480.74
+0.03
511.65
+0.46
7.48
-0.03
+5
Եղանակը Երևանում
Հայ
Աստանայի հանդիպումները, Դոմինգոյի միակ համերգն ու հայկական «яндекс»-ը. շաբաթվա արդյունքները
12:10
06 Դեկտեմբերի 2010

Նախորդ շաբաթ Հայաստանի հիմնական քաղաքական իրադարձությունները զարգանում էին Աստանայի գագաթնաժողովից «առաջ» և «հետո» սցենարով: Երևանում հիմնական սպասումները ղարաբաղյան հակամարտության վերաբերյալ հայտարարության հնարավոր ընդունման հետ էին կապված:

Միաժամանակ հայ փորձագետները տարբեր կարծիքներ ունեին գագաթնաժողովի նշանակության մասին. եթե ոմանք կարծում էին, որ գագաթնաժողովը բեկումնային կդառնա, ապա մյուսները կոչ էին անում որևէ լուրջ սպասում չկապել գագաթնաժողովի հետ:

Աստանա. նախագահ Սարգսյանի հայտարարությունները

Լեռնային Ղարաբաղի հակամարտության կարգավորման ԵԱՀԿ Մինսկի խմբի համանախագահ երկրների պատվիրակությունների ղեկավարները, ովքեր մասնակցել են Աստանայի գագաթնաժողովին, ինչպես նաև Հայաստանի և Ադրբեջանի նախագահներ Սերժ Սարգսյանը և Իլհամ Ալիևը չորեքշաբթի հանդես են եկել հայտարարությամբ այն մասին, որ եկել է ղարաբաղյան հակամարտության վերաբերյալ վճռական քայլերի ժամանակը: Հայտարարություն կոչ է արվել Հայաստանի և Ադրբեջանի ղեկավարներին նոր ուժով ուշադրությունը կենտրոնացնել առկա խնդիրների լուծմանը, որոնք դեռևս Հիմնական սկզբունքներում են մնում, իսկ ՄԽ համանախագահներին հանձնարարվել է շարունակել աշխատանքը հակամարտող կողմերի հետ և օժանդակություն ցուցաբերել այդ խնդիրների լուծման գործում:

Համանախագահ-երկրները հաստատել են իրենց պատրաստակամությունը աջակցել Հայաստանի և Ադրբեջանի նախագահներին անհրաժեշտ որոշումների ընդունման գործում՝ խաղաղ կարգավորման հասնելու համար և կոչ են արել ղեկավարներին նոր ուժով կենտրոնացնել ուշադրությունը գոյություն ունեցող խնդիրների լուծման վրա: Բանակցությունների համար լավագույն մթնոլորտ ստեղծելու համար նրանք կոչ են արել լրացուցիչ քայլեր ձեռնարկել՝ հրադադարի ռեժիմի ամրապնդման և բոլոր ոլորտներում փոխադարձ վստահության ձևավորմանն ուղղված միջոցների իրագործման համար:  

Աստանայի գագաթնաժողովին ՀՀ նախագահ Սերժ Սարգսյանը հանդես է եկել ծավալուն ելույթով, որի ընթացքում ուշադրություն է դարձրել այն բանի վրա, որ Ադրբեջանը եվրոպական մայրցամաքում հայտնի միակ երկիրն է, որը հպարտությամբ է խոսում իր ռազմական բյուջեի բազմապատկման մասին:

ՀՀ նախագահի խոսքերով՝ այս ամենը համեմվում է Ադրբեջանի ղեկավարության բացահայտ հայատյաց ելույթներով, թշնամանք, ագրեսիա, բռնություն սերմանող կոչերով:

ՀՀ նախագահը խոսել է նաև Նախիջևանում հայկական միջնադարյան գերեզմանոցի ոչնչացման մասին, որը դարձավ հայկական մշակութային ժառանգության ամբողջական ոչնչացման երկարատև և հետևողական քաղաքականության գագաթնակետը: ՀՀ նախագահը հիշեցրեց, որ վերջերս ՅՈՒՆԵՍԿՕ-ում վիճարկում էին խաչքարի` հայկական քրիստոնեական արվեստի գլուխգործոցի, հեղինակային իրավունքները և պնդում, որ խաչքարը ոչ այլ ինչ է, քան ադրբեջանական արվեստի նմուշ:

«Միայն տարակուսել կարելի է, թե ինչու այդ դեպքում, ընդամենը 5 տարի առաջ, այդքան վայրագաբար ոչնչացվեց այդ արվեստի խոշորագույն հուշարձաններից մեկը` Ջուղայի միջնադարյան հայկական գերեզմանատունը` հազարավոր խաչքարերով, որի տեղում կառուցվեց ռազմական հրաձգարան», - ասել է ՀՀ նախագահը:

Հետ չմնաց նաև Ադրբեջանի նախագահ Իլհամ Ալիևը, ով հայտարարեց, որ Հայաստանը «նախընտրում է գնալ հակամարտության էսկալացիայի ճանապարհով, «մշտապես խախտում է հրադադարի ռեժիմը, զորավարժություններ է անցկացնում «օկուպացված տարածքներում», փորձում է վերանվանել քաղաքների և գյուղերի «պատմական» անունները, քաղաքացիական բնակչությանը բնակեցնում է «օկուպացված» տարածքներում:

Փորձագետ Սերգեյ Շաքարյանը հայտարարեց, որ Աստանայում ԵԱՀԿ գագաթնաժողովին Ադրբեջանի նախագահ Իլհամ Ալիևի ելույթը բացահայտ անհեթեթություն էր, անզուսպ և անհավասարակշիռ: Փորձագետը հիշեցրեց, որ Հայաստանը զորավարժություններ չի անցկացնում, դրանք անցկացնում է Ղարաբաղի Պաշտպանության բանակը, և քանի դեռ Ադրբեջանը համարելու է, որ ԼՂՀ-ն օկուպացված տարածք է, նրա համար այս դեպքում ամեն ինչ հնարավոր է:

Խոսելով բնակավայրերի վերանվանման մասին՝ Շաքարյանցը նշեց, որ խոսքը հայկական հնագույն անվանումների մասին է, որոնք Ադրբեջանը, օգտվելով տարաբնույթ պատմական առիթներից, փոխել է իր ուզածով:

WikiLeaks

Հայաստանում քննարկվող թեմաներից էր նաև WikiLeaks-ի կողմից փաստաթղթերի հերթական խմբաքանակի հրապարակման հետ կապված սկանդալը: Այս հարցին անդրադարձավ նաև ԵԱՀԿ գագաթնաժողովին մասնակցող ԱՄՆ պետքարտուղար Հիլարի Քլինթոնը: Նա նշեց, որ ԵԱՀԿ երկրներից ոչ մեկը մտահոգություն չհայտնեց WikiLeaks-ի հրապարակումների կապակցությամբ և չհրաժարվեց համագործակցել ԱՄՆ-ի հետ:

«Համոզված եմ, որ աշխատանքը, որը մեր դիվանագետներն իրականացնում են ամեն օր, կշարունակվի: Կլինեն ավելի մեծ քանակությամբ հարցեր, որոնք մարդիկ իրավունք ունեն հարցնել, և մենք կպատասխանենք մեր բոլոր գործընկերների հարցերին», - նշել է Քլինթոնը:

Քաղաքագետ Մանվել Սարգսյանի կարծիքով՝ WikiLeaks-ի հետ կապված աղմկահարույց իրավիճակը բավական լարված մթնոլորտ է ստեղծել Աստանայում անցկացվող ԵԱՀԿ գագաթնաժողովում, և պետությունների ղեկավարներին այդքան էլ հաճելի չէ քննարկումներ անցկացնել նման մթնոլորտում:

Տեղեկատվական անվտանգության փորձագետ Սամվել Մարտիրոսյանը նշել է, որ Ադրբեջանի նախագահ Իլհամ Ալիևը WikiLeaks-ի վերջին հրապարակումների «աստղն է»:

«Ընդհանուր առմամբ, բոլոր քաղաքական գործիչներին հետագայում ավելի դժվար կլինի աշխատել քաղաքական դաշտում: Այժմ փայլում է Իլհամ Ալիևը... Հետագայում կարող է ինչ ուզես ի հայտ գալ, բայց առայժմ աստղային ասպարեզում Ալիևն է իր արտահայտություններով Պուտինի, Մեդվեդևի մասին և այլն»,- ասել է Մարտիրոսյանը:

Երաժշտական Երևան

Դեկտեմբերի 3-ին Կարեն Դեմիրճյանի անվան ՄՀՀ-ում միակ համերգով հանդես է եկել հայտնի իսպանացի տենոր Պլասիդո Դոմինգոն, ով Երևան է ժամանել «Երևանյան հեռանկարներ» միջազգային 11-րդ փառատոնի աշնանային սեզոնի շրջանակներում:

Իր մամուլի ասուլիսի ժամանակ Դոմինգոն հայտարարել է, որ այս այցին վաղուց է սպասել:

«Ես վաղուց էի ցանկանում լինել Հայաստանում և ծրագրում էի դա, բայց այցը միշտ հետաձգվում էր։ Այդ պատճառով ինձ և իմ ողջ թիմի համար, նրանց համար, ովքեր վաղը երգելու են ինձ հետ, մեծ պատիվ է գտնվել Հայաստանում։ Ամեն տարի ես ծրագրում եմ իմ այցելությունների ցանկը և դրա մեջ ներառում եմ այն երկրներ այցելությունը, որտեղ չեմ եղել։ Այս անգամ հերթը Հայաստանին էլ հասավ։ Ես այս այցին շատ վաղուց եմ սպասել», - ասել է Դոմինգոն:

Տենորը նշել է, որ նա շատ հայ ընկերներ ունի, և նրանց շարքում առաջինը Շառլ Ազնավուրն է, ում հետ Դոմինգոն բավականին ջերմ հարաբերություններ ունի: «Հայաստանի հետ իմ ծանոթությունը դեռ մանկուց է սկսվել՝ իմ ծնողները երգիչներ էին, և իմ մայրը վոկալի դասեր է վերցրել տիկին Բաբայանից՝ Փարիզում։ Այդ ժամանակվանից ես արդեն ծանոթ եմ հայերին», - ասել է նա:

Իսպանացի տենորը ափսոսանք է հայտնել, որ չի հասցրել տեսարժան վայրեր այցելել, քանի որ նրա այցը շատ կարճատև է: «Կարծում եմ, որ մենք տուրիստական այցերը հաջորդ անգամվա համար կթողնենք, քանի որ այս հրաշալի երկիրը ավելի մեծ ուշադրության է արժանի», - ասել է Դոմինգոն:

Մաեստրոն նաև նշել է, որ պատրաստ է Երևանում համերգ տալ այլ հայտնի երգիչների հետ, այդ թվում նաև՝ մեծանուն ֆրանսահայ շանսոնյե Շառլ Ազնավուրի հետ:

Հայկական առաջին «яндекс»

Նախորդ շաբաթ «All Media» ՓԲԸ-ն գործարկեց նոր ինտերնետ-նախագիծ՝ www.mediagid.am, որը Հայաստանում լուրերի ավտոմատ մշակման և համակարգման առաջին համակարգն է:

MediaGid-ը լուրերի ավտոմատ մշակման և համակարգման համակարգ է։ MediaGid ստացվող տվյալները վերլուծության են ենթարկվում հատուկ ծրագրի կողմից, որը բովանդակությամբ մոտ նյութերը միավորում է սյուժեների մեջ, որոնք կատեգորիաների են բաժանված։ www.mediagid.am կայքի տեղեկատվությունը ներկայացված է համակարգի գործընկերների՝ հայկական առաջատար ԶԼՄ-ների կողմից։ Համակարգի գլխավոր սկզբունքներն են՝ հրատապություն, արդիականություն, մատչելիություն, անկողմնակալություն աղբյուրների նկատմամբ։

Ինչպես նշել է նախագծի ղեկավար Արմեն Մարտիրոսյանը, այժմ լուրերի որոնման համար պետք չէ մտնել բազմաթիվ կայքեր, բավական է կանոնավոր կերպով այցելել MediaGid։ www.mediagid.am ագրեգատորի կայքում այժմ օրական ստացվում է մինչև 1000 միավոր տեղեկատվություն երեք լեզվով՝ հայերեն, ռուսերեն և անգլերեն։ Տեղեկատվությունը թարմացվում է շուրջօրյա՝ իրական ժամանակի ռեժիմում։ Ծրագրվում է նաև նախագիծը մուլտիմեդիոն դարձնել. կայքում կներկայացվի ոչ միայն տեքստային տեղեկատվություն, այլ նաև ֆոտոնյութեր, իսկ հետագայում նաև՝ տեսանյութեր։  

Կայքի ինքնատիպ նորույթների թվում է հանրաճանաչության ցուցիչն ըստ կատեգորիաների՝ մարդիկ, ընկերություններ, սպորտ, շոու-բիզնես։ Կայքի այցելուների համար հասանելի է նաև որոնողական համակարգը, լուրերի պահոցը, եղանակի տեսությունը Հայաստանի 22 քաղաքում, ինչպես նաև բանկերում արժույթի փոխարժեքները:-0-

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: