483.58
+0.74
513.85
-7.76
7.67
+0.05
-3
Եղանակը Երևանում
Հայ
Տարվա կարևոր մարզական իրադարձությունների տասնյակը՝ ըստ «Նովոստի-Արմենիա» գործակալության
14:53
22 Դեկտեմբերի 2010

2010թ.-ին հայ մարզիկներն ամենահեղինակավոր միջազգային առաջնություններում բարձր նվաճումներ ունեցան, ինչը մասնագետներին հիմք է տալիս խոսել հայկական սպորտի երբեմնի  փառքի վերածննդի մասին և առաջիկա տարիների համար լավատեսական կանխատեսումներ անել։ Սարերի ետևում չէ Լոնդոնի 2012թ.-ի Ամառային օլիմպիադան, և երիտասարդ հայ մարզիկների հաջողությունները թույլ են օլիմպիական «ոսկիների» հույս ունենալ։ 

«Նովոստի-Արմենիա» գործակալությունը տարվա կարևոր մարզական իրադարձությունների տասնյակի իր տարբերակն է ներկայացնում։

1. Ֆուտբոլային հաղթանակներ

Իսկական անակնկալ էր Եվրոպայի 2012թ.-ի առաջնության ընտրական մրցաշարում Հայաստանի ֆուտբոլի հավաքականի ելույթը։ Հայաստանի ֆուտբոլի հավաքականը Եվրո-2012-ի ընտրական խմբում զբաղեցնում է երրորդ տեղը՝ առաջին անգամ ձեռք բերելով առաջնության եզրափակիչ դուրս գալու բոլոր հնարավորությունները: ՀՀ հավաքականի հետ մւևնույն խմբում հանդես են գալիս ՌԴ (խմբի առաջատար), Սլովակիայի, Իռլանդիայի, Մակեդոնիայի, Անդորրայի թիմերը։ Բացի այդ, հայ ֆուտբոլիստներն առաջին անգամ ՖԻՖԱ-ի վարկանիշում 59-րդ տեղն են զբաղեցրել՝ ետևում թողնելով հարուստ ֆուտբոլային ավանդույթներ ունեցող թիմերի։   

Հայկական թիմի ղեկավարներին հաջողվել է կուռ կոլեկտիվ ստեղծել, որտեղ հարձակվողների ագրեսիվ, տեխնիկական և արագ խաղը համադրվում են փորձառու պաշտպանների և դարպասապահների հուսալի խաղի հետ։ Բացի այդ, ՀՀ հավաքականում առաջին անգամ եվրոպական մակարդակի ֆուտբոլային աստղեր են հայտնվել, մասնավորապես, Հենիրխ Մխիթարյանը՝ Դոնեցկի «Շախտյորի» առաջատարներից մեկը։

2. Շախմատային հաղթանակ Թուրքիայում

2010թ.-ին Հայաստանը հերթական անգամ ապացուցեց, որ աշխարհի առաջատար շախմատային տերություններից մեկն է և այպիսին կմնա հետագայում։ Հայաստանի շախմատի պատանիների հավաքականը Թուրքիայում կայացած Շախմատի համաշխարհային օլիմպիադայում U16 տարիքային խմբի հաղթողը դարձավ: Հայաստանի հավաքականի կազմում հանդես եկան Կարեն Գրիգորյանը, Ռոբերտ Աղասարյանը, Հովհաննես Գաբուզյանը, Դավիթ Շահինյանը, Տիգրան Ս. Պետրոսյանը և Վարուժան Հակոբյանը: Նոյեմբերի 26-ից նոյեմբերի 4-ը անցկացված օլիմպիադային մասնակցում էր 18 երկրի 22 թիմ:

3. Լևոն Արոնյանը՝ արագ շախմատի աշխարհի չեմպիոն

Գրոսմայստեր, հայկական հավաքականի առաջնորդ Լևոն Արոնյանը հերթական անգամ փայլեց իր խաղով՝ Մոսկվայում հաղթելով արագ շախմատի աշխարհի առաջնությունում։ 38 տուրերի արդյունքում նա հավաքեց 24,5 միավոր, 20 հաղթանակ տարավ, զիջեց ինը մրցապայքարում և ինը խաղ ոչ-ոքի ավարտեց։ Արոնյանը ետևում թողեց ադրբեջանցի Թեմուր Ռաջաբովին և նորվեգացի Մագնուս Կառլսենին։ Արագ շախմատի աշխարհի առաջնությանը (նոյեմբերի 16-18) 20 գրոսմայստեր է մասնակցել։ Հայ գրոսմայստերը լի է ուժերով՝ պայքարելու հիմնական շախմատային թագի համար։

4. Հայկական դրոշը թուրքական Անթալիայում

Տարվա ամենանշանավոր մարզական իրադարձություններից մեկը դարձավ թուրքական Անթալիայում կայացած Ծանրամարտի աշխարհի առաջնությունում հայ ծանրորդ Տիգրան Մարտիրոսյանի հաղթանակը։

77 կգ քաշային կարգում Մարտիրոսյանը ընդհանուր հաշվով 373 կգ հավաքեց՝ «պոկում» վարժությունում փոքր ոսկի նվաճելով և երկամարտի հանրագումարով աշխարհի չեմպիոն դարձավ։ Դա աշխարհի առաջնությունում հայ ըմբիշտի համոզիչ հաղթանակն էր երկար տարիների ընթացքում։

5. Ղարաբաղցի սամբիստն ուժեղագույնն է աշխարհում
 
Միջազգային ասպարեզում հաջողությամբ աչքի են ընկել նաև ղարաբաղցի մարզիկները։ Մասնավորապես՝ ՀՀ հավաքականի կողմից հանդես եկող ստեփանակերտցի սամբիստ Աշոտ Դանիելյանը (74 կգ) Տաշքենդի աշխարհի առաջնության սպորտային սամբոյի աշխարհի չեմպիոն է դարձել։

Բացի այդ, 2010թ.-ի գարնանը ղարաբաղցի մարզիկը մարտական սամբոյի Եվրոպայի չեմպիոն է դարձել։

6. Հայաստանը Եվրոպայի ծանրամարտի լավագույն թիմերի քառյակում է

ՀՀ Ծանրամարտի հավաքականը Մինսկում կայացած Եվրոպայի առաջնության ժամանակ 4-րդ ընդհանուր թիմային տեղն է գրավել։

Հայ ծանրորդները տարբեր հարգի 19 փոքր և մեծ մեդալներ են նվաճել՝ 7 ոսկե, 8 արծաթե և 4 բրոնզե։ Հայ մարզիկներից Եվրոպայի չեմպիոն են դարձել Գևորգ Պողոսյանը (մինչև 85 կգ քաշային կարգ) և Տիգրան Մարտիրոսյանը (մինչև 77կգ)։ Այդ հաղթանակը հատուկ արժեք ուներ՝ հաշվի առնելով, որ տարբեր պատճառներով ՀՀ հավաքականի կազմում եվրոպական առաջնությանը չեն մասնակցել այնպիսի ուժեղագույն մարզիկներ, ինչպիսիք են աշխարհի չեմպիոն Նազիկ Ավդալյանը, Եվրոպայի չեմպիոն Առաքել Միրզոյանը, ինչպես նաև ծանրամարտիկներ Տիգրան Վ. Մարտիրոսյանը, Գևորգ Դավթյանը։

7. Երևանում կայացած Ըմբշամարտի աշխարհի գավաթը

2010 թ.-ի կարևորագույն մարզական իրադարձությունը դարձավ Հայաստանում այնպիսի հեղինակավոր մրցաշարի անցկացումը, ինչպիսին Հունահռոմեական ոճի ըմբշամարտի աշխարհի գավաթն է: Մրցաշարն անցկացվեց փետրվարին, որին մասնակցեց աշխարհի ութ ուժեղագույն թիմ՝ Հայաստանի, Իրանի, Կուբայի, Սկանդինավյան երկրների, Թուրքիայի, Հունգարիայի, Ռուսաստանի և Վրաստանի հավաքականները: Մրցաշարի հաղթող ճանաչվեցին իրանցի ըմբիշները, երկրորդ տեղը զբաղեցրեցին թուրքերը, Հայաստանի հավաքականն արժանացավ բրոնզե մեդալի, իսկ չորրորդ տեղը զբաղեցրեց Ռուսաստանի հավաքականը: Միաժամանակ մրցաշարի բոլոր մասնակիցները նշեցին նմանատիպ պատասխանատու մրցաշարի լավ կազմակերպումն ու անցկացումը:

8. Եվրոպայի բռնցքամարտի առաջնության «ոսկին». «կաշվե ձեռնոցի» վարպետների մոտ դեռ ամեն ինչ առջևում է

Եվրոպական հարգի «ոսկուն» արժանացավ Պեկինում կայացած Օլիմպիական խաղերի բրոնզե մեդալակիր Հրաչիկ Ջավախյանը: Եզրափակիչ մենամարտում մինչև 64 կգ քաշային կարգում հանդես եկող հայազգի բռնցքամարտիկը պարտության է մատնել հունգարացի բռնցքամարտիկ Դյուլ Կատեին: Իսկ Հովհաննես Դանիելյանը (48 կգ) և Արթուր Խաչատրյանը (81 կգ) արժանացել են բրոնզե մեդալների: Հայազգի բռնցքամարտիկների հաջող ելույթը 2012 թ.-ին օլիմպիական մրցանակների հույս է ներշնչում:

9. Հայաստանի ներկայացուցիչը Եվրոպայի ծանրամարտի երիտասարդական առաջնության հաղթող

Հայ մարզիկ Հռիփսիմե Խուրշուդյանը նվաճել է Կիպրոսի Լիմասոլ քաղաքում անցկացված Եվրոպայի ծանրամարտի երիտասարդական առաջնության ոսկե մեդալը: Հանդես գալով 75 կգ և ավել քաշային կարգում՝ մարզիկը երկամարտի հանրագումարով հավաքել է 250 կգ:

Խուրշուդյանը Հայաստանի օլիմպիական հույսերից մեկն է: 

10. Պիեր դե Կուբերտենի մեդալը ԱՕԿ-ի նախագահին

2010 թ.-ի մարզական կարևոր իրադարձությունների թվում կարելի է նշել ՀՀ ազգային օլիմպիական կոմիտեի նախագահ Գագիկ Ծառուկյանին Պիեր դե Կուբերտենի մեդալի հանձնումը՝ համաշխարհային օլիմպիական շարժման զարգացման գործում մեծ ներդրում կատարելու համար: Ծառուկյանին մեդալը հանձնվել է ՀՀ ԱՕԿ-ի 20-ամյակին նվիրված հանդիսավոր միջոցառման ժամանակ:
 
Պիեր դե Կուբերտենի մեդալը միջազգային օլիմպիական կոմիտեի հատուկ մրցանակ է, որը հանձնվում է մեծ ներդրումների համար: Այն հիմնադրվել է 1964 թ.-ին և կոչվել դուքս Պիեր դե Կուբերտենի պատվին, ով ժամանակակից օլիմպիական շարժման հիմնադիրն է: Մեդալը հաճախ դիտարկվում է որպես բարձրագույն օլիմպիական մրցանակ, որն ավելի ծանրակշիռ է, քան օլիմպիական ոսկե մեդալը:

Տասը լավագույն մարզիկները

Մարզական լրագրողների շրջանում կազմակերպված հարցման արդյունքում Հայաստանի լավագույն մարզիկ է ճանաչվել Եվրոպայի և աշխարհի ծանրամարտի  չեմպիոն Տիգրան Գ. Մարտիրոսյանը (77 կգ քաշային կարգ): Հարցման տվյալների համաձայն՝ Մարտիրոսյանը հավաքել է 462 բալ՝ 63 կետով առաջ անցնելով հայկական շախմատի արքա Լևոն Արոնյանից:

Լավագույն տասնյակում երրորդ տեղը զբաղեցրել է հունահռոմեական ոճի ըմբիշ Արսեն Ջուլֆալակյանը (311 բալ), նրան են հետևում ըմբիշ Յուրի Պատրիկեևը (253), բռնցքամարտիկ Հրաչիկ Ջավախյանը (230), սամբիստ Աշոտ Դանիելյանը (183), ծանրամարտիկ Մելինե Դալուզյանը (141), ծանրամարտիկ Գևորգ Պողոսյանը (131), հունահռոմեական ոճի ըմբիշ Ռոման Ամոյանը (116) և ծանրամարտիկ Ռուբեն Ալեքսանյանը (112):-0-

Loading...
Թեմատիկ նյութեր
Բաժնի այլ նյութեր
21:11
09 Դեկտեմբերի 2016
Հայաստանը չի կենտրոնանում միայն իր սեփական ցավի վրա, այլ ապագայում ցեղասպանությունների կանխման առաջամարտիկ է
Դեկտեմբերի 9-ը «Ցեղասպանության հանցագործության զոհերի հիշատակի և արժանապատվության եւ այդ հանցագործության կանխարգելման միջազգային օրն» է։
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։