480.39
+0.17
536.6
+0.48
8.07
+0.03
+15
Եղանակը Երևանում
Հայ
«Բարև, բարև ձեզ, ես եմ». «Կինոաշունը» Հայաստանում
12:01
12 Նոյեմբերի 2010

«Բարև, բարև ձեզ, ես եմ», հենց այսպես կինոէկրանը ողջունեց հայ հանդիսատեսին այդ երեկո՝ հոկտեմբերի 11-ին, երբ Հայաստանի ազգային կինոկենտրոնը տվեց կինեմատոգրաֆիական առաջին միամսյակի կամ պարզապես «Կինոաշունի» մեկնարկը: Նոյեմբերի 10-ին այս նույն խոսքերով էլ ավարտվեց միամսյակը: Էկրանը կենդանացավ, խոսեց հանդիսատեսի հետ՝ տանելով անցյալ՝ 20-ական թվականների սկիզբ, երբ հայտնվեցին առաջին հայկական ժապավենները: Դա նոստալգիկ լեզու էր՝ լի պայծառ թախիծով, ինչպիսին և պետք է լինի իսկական աշունը:

Վերածննդի հույս. առաջիկայի ծրագրեր

«Կինոաշունի» շրջանակներում Հայաստանում տարբեր ժամանակների շուրջ 100 հայրենական ֆիլմեր ցուցադրվեցին՝ սկսած 1925 թ.-ին հայկական կինոյի հիմնադիր Համո Բեկնազարյանի նկարահանած «Նամուս» ֆիլմից և վերջացրած ժամանակակից տաղանդավոր ռեժիսորներ Ալբերտ Մկրտչյանի, Հարություն Խաչատրյանի, Էդգար Բաղդասարյանի, Վիգեն Չալդրանյանի, Սուրեն Բաբայանի ֆիլմերով:

Ինչպես նշեց Հայաստանի ազգային կինոկենտրենի տնօրեն Գևորգ Գևորգյանը, միամսյակի կազմակերպիչներին հաջողվեց հասնել հիմնական նպատակին՝ վերադարձնել հայկական կինոն հանդիսատեսին: Նրա խոսքերով՝ օր չկար, երբ ֆիլմերի դիտումների ժամանակ դահլիճում քիչ հանդիսատես լիներ:

Գևորգյանը նշեց, որ կինոկենտրոնին հաջողվեց հասնել ավելիին՝ նոր ֆիլմերի ցուցադրություններ կազմակերպել Գեղարքունիքի, Շիրակի, Կոտայքի, Արմավիրի մարզերում և 12 զորամասերում:

Ազգային կինոկենտրոնի ղեկավարն ընդգծեց, որ 2011 թ.-ին ծրագրվում է հայկական ֆիլմեր ցուցադրել երկրի բոլոր տասը մարզերում:

Միաժամանակ Գևորգյանը նշեց, որ հաջորդ տարի նախատեսվում է բացել Հայ կինոգործիչների համաժողով, որի բազայի հիման վրա կարելի կլինի հայ կինեմատոգրաֆիստների բանկ ստեղծել:

«Կինոաշունի» առաջին պտուղները. գրախոսականների մրցույթի արդյունքները

Միամսյակի շրջանակներում կինոդիտումներից բացի անցկացվել է նաև հայկական ժամանակակից ֆիլմերի գրախոսականների մրցույթ: Մրցույթին հիմնականում մասնակցել են լրագրողներ ու Երևանի պետական մանկավարժական համալսարանի կուլտուրայի ֆակուլտետի և Երևանի թատրոնի և կինոյի պետական ինստիտուտի ուսանողները:

Ինչպես «Կինոաշունի» բացման հանդիսավոր արարողության ժամանակ հայտարարեց կինոգետ Դավիթ Մուրադյանը, մրցույթին 14 հեղինակների 17 աշխատանք է ներկայացվել:

Սակայն նրանցից ոչ մեկը չի արժանացել առաջին տեղի և 100 հազար դրամ (շուրջ 300 ԱՄՆ դոլար) մրցանակի: Երկրորդ տեղը կիսել են Լիանա Ստեփանյանը, Գայանե Մկրտչյանն ու Րաֆֆի Մովսիսյանը, որոնց 75 հազարական դրամ (ավելի քան 200 դոլար) գումար հանձնվեց: Երրորդ տեղին արժանացան Սուրեն Ստեփանյանը, Արթուր Վարդիկյանն ու Գայանե Առաքելյանը, ովքեր 50 հազարական դրամ (շուրջ 140 դոլար) գումար ստացան:

Մրցույթի մյուս ութ մասնակիցներին հանձնվեցին դիպլոմներ:

Մուրադյանը նշեց, որ գրախոսականների մրցույթը կոչված էր զարգացնել կինեմատոգրաֆի վերլուծական միտքը, քանի որ այն մշտական շրջանառության և գաղափարների փոխանակման կարիք ունի:

Բացի այդ, այս ամենը ապացուցում է, որ Հայաստանում կարող է և պետք է կինոքննադատություն լինի՝ հակառակ դրա բացակայության մասին հնչող հոռետեսական ձայներին:

Հոբելյարների փառահեղ համաստեղություն

«Կինոաշունի» շրջանակներում պատվել են մեծանուն հայ հոբելյար-կինոգործիչներին, մասնավորապես նշվել է  ռեժիսոր, սցենարիստ և դերասան Հենրիկ Մարգարյանի և Հենրիկ Մալյանի 85-ամյակը, թատրոնի և կինոյի դերասան Մհեր Մկրտչյանի և կինոռեժիսոր Լևոն Աթոյանցի 80-ամյակը, կինոօպերատոր Ալբերտ Յավուրյանի 75-ամյակը, Հայաստանի կինեմատոգրաֆիստների միության նախագահ, ռեժիսոր Ռուբեն Գևորգյանցի 65-ամյակը, ռեժիսորներ Սուրեն Բաբայանի և Գայանե Մարտիրոսյանի 60-ամյակը:

Փառահեղ համաստեղությունն արժանացավ Հայաստանի ազգային կինոկենտրոնի պատվո մրցանակների: Հոբելյարներից չորսը՝ Մհեր Մկրտչյանը, Ալբերտ Յավուրյանը, Ռոբերտ Սահակյանցն ու Հենրիկ Մալյանն արժանացան մրցանակների հետմահու:

«Մենք նշեցինք ութ հոբելյան, և նրանցից յուրաքանչյուրն առանձնահատուկ էր», - ասաց Հայաստանի ազգային կինոկենտրոնի տնօրեն Գևորգ Գևորգյանցը՝ հանձնելով մրցանակները հոբելյարներին և նրանց մտերիմներին:

Միամսյակի եզրափակիչ մասում կինոէկրանը լուսավորվեց մեծանուն և անմոռանալի գործիչների վառ խճանկարով՝ Մհեր Մկրտչյան, Ֆրունզե Դովլաթյան, Համո Բեկնազարյան, Էդմոնդ Քյոսայան, Հենրիկ Մալյան, Սերգեյ Փարաջանով և շատ այլ ուրիշներ, որոնք արդեն պայծառ և ինքնատիպ հայկական կինոյի պատմության սեփականությունն են:

Հարկավոր է ազնվորեն խոստովանել, որ հայկական կինոն այսօր այնքան էլ լավ ժամանակներ չի ապրում: Սակայն քանի դեռ հիշողության մեջ ապրում են հռչակավոր վարպետների՝ Մհեր Մկրտչյանի, Ֆրունզե Դովլաթյանի, Համո Բեկնազարյանի, Էդմոնդ Քյոսայանի, Հենրիկ Մալյանի, Սերգեյ Փարաջանովի անունները, և քանի դեռ երիտասարդ ռեժիսորներն ուսումնասիրում են նրանց ստեղծագործությունները, ազգային ինքնատիպ կինոյի վերածննդի և զարգացման հույս կա:

Հանարավոր է՝ իր աշակերտներին մրցանակներ հանձնելիս Սուրեն Բաբայանը զուր չի ասել. «Ես կապրեմ այնքան երկար, որպեսզի տեսնեմ, թե ինչպես եք դուք այն հանձնում հաջորդ սերունդներին»:-0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։