հայաստան՝ Երևանում այդ երկրի դեսպանատան բացման առիթով։

Վերջ հացադուլին

«Ծոմ` հանուն ազատության» անժամկետ ակցիայի տասնվեցերորդ օրը «Ժառանգություն» ընդդիմադիր կուսակցության առաջնորդ, պատգամավոր և Հայաստանի ԱԳՆ առաջին ղեկավար Րաֆֆի Հովհաննիսյանը հայտարարեց, որ դադարեցնում է հացադուլը։ Հովհաննիսյանը նշեց, որ լքում է հրապարակը, որտեղ նա անցկացրել էր 360 ժամ, բավարարվածության և բարոյական հաղթանակի զգացումով, քանի որ զգացել է, որ իր ակցիայով թեկուզ մեկ քայլով, բայց առաջ մղել է մարդկանց հանրային գիտակցությունը։

Հովհաննիսյանն առաջ էր քաշել 15 կետից բաղկացած «սպասումների ցուցակ»։ Այդ կետերի թվում էին, մասնավորապես, հետևյալ պահանջները՝ իշխանությունը ժողովրդին, ոչ կուսակցական իշխանությանը, ժողովուրդն է երկրի տերը, ազատ քաղաքացի, անվտանգ պետություն, արժանի ապագա հայ երիտասարդությանը, աշխատանքը` ժողովրդին, «ոչ» անարդարությանը, աղքատությանը և միգրացիային, վերջ իշխող կոռուպցիային։
«Ժառանգություն» կուսակցության առաջնորդի հացադուլը վերջին երկու շաբաթների ամենաքննարкվող թեման էր։ Նրա արարքը տարբեր կերպ էին մեկնաբանում իշխանամետ և ընդդիմադիր շրջանակներում, որոշ քաղաքական գործիչներ կարծում էին, որ դա ընդդիմադիր ընտրազանգվածի ներգրավման ձև է, ոմանք էլ դա կամքի դրսևորում էին համարում։

Հացադուլը դադարեցնելու և խորհրդարանի աշխատանքին վերադառնալու հորդորով Հովհաննիսյանին են դիմել բազմաթիվ քաղաքական և հասարակական գործիչներ, այդ թվում՝ Հայաստանի Ազգային Ժողովի նախագահ Հովիկ Աբրահամյանը, ինչպես նաև դպրոցականներ և մտավորականության ներկայացուցիչներ։ Բոլորը սպասում էին Ամենայն Հայոց Կաթողիկոսի միջամտությանը, քանի որ նույնիսկ Հովհաննիսյանի կուսակիցները գտնում էին, որ նրա խոսքը կարող է շատ ծանրակշիռ լինել։ Սակայն Կաթողիկոսը չարտահայտեց իր վերաբերմունքը դեպքի վերաբերյալ։

Հովհաննիսյանը դադարեցրեց իր ակցիան` նշելով, որ այն «երկար շղթայի միայն մի փոքր օղակն է»։ «Ավարտվեց հանուն ազատության հացադուլի առաջին ակտը, բայց պայքարը կշարունակվի»,- ասաց Հովհաննիսյանը։
Ինչպես նշեց Հայաստանի Հանրապետական Կուսակցության ԱԺ պատգամավոր Լեռնիկ Ալեքսանյանը, «Ժառանգություն» կուսակցության առաջնորդը դարձրեց հասարակության ուշադրությունն առկա խնդիրներին։ «Ժառանգություն» խմբակցության ղեկավար Ստեփան Սաֆարյանը կարծում է, որ հացադուլը Հայաստանի ներքաղաքական կյանքի լակմուսային թուղթը դարձավ և ցույց տվեց, թե «ով ով է» քաղաքականությունում։
 
Հանդիպումներ Իրանի և Շվեյցարիայի նախագահների հետ

Հայաստանի նախագահ Սերժ Սարգսյանը մարտի 27-ին (Նովրուզ տոնին) աշխատանքային այցով Իրան մեկնեց իր իրանցի գործընկերոջ հրավերով։ Այցի շրջանակներում քննարկվեցին երկկողմ հարաբերությունների ամրապնդման հարցեր, և հատուկ շեշտադրում ստացան էներգետիկայի, տրանսպորտի, մշակույթի ոլորտներում գործակցության հարցերը, ինչպես նաև Իրան-Հայաստան երկաթուղու կառուցման հարցը։

Շվեյցարիայի նախագահ Միշելին Կալմի Ռեյի այցը Հայաստան ուղղված էր մի շարք երկկողմ հարցերի քննարկմանը, քաղաքական, տնտեսական, սոցիալական և մշակութային կապերի զարգացման հնարավորություններին, ինչպես նաև նախատեսվում էր Երևանում Շվեյցարիայի դեսպանության բացումը։ Համատեղ մամուլի ասուլիսում, որի ընթացքում անդրադարձ կատարվեց նաև հայ-թուրքական երկխոսության հաստատման և ղարաբաղյան կարգավորման խնդիրներին, Հայաստանի նախագահը խոստացավ դառնալ Ստեփանակերտի օդանավակայանի չվերթի առաջին ուղևորը։

Ադրբեջանական ԶԼՄ-ներին արդեն հաղորդել էին, որ Ադրբեջանի պետական քաղաքացիական ավիացիայի վարչության տնօրեն Արիֆ Մահմեդովը հայտարարել էր, թե Ադրբեջանը կարող է տապալել այն ինքնաթիռները, որոնք պատրաստվում են վայրէջք կատարել Ստեփանակերտում կառուցվող օդանավակայանում:
«Ադրբեջանական կողմի հայտարարությունը մեկնաբանության կարիք չունի, բայց իմ կողմից ասեմ, որ ես ինքս այդ չվերթի առաջին ուղևորն եմ լինելու»,- Շվեյցարիայի նախագահ Միշելին Կալմի-Ռեյի հետ համատեղ մամուլի ասուլիսի ժամանակ հայտարարեց Սարգսյանը։

Նախագահը մատնանշեց նաև օդային տարածքից օգտվելու՝ Լեռնային Ղարաբաղի բնակչության իրավունքը և համապատասխան մարմինների հետ այդ հարցը համաձայնեցնելու համար ջանքեր գործադրելու պատրաստակամությունը։

Խոսելով ղարաբաղյան կարգավորման մասին՝ նախագահը կրկին հաստատեց խաղաղ լուծման հակվածությունը` նշելով, որ Ղարաբաղի ժողովրդի ինքնորոշման ՝ միջազգայնորեն ճանաչված իրավունքի խաղաղ իրագործման հնարավորությունը հակամարտության միակ լուծումն է։ Միշելին Կալմի Ռեյն իր հերթին նշեց, որ Շվեյցարիան ուշադիր հետևում է Լեռնային Ղարաբաղի շուրջ ընթացող իրադարձություններին և սատարում է ԵԱՀԿ Մինսկի խմբի ջանքերին հակամարտության կարգավորման գործում։

Հայաստանի նախագահն անդրադարձավ նաև 1915 թվականի Հայոց ցեղասպանության թեմային և նշեց, որ Հայաստանն ԱՄՆ նախագահ Բարաք Օբամայից 1915թ.-ի Հայոց ցեղասպանության հստակ գնահատականներ և «Ցեղասպանություն» բառի հիշատակում է ակնկալում:

Կալմի Ռեյի խոսքով` Շվեյցարիան պատրաստ է աջակցել Հայաստանին և Թուրքիային երկխոսության հաստատման գործընթացի վերականգնման հարցում և ընդգծեց, որ հայ-թուրքական արձանագրությունների վավերացման գործընթացի վերսկսում է ակնկալում։


Նշվեց նաև, որ նախագահ Սերժ Սարգսյանը մայիսին կայցելի Շվեյցարիա։ Երկրի ղեկավարը միաժամանակ հրավիրեց Միշելին Կալմի Ռեյին հաջորդ տարի այցելել Հայաստան 2012 թվականին Երևանի՝ Գրքի  միջազգային մայրաքաղաք ընտրվելու կապակցությամբ անցկացվելիք միջոցառումներին մասնակցելու համար։

