483.58
+0.74
513.85
-7.76
7.67
+0.05
+2
Եղանակը Երևանում
Հայ
Եվրոպայի ղարաբաղյան նվաճումը. շաբաթվա արդյունքները
15:02
22 Նոյեմբերի 2010

Հայաստանում նախորդ շաբաթը, որն անցավ ղարաբաղյան խնդրի շուրջ խոսակցություններով, քննարկումներով, բանավեճերով և վեճերով, ուրախացրեց մշակութային ոլորտում ղարաբաղյան հաղթանակով: Տասներկուամյա արցախցի Վլադիմիր Արզումանյանը Հայաստանին առաջին անգամ հաղթանակ բերեց Մանկական Եվրատեսիլի նման հեղինակավոր երգի մրցույթում: Պատանի երգչի հաջողություններում մշակութային-հումանիտար կողմից բացի դժվար է չնկատել բազմաթիվ նշանակալի փաստեր: Նշենք միայն այն, որ «հաղթանակ» բառը Հայաստանում հերթական անգամ ասոցացվում է Ղարաբաղի հետ: Եվս մեկ ոչ պակաս խորհրդանշական իրադարձություն՝ հայ-արցախյան հաղթանակը նվաճվեց հենց Մինսկում, քաղաք, որով կոչվել է ղարաբաղյան հակամարտության կարգավորման գործընթացը: Չես ցանկանում, բայց ակամայից սկսում ես հավատալ նախանշաններին, այն էլ՝ բարի:

Ողբերգություն ճակատային գծում

Սակայն Ղարաբաղից նախորդ շաբաթ միայն ուրախալի լուրեր չէ, որ գալիս էին: Շաբաթ օրը տեղեկատվություն ստացվեց չորս մարդու մահվան մասին, դեպքը տեղի էր ունեցել ԼՂՀ ՊՆ-ի զորամասերից մեկի կողմից հսկվող առաջնային գծում: Եվս չորս մարդ վիրավորվել է: Նման արտակարգ դեպքերը ղարաբաղյան բանկում, որը միշտ տարբերվում է պատրաստականության բարձրագույն մակարդակով և խստագույն կարգապահությամբ, արտառոց և դատապարտելի դեպք է: Ղարաբաղյան կողմը վճռական է տրամադրված կանխել բանակում գոյություն ունեցող ցանկացած բացասական երևույթ, և դա է պատճառը, որ բոլոր համապատասխան ծառայությունները միջադեպից հետ օպերատիվ կերպով արձագանքեցին: Ընդ որում խոսքը ինչպես հասարակական իրազեկության, այնպես էլ քննչական գործողությունների մասին է:

Մենք օտար հող չենք ուզում, սակայն մերն էլ տալ չենք պատրաստվում

Նոյեմբերի 1-15-ն անցկացված Ղարաբաղի Պաշտպանության բանակի խոշորագույն մարտավարական զորավարժությունները և ՀՀ նախագահ Սերժ Սարգսյանի արած հայտարարություններն ակտիվորեն քննարկվում էին հայկական փորձագիտական հասարակությունում: Հիշեցնենք, որ ՀՀ նախագահը հայտարարել է, որ հայկական կողմը նախահարձակ չի լինելու, սակայն եթե հակառակորդը պարտադրի, ապա հարվածը կլինի կործանարար և վերջինը: Ադրբեջանական նոր ագրեսիայի դեպքում ղարաբաղյան հարցի վերջնական լուծման անհրաժեշտության մասին թեզը լիովին տրամաբանական է: Ոչ ոք չի պատրաստվում թույլ տալ պատմության կրկնություն՝ «վերքերը լիզելով» և ողջ տարածաշրջանի կայունությանը սպառնացող հակառակորդի ռազմական ներուժի վերականգնմամբ: Հենց սա էր ցանկանում ասել ՀՀ նախագահը:

Իր դիրքորոշումը երկրի նախագահը հաստատեց նոյեմբերի 16-ին ելույթ ունենալով Մոսկվայում տեղի ունեցած «Հայաստան» համահայկական հիմնադրամի ամենամյա գալա-երեկոյին: «Աստված վկա է` հայ ժողովուրդը պատե­րազմ չի ուզում, և այժմ էլ մենք նախահարձակ չենք լինելու, բայցև մենք չենք անտեսի մեզ նետված մարտահրավերը: Մենք միշտ ա­մուր ենք եղել մեր հողի վրա, ամուր ենք այսօր, շատ ավելի ամուր ենք լինելու ապագայում»,- ասաց նա: Նախագահի խոսքերով՝ բանակցությունները հիմ­նախնդրի խաղաղ կարգավորման շուրջ շարունակվում են, և ինչքան շուտ Ադրբեջանը գիտակցի, որ Լեռնային Ղարաբաղի ինքնորոշ­ման ընդունումն իր համար այլընտրանք չունի, այնքան շուտ կավարտվեն բանակցությունները:

Առաջին դեմքերը Ռուսաստանի մայրաքաղաքներում

Նախորդ շաբաթ ՀՀ նախագահ Սերժ Սարգսյանն ու վարչապետ Տիգրան Սարգսյանը այցելեցին Ռուսաստան: ՀՀ նախագահն այցելեց Մոսկվա, որտեղ մասնակցեց «Հայաստան» համահայկական հիմնադրամի գալա-երեկոյին, որի ընթացքում ավելի քան 8 միլիոն ԱՄՆ դոլար նվիրաբերվեց: ՀՀ նախագահը ներկա գտնվեց նաև Ռուսաստանի հայերի միության 10-ամյակին նվիրված հանդիսավոր միջոցառմանը: Այցի ընթացքում նախագահը հանդիպեց իր ռուս գործընկեր Դմիտրի Մեդվեդևի հետ, ով շատ լավ արտահայտվեց հայերի և հայ-ռուսական հարաբերությունների մասին: «Ռուսներին ու հայերին դարերի ընթացքում կապում է անկեղծ բարեկամությունն ու համակրանքը, որոնք հիմնված են միմյանց նկատմամբ հարգանքի վրա: Բարիդրացիական և սերտ համագործակցության ավանդույթները փոխանցվում էին սերնդեսերունդ և նպաստում էին մեր մշակույթների փոխհարստացմանը: Իսկ հարյուր հազարավոր հայերի համար, որոնց թվում շատ են հռչակավոր մարդիկ, Ռուսաստանը դարձավ իսկապես երկրորդ հայրենիքը», - ասել է Մեդվեդևը:

ՌԴ վարչապետ Վլադիմիր Պուտինի հետ ՀՀ նախագահ Սերժ Սարգսյանը հիմնականում քննարկեց տնտեսական համագործակցությանը վերաբերող հարցեր: Միաժամանակ ռուսական կողմը Երևանին աջակցություն ցուցաբերելու պատրաստակամություն հայտնեց:

ՀՀ վարչապետ Տիգրան Սարգսյանը նախորդ շաբաթվա վերջում մեկնեց Ռուսաստանի Հյուսիսային մայրաքաղաք՝ Սանկտ Պետերբուրգ՝ ԱՊՀ երկրների Կառավարությունների ղեկավարների խորհրդի և ԵվրԱզԷՍ-ի միջպետական խորհրդի նիստներին մասնակցելու նպատակով: Այցի շրջանակներում քննարկված մի շարք հարցեր բավականին հրատապ էին Հայաստանի համար: Մասնավորապես, խոսքը «Նաիրիտ» քիմիական հսկային մի քանի հարյուր միլիոն դոլարի վարկի հնարավոր տրամադրման, ինչպես  նաև Հայաստանում լուրջ նորարարական նախագծերի իրագործման մասին է: ՀՀ վարչապետն այցելեց նաև Սանկտ Պետերբուրգի Էկոնոմիկայի և ֆինանսների ինստիտուտ, որը նա ավարտել է գերազանցությամբ և Սանկտ Պետերբուրգի պետական համալսարանում բացեց հռչակավոր արևելագետ Հովսեփ Օրբելու կիսանդրին, ով Հայրենական մեծ պատերազմի տարիներին փրկել է Էրմիտաժը:

Ճշմարտությունը գինու մեջ է...

Նախորդ շաբաթ Հայաստանում ևս մեկ նշանակալի իրադարձություն տեղի ունեցավ: Հանրապետությունը ներառվեց բոժոլե նուվո ֆրանսիական գինու տոնը նշող շուրջ 120 երկրների ցանկում: Հայաստանում միջոցառումն անցկացվում է Ֆրանսիայի դեսպանատան, Բոժոլե առևտրաարդյունաբերական պալատի, «Եվրոպա» հյուրանոցի և «Սաբերատուր Սևան Վոյաժ» տուրիստական գործակալության ջանքերով։

Ամեն ինչ սկսվեց Հայաստանում ֆրանսիական համալսարանի շրջանավարտ Լուսինե Արզումանյանի նախաձեռնությունից, ով Լիոնում ուսանելիս համապատասխան նախագիծ էր ներկայացրել: Հայաստանում միջոցառման կազմակերպիչները հույս ունեն, որ տոնը երկրում ավանդական կդառնա:

«Բոժոլե նուվո» տոնը նշվում է 20-րդ դարի կեսերից։ Հասունացման կարճ ժամկետով գինին պատրաստվում է «գամե» խաղողից, որն աճեցնում են Բոժոլեում։Գինին տրվում է հիմնականում մսից պատաստված կերակրատեսակների, այծի պանրի, ծովամթերքի, ձկան, ոստրեի և սուշիի հետ։ -0-

Loading...
Թեմատիկ նյութեր
Բաժնի այլ նյութեր
21:11
09 Դեկտեմբերի 2016
Հայաստանը չի կենտրոնանում միայն իր սեփական ցավի վրա, այլ ապագայում ցեղասպանությունների կանխման առաջամարտիկ է
Դեկտեմբերի 9-ը «Ցեղասպանության հանցագործության զոհերի հիշատակի և արժանապատվության եւ այդ հանցագործության կանխարգելման միջազգային օրն» է։
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։