481.32
+0.33
567.52
-1.39
8.41
+0.07
+4
Եղանակը Երևանում
Հայ
Րաֆֆի Հովհաննիսյանը դադարեցրել է հացադուլը Երևանի Ազատության հրապարակում
17:00
31 Մարտի 2011

«Ծոմ ազատության» նշանաբանի ներքո անժամկետ հացադուլի 16-րդ օրը «Ժառանգություն» կուսակցության առաջնորդ, ՀՀ ԱԺ պատգամավոր և Հայաստանի առաջին արտգործնախարար Րաֆֆի Հովհաննիսյանը հայտարարել է հացադուլի դադարեցման մասին:

Հովհաննիսյանը չորեքշաբթի սկսել է իր ելույթը՝ մեջբերելով Հնդկաստանի ազգային-ազատագրական շարժման գաղափարախոս, փիլիսոփա Մահաթմա Գանդիի խոսքերը՝«Սկզբից քեզ անտեսում են, հետո վրադ ծիծաղում են, այնուհետև քո դեմ պայքարում են, իսկ դրանից հետո դու հաղթում ես»:

Ըստ էության՝ Հովհաննիսյանը գոհունակության զգացումով է լքում հրապարակը, որտեղ անցկացրել է 360 ժամ: «Այդ 360 ժամերի ընթացքում, որոնք ես անցկացրել եմ Ազատության հրապարակում, ինձ մոտենում էին մարդիկ՝ ինչպես երիտասարդ, այնպես էլ ավագ սերնդի, և ես տեսնում էի, որ թեկուզ մի քայլով, թեկուզ մի տոկոսով, բայց մարդկանց հասարակական գիտակցությունն առաջ է գնացել»,- ասել է պատգամավորը համաքաղաքացիներին ուղղված իր ուղերձում:

Հովհաննիսյանի հացադուլը վերջին երկու շաբաթվա ընթացքում երկրի ամենաքննարկվող թեման էր:

ՀՀ առաջին արտգործնախարարը հայտարարեց հացադուլ սկսելու իր մտադրության մասին մարտի 15-ին «Ժառանգություն» կուսակցության արտահերթ համագումարի շրջանակներում իր ելույթի վերջում: Հովհաննիսյանի այս որոշումը անսպասելի էր բոլորի համար, այդ թվում նաև իր հարազատների և կուսակիցների համար:

«Ես այլևս չեմ կարողանում հանդուրժել այն, ինչ տեղի է ունենում երկրում, այն զրպարտությունը, որը ցավ է պատճառել ինձ և իմ ընտանիքին», - ասել է պատգամավորը՝ բացատրելով իր որոշումը:

Հովհաննիսյանի որոշումը տարբեր կերպ է մեկնաբանվել իշխանամետ և ընդդիմադիր շրջանակներում:

Մասնավորապես, «Սոցիոմետր» սոցիոլոգիական հետազոտությունների կենտրոնի ղեկավար, սոցիոլոգ Ահարոն Ադիբեկյանը նշել է, որ Հովհաննիսյանի հացադուլը ոչ այլ ինչ է, քան ընդդիմադիր ընտրազանգվածի ներգրավման միջոց, այսինքն՝ PR, իսկ Դաշնակցություն խորհրդարանական ընդդիմադիր խմբակցությունը «Ժառանգության» առաջնորդի հացադուլը համարեց ուժեղ կամքի դրսևորում: Հայաստանի Հանրապետական կուսակցության փոխնախագահ, ՀՀԿ խորհրդարանական խմբակցության նախագահ Գալուստ Սահակյանն իր հերթին ակցիան անհիմն համարեց:

Տարօրինակ էին արմատական ընդդիմության գնահատականները, որը կարծում էր, թե Հովհաննիսյանը փորձում է ընտրազանգված ներգրավել: Ընդդիմադիր Հայ ազգային կոնգրեսի առաջնորդ, ՀՀ առաջին նախագահ Լևոն Տեր-Պետրոսյանը ևս չաջակցեց պատգամավորի որոշմանը: Նա նշեց, որ եթե Հովհաննիսյանը հրապարակային ծոմի փոխարեն հացադուլ անցկացներ քաղաքական կոնկրետ պահանջներով, ապա նա ոչ միայն կողջուներ դա, այլև ամբողջությամբ կաջակցեր նրան:

Հովհաննիսյանի խոսքերով՝ առաջին նախագահի, ինչպես նաև այլ անձանց արտահայտություններից պարզ դարձավ, որ նրանցից ոչ ոք ծանոթ չէ մարտի 15-ին տեղի ունեցած իր ելույթի, ինչպես նաև «սպասումների ցուցակի» հետ, որոնք հրապարակվել են նույն օրը «Ժառանգություն» կուսակցության արտահերթ համագումարի վերջում:

Այդ «սպասումների ցուցակը» բաղկացած է 15 կետերից, մասնավորապես, իշխանությունը՝ ժողովրդին, ոչ՝ կուսակցական իշխանությանը, ժողովուրդը երկրի տերն է, ազատ քաղաքացի, անվտանգ պետություն, հայկական երիտասարդության արժանի ապագա, աշխատանքը՝ ժողովրդին, ոչ՝ անարդարությանը, աղքատությանն ու միգրացիային, վերջ՝ իշխող կոռուպցիային

Միաժամանակ որոշ քաղաքական գործիչներ, մասնավորապես՝ ՀՀ նախկին արտգործնախարար Վարդան Օսկանյանն ու Ժողովրդական կուսակցության առաջնորդ Տիգրան Կարապետյանը իրենց մտահոգությունն էին արտահայտում Րաֆֆի Հովհաննիսյանի առողջական վիճակի կապակցությամբ և կոչ էին անում նրան դադարեցնել հացադուլը:

Հացադուլը դադարեցնելու և խորհրդարան վերադառնալու կոչով Հովհաննիսյանին է դիմել նաև ՀՀ ԱԺ խոսնակ Հովիկ Աբրահամյանը:

Բոլորը սպասում էին, որ այս ամենին կմիջամտի Ամենայն Հայոց Գարեգին Երկրորդ Կաթողիկոսը, քանի որ նույնիսկ Հովհաննիսյանի կուսակիցները կարծում էին, որ Կաթողիկոսի խոսքերը շատ ծանրակշիռ կլինեն: Սակայն Կաթողիկոսը ոչ մի կերպ չարտահայտեց իր վերաբերմունքը տեղի ունեցածի նկատմամբ:

Երկու շաբաթվա ընթացքում այն ամենը, ինչ տեղի էր ունենում Ազատության հրապարակում, գտնվում էր ԶԼՄ-ների և հասարակության ուշադրության կենտրոնում: Իսկ հետաքրքիր դեպքերը քիչ չէին:

Հացադուլի առաջին շաբաթվա ընթացքում Երևանում եղանակը բարյացակամ չէր Հովհաննիսյանի նկատմամբ, մայրաքաղաքում էականորեն ցրտել էր, և մի քանի օր անձրև էր տեղում:

Չնայած եղանակային վատ պայմաններին՝ ոստիկանները թույլ չտվեցին պատգամավորի համախոհներին Ազատության հրապարակում վրան և անձրևածածկ տեղադրել Հովհաննիսյանի համար: ՀՀ մարդու իրավունքների պաշտպան Կարեն Անդրեասյանն իր հայտարարություն մեջ դատապարտեց ոստիկանների գործողությունները՝ համարելով դրանք ոչ օրինաչափ:

Միայն իններրորդ օրը ոստիկանները գթասրտություն դրսևորեցին և թույլ տվեցին անձրևածածկ տեղադրել, իսկ մի քանի օր անց՝ վրան: Չնայած «Ժառանգության» առաջնորդը բազմիցս հայտարարում էր, որ վրանն ու անձրևածածկը ակտուալ իրեր չեն իր համար:

Մինչ այդ «Ժառանգության» անդամները, խորհրդարանը փոխելով Ազատության հրապարակի հետ, 24-ժամյա հերթապահություն նշանակեցին իրենց առաջնորդի մոտ:

Ողջ ակցիայի ընթացքում ամենահուզիչ պահը մարտի 29-ին հայ դպրոցականների այցն էր, ովքեր, մասնավորապես, նշեցին, որ Հովհաննիսյանի տոկուն ոգին և նվիրվածությունը երկրին մի օրինակ է, որը «կուղեկցի մեզ մեր ողջ կյանքում»:

Նախօրեին Տեր Գրիգոր քահանան, ով հացադուլի 15 օրվա ընթացքում գտնվում էր Հովհաննիսյանի կողքին, իր աղոթքով նշանավորեց հացադուլի ավարտը:

Այսպիսով, Հովհաննիսյանը դադարեցրեց իր ակցիան՝ նշելով, որ այն «երկար շղթայի միայն փոքր օղակն է»: «Ավարտվեց «Ծոմ ազատության» հացադուլի առաջին ակտը, սակայն պայքարը կշարունակվի», - նշել է Րաֆֆի Հովհաննիսյանը:-0-

Loading...
Թեմատիկ նյութեր
Բաժնի այլ նյութեր
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։