487.29
-0.01
568.08
+2.76
8.23
+0.01
+13
Եղանակը Երևանում
Հայ
Հայաստանը Աստանայի սպասումով և «Արևելյան գործընկերության» քննարկումը
12:59
29 Նոյեմբերի 2010

ԵՐԵՎԱՆ, 29 նոյեմբերի. /Նովոստի-Արմենիա/. Նախորդ շաբաթ Երևանում մեծ թափով քննարկվում էր Աստանայում դեկտեմբերի 1-2-ը կայանալիք ԵԱՀԿ ՄԽ գագաթնաժողովը: Հատկանշական է այն փաստը, որ բոլոր հայկական քաղաքական գործիչներն ու քաղաքագետները, ովքեր բազմաթիվ քաղաքական հարցերի շուրջ տարբեր կարծիքներ ունեն, նախանձելի միակամությամբ համաձայնեցին, որ չարժե Ղարաբաղի վերաբերյալ որևէ փաստաթղթի ստորագրում ակնկալել:

ՀՅԴ ընդդիմադիր խմբակցության անդամ Արտյուշա Շահբազյանը նշեց, որ այժմ հայ-ադբրեջանական հարաբերություններում բավականին լարված փուլ է սկսվել։

«Չեմ կարծում, թե Աստանայում լուրջ առաջընթաց կարձանագրվի։ Հավանաբար, Աստանայի բանակցությունները կանցնեն նույն ոգով, որով անցան Ռուսաստանի նախագահի նախաձեռնությամբ տեղի ունեցած բանակցությունները»,- ասաց նա։

Նմանատիպ կարծիք է հայտնել քաղաքագետ Սերգեյ Շաքարյանցը, ով ևս նշել է, որ Աստանայի գագաթնաժողովի ժամանակ ղարաբաղյան հակամարտության կարգավորման հարցում որևէ տեղաշարժ չի լինի:

Միաժամանակ նա ընդգծել է, որ բանակցային գործընթացի մեջ Ղարաբաղի ներգրավման անհրաժեշտության մասին Հայաստանի բարձրագույն ղեկավարության կանոնավոր հայտարարությունները վկայում են այն մասին, որ «բանակցային գործընթացում Ղարաբաղի լիիրավ և լիարժեք մասնակցությունն ավելի մոտ է, քան 1997 թ.-ին, երբ նա «դուրս մղվեց» բանակցություններից»:

Տարատեսակ բանավեճերին որոշակի սրություն հաղորդեց ԵԱՀԿ ՄԽ համանախագահներ Բեռնար Ֆասիեի (Ֆրանսիա), Ռոբերտ Բրադտկեի (ԱՄՆ), Իգոր Պոպովի (Ռուսաստան) և ԵԱՀԿ գործող նախագահի անձնական ներկայացուցիչ Անջեյ Կասպրշիկի այցը Երևան: Հայաստան ժամանած համանախագահներն ու ԵԱՀԿ գործող նախագահի անձնական ներկայացուցիչը ՀՀ նախագահ Սերժ Սարգսյանի և ԱԳ նախարար Էդվարդ Նալբանդյանի հետ քննարկեցին ղարաբաղյան հակամարտության կարգավորման հարցերը Աստանայում կայանալիք գագաթնաժողովի նախօրեին:

Դեմքով դեպի Եվրոպա. «Արևելյան գործընկերության» շրջանակներում համաժողով Երևանում

Երևանը շարունակում է կենդանի շահագրգռվածություն դրսևորել «Արևելյան գործընկերություն» ծրագրի նկատմամբ: Այս անգամ ծրագիրը քննարկվեց «Եվրոպական հեռանկարները «Արևելյան գործընկերություն» ծրագրի շրջանակներում և Հայաստան-Եվրոպական միություն Ասոցացման համաձայնագրի շուրջ բանակցությունների գործընթացում» 6-րդ համաժողովի ընթացքում։

Հայաստանի համար եվրաինտեգրումն այլընտրանք չունի, և այս հարցում կենտրոնական նշանակություն ունի «Արևելյան գործընկերություն» ծրագիրը, հայտարարել է ՀՀ վարչապետ Տիգրան Սարգսյանը:

«Այդ ծրագրի իրականցման համար անվիճելի է ՀՀ պետական կառավարման ինստիտուտների կատարելագործումը, տնտեսական զարգացումը, եվրոպական երկրների հետ արտաքին առևտրի ընդլայնումը և ժողովրդավարության ու օրենքի գերակայության ամրապնդումը»,- ասել է կառավարության ղեկավարը։

Միաժամանակ Սարգսյանն ընդգծել է, որ Հայաստանը շահագրգռված է «Արևելյան գործընկերության» ծրագրի բոլոր մասնակից-երկրների, այդ թվում նաև թուրքիայի եվրաինտեգրմամբ:

Միաժամանակ Դաշնակցության խորհրդարանական խմբակցության ղեկավար Վահան Հովհաննիսյանը կարծիք է հայտնել, որի համաձայն՝ Հայաստանում եվրաինտեգրման գործընթացը իմիտացիոն բնույթ է կրում:

Նա ընդհանրապես կարծում է, որ հանդիպումներն ու համաժողովները եվրաինտեգրում չէ:

«Եթե իշխանություններն իսկապես ցանկանում են երկիրը ինտեգրել Եվրոպա, ապա նրանք պետք է փոխեն իրենց վերաբերմունքը ժողովրդի, քաղաքականության, տնտեսության նկատմամբ: Դեռևս դա տեղի չի ունենում, այդ պատճառով հասարակությունը շատ սառն է վերաբերվում «եվրաինտեգրում» հասկացությանը», - ասել է պատգամավորը:

Հայ կանայք պետք է ավելի ակտիվ ինտեգրված լինեն երկրում առկա  գործընթացներին. Սերժ Սարգսյան

Հայաստանի նախագահ Սերժ Սարգսյանը Ծաղկաձորում, հանդիպում ունենալով ՀՀԿ կանանց խորհրդի ներկայացուցիչների հետ, կարևորել է կանանց դերն ու ակտիվ գործունեությունը երկրի քաղաքական կյանքում:

Նախագահը նշել է, որ չնայած ՀՀԿ-ն պահպանողական կուսակցություն է, որի արժեքային համակարգում ընտանիքը, երեխաները, իհարկե, ամենակարևոր բաղադիրչներից են, բայց երբեք ոչ իր, և ոչ էլ կուսակցության ղեկավարության մտքով իսկ չի կարող անցնել, որ Հանրապետական կանանց գործունեությունը կամ հայ կանանց գործունեությունը պետք է սահմանափակվի ամուր, լավ ընտանիք ունենալով, երեխաների դաստիարակությամբ, կամ էլ ընտանեկան ջերմ մթնոլորտ ստեղծելով:

«Ոչ, բնավ ոչ: Մենք միշտ ընդգծել ենք կանանց ակտիվության անհրաժեշտությունը: Մեզ համար շատ մեծ շռայլություն կլիներ, եթե փորձեինք սահմանափակել կանանց հնարավորությունները», - ասել է ՀՀ նախագահը

 ՀՀԿ-ի կանանց խորհրդի ղեկավար, ՀՀ ԱԺ պատգամավոր Հերմինե Նաղդալյանը նշել է, որ Հայաստանի Հանրապետական կուսակցության 128 հազար անդամներից 64 հազարը կանայք են:

Նրա խոսքերով՝ ՀՀԿ-ի խորհրդում 4 կին կա, ՀՀ ԱԺ-ում՝ երկու, ևս մեկ կին-հանրապետական կա կառավարությունում:

Նա նաև տեղեկացրել է, որ կին-հանրապետականները գլխավորում են 23 համայնք, կուսակցության 275 ներկայացուցիչ ներառված է տեղական ինքնակառավարման մարմիններում, երկու կին գլխավորում է ՀՀԿ-ի շրջանային կազմակերպությունները, իսկ 288-ը գլխավորում են առաջնային կազմակերպություններ՝ հաջող կերպով տեղում աշխատելով մարդկանց հետ

«Մենք ունենք հզոր ազգային բանակ, սակայն վստահ եղեք, որ ի դեմս Կանանց խորհրդի՝ կա ևս մեկ մարտունակ, ազնիվ և պետությանը նվիրված բանակ», - ասել է Նաղդալյանը:-0-

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։