478.73
-0.03
561.07
+4.18
8.06
+0.07
+23
Եղանակը Երևանում
Հայ
Հայկական բանակի օրն ու ԱԳ նախարարների եռակողմ հանդիպումը. նախորդ շաբաթը Հայաստանում
12:06
31 Հունվարի 2011

ԵՐԵՎԱՆ, 31 հունվարի. /Նովոստի-Արմենիա/. Նախորդ շաբաթ անկախ Հայաստանի Հանրապետության բանակը նշեց իր կազմավորման 19-ամյակը: Պատերազմի տարիներին ծնված բանակն անկայուն խաղաղության պայմաններում մինչ օրս պաշտպանում է հայ ժողովրդին թշնամու ոտնձգություններից և պահում է իր մարտական հոգին:

«Ուսադիր կրելն ու Հայրենիքին ծառայելն իսկական տղամարդու գործ է, իսկ ուսադիր կրելն ու Հայրենիքին լավ ծառայելը` շատ պատվաբեր», - Բանակի օրվա առթիվ զինծայառողների պարգևատրման արարողության ընթացքում ասել է ՀՀ նախագահ Սերժ Սարգսյանը:

«Խորապես արդարացված է հայկական բանակի նկատմամբ մեր ժողովրդի հավատն ու հարգանքը, քանի որ հայկական բանակում ծառայում են բազմաթիվ մարդիկ, ովքեր իրենց նվիրել են մեր հայրենիքին», - ասել է նախագահը՝ շնորհավորելով պարգևատրվողներին:

Պարգևատրման արարողությունից հետո ՀՀ նախագահը աննախադեպ քայլ կատարեց՝ մոտեցավ և զրուցեց բանակում զոհված զինծառայողների ծնողների հետ, ովքեր բողոքի ակցիա էին անցկացնում ՀՀ նախագահի նստավայրի առջև: Զոհված զինծառայողների ծնողները բացականչում էին՝ պահանջելով բացահայտել պարտադիր զինծառայության զորակոչված իրենց որդիների մահվան դեպքերի պատճառները:

«Ես այս ամենը լսում եմ արդեն 20 տարի, այնպես որ փորձեք հանգիստ բացատրել ձեր պահանջները: Նշանակվել է զինվորական նոր դատախազ, որը ժամը 16:00-ին կգա այստեղ: Եթե ցանկանում եք, սպասեք այստեղ, նա կկանչի ձեզ, կլսի և կներկայացնի իր մոտեցումները: Այս գործերի բոլոր հանգամանքների բացահայտման գործում ամենաշահագրգռված մարդը ես եմ», - ասել է նախագահը բողոքող ծնողների հետ զրուցելիս:

ԱԳ նախարարների եռակողմ հանդիպումը

Նախորդ շաբաթ քաղաքական կյանքի կենտրոնում կրկին ղարաբաղյան հակամարտության գործընթացն էր: Երկուշաբթի Մոսկվայում տեղի ունեցավ Հայաստանի, Ռուսաստանի և Ադրբեջանի արտգործնախարարներ Էդվարդ Նալբանդյանի, Սերգեյ Լավրովի և Էլմար Մամեդյարովի հերթական հանդիպումը, որի օրակարգում ղարաբաղյան հակամարտության կարգավորումն էր:

«Լեռնային Ղարաբաղի հակամարտության կարգավորումը: Եռակողմ հանդիպման արդյունքները» թեմայով կազմակերպված Երևան-Մոսկվա տեսակամուրջի մասնակիցները մանրամասն քննարկեցին հակամարտության կարգավորման գործընթացը՝  հերթական անգամ ընդգծելով, որ խաղաղ կարգավորումն այլընտրանք չունի:

Ռուս փորձագետ, Քաղաքական կոնյունկտուրայի կենտրոնի գլխավոր տնօրեն Սերգեյ Միխեևը կարծում է, որ ղարաբաղյան խնդիրը չպետք է ռազմական լուծում ունենա, քանի որ դա կհանգենցի աղետի:

 «Իմ կարծիքով՝ կայծակնային, այս խնդրի կարծեցյալ հնարավոր ռազմական լուծմանը կողմերին մղելու, նրանց բորբոքելու փորձերը, այս լուծման օգտին որևէ փաստարկի ներկայացման փորձերն աղետի կհանգեցնեն», - ասաց Միխեևը

Ռուսաստանցի դիվանագետների ասոցիացիայի նախագահի առաջին տեղակալ, Արտակարգ և լիազոր դեսպան, ԵԱՀԿ ՄԽ նախկին համանախագահ Վլադիմիր Կազիմիրովն ընդգծեց, որ  Ղարաբաղյան հակամարտության կարգավորման գործընթացը դանդաղ և քմահաճ է առաջ ընթանում:

«Դանդաղ, չափազանց դանդաղ է ընթանում, միլիմետրերով քմահաճ առաջընթաց, ես դրանում խորապես համոզված եմ։ Իհարկե, մեզ դա չի գոհացնում, մենք կցանկանայինք արագ և արդար (թեև ամեն մեկը յուրովի է արդարությունը հասկանում) որոշում։ Բայց դա անհնար է, սա այն գործընթացն ու այն հակամարտությունն է, որն անխուսափելիորեն մեծ համբերություն և ոչ քիչ ժամանակ է պահանջում կարգավորման համար»,- նշեց Կազիմիրովը։

«Հազվադեպ հակամարտություն է այնքան ստով խեղաթյուրված, որքան ղարաբաղյանը։ Ես աշխատել եմ Աֆրիկայում և Լատինական Ամերիկայում, բայց նման ճահիճ, ստի առատություն ոչ մի այլ հակամարտությունում չկա։ Ես քաղաքագետներին կառաջարկեի մի համաժողով անցկացնել, թե ինչպես պայքարել  հակամարտության մեջ առկա ստի դեմ թեմայով»,- ասաց Կազիմիրովը։

Կովկասի ինստիտուտի տնօրեն, քաղաքագետ Ալեքսանդր Իսկանդարյանը կարծում է, որ  Ղարաբաղյան խնդիրը կողմերի միջև  հավասարակշռության և անվստահության խնդիր է:

«Դա  «մեկ երկիր՝ երկու ժողովուրդ» խնդիրն է, դա անկարողության և միմյանց  հետ փոխզիջման գնալու ցանկության բացակայությունն է»,- ասաց նա։ Միաժամանակ Իսկանդարյանը նշեց, որ դա բոլորովին չի նշանակում, որ պետք չէ գիտակժողովներ անցկացնել և ուսումնասիրել իրավիճակը, և ընդգծեց, որ ամենաշատը պարզ որոշումներից է վախենում։

Նախագահը շեշտադրումներ է արել

ՀՀ նախագահը հարցազրույց է տվել «Էխո Մոսկվի» ռադիոկայանին, որում անդրադարձել է Հայաստանի արտաքին քաղաքականության կարևորագույն թեմաներին:

ՀՀ նախագահը մասնավորապես անդրադարձել է ղարաբաղյան հակամարտությանն ու հայ-թուրքական հարաբերություններին: «Ադրբեջանը պարզապես չի ցանկանում բանակցություններ վարել Լեռնային Ղարաբաղի հետ, և Հայաստանն է վարում բանակցությունները, քանի որ այլ ելք չկա», - հայտարարել է Սարգսյանը:

«Սակայն դա չի նշանակում, որ Լեռնային Ղարաբաղը չի մասնակցում բանակցային գործընթացին: Քանի որ ամեն անգամ տարածաշրջան այցելելիս համանախագահներն այցելում են Լեռնային Ղարաբաղ, հանդիպում Ղարաբաղի ղեկավարության հետ», - ասել է նա:

Նախագահը նշել է, որ հարկավոր է հասկանալ, որ ցանկացած որոշում պետք է երկարատև խաղաղության հանգեցնի: «Եվ դրա պատճառով փոխզիջումներ են հարկավոր: Իհարկե, հարկավոր են նաև այն բանի երաշխիքները, որ երկարատև խաղաղությունն իրականում կհաստատվի: Այլ ոչ թե ադրբեջանցիների ձևով, ովքեր ասում են՝ թող Ղարաբաղը վերադարձնի ամեն ինչ, հետո կխոսենք Ղարաբաղի ճակատագրի մասին: Այդպես չի լինում», - ասել է նախագահը:

Ինչ վերաբերում է հայ-թուրքական հարաբերություններին, ապա նախագահը նշել է, որ հայկական կողմը պատրաստ չէ փոփոխություններ մտցնել հայ-թուրքական արձանագրություններում: Նրա խոսքերով՝ հայ-թուրքական գործընթացի շարունակությունը միայն այն դեպքում է հնարավոր, եթե թուրքերն առանց որևէ նախապայմանների վավերացնեն այդ արձանագրությունները։

«Քանի որ նրանք միջազգային պարտավորություններ ունեն, ստորագրված համաձայնագրերը պետք է վավերացվեն և իրագործվեն։ Մենք պատրաստ չենք նոր բանակցությունների կամ ինչ-ինչ փոփոխությունների այդ արձանագրություններում։ Այսինքն, ուզում եմ ասել, որ պատրաստ չենք միակողմանի կարգով։ Եթե թուրքերն ինչ-որ բան փորձեն մտցնել այնտեղ, բնականաբար, մենք նույնպես կփորձենք», - ասել է Սարգսյանը:-0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։