Հետաքրքիր թեմաների շուրջ` հակիրճ

Հայաստանի Ֆուտբոլի ֆեդերացիայի ղեկավար Ռուբեն Հայրապետյանը ճիշտ է համարում ոստիկանության գործողությունները մարտի 26-ին կայացած Հայաստան-Ռուսաստան ֆուտբոլային հանդիպման ռուս ֆուտբոլասերների նկատմամբ, երբ ավելի քան 100 ֆուտբոլասերներ չկարողացան ներկա լինել խաղին՝ տոմսերի առկայությամբ։ Հայրապետյանի խոսքերով, ռուս երկրպագուները ցանկանում էին տեղեր զբաղեցնել հայ ֆուտբոլասերների տրիբունայում, իսկ նրանց այնտեղ անցնել թույլ չտվեցին, քանի որ ՖԻՖԱ-ի և ՈՒԵՖԱ-ի կանոնների համաձայն, նրանք պետք է նստեին միայն իրենց համար առանձնացված սեկցիայում։

Գերմանահայ հայտնի բռնցքամարտիկ Արթուր Աբրահամը կդառնա Boom-Boom երգի տեսահոլովակի հերոս։ Այդ երգով երգչուհի Էմմին կներկայացնի Հայաստանը Եվրատեսիլ-2011-ին Դյուսելդորֆում։ Տեսահոլովակի ռեժիսորը Հրանտ Երիցկինյանն է։ Առաջիկա օրերին Էմմին կսկսի իր պրոմո-շրջայցը եվրոպական երկրներով։
Պահեստազորայինների ուսումնական հավաքներ են սկսվել ՀՀ Պաշտպանության նախարարության Մարշալ Բաղրամյանի անվան զորավարժարանում։ Պահեստազորային կազմի ռազմական հմտությունների կատարելագործման ու վերապատրաստման վարժանքների անցկացումը, որը սահմանված է «Զինապարտության մասին» ՀՀ օրենքով, պլանային միջոցառում է և նպատակ ունի կատարելագործել զորահավաքային պատրաստության մակարդակը Հայաստանի Հանրապետությունում:

Հայոց ցեղասպանության մերժման համար պատիժ նախատեսող օրենքը կրկին կլինի Ֆրանսիայի Սենատի օրակարգում։ Օրինագիծը 45 հազար եվրոյի տուգանք և հինգ տարի ազատազրկում է նախատեսում Ցեղասպանության մերժման համար։

Նոր Նորքի բաժնին կից պահպանության բաժնի պետ, ոստիկանության կապիտան  Արթուր Հակոբյանը փորձել է թալանել «Կոնվերսբանկի» մասնաճյուղերից մեկը: Նա գլխարկով դեմքը ծածկած վիճակում մուտք է գործել նշված բանկի վարչական տարածք և «Մակարով» տեսակի ատրճանակի գործադրմամբ ավազակային հարձակում կատարել բանկի աշխատակիցների նկատմամբ` հափշտակելով 37800 ՌԴ ռուբլի, 1 միլիոն 724 հազար դրամ, 385 եվրո, 6695  դոլար: Հանցագործությունը կանխվել է նշված բանկում ծառայություն կատարող ոստիկանության աշխատակցի կողմից, ով գործադրել է իրեն ամրակցված  «Մակարով» տեսակի ատրճանակը, ինչի հետևանքով  Արթուր Հակոբյանը որովայնի և ազդրի շրջանում ստացել էր հրազենային վնասվածքներ, վնասազերծվել ու տեղափոխվել է «Սուրբ Գրիգոր Լուսավորիչ» բժշկական կենտրոն:

Երևանի դելֆինարիումում երկուշաբթի Դելֆինաթերապիայի կենտրոն է բացվել ոչ ավանդական բուժման մեթոդների և հոգեթերապիայի բնագավառում համագործակցության եռակողմ պայմանագրի շրջանակներում: Պայմանագիրը ստորագրվել է երկուշաբթի Հայաստանի Խ.Աբովյանի անվան պետական մանկավարժական համալսարանի, Ուկրաինայի պետական մանկավարժական համալսարանի և Ուկրաինայի Պ.Լ.Շուպիկի անվան հետդիպլոմային կրթության ազգային բժշկական ակադեմիայի միջև:

Երևանի քաղաքապետարանի որոշմամբ ապրիլի մեկից քաղաքապետարանի իրավասության ներքո գտնվող երևանյան բոլոր մանկապարտեզներն անվճար կդառնան։ Այսօր 25,2 հազար երեխա է մանկապարտեզ հաճախում։ -0-

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: