478.55
+0.13
563.73
+1.43
8.1
+0.05
+22
Եղանակը Երևանում
Հայ
ՀՀ վարչապետը մի շարք նախարարություններից լուրջ կադրային փոփոխություններ է պահանջել, կարող են պատժվել նաև փոխնախարարները
12:24
05 Նոյեմբերի 2010

ՀՀ կառավարության նիստը հինգշաբթի սկսվել է ՀՀ վարչապետ Տիգրան Սարգսյանի բավականին կոշտ ելությով, ով մի շարք նախարարություններում լուրջ կադրային փոփոխություններ է պահանջել:

Կառավարության ղեկավարը նշեց, որ հանրապետության նախագահը նախօրեին հստակ հանձնարարություններ է ձևակերպել, որոնք վերաբերում են միջսահմանային պետական գործառույթներին։

«Մենք միասին պարտավոր ենք շատ արագ հանրապետության նախագահի հանձնարարականներն ի կատար ածել։ Ընդ որում, դա վերաբերում է ոչ միայն մաքսային և հարկային գործառույթներին, այլև բոլոր այն պետական գործառույթներին, որ մենք իրականացնում ենք սահմանում, երբ որ մեր քաղաքացիները և տնտեսություն վարող սուբյեկտները հատում են սահմանը»,- ասել է Սարգսյանը։

«Հանրապետության նախագահի հանձնարարականները պետք է մեզ սթափեցնի, որովհետև այս նեգատիվ երևույթների դեմ մեր պայքարն արդյունավետ չի, արդյունքներ չի տալիս։ Սրանք առաջին քայլերն են այդ ուղղությամբ` կադրային փոփոխություններ. եթե իրավիճակը չշտկվի, մենք պետք է ավելի կտրուկ քայլերի դիմենք»,- ասել է վարչապետը։

Գյուղատնտեսություն

Վարչապետը սկսեց բուսասանիտարիայի խնդրից, որտեղ, նրա խոսքերով՝  բավական շատ դժգոհություններ կան: Նա նշել է, որ գյուղատնտեսության նախարարը խնդրանքով դիմել է վարչապետին, որպեսզի մինչև 70 մլն դրամ (195 հազար դոլար) շրջանառություն ունեցող օբյեկտներում ստուգումնար կատարելու թույլտվություն ստանա, քանի որ ահազանգեր էին ստացվում քաղաքացիներից, որ թունաքիմիկատների առևտուրն իր մեջ պարունակում է լուրջ վտանգներ։ Այդ թույլտվությունը տրված էր գյուղատնտեսության նախարարությանը, և պարզվեց, որ ստուգման արդյունքում ընդամենը մեկ խախտում է արձանագրվել։

Սակայն Սարգսյանի խոսքերով՝ երբ վարչապետի վերահսկողական ծառայությունը գնաց այդ ստուգման հետքերով, մի շարք խախտումների բացահայտվեցին: Այս ամենը վկայում է այն մասին, որ և լիցենզավորման վարչությունը, և բուսասանիտարիայի վարչությունը, մեղմ ասած, պատշաճ չեն կատարել իրենց պարտականությունները:

ՀՀ վարչապետը տեղեկացրել է, որ գյուղատնտեսության նախարարն արդեն իսկ աշխատանքից հեռացրել է լիցենզավորման վարչության պետին: Վարչապետը հանձնարարել է գյուղնախարարին այսօր լուծել բուսասանիտարիայի տեսչության պետի խնդիրը:

Ինչպես նշել է Սարգսյանը, ՀՀ նախագահի հանձնարարությունով պետք է պարզեցնել բուսասանիտարիայի գործառույթները:

Այս կապակցությամբ վարչապետը իր խորհրդական Արամ Ղարիբյանին հանձնարարել է գյուղատնտեսության նախարարի հետ համատեղ 10 օրվա ընթացքում ներկայացնել առաջարկություններ բուսասանիտարիայի գործառույթների պարզեցման ուղղությամբ: Վարչապետ նշել է նաև, որ անիմաստ գործառույթները սահմանից պետք է դուրս բերվեն։

«Պետք է մնան միայն այն գործառույթները, որոնք անհրաժեշտ են համապատասխան փաստաթղթեր տրամադրելու համար, ինչը նաև օրենքի պահանջն է, մնացած բոլոր գործառույթները պետք է հանել», - ասել է Սարգսյանը:

Սա առաջին ոլորտն է և կադրային փոփոխությունների հանձնարարականը։

Ֆինանսական բացթողումներ

ՀՀ վարչապետը դժգոհություն է հայտնել նաև սահմանամերձ շրջանների վարկավորման ոլորտում լուրջ բացթողումների կապակցությամբ: Նա հիշեցրել է, որ վերջին երկու տարվա ընթացքում կառավարությունը մշտապես խոսում է այն մասին, որ վարկային ռեսուրսները պետք է հասանելի լինեն նաև սահմանամերձ շրջաններում:

Վարչապետ խոսքերով՝ ծրագիր է հաստատվել, միջոցներ են հատկացվել, որպեսզի սահմանամերձ շրջաններում տրվող վարկերի տոկոսադրույքները սուբսիդավորվեն պետության կողմից, այսինքն` գյուղացիները հնարավորություն ունենան ստանալ անտոկոս վարկեր։

«Երկու տարի է` այդ գործառույթն իրականացվում է լրջագույն բացթողումներով։ Լուրջ դժգոհություններ են ստացվում գյուղացիների կողմից: Այդ գործառույթներն իրականացնող սուբյեկտներն իրենց գործառույթները պատշաճ ձևով չեն կատարել», - ասել է Սարգսյանը:

Նա նշել է, որ խոսքը նաև այն ծրագրերի իրականացման գործակալության մասին է, որը գործում է ֆինանսների նախարարության կազմում։ Այս ամենի կապակցությամբ ՀՀ ֆինանսների նախարար Տիգրան Դավթյանին հանձնարարվեց 10 օրվա ընթացքում ներկայացնել կառավարությանը համապատասխան որոշում կառուցվածքային փոփոխություններ իրականացնելու և կադրային լուծումներ տալու համար:

«Անթույլատրելի է, որ մենք ունենք հատկացված ֆինանսական միջոցներ, և այդ փողը չի հասնում գյուղացիներին», - ասել է ՀՀ վարչապետը:

Կրթություն և առողջապահություն

Երրորդ ոլորտը, որին ՀՀ վարչապետը դարձրեց կառավարության անդամների ուշադրությունը, առողջապահության, կրթության և գիտության նախարարություններն էին:

«Վերջին շրջանում ահազանգող և վտանգավոր են դարձել այն բողոքները և միտումները, որոնք դրսևորվում են կրթության և առողջապահության ոլորտներում։ Կոռուպցիան այս երկու ոլորտներում խորացել է: Դրա մասին են վկայում վերահսկողական ծառայություների աշխատանքները», - ասել է Սարգսյանը:

Այս կապակցությամբ ՀՀ վարչապետը ՀՀ ԿԳ նախարար Արմեն Աշոտյանին հանձնարարել է 10 օրվա ընթացքում ներկայացնել պարզ և հասկանալի գործողությունների ծրագիր, ընդհուպ մինչև կադրային փոփոխություններ՝ կրթական համակարգում կոռուպցիոն երևույթները բացառելու նպատակով:

Վարչապետի խոսքերով՝ պետք է թարմացվեն խորհուրդների կազմերը, պետք է հստակ հանձնարարականներ տրվեն, պետք է բացահայտվեն թերությունները և պետք է պայքարել դրանց դեմ:

«Միաժամանակ մենք լուրջ բողոքներ ենք ստանում առողջապահության ոլորտում կոռուպցիոն երևույթների մասին, ինչի կապակցությամբ ՀՀ առողջապահության նախարար Հարություն Քուշկյանին հանձնարարվում է 10 օրվա ընթացքում վարչապետին ներկայացնել առաջարկություններ ընդհուպ մինչև կադրային փոփոխություններ` սկսած աշխատակազմի ղեկավարից ավարտած նախարարի տեղակալներով, որոնք այդ գործառույթներին մասնակցում են կամ բավարար չափով չեն պայքարում այս երևույթների դեմ», - ասել է Սարգսյանը:

Նախարարների դիրքորոշումը

Կառավարության նիստի ավարտից հետո լրագրողներին իրենց մեկնաբանություններն են համաձայնել տալ ՀՀ գյուղատնտեսության նախարար Գերասիմ Ալավերդյանն ու ՀՀ ԿԳ նախարար Արմեն Աշոտյանը, ՀՀ առողջապահության նախարարը կառավարության նիստին ներկա չէր, նրան փոխարինում էր տեղակալը՝ Հայկ Դարբինյանը, ով ձեռնպահ է մնացել մեկնաբանություններից:

Ալավերդյանը նշել է, որ վարչապետը հանձնարարել է որոշ հարցեր լուծել, փոփոխություններ մտցնել բուսասանիտարական վերահսկղության մեջ և թեթևացնել այդ ոլորտում հսկիչ անցակետերում իրականացվող աշխատանքները, ինչպես նաև առաջարկել է կադրային փոփոխություններ կատարել՝ աշխատանքից հեռացնել բուսասանիտարիայի տեսչության պետին:

Նախարարը նշել է, որ բազմիցս անձամբ է հայտարարել բուսասանիտարիայի ոլորտում նման խնդիրների առկայության մասին, զեկուցել է դրանց մասին ինչպես վարչապետին, այնպես էլ նախագահին, և հիմա արդեն այս հարցի լուծման կոնկրետ և վերջնական մեխանիզմ է առաջարկվում:

«Պետը կհեռացվի աշխատանքից, իսկ նորը կնշանակվի թափուր տեղի համար հայտարարվող մրցույթի արդյունքում», - ասել է Ալավերդյանը:

Ինչպես լրագրողների հետ զրույցի ընթացքում հայտարարել է ՀՀ ԿԳ նախարար Արմեն Աշոտյանը, արդեն վաղուց էր հայտնի, որ կրթության ոլորտում կոռուպցիա կա, այն գալիս է դեռ խորհրդային ժամանակաշրջանից և շարունակում է բարգավաճել Հայաստանի անկախության ժամանակաշրջանում:

Նա նշել է, որ կրթության ոլորտում կոռուպցիան տարբեր դրևսորումներ ունի՝ կառուպցիա ընդունելության քննությունների, ընթացիկ քննությունների ժամանակ, կոռուպցիոն երևույթներ դպրոցներում:

«Ցավոք, այսօրվա դրությամբ իրավական գործիքները լիարժեք չեն կիրառվում և թույլ չեն տալիս նախարարությանը կամ այլ գերատեսչություններին կտրուկ քայլերի գնալ», - ասել է Աշոտյանը:

Նախարարը տեղեկացրել է, որ տասնօրյա ժամկետում տարբեր ուղղություններով առաջարկների փաթեթ կմշակվի, որում կներառվի իրավանորմատիվային դաշտի վերանայումն ու ֆինանսավորման մեխանիզմների բարելավումը:

«Վարչապետը հանձնարարել է արմատական փոփոխություններ կատարել՝ ընդհուպ մինչև կադրային փոփոխությունների կատարում, և ես այդ հանձնարարականը ընկալում եմ որպես փոփոխությունների կատարում այն ուսումնական հաստատություններում, որոնց ղեկավարներն ի վիճակի չեն լինի դիմակայել կոռուպցիային կամ չեն կարող ներդնել մեր կողմից առաջարկվող՝ այդ երևույթների դեմ պայքարի գործիքները», - ասել է Աշոտյանը:-0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։