481.77
-0.24
540.26
-0.7
8.5
-0.06
+17
Եղանակը Երևանում
Հայ
Ջիգարխանյանի հրապարակային մենությունը
14:52
04 Հոկտեմբերի 2010

 

ԵՐԵՎԱՆ, 4 հոկտեմբերի. /Նովոստի-Արմենիա/. Կարծիք կա, որ դերասանի մասնագիտությունը ինտելեկտուալների ճակատագիրը չէ: Բացի այդ, ինչպես նկատել է բրիտանացի դերասան Ռիչարդ Բարտոնը, «Դերասանը փոքր-ինչ պակաս է, քան տղամարդը, դերասանուհին՝ փոքր-ինչ ավելի, քան կինը»: Այս ամենը բացարձակ չի վերաբերում ԽՍՀՄ ժողովրդական արտիստ Արմեն Ջիգարխանյանին, ում 75-ամյակը լրացավ հոկտեմբերի 3-ին:

Նա վաղուց առանձնանում է իր գործընկերներից: Սկսելով Ֆրունզե Դավլաթյանի «Բարև, ես եմ» ֆիլմից (1965), որտեղ խաղաց ֆիզիկոս Արտյոմ Մանվելյանի դերը։ Այս դերը նկատվեց խորհրդային հանդիսատեսի լայն շրջանակի և մայրաքաղաքի հեղինակավոր թատրոնների ռեժիսորների կողմից, և առաջին անգամ ցույց տվեց Ջիգարխանյանի ստեղծագործական մտքի ծավալը, որը թույլ է տալիս անհատականության մոգությունը  միահյուսել խորը և բարդ գործող անձի հստակ և հոգեբանական ճիշտ կերպար ստեղծելու ունակությանը։ Երիտասարդ դերասանը հանդես եկավ որպես մտածող մարդ՝ լի ինտելեկտով, և դրա հետ մեկտեղ լսարանը զգաց նրա բնավորության հզորությունը:

Հետաքրքիր է հետո նրա աշխատանքը Վիկտոր Տիտովի «Բարև, ես ձեր մորաքույրն եմ» հիանալի ռետրո կոմեդիայում (1975), որտեղ խաղացել է իր արտառոց հերոսին՝ դատավոր Կրիգսին՝ իր գծավոր կոստյումով, մեծ բեղերով, քայլվածքով:

Ջիգարխանյանի մյուս առանձնահատկությունն այն է, որ նա չի կորչում ցանկացած փայլող դերասանական անսամբլում։ Նրա մարմնավորած կերպարները, լինի դա կոմիդիա կամ դրամա, անպայմանորեն գրավում են հանդիսատեսի ուշադրությունը։ Այդպիսին է, օրինակ, հմայիչ սրիկա շտաբս-կապիտան Պյոտր Սերգևիչ Օվեչկինը՝ «Անորսալիների նոր արկածներում» (1968) կամ ահարկու բանդայի սարսափելի  պարագլոիխ Գորբատին՝ «Հանդիպման վայրը փոխել չի կարելի» ֆիլմում (1979)։

Հենց այս հանգամանքն է, ի դեպ, ստիպել ժամանակին ռեժիսոր Էդմոնդ Քյոսայանին  վերակենդանացնել սպանված Օվեչկինին և նրան ներառել անորսալիների մասին իր սագայի հանրահայտ եզրափակիչ ֆիլմում՝ «Ռուսական կայսրության թագում» (1971)։

Անիմացիայում ևս Արմեն Բորիսովիչն աչքի է ընկել։ Եվ ուշագրավ է այն փաստը, որ նրա մռայլ, բայց բարի Գայլը, որին նա ձայնագրել է Էդուարդ Նազարովի հրաշալի «Լինում է, չի լինում՝ մի շուն» մուլտֆիլմում (1982), սկզբում նկարվել է ոչ այնպիսին, ինչպիսին մենք նրան գիտենք։ Դերասանի ձայնը չի համապատասխանել կերպարին, և այդ ժամանակ Գայլին վերանկարել են...  հենց իր՝ Ջիգարխանյանի կերպարով։  Ավելի ճիշտ՝  «Հանդիպման վայրի» նրա Գորբատիի կերպարով։

Նման դեպք է եղել մեկ այլ ԽՍՀՄ ժողովրդական արտիստի հետ, երբ ռեժիսոր Ֆյոդոր Խիտրուկը նկարել է իր հայտնի Վինի Թուխին՝ Եվգենի Լեոնովի հետ, ով հետագայում այն ձայնագրել է բոլոր երեք մուլտֆիլմներում։ Ալան Միլնի վիպակի դասական արջուկն արևմտյան վարկածում բոլորովին այլ տեսք ունի։

Տաղանդը, ինչպես հայտնի է, սահմաններ չունի, և այդ տեսանկյունից Ջիգարխանյանը՝ լինելով ծնունդով հայ, մի դերասան է, որը վաղուց արդեն չի պատկանում միայն այս հանրապետությանը։ Նա հավասարապես համոզիչ է և ֆրանսիացի կոմիսար Մեգրեի, և իտալական ծագումով ամերիկացի մաֆիոզ Թոմի Ֆարիչետիիի, և Տիմոֆեյ Ստեպանովիչ Վարավկու՝ Կլիմ Սամգինի խորթ հոր, և Պրուսիայի թագավոր Ֆրիդրիխ II-ի դերում։ Չխոսելով արդեն թատերական դերերի մասին՝ հույն փիլիսոփա Սոկրատ, Հռոմի կայսր Ներոն, անգլիացի ադմիրալ Նելսոն, որոնց տեսնելու համար Մայակովկսու անվան թատրոն էր գնում ողջ Մոսկվան։

«Ես երեք հարազատ վայր ունեմ։ Երևանը, որտեղ ես թաղել եմ իմ մորը։ Մոսկվան, որտեղ թաղել եմ իմ աղջկան։ Եվ Դաlլասը, որտեղ թաղված է Ֆիլը (սիրելի կատուն)»,- մի անգամ ասաց Ջիգարխանյանը։

Նրա անհավանական աշխատունակությունը հանրահայտ է և նույնիսկ Գինեսի ռեկորդների գրքում է ներառվել. նա մի քանի հարյուր դեր ունի։ Նա պահանջված է և կինայում, և թատրոնում, և ռադիոյում (որտեղ նա ոչ քիչ ռադիոհաղորդումներ ունի), և հեռուստատեսությունում։ Վերջին դեպքում ոչ միայն որպես հեռուստահաղորդումների