485.68
+0.29
517.01
+0.56
8.17
-0.01
-2
Եղանակը Երևանում
Հայ
Միջազգային կազմակերպությունների ներկայացուցիչների այցերը՝ ընդդիմության ակտիվացման ֆոնի ներքո. Հայաստանը նախորդ շաբաթ
11:19
21 Մարտի 2011

Հայաստանում նախորդ շաբաթը հարուստ էր իրադարձություններով, որոնք թեժ քաղաքական գարուն են կանխատեսում, մասնավորապես՝ ընդդիմությունը ժողովրդին «մեծ փոփոխությունների է» պատրաստում:

Բացի այդ, Հայաստան այցելեցին միանգամից մի քանի բարձրաստիճան միջազգային պատվիրակություններ՝ ԵԱՀԿ գործող նախագահ, Լիտվայի արտգործնախարար Աուդրոնյուս Աժուբալիսը (Audronius Ażubalis), ԵԱՀԿ ՄԽ համանախագահները, ԵԽԽՎ համազեկուցողներ Ջոն Պրեսկոտն ու Աքսել Ֆիշերը:

«Իմպրովիզացիոն» առաջարկներ և դրական զարգացումներ մարդու իրավունքների պաշտպանության ոլորտում

Նախորդ շաբաթ Հայաստան այցելած միջազգային կազմակերպությունների ներկայացուցիչները հանդիպել են ինչպես Հայաստանի, այնպես էլ ԼՂՀ-ի ղեկավարության հետ:

ԵԱՀԿ գործող նախագահ Աուդրոնյուս Աժուբալիսը լուրջ և զարմանալի առաջարկ արեց՝ առաջացնելով համընդհանուր վրդովմունք: Նա առաջարկեց հայկական կողմին միակողմանի կարգով դուրս բերել դիպուկահարներին ղարաբաղյան հակամարտության գոտու շփման գծից:

«Իմ առաջարկը մեծ մասամբ կրում է իմպրովիզացիոն բնույթ: Միգուցե հայկական կողմն իր վրա պարտավորություն վերցնի միակողմանի կարգով դուրս բերել դիպուկահարներին: Նման դեպքում դիպուկահարների դուրսբերումը լավ քայլ և կամքի դրսևորում կլիներ», - ասաց Աժուբալիսը:

Ըստ երևույթին գործող նախագահն ինքը զգաց իր առաջարկի անհեթեթությունը՝ համարելով այն «իմպրովիզացիոն»: Այնուամենայնիվ, նրա հայտարարությանը հետևեց հայկական կողմի հստակ արձագանքը: ԼՂՀ նախագահ Բակո Սահակյանը հայտարարեց, որ Ղարաբաղը միակողմանի կարգով շփման գծից դուրս չի բերի դիպուկահարներին:

«Արցախը չի կարող իրեն թույլ տալ միակողմանի կարգով ընդունել ԵԱՀԿ գործող նախագահի առաջարկը: Ադրբեջանն արդեն մի քանի անգամ խախտել է նախկինում ձեռք բերված պայմանավորվածությունները, և այդ պատճառով նման իրավիճակում Արցախը չի կարող գնալ դրան: Ադրբեջանը խախտում է պայմանավորվածությունները, որոնք ձեռք են բերվել բազմակողմ հանդիպումների ժամանակ»,- ասաց Սահակյանը:

Միաժամանակ Սահակյանն ընդգծեց, որ և ԵԱՀԿ գործող նախագահը, և ԵԱՀԿ ՄԽ համանախագահները գիտակցում են, որ առանց Արցախի մասնակցության անհնար է կարգավորել ղարաբաղյան հակամարտությունը: Նա ընդգծեց, որ Արցախը պատրաստ է մասնակցել ցանկացած աշխատանքների և բանակցությունների, որոնք հնարավորություն կտան փրկել գոնե մեկ հայ զինվորի կյանք:

ԵԽԽՎ համազեկուցողների առաքելությունը վերաբերում էր Հայաստանի ներքաղաքական խնդիրներին: Նախագահ Սերժ Սարգսյանն, ընդունելով Եվրոպայի Խորհրդի Խորհրդարանական Վեհաժողովի Հայաստանի հարցերով համազեկուցողներ Ջոն Պրեսկոտին և Աքսել Ֆիշերին, նշել է, որ Երևանը պատրաստ է լսել համազեկուցողների դիտողությունները և համատեղ աշխատել երկրում առկա խնդիրները լուծելու համար:

Համազեկուցող Ջոն Պրեսկոտը նշել է, որ մարտի 1-ի իրադարձություններից հետո ակնհայտ են այն փոփոխությունները, որ տեղի են ունենում, որոնք իրենք տեսնում և զգում են ՀՀ նախագահի հետ իրենց հանդիպումների, զրույցների ժամանակ:

Նա կարծում է, որ Հայաստանի իշխանությունները կարողացել են քաղաքական կամք ցուցաբերել այդ խնդիրների լուծման գործում:

«Այս փոփոխությունները չափվում և գնահատվում են այն բանաձևի և առաջարկությունների ներքո, որ մեր կողմից արվել են այդ կապակցությամբ: Պարո՛ն նախագահ, կարևորն այստեղ քաղաքական կամքն է, որ Դուք ցուցաբերել եք: Մենք արձանագրել ենք ձեր ստանձնած պարտավորությունների կատարմանն ուղղված այդ կամքը, փոփոխությունները, որոնք, իրոք, անհրաժեշտ են: Այդ փոփոխությունների մասին զեկուցել ենք նաև Վեհաժողովին»,-ասել է Ջոն Պրեսկոտը:

Ոչ թե բռնցաքամարտ, այլ շախմատ

Համազեկուցողների կարծիքը բացարձակապես չի կիսում ընդդիմությունը, որը հինգշաբթի կայացած բազմահազարանոց հանրահավաքի ժամանակ արտահերթ ընտրությունների միջոցով կրկին իշխանափոխություն է պահանջել:

Այս անգամ ընդդիմության հռետորականությունը փոքր-ինչ այլ էր: Հայ ազգային կոնգրեսի (ՀԱԿ) առաջնորդ Լևոն Տեր-Պետրոսյանը Երևանում կայացած հանրահավաքում հայտարարեց, որ ընդդիմությունը փոփոխությունների է հասնելու ոչ թե ցանկացած գնով, այլ «քաղաքական պայքարի միջոցով»:

«Մենք բռնցքամարտի չենք եկել, մենք շախմատ ենք խաղում, իսկ շախմատի համար ուղեղ է պետք, քանի որ առանց ուղեղի շախմատը կլոունադայի է վերածվում»,- այլաբանորեն համեմատեց Տեր-Պետրոսյանը։

Նա համոզմունք հայտնեց, որ Հայաստանին սպասում են Եգիպտոսի և Թունիսի սցենարները, սակայն նրա կարծիքով՝ Հայաստաոնւմ անցումը կլինի ավելի սահուն՝ առանց արյունահեղության, այսպես կոչված` թավշե հեղափոխության միջոցով:

Հինգշաբթի երեկոյան ընդդիմությունը ցնծում էր. նրանց հաջողվեց մտնել Ազատության հրապարակ, որտեղ երեք տարուց ավելի չէր թույլատրվում հանրահավաքներ անցկացնել: Ընդդիմության առաջնորդներն իրենց հաջողությունը համարեցին առաջին հաղթանակը և ցրվեցին՝ հիշեցնելով առաջիկա հանդիպման մասին:

Ընդդիմությունը ցրվեց, իսկ Ազատության հրապարակում մնաց «Ժառանգություն» կուսակցության առաջնորդ, ՀՀ ԱԺ պատգամվոր Րաֆֆի Հովհաննիսյանը, ով մարտի 15-ից անժամկետ հացադուլ է հայտարարել՝ «Ծոմ ազատության» նշանաբանով: Թվում է, թե Հովհաննիսյանը նույն բանն է պահանջում, ինչ արմատական ընդդիմությունը, այն է՝ « ժողովդրին վերադարձնել իշխանության ձևավորման, ձայնի իրավունքը»: Սակայն ՀԱԿ-ի առաջնորդը ոչ նայեց Հովհաննիսյանի կողմը, ոչ էլ խոսեց նրա մասին՝ այդպել էլ չմոտենալով նրան:

Ավելի ուշ Հովհաննսիսյանը բավականին նրբանկատ մեկնաբանեց Տեր-Պետրոսյանի վարքագիծը՝ համարելով այն «քաղաքական դիրքորոշման դրսևորում»: Այնուամենայնիվ, նա սխալ համարեց այդ դիրքորոշումը:

«Անձամբ ես կարծում եմ, որ նման դիրքորոշումը չի նպաստում ժողովրդի միավորմանը, այլ՝ հակառակը: Ես չեմ խնդրում, կոչ չեմ անում և չեմ պահանջում, սակայն հարկավոր է, որպեսզի բոլորը վերանայեն իրենց քաղաքական դիրքորոշումը և քաղաքական կուլտուրայի մասին իրենց պատկերացումները», - նշել է քաղաքական գործիչը:-0-

Loading...
Թեմատիկ նյութեր
Բաժնի այլ նյութեր
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։
20:07
15 Դեկտեմբերի 2016
Օպերացիա «Ձմեռ Պապ». նվերների լավագույն տասնյակը «Նովոստի Արմենիայից»
Նոր Տարին ամենասիրված տոներից մեկն է, և այդպիսին է այն դարձնում հրաշքի հանդեպ հավատը և ցանկացած երազանք կատարելու և հիասքանչ տրամադրություն պարգևելու ուժը:
19:38
14 Դեկտեմբերի 2016
Մի սահմանախախտի պատմություն, կամ Ադրբեջանի տեղեկատվական սուտ քարոզչությունը
Օրերս ադրբեջանական ԶԼՄ-ները հրապարակել էին մեծ աղմուկ առաջացրած նամակ` ուղղված Ադրբեջանի նախագահ Իլհամ Ալիևին:
14:20
14 Դեկտեմբերի 2016
Գիտությունը` քաղաքականությունից դուրս կամ Էրմիտաժը Հայաստանի և Ադրբեջանի միջև
«Նովոստի–Արմենիա» գործակալությունը, օգտվելով հնարավորությունից, կրկին փորձեց լույս սփռել հայկական հասարակությանը հուզող հարցերին։ Մենք ցանկանում էինք պարզել թանգարանի տնօրեն Պիոտրովսկու դիրքորոշումը` միաժամանակ որևէ կերպ չնսեմացնելով գիտնական Պիոտրովսկու վաստակները։