486.67
+0.35
520.49
+1.39
8.22
+0.01
-3
Եղանակը Երևանում
Հայ
Տարվա առաջին աշխատանքային շաբաթը. Ղարաբաղի համար Սուդանի հնարավոր նախադեպն ու եռակողմ նոր հանդիպման սպասումները
11:52
17 Հունվարի 2011

Չնայած երկարատև տոներին՝ տարվա առաջին աշխատանքային շաբաթվա ընթացքում Հայաստանի քաղաքական կյանքը բավականին ակտիվորեն սովորական հունի մեջ մտավ: Շաբաթը նշանավորվեց միանգամից մի քանի հետաքրքիր իրադարձություններով: Մասնավորապես հայտնի դարձավ, որ հունվարի 24-ին Մոսկվայում տեղի կունենա Հայաստանի, Ռուսաստանի և Ադրբեջանի արտգործնախարարներ Էդվարդ Նալբանդյանի, Սերգեյ Լավրովի և Էլմար Մամեդյարովի հանդիպումը:

ՀՀ ԱԳ նախարարը տեղեկացրեց նաև, որ բացառված չէ նաև փետրվարի սկզբին ԵԱՀԿ ՄԽ համանախագահների հետ հանդիպման հնարավորությունը: Դժվար է ասել, թե այս հանդիպումների արդյունքում կփոխվի՞, արդյոք, որևէ բան ղարաբաղյան հակամարտության խաղաղ կարգավորման գործընթացում, սակայն ՀՀ արտգործնախարարությունը հայտարարում է, որ պաշտոնական Երևանի դիրքորոշումը համապատասխանում է միջազգային հանրության դիրքորոշումներին և մոտեցումներին:

«Դա մեր դիվանագիտության և քաղաքականության արդյունքն է: Ինչի՞ հանգեցրեցին Ադրբեջանի հակահայկական հայտարարությունները, նրանց դիրքորոշումը հասկանալի դարձա՞վ աշխարհին, ոչ....Արցախյան խնդրի կարգավորման գործընթացում հայկական դիվանագիտության կողմից գործադրված ջանքերի շնորհիվ ակնհայտ դարձավ, որ Հայաստանի մոտեցումները համահունչ են միջազգային հանրության դիրքորոշումներին», - հայտարարել է նախարարը:

Նրա խոսքով՝ միջազգային հանրությունն ու Հայաստանը միասնական են իրենց դիրքորոշումներում: ՀՀ ԱԳ նախարարը մասնավորապես ընդգծեց, որ ի տարբերություն Բաքվի՝ Երևանն ու միջազգային հանրությունը պատրաստ են ղարաբաղյան հակամարտության կարգավորման բանակցությունները վարել միջազգային իրավունքի սկզբունքների՝ ուժի և ուժի սպառնալիքի չկիրառման, ինքնորոշման իրավունքի և տարածքային ամբողջականության սկզբունքների հիման վրա: Իսկ Բաքուն ճանաչում է միայն մեկ սկզբունք՝ տարածքային ամբողջականությունը:

Ղարաբաղ-Սուդան. զուգահեռներ

Առաջին հայացքից մեզ ոչ մի կերպ չվերաբերող հեռավոր Հարավային Սուդանի անկախության համար մղվող պայքարը հանկարծ հայկական քաղաքական հասարակության ուշադրության կենտրոնում հայտնվեց: ՀՀ ԱԳ նախարարը կարծում է, որ Հարավային Սուդանի հանրաքվեն Լեռնային Ղարաբաղի ինքնորոշման համար վերջին նախադեպերից մեկը դարձավ:

«Կարծում եմ, որ Ղարաբաղի ինքնորոշման համար նախադեպերի պակաս չկա։ Սուդանը վերջին օրինակներից մեկն է, որովհետև եթե դիտարկենք ՄԱԿ-ի կազմում ընդգրկված 192 երկրները, ապա դրանց մեծամասնությունը կարող են օրինակ և նախադեպ ծառայել Լեռնային Ղարաբաղի ինքնորոշման համար»,- ասել է Նալբանդյանը։
Քաղաքագետ, ԱՊՀ երկրների ինստիտուտի հայկական մասնաճյուղի տնօրեն Ալեքսանդր Մարկարովը կարծում է, որ Հարավային Սուդանի անկախության հռչակման դեպում հայկական կողմը նոր հաղթաթուղթ կստանա ղարաբաղյան կարգավորման գործընթացում: «Խոսքը որպես անկախ պետականության հռչակման հիմք ազգի ինքնորոշման իրավունքի կիրառման ևս մեկ նախադեպի մասին է»,- ասել է Մարկարովը:

Կադրային տեղափոխություններ. մաս երկրորդ

Նախորդ շաբաթ ՀՀ նախագահը հրամանագիր ստորագրեց Գևորգ Կոստանյանին զինվորական դատախազի, ՀՀ գլխավոր դատախազի տեղակալի պաշտոնում նշանակելու մասին՝ ազատելով նրանով ՀՀ նախագահի օգնականի պարտականություններից: Կոստանյանն այս պաշտոնում փոխարինեց Արմեն Խաչատուրյանին:
Վերջերս կադրային վերադասավորումներն այնքան սովորական երևույթ են դարձել Հայաստանի համար, որ այդ հողի վրա արդեն սկսել են իրականությանը չհամապատասխանող ասեկոսեներ տարածվել: ՀՀ ԱԱԽ քարտուղար Արթուր Բաղդասարյանը նախորդ շաբաթ անհեթեթ է համարել ասեկոսեներն այն մասին, թե ինքն է նշանակվելու ՀՀ գլխավոր դատախազի պաշտոնում:

Բաղդասարյանը հիշեցրել է, որ իր մամուլի քարտուղարը բազմիցս հերքել է նման տեղեկատվությունը և ցավալի է անվանել այն փաստը, որ Հայաստանում ընդունվում են տարածված անհեթեթ խոսակցությունները։ 
Կադրային փոփոխությունները շարունակվում են նաև Երևանի քաղաքապետարանի համակարգում: Մասնավորապես, Երևանի քաղաքապետ Կարեն Կարապետյանն աշխատանքից ազատել է «Արաբկիր» համայնքի թաղապետ Համլետ Մարգարյանին և այդ պաշտոնում նշանակել Էդուարդ Մուշեղյանին:

Հրաժարական են տվել նաև Երևանի քաղաքապետարանի աշխատակազմի քարտուղար Գրիգոր Մելքումյանն ու մայրաքաղաքի գլխավոր ճարտարապետ Սամվել Դանիելյանը: Քաղաքապետարանի նոր կառուցվածքը, որը կներկայացվի Ավագանու խորհրդի դատին, այսօրվա դրությամբ մշակման փուլում է:

Բաքվում տեղի ունեցած ջարդերի 21-րդ տարելիցը

Նախորդ շաբաթ լրացավ Ադրբեջանում բնակվող հայ բնակչության նկատմամբ ադրբեջանական իշխանության կողմից իրականացրած ցեղասպանության 21-րդ տարելիցը: Այս հանցագործությունը մինչև այսօր համարժեք գնահատականի չի արժանացել:

«Ժառանգություն» խորհրդարանական ընդդիմադիր խմբակցության քարտուղար, ղարաբաղյան հարցով փորձագետ Լարիսա Ալավերդյանը կարծում է, որ Հայաստանը  պետք է իրավական բնութագիր տա Ադրբեջանում տեղի ունեցած Հայոց ցեղասպանությանը, որը սկսվել է 1988 թ.-ին սումգայիթյան իրադարձություններով և շարունակվում է մինչ օրս հայկական հուշարձանների և մշակութային ժառանգության  ոչնչացմամբ:

«Հայոց ցեղասպանությունը մինչ օրս Ադրբեջանի պաշտոնական դիրքորոշումն է, որից նա չի հրաժարվում և արդեն շարունակում է Բաքվում հայկական գերեզմանոցների, Հին Ջուղայում հայկական խաչքարերի ոչնչացման և հայկական արմատներ ունեցող անձանց հետապնդման տեսքով», - հայտարարել է Ալավերդյանը:

Նրա խոսքերով՝ վայրագության այդ ակտերը Ադրբեջանի և Թուրքիայի կողմից անցկացվող՝ միասնական պետության ձևավորման քաղաքականության հետևանքն են, նրանք իրենց ճանապարհին ոչնչացնում են ոչ միայն հայ ժողովրդի, այլև այլ ազգությունների ներկայացուցիչներին, ովքեր ևս շատ են տուժել Բաքվում տեղի ունեցած ջարդերից:
Հայաստանի տարածքային կառավարման նախարարության Պետական միգրացիոն ծառայության պետ Գագիկ Եգանյանը տեղեկացրել է, որ հայ փախստականներն Ադրբեջանի դեմ թողած գույքի փոխհատուցման 1100 հայց են ներկայացրել Ստրասբուրգի մարդու իրավունքների դատարան:
Իսկ մինչ այդ արյունոտ իրադարձությունների զոհերը ստիպված են ինքնուրույն հասնել իրենց իրավունքների վերականգնմանը:

«Չորս տարի առաջ մենք նախաձեռնեցինք Ստրասբուրգի մարդու իրավունքների դատարան հայկական փախստականներից Ադրբեջանի կառավարության դեմ մասնավոր հայցերի ներկայացման գործընթացը՝ երկրում թողած գույքի փոխհատուցման պահանջով», - ասել է Եգանյանը: Նրա խոսքերով՝ ընդհանուր առմամբ ներկայացվել է 1100 նման հայց, որոնք կազմվել են գույքի կամ բնակարանի մասին առկա փաստաթղթերի հիման վրա և միջինը գնահատվում են յուրաքանչյուրը 50-60 հազար դոլար։

«Մենք դրական որոշման հույս ունենք, ինչը թույլ կտա նմանատիպ հայցեր ներկայացնել նաև այլ ընտանիքների համար, որոնք իրենց բնակարաններն ու ողջ գույքը թողել են Ադրբեջանում»,- ասել է Եգանյանը:-0- 

Loading...
Թեմատիկ նյութեր
Բաժնի այլ նյութեր
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։
20:07
15 Դեկտեմբերի 2016
Օպերացիա «Ձմեռ Պապ». նվերների լավագույն տասնյակը «Նովոստի Արմենիայից»
Նոր Տարին ամենասիրված տոներից մեկն է, և այդպիսին է այն դարձնում հրաշքի հանդեպ հավատը և ցանկացած երազանք կատարելու և հիասքանչ տրամադրություն պարգևելու ուժը: