483.91
-0.09
525.43
-0.58
8.48
-0.04
+14
Եղանակը Երևանում
Հայ
Արվեստի կախարդական ուժը. մեծանուն տենորը՝ որպես Հայաստանում քաղաքական ցնցումների դետոնատոր
11:29
13 Դեկտեմբերի 2010

ԵՐԵՎԱՆ, 13 դեկտեմբերի. /Նովոստի-Արմենիա/. Մեծանուն տենոր Խոսե Պլասիդո Դոմինգո Էմիլը դեկտեմբերի սկզբին ժամանել էր Հայաստան՝ ունենալով միայն մեկ նպատակ՝ մայրաքաղաքի բնակիչներին հաղորդակից դարձնել հավերժական արվեստին: Դոմինգոն այլ նպատակներ անկասկած չուներ, ավելին՝ իսպանացի տենորը չէր էլ կասկածում, որ «Երևանյան հեռանկարներ» գրեթե մարգարեական անվանումով փառատոնի շրջանակներում կազմակերպված համերգի ժամանակ կբռնկվի ներքաղաքական լուրջ գործընթացների պատրույգը:

Տեղյակ մարդկանց կարծիքով՝ անհանգիստ մամուլն ընդհանուր գծերով ճիշտ էր Երևանի քաղաքապետ Գագիկ Բեգլարյանի և ՀՀ նախագահի աշխատակազմի արարողակարգի ծառայության աշխատակից Արամ Կանդայանի միջև տեղի ունեցած միջադեպի վերաբերյալ: Վերջինս, ԶԼՄ-ների պնդմամբ, Դոմինգոյի համերգի ժամանակ խնդրել է քաղաքապետի տիկնոջը, ով նստել էր ՀՀ նախագահի կողքին, նստել մեկ աթոռ այն կողմ՝ արարողակարգի կանոնները չխախտելու համար: Կանդայանի այդ արարքը մեծ վրդովմունք էր աջացրել, որը, ինչպես գրում են թերթերը, վերածվել է ուժի կիրառման՝ իր զգացմունքները չզսպած քաղաքապետի հետագա հրաժարականով:

Այնուամենայնիվ, փորձագետները պնդում են, որ հարկավոր է այս գործընթանցերն ավելի խորը դիտարկել, դրանք կապված են ՀՀ նախագահի սկզբունքային մոտեցումների հետ, ով բացառում է պաշտոնյաների նմանօրինակ վարքագիծը՝ անկախ զբաղեցրած պաշտոնից: ՀՀ արդարադատության նախարար Գևորգ Դանիելյանի պաշտոնազրկումը դարձավ այս ամենի ապացույցը, ով, ըստ վարչապետ Տիգրան Սարգսյանի, ժամանակին չէր պատժել իր ենթակային: Այս ամենից հետո փորձագետներն ու քաղաքական գործիչներն արդեն սկսեցին խոսել քաղաքական հստակ գծի մասին, որի հիմքում ընկած է ամենաթողության և անպատժելիության մթնոլորտի նկատմամբ անհանդուրժողականությունը:

Ղարաբաղի անկախության ճանաչումը. պատգամավորները կողմ են, սակայն ճիշտ  ժամանակին

Նախորդ շաբաթվա կարևոր իրադարձություններից է նաև «Ժառանգություն» ընդդիմադիր խմբակցության կողմից ներկայացված  «ԼՂՀ անկախության ճանաչման մասին» օրինագծի քվեարկությունը: Չնայած խորհրդարանում չկան ԼՂՀ-ի անկախության ճանաչման հակառակորդներ, այնուամենայնիվ, խորհրդարանական մեծամասնությունը որոշում ընդունեց չմասնակցել քվեարկությանը՝ կարծելով, որ նման քայլը կարող է խոչընդոտներ ստեղծել հակամարտության խաղաղ կարգավորման գործընթացում: Միաժամանակ իշխանամետ կուսակցությունների պատգամավորները բազմիցս հայտարարում էին, որ անհրաժեշտության դեպքում իրենք կնախաձեռնեն Լեռնային Ղարաբաղի Հանրապետության ճանաչման գործընթացը՝ ընդգծելով, որ ԼՂՀ-ի միջազգային ճանաչումը միայն ժամանակի հարց է:

Օրինագծին կողմ քվեարկեցին 131 խորհրդարականներից միայն 13-ը: «Ժառանգություն» կուսակցության առաջնորդ Րաֆֆի Հովհաննիսյանը քվեարկությունից անմիջապես հետո հայտարարեց, որ Հայաստանը պետք է ճանաչի Ղարաբաղը մինչև 2011 թ.-ի երկրորդ կիսամյակում նշվող ԼՂՀ անկախության 20-ամյա հոբելյանի տոնակատարությունը:

Երևան. Ղարաբաղի մասին դիրքորոշումն անփոփոխ է

Հայաստանի նախագահ Սերժ Սարգսյանը, նախորդ շաբաթ Մոսկվայում ելույթ ունենալով ՀԱՊԿ Հավաքական անվտանգության խորհրդի նստաշրջանում, հայտարարեց, որ Հայաստանը կտրականապես դեմ է ԼՂՀ հարցը ռազմական ճանապարհով լուծելուն: «Ադրբեջանի կողմից նոր ռազմական արկածախնդրության սանձազերծման դեպքում, Հայաստանն այլ ընտրություն չի ունենա, քան դե-յուրե ճանաչել Լեռնային Ղարաբաղի Հանրապետությունը և ապահովել նրա բնակչության անվտանգությունը բոլոր հասանելի միջոցներով»,- ընդգծեց երկրի ղեկավարը:

Նա հիշեցրեց, որ Աստանայի գագաթնաժողովի ընթացքում Մինսկի խմբի համանախագահող երկրների և Հայաստանի ու Ադրբեջանի Նախագահների միջև ընդունվեց հնգակողմ հայտարարություն: Դրանում խոսվում է այն մասին, որ բանակցությունների հիման վրա ղարաբաղյան հիմնախնդրի խաղաղ լուծման փնտրտուքները ազգերի միջև կայունության, հաստատուն խաղաղության, փոխըմբռնման ոչ այլընտրանքային ճանապարհ են համարվում:

Սարգսյանն ընդգծեց, որ Ռուսաստանի նախագահը, Ֆրանսիայի վարչապետը և ԱՄՆ պետքարտուղարը հայտարարեցին ուժի և ուժի սպառնալիքի կիրառման անթույլատրելիության մասին, այն մասին, որ այդ առաջարկվող տարրերը որոշվել են որպես մի ամբողջություն, և դրանց մի մասը` ի վնաս մյուսների գերադասելու ցանկացած փորձ անհնար է դարձնում հավասարակշռված լուծման հասնելը:

«Եվրատեսիլին» կպայքարի Էմմին

«Եվրատեսիլ-2011» ամենամյա երգի մրցույթին Հայաստանը կներկայացնի երգչուհի Էմմին, մամուլի ասուլիսում հայտարարել է Հայաստանի Հանրային հեռուստառադիոընկերության խորհրդի նախագահ Ալեքսան Հարությունյանը:

«Այս տարի Հանրային հեռուստաընկերության գեղարվեստական խորհուրդը առաջարկեց Էմմին ելույթ ունենալ Եվրատեսիլում, խորհուրդը երգի մրցույթ  է հայտարարում», - ասել է Հարությունյանը: Նա պարզաբանեց, որ սա առաջին դեպքը չէ, երբ Խորհուրդն ինքն է ընտրում մասնակցին՝ ավելացնելով, որ այս տարի ընտրվել է Էմմին, «քանի որ նա վաղուց էր պատրաստ մասնակցել «Եվրատեսիլին»»:

Միաժամանակ Հարությունյանը նշեց, որ Հայաստանը դեռ չի կողմնորոշվել «Մանկական Եվրատեսիլ 2011»-ը հյուրընկալելու համար հայտ ներկայացնելու հարցում: «Մենք մինչև հիմա «Մանկական Եվրատեսիլի» անցկացման հայտ չենք ներկայացրել և չգիտնեք՝ կներկայացնենք, թե ոչ, քանի որ դա կապված է ֆինանսական հարցերի հետո: Մենք պետք է որոշեք՝ կբավարարե՞ն, արդյոք, մեր հնարավորությունները այդ հարցերի լուծման համար», - ասաց Հարությունյանը:

Նա պարզաբանել է, որ ի տարբերություն մեծահասակների Եվրատեսիլի՝ մանկականում պարտադիր չէ, որ հաջորդ մրցույթը հյուրընկալի հաղթող երկիրը, և ցանկացած պետություն կարող է հայտ ներկայացնել

Նոյեմբերի վերջին Մինսկում կայացած Մանկական Եվրատեսիլ-2010 միջազգային երգի մրցույթի ժամանակ տասներկուամյա Վլադիմիր Արզումանյանը «Մայրիկ» երգով հաղթանակ բերեց Հայաստանին։ --0—

Loading...
Թեմատիկ նյութեր

Բաժնի այլ նյութեր
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը: