482.84
+0.58
521.61
+4.72
7.62
+0.05
-7
Եղանակը Երևանում
Հայ
Եվրոպայում աճում է Ղարաբաղի նկատմամբ հետաքրքրությունը. Եվրախորհրդարանի պատգամավոր Տոմաշ Պորեբայի այցի արդյունքները
14:11
21 Դեկտեմբերի 2010

Նախորդ շաբաթվա ավարտը նշանավորվեց Եվրոպական խորհրդարանի պատգամավոր, Հայաստանի հարցերով հիմնական զեկուցող Տոմաշ Պորեբայի և նրան ուղեկցող պաշտոնատար անձանց՝ Լեռնային Ղարաբաղ կատարած ճանաչողական այցով:

Ղարաբաղ կատարած այցի շրջանակներում Պորեբան հանդիպում է ունեցել ԼՂՀ նախագահ Բակո Սահակյանի, ԼՂՀ ԱԺ խոսնակ Աշոտ Ղուլյանի, ինչպես նաև ԼՂՀ փախստականների հասարակական կազմակերպության նախագահ Սարասար Սարյանի և այդ կազմակերպության մի խումբ անդամների հետ: Այցի ընթացքում Պորեբան ծանոթացել է Ադրբեջանից գաղթած հայ փախստականների խնդիրներին:

ԼՂՀ նախագահի հետ հանդիպման ընթացքում քննարկվել են ադրբեջանաղարաբաղյան հակամարտության կարգավորմանը, տարածաշրջանում ստեղծված իրավիճակին և երկկողմ հարաբերություններին վերաբերող հարցեր: Կողմերը նշել են, որ հակամարտության խաղաղ կարգավորումն այլընտրանք չունի, և վերջնական կայունության հաստատման համար անհրաժեշտ է լիարժեք երկխոսություն հաստատել հակամարտող բոլոր կողմերի միջև:

Երկրի ղեկավարը և Տոմաշ Պորեբան կարևորել են Եվրոպայի դերակատարությունը տարածաշրջանում խաղաղության ու կայունության պահպանման գործում` միաժամանակ ընդգծելով, որ անհրաժեշտ է որակապես նոր լիցք հաղորդել եվրոպական տարբեր կառույցների և Արցախի միջև կապերին:

Այս համատեքստում կարևորվել են նաև այցերը Լեռնային Ղարաբաղ, ինչը թույլ կտա ավելի հստակ պատկերացում կազմել հանրապետությունում և ամբողջ տարածաշրջանում տիրող իրավիճակի մասին:

ԼՂՀ ԱԺ խոսնակի հետ հանդիպման ընթացքում Պորեբան հայտարարել է, որ իր այցը Լեռնային Ղարաբաղ ճանաչողական բնույթ ունի,  քանզի զեկուցման նախապատրաստման ընթացքում կարևորում է ղարաբաղյան հիմնախնդրի նշանակությունը Հայաստանում և տարածաշրջանում տեղի ունեցող քաղաքական զարգացումների շրջագծում:

«Քանի որ նպատակադրված է պատրաստել օբյեկտիվ զեկույց, չէի կարող չայցելել նաև Լեռնային Ղարաբաղ՝ անմիջականորեն տեղում ուսումնասիրելու և իմանալու համար ինչպես իշխանությունների, նույնպես և հասարակության տեսակետները հիմնախնդրի և նրան առնչվող տարաբնույթ էական հարցերի լուծման առկա ընթացքի ու տեսանելի հեռանկարների վերաբերյալ», - ասել է Պորեբան:

ԼՂՀ ԱԺ խոսնակը կարևորել է նրա այցը: «Վերջին շրջանում արդեն երկրորդ անգամ է, ինչ Եվրախորհրդարանի ներկայացուցիչները ժամանում են մեր երկիր, ինչը ենթադրել է տալիս, որ միջազգային հանրությունը՝ ի դեմս եվրոպական այդ հեղինակավոր կառույցի, սկսել է առավել լուրջ հետաքրքրություն  ցուցաբերել ղարաբաղյան կարգավորման նկատմամբ», - նշել է Ղուլյանը:

ԼՂՀ ԱԺ խոսնակը հայտարարել է, որ Արցախի ժողովուրդն իր անկախ, ինքնիշխան պետությունը կառուցում է՝ հիմք ընդունելով համընդունելի միջազգային նորմերը և ուղեցույց ունենալով պետականաշինության եվրոպական ստանդարտները: «Որպես այդպիսին՝ Լեռնային Ղարաբաղը կարողացել է սեղմ ժամանակամիջոցում, առանց կողմնակի, այդ թվում՝ միջազգային կառույցների աջակցության, այդ առումով հասնել նկատելի հաջողությունների», - ասել է Ղուլյանը:

Միաժամանակ նա ափսոսանք է հայտնել, որ միջազգային հանրությունը համարժեք հետաքրքրություն չի ցուցաբերում ԼՂՀ հանրային-պետական կառավարման  ասպարեզում  արդեն իսկ ձևավորված ու կայացած ժողովրդավարական արժեքների առկայության նկատմամբ։

Անդրադառնալով ղարաբաղաադրբեջանական հակամարտության կարգավորման խնդրին՝  ԱԺ նախագահը նշել է, որ ԵԱՀԿ Մինսկի խմբի հովանու ներքո տեղի ունեցող բանակցային գործընթացի պարբերական տեղապտույտները գլխավորապես բացատրվում են նրանով, որ լիարժեք չէ նրա ձևաչափը, քանզի դրան անմիջականորեն չի մասնակցում հակամարտության հիմնական կողմերից մեկը՝ Լեռնային Ղարաբաղը: Ղուլյանի խոսքով՝ այդ մասին պաշտոնական Ստեփանակերտը բազմիցս բարձրաձայնել է ամենատարբեր մակարդակներով։

ԼՂՀ փախստականների հասարակական կազմակերպության մի խումբ անդամների հետ հանդիպման ընթացքում Պորեբան տեղեկացրել է հանդիպման մասնակիցներին այն մասին, որ Հայաստանի վերաբերյալ իր կողմից պատրաստվող զեկույցում մտադիր է արծարծել նաև Ադրբեջանից գաղթած հայ փախստականների հիմնախնդիրները, ուստի և կցանկանար որոշակի տեղեկություններ ստանալ այդ կապակցությամբ նաև Լեռնային Ղարաբաղում:

Փախստականների միության նախագահը և հանդիպմանը ներկա մյուս փախստականները Պորեբային են ներկայացրել այն տառապանքները, որ կրել է ադրբեջանահայությունը 1988-90 թթ.։ Նրանք հայտնել են, որ այդ հանրապետության ավելի քան 500 հազար քաղաքացիներ, միայն այն պատճառով, որ ազգությամբ հայ են, ստիպված են եղել պետականորեն կազմակերպված զանգվածային ջարդերի ու բռնի տեղահանությունների պատճառով գաղթել՝ լքելով բնակարանները, սերնդեսերունդ կուտակած ունեցվածքը և դրամական միջոցները, մտածելով միայն իրենց ու զավակների կյանքը փրկելու մասին։

«Որպես առավել ցավալի իրողություն՝ այդ ողբերգական իրադարձությունների ընթացքում հարյուրավոր հայեր՝ անկախ տարիքից ու սեռից, զոհ են գնացել գազազած ամբոխի վայրագություններին կամ հաշմվել են՝ ստանալով տարբեր ծանրության մարմնական վնասվածքներ։ Ադրբեջանում վտանգված էր համամարդկային գլխավոր արժեքը՝ մարդու ապրելու իրավունքը, ինչը, ցավոք, այն ժամանակ ամենևին չի մտահոգել միջազգային հանրությանը», - հայտարարել են ԼՂՀ փախստականների հասարակական կազմակերպության անդամները:

«Մեր վիճակը առաջատար տերություններին և, մանավանդ, եվրոպական կառույցներին չի հետաքրքրել նաև հետագա տարիներին», - նշվել է հանդիպման ժամանակ: «Արդյունքում՝ ահա ավելի քան քսան տարի է, ինչ Լեռնային Ղարաբաղում ապաստան գտած ադրբեջանահայերը, չունենալով միջազգային նորմերով սահմանված փախստականի կարգավիճակ, զրկված են մարդասիրական բնույթի արտաքին օգնությունից ու միայն Հայաստանի և Արցախի իշխանություններն են, որ տարիներ ի վեր ամենայն կերպ սատար են կանգնում բռնատեղահանված հայրենակիցներին», - նշել են ԼՂՀ փախստականների հասարակական կազմակերպության անդամները:

Ղարաբաղցի փորձագետները կարծում են, որ եվրոպացի պատգամավորների նմանատիպ այցերը վկայում են Լեռնային Ղարաբաղի նկատմամբ նրանց ավելացած հետաքրքրության մասին: Նրանք կօգնեն առաջին ձեռքից վստահելի տեղեկատվություն ստանալ հանրապետությունում տիրող քաղաքական և սոցիալ-տնտեսական իրավիճակի, ղարաբաղյան հակամարտության, հայ փախստականների խնդիրների մասին և շատ լավ ազդակ կդառնան ԼՂՀ միջազգային ճանաչման հարցում:

Բացի այդ, նմանատիպ այցերը թույլ կտան վերջ դնել համապատասխան եվրոպական ատյաններում, մասնավորապես Եվրոպական Միությունում Ադրբեջանի կողմից Ղարաբաղի մասին ապատեղեկատվության տարածմանը:

Ընթացիկ տարվա հոկտեմբերին Լեռնային Ղարաբաղ են այցելել նաև Եվրախորհրդարանի պատգամավորներ Միշել Ռիվազին և Դամիան Աբադը:

Արմեն Սարգսյան, «Նովոստի-Արմենիա» գործակալության սեփական թղթակիցը Ստեփանակերտում

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: