484
-0.04
526.01
+2.91
8.52
+0.08
+6
Եղանակը Երևանում
Հայ
ԸՆԴՀԱՆՐԱՑՈՒՄ. Հայկական ընդդիմությունը վերադարձրեց «Ազատությունը»
11:10
18 Մարտի 2011

ՀՀ առաջին նախագահ Լևոն Տեր-Պետրոսյանի գլխավորած միավորված ընդդիմությունը վերադարձավ Ազատության հրապարակ երեք տարվա ընդմիջումից՝ 2008թ. մարտի 1-ի ողբերգական իրադարձություններից հետո, երբ հանրահավաքի մասնակիցների և իրավապահ մարմինների բախման հետևանքով զոհվեց 10 մարդ, վիրավորվեց ավելի քան 200-ը: Մատենադարանի մոտ սկսված հանրահավաքը սահուն կերպով վերածվեց երթի և ավարտվեց Ազատության հրապարակում խաղաղ հանրահավաքով:

Հանրահավաք և երթ

Արմատական Հայ ազգային կոնգրեսի հանրահավաքը սկսվեց ժամը 17.20-ին Մատենադարանի հարակից հրապարակում: Ոստիկանության տվյալների համաձայն՝ հանրահավաքին մասնակցել է 9000 մարդ, ընդդիմությունը մի քանի անգամ ավելի մեծ թիվ է նշում:

Իր ելույթում ՀԱԿ-ի առաջնորդ Լևոն Տեր-Պետրոսյանը նշել է, որ Հայաստանում առաջացել է աննախադեպ պայթյունավտանգ իրավիճակ թե ներքաղաքական մթնոլորտի շիկացման, թե սոցիալ-տնտեսական խնդիրների կուտակվածության, և թե իշխանությունների կատարյալ ապիկարության դրսևորման տեսակետից, որը շուտափույթ հանգուցալուծում է պահանջում:

Նա միանշանակ կերպով հայտարարեց Հայաստանում թունիսյան և եգիպտական իրադարձությունների սցենարների կրկնության հնարավորության մասին:

«Բայց հավատացած եմ, որ ի տարբերություն այդ երկրների՝ Հայաստանում դա տեղի է ունենալու սահուն, անցնցում կերպով։ Ձեզ հետ միասին մենք ընտրել ենք այդ ճանապարհը, և իշխանությունն ստիպված է լինելու ընդունել մեր թելադրած խաղի կանոնները, այն է՝ մեզ հետ խոսել ոչ թե բիրտ ուժի, այլ հավասար քաղաքական գործընկերոջ դիրքերից», - հայտարարել է Տեր-Պետրոսյանը:

Հանրահավաքն ավարտվել է ժամը 18.30-ի սահմաններում, ինչից հետո կազմակերպիչների կոչով սկսվել է երթ դեպի Ազատության հրապարակ, որտեղ այդ պահին հացադուլ էր անցկացնում «Ժառանգություն» ընդդիմադիր կուսակցության առանջորդ, ՀՀ ԱԺ պատգամավոր Րաֆֆի Հովհաննիսյանը:

«Մենք կգնանք և բանակցություններ կվարենք ոստիկանների հետ: Եթե ոչինչ չստացվի, այդ ժամանակ ժողովուրդը կմտնի հրապարակ: Մենք բախումներ չենք ցանկանում», - ասել է ՀԱԿ-ի համակարգող Լևոն Զուրաբյանը:

Բանակցություններ ոստիկանության հետ և խաղաղ հռետորականություն

Կարճատև բանակցություններից հետո իրավապահ մարմինների ներկայացուցիչները չեզոք և ըմբռնող վերաբերմունք դրսևորեցին՝ թույլ տալով երթի մասնակիցներին մտնել Ազատության հրապարակ:

Հանրահավաքի մասնակիցներն արագորեն մտան հրապարակ, որտեղ միանգամից սկսեցին տեխնիկա տեղադրել՝ ընդդիմության առաջնորդների ելույթի համար:

Ազատության հրապարակում Տեր-Պետրոսյանի հանրահավաքային հռետորականությունը շատ խաղաղ էր: Նա հավաստիացրեց, որ ընդդիմությունը չի պատրաստվում պայքարել պետականության ինստիտուտների դեմ և պայքար է մղում բոլոր նրանց դեմ, ով փորձում է խաթարել այդ ինստիտուտների բովանդակությունը:

«Սա քաղաքական խնդիր է, որը ցանկանում է լուծել ժողովուրդը՝ կամ երկխոսություն սկսելով իշխանությունների հետ, կամ հակառակվելով նրանց... Հաղթում է զուսպն ու ինքնավստահը, այլ ոչ թե խելագարը: Մենք պետք է հասկանանք, որ դա մեկ օրվա հարց չէ, սակայն սա երկար չի տևի...», - նշել է նա:

Ընդդիմությունը որոշել է հաջորդ հանրահավաքն անցկացնել ապրիլի 8-ին:

Հանրահավաքն անցկացվում էր ԵԽԽՎ համազեկուցողներ Ջոն Պրեսկոտի (Մեծ Բրիտանիա) և Ակսել Ֆիշերի (Գերմանիա) սևեռուն ուշադրության ներքո, ովքեր այս օրերին գտնվում են Երևանում և բարձրագույն ղեկավարության հետ քննարկում են Հայաստանի ստանձնած պարտավորությունների իրագործման գործընթացը:

Թեև օրը դարից երկար է ձգվում, սակայն ժամանակն էլի չի բավականացնում

Այն դեպքում, երբ արմատական ընդդիմությունը, կազմակերպիչների կոչերի ներքո, խաղաղ ցրվեց, «Ժառանգության» առաջնորդ Րաֆֆի Հովհաննիսյանը շարունակում է իր հացադուլը:

Արմատական ընդդիմության հանրահավաքի ավարտից հետո նա լրագրողներին տեղեկացրեց, որ վերջին երեք օրվա ընթացքում ժողովուրդը վերականգնել է հավաքներ անցկացնելու իր իրավունքը:

«Սա առանձին մարդկանց և քաղաքական ուժերի վաստակը չէ, սա ժողովրդի վաստակն է», - նշել է Հովհաննիսյանը:-0-

Loading...
Թեմատիկ նյութեր

Բաժնի այլ նյութեր
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը: