485.33
+0.37
572.16
-1.31
8.2
-0.02
-3
Եղանակը Երևանում
Հայ
Ռուս փորձագետները դրական են գնահատում Հայաստանի և Ռուսաստանի նախագահների հանդիպման արդյունքները
11:45
01 Մարտի 2011

ԵՐԵՎԱՆ, 1 մարի. /Նովոստի-Արմենիա/. Երկուշաբթի «Նովոստի» միջազգային մամուլի կենտրոնում կազմակերպված «Ռուս-հայկական հարաբերությունները ժամանակակից փուլում» թեմայով Երևան-Մոսկվա տեսակամուրջի ընթացքում Ռուս փորձագետները  դրական գնահատեցին փետրվարի 15-ին Սանկտ Պետերբուրգում կայացած՝ Հայաստանի և Ռուսաստանի նախագահներ Սերժ Սարգսյանի և Դմիտրի Մեդվեդևի հանդիպումը:

«Անձամբ ինձ համար մեր երկրի և Հայաստանի հարաբերություններն այնքան կայուն ու դրական երևույթ են, որ մեր երկրների նախագահների նոր հանդիպումը կարող է ընդամենը մի քանի նոր դրական գծեր ավելացնել այդ ընդհանուր պատկերում»,- ասաց Ռուս դիվանագետների ասոցիացիայի նախագահ, Արտակարգ և Լիազոր դեսպան Վլադիմիր Կազիմիրովը:

Նրա խոսքով՝ ուրախալի է նաև այն փոքր իրողությունը, որը հանդիպման արդյունք է, իսկ ավելի կոնկրետ Հայաստանում 2011 թվականի ընթացքում ռուսական գազի կայուն գնի վերաբերյալ պայմանավորվածությունը, ինչը կարևոր նշանակություն կունենա հանրապետության բնակչության համար:

«Ես կարծում եմ, որ ընտանիքների, տնային տնտեսուհիների համար դա վատ նորություն չէր»,- ասա Կազիմիրովը:
Նրա կարծիքով՝ հանդիպման ընթացքում մեծ տեղ էր հատկացվել նաև ղարաբաղյան հակամարտության կարգավորման շուրջ տիրող իրավիճակին:

«Երկու նախագահների նման հանդիպումները խիստ անհրաժեշտ են, և լավ է, որ դրանք անցնում են աշխատանքային ռեժիմով, լավ է նաև այն, որ տեղեկությունը դուրս չի գալիս բանակցությունների սրահից, այլապես միանգամից ի հայտ են գալիս մի շարք մարդիկ, որոնք սկսում են յուրովի մեկնաբանել ամեն խոսքն ու արտահայտությունը»,- իր հերթին ասաց Սևծովյան-Կասպյան տարածաշրջանի քաղաքական և սոցիալական հետազոտությունների ինստիտուտի տնօրեն Վլադիմիր Զախարովը:

Ըստ նրա, ամենալավ նորությունը Ռուսաստանի առաջարկն էր՝ Հայաստանի համար գազի գների սառեցման մասին:
«Դա շատ լավ է նաև հայ գազասպառողների համար»,- ասաց Զախարովը:

Նա հիշեցրեց նաև, որ Սարգսյանի և Մեդվեդևի բանակցություններն անցան Հայաստանի, Ռուսաստանի և Ադրբեջանի նախագահների՝ մարտի 5-ին նախատեսվող հանդիպումից առաջ:
«Այդ պատճառով էլ մնացած ողջ տեղեկությունը կադրի հետևում մնաց: Ես կարծում եմ, որ դա շատ լավ է: Տեսնենք՝ ինչ կլինի մարտի 5-ից հետո»,- ասաց Զախարովը:

ԳԱԱ Արևելագիտության ինստիտուտի Կենտրոնական Ասիայի և Կովկասի ուսումնասիրման կենտրոնի գիտաշխատող Անդրեյ Արեշևի կարծիքով՝ հանդիպման տնտեսական աստառը դրական իրադարձություն դարձավ հայ հասարակության համար:

«Գաղտնիք չէ, որ Հայաստանում բավական բարդ սոցիալ-տնտեսական իրավիճակ է: Բայց Ռուսաստանի համար էլ է կարևոր Հայաստանի հետ դրական և բարեկամական հարաբերությունների պահպանումը, որովհետև այս երկիրը, բազում անգամներ ասվել է, որ հարավկովկասյան տարածաշրջանում Ռուսաստանի միակ ռազմավարական, ռազմաքաղաքական դաշնակիցն է»,- ասաց փորձագետը:

Քաղաքականությունից խոսելիս՝ Արեշևը հիշեցրեց, որ Հայաստանը լուրջ խնդիր ունի՝ ղարաբաղյան հակամարտության կարգավորումը: Նրա խոսքով՝ իրավիճակը Ղարաբաղում վատանալու լուրջ միտում ունի:
«Այս պայմաններում շատ փորձագետներ խոսում են բանակցային գործընթացի՝ եթե ոչ տապալման, ապա լրջորեն արգելակվելու մասին: Այս համատեքստում մարտի 5-ի հանդիպումը չափազանց կարևոր է, որովհետև այն նպատակ ունի եթե ոչ խթանել բանակցային գործընթացը, որի հակակշիռը կարող է լինել ռազմական գործողությունների վերսկսումը, գոնե կանխել  ամենավատ սցենարի ուղղությամբ սահքը»,- ասաց Արեշևը:
Նրա խոսքով՝ մնում է հուսալ, որ կհաստատվի դիրքորոշում, որն ուղղված կլինի հակամարտության խաղաղ կարգավորմանը՝ երկկողմանի զիջումների ճանապարհով:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին: