483.58
+0.74
513.85
-7.76
7.67
+0.05
-1
Եղանակը Երևանում
Հայ
Եվրոպան ավելի մոտ է դառնում Լեռնային Ղարաբաղի համար. Եվրախորհրդարանի պատգամավորների ԼՂՀ կատարած այցի արդյունքները
14:44
29 Հոկտեմբերի 2010

ՍՏԵՓԱՆԱԿԵՐՏ, 29 հոկտեմբերի. /Նովոստի-Արմենիա/. Ընթացիկ շաբաթը նշանավորվեց Եվրախորհրդարանի պատգամավորներ Միշել Ռիվազիի, Դամիան Աբադի, ինչպես նաև նրանց ուղեկցող անձանց՝ Եվրոպայի «Հայ Դատի» հանձնաժողովի պատասխանատու աշխատակից Հիլդա Չոբոյանի, Եվրոպական ժողովրդական կուսակցության փորձագետ Նիկոլաս Զիլբերգլայթի, ՀՀ ԱԺ պատգամավորներ Վահան Հովհաննիսյանի և Արա Բաբլոյանի Լեռնային Ղարաբաղ կատարած մեկօրյա անսպասելի ճանաչողական այցով:

Ղարաբաղ կատարած այցի շրջանակներում Եվրախորհրդարանի պատվիրակությունը հանդիպել Է ԼՂՀ նախագահ Բակո Սահակյանի, Լեռնային Ղարաբաղի փախստականների հասարակական կազմակերպությունների անդամների, ԼՂՀ ԱԺ խոսնակ Աշոտ Ղուլյանի, ԼՂՀ ԱԺ պատգամավորների հետ և ծանոթացել նրանց հուզող խնդիրներին, ներկա է գտնվել ԼՂՀ ԱԺ-ի հերթական լիագումար նիստին, ինչպես նաև այցելել է Ստեփանակերտի թիվ 1 դպրոց:

Եվրախորհրդարանի պատգամավորների հետ հանդիպման ընթացքում երկրի ղեկավարն ընդգծել է, որ Արցախի արտաքին քաղաքականությունը հիմնված է հավասարակշռության և բազմաուղղվածության սկզբունքների վրա, և այս համատեքստում հանրապետությունը շահագրգռված է ըստ ամենայնի խորացնել հարաբերությունները Եվրոպայի և այն ներկայացնող տարբեր կառույցների հետ:

Սահակյանը պատգամավորների հետ քննարկել է Արցախի և եվրոպական հանրության միջև կապերի ընդլայնմանը, ադրբեջանա-ղարաբաղյան հակամարտության կարգավորմանը վերաբերող հարցեր, ինչպես նաև տարածաշրջանային գործընթացներ:

ԼՂՀ ԱԺ խոսնակը Եվրախորհրդարանի պատգամավորների այցը «նշանակալի իրադարձություն է» համարել և նրանց հետ քննարկել է հետագա համագործակցության հաստատման ուղիներն ու միջոցները:

Եվրախորհրդարանի պատգամավորների կարծիքը Ղարաբաղի զարգացման ապագայի և ղարաբաղյան հակամարտության մասին

Ստեփանակերտում կայացած ճեպազրույցի ժամանակ Եվրախորհրդարանի պատգամավոր Միշել Ռիվազին հայտարարել է, որ Լեռնային Ղարաբաղը պետք է ներգրավվի համակովկասյան ծրագրերի մեջ, որոնք հարկավոր է մշակել Եվրոպայի հետ:

Նրա խոսքերով՝ անցկացված հանդիպումների արդյունքում պարզ է դարձել, որ Եվրոպայում հարկավոր է կոնկրետ ծրագրեր մշակել՝ նրանցում Լեռնային Ղարաբաղին ներգրավելու համար: «Դրանք պետք է համակովկասյան ծրագրեր լինեն, որոնց Արցախը կմասնակցի», - նշել է Ռիվազին:

Եվրախորհրդարանի պատգամավորը հայտարարել է, որ «մենք ժամանել ենք Լեռնային Ղարաբաղի «Հայ Դատի» եվրոպական գրասենյակի հրավերով՝ ղարաբաղյան խնդրին ավելի մոտիկից ծանոթանալու համար»:

«Մենք տարբեր կուսակցություններ անդամներ ենք, «Հայ Դատի» և համայն հայության բարեկամն ենք և ժամանել ենք այստեղ հասկանալու համար, թե ինչ է տեղի ունենում Լեռնային Ղարաբաղում և ինչու 1992 թ.-ից ի վեր Ղարաբաղի միջազգային ճանաչման գործընթացն այսքան դանդաղ է ընթանում և առաջ չի շարժվում», - ասել է Ռիվազին:

Խոսելով ղարաբաղյան հակամարտության կարգավորման մասին՝ Միշել Ռիվազին նշել է, որ «անձամբ մեզ համար դժվար է ասել, թե ինչ լուծում կստանա ղարաբաղյան հակամարտությունը, սակայն կարծում եմ, որ այսօր ևեթ կարելի է եվրոպական կառույցների և ԼՂՀ-ի ոչ կառավարական կազմակերպությունների միջև շփման եզրեր սահմանել՝ իրականացնելով տարբեր ծրագրեր, մասնավորապես, հումանիտար և սոցիալ-տնտեսական բնույթի հարցերի ընդլայնման համատեքստում»:

ԵԽ պատգամավոր Դամիան Աբադն իր հերթին հայտարարել է, որ Եվրամիությունը պետք է աջակցի Լեռնայն Ղարաբաղի զարգացմանը կրթության, մշակույթի և տնտեսության ոլորտներում:

«Եվրոպայի պարտավորությունն է օգնել տարածաշրջանի զարգացմանը և, միաժամանակ, Ղարաբաղի զարգացումը շատ կարևոր է», - նշել է Աբադը:

Նրա խոսքերով՝ գտնվելով Ղարաբաղում՝ ցանկություն կա ավելի մոտիկից ծանոթանալ իրավիճակի և ղարաբաղյան հակամարտության կարգավորման հնարավորությունների հետ:

Եվրախորհրդարանի պատգամավորը հայտարարել է, որ հակամարտության խաղաղ կարգավորումը շատ կարևոր է Եվրոպայի համար, և գոյություն ունի ղարաբաղյան խնդրի կարգավորման միայն խաղաղ ուղին:

«Լինելով Ֆրանսիայի պաշտպանության նախարարի կուսակցության անդամ և Հայ-ֆրանսիական բարեկամության միության խորհրդարանական պատվիրակության ղեկավարի կուսակցության անդամ՝ այս համատեքստում կցանկանայի ընդգծել, որ Ֆրանսիան պետք է ոչ միայն լիարժեք իր դերը կատարի որպես ԵԱՀԿ ՄԽ համանախագահ-երկիր, այլև աջակցի Լեռնային Ղարաբաղի զարգացման ծրագրերին», - ասել է Աբադը:

Հայ փախստականներ

Ինչպես Ստեփանակերտում նշել է Միշել Ռիվազին, Եվրոպական Միությունում ծանոթ չեն հայ փախստականների խնդիրներին:

Նրա խոսքերով՝ ԵԽ-ում ծանոթ են ադրբեջանցի փախստականների խնդիրներին, քանի որ վերջիններս դիմել են համապատասխան ատյաններ, սակայն ԵԽ-ում տեղյակ չեն հայ փախստականների մասին:

«Եթե հայերը ևս դիմեն, ապա մենք պարտադիր կմիջամտենք: Պարզապես հարկավոր է սկսել այդ գործընթացը», - նշել  Ռիվազին:

Ղարաբաղի փորձագետները ողջունել են Եվրախորհրդարանի պատգամավորների ճանաչողական այցը, ինչը կօգնի առաջին ձեռքից վստահելի տեղեկատվություն ստանալ հանրապետությունում տիրող քաղաքական և սոցիալ-տնտեսական վիճակի, ղարաբաղյան հակամարտության, հայ փախստականների խնդիրների մասին, և հիանալի ազդակ կդառնա ԼՂՀ միջազգային ճանաչման հարցում:

Բացի այդ, նման այցերը թույլ կտան վերջ դնել համապատասխան եվրոպական ատյաններում, մասնավորապես, Եվրոպական Միությունում Ադրբեջանի կողմից Ղարաբաղի մասին ապատեղեկատվության տարածմանը:

Արմեն Սարգսյան, «Նովոստի-Արմենիա» գործակալության սեփական թղթակիցը Ստեփանակերտում

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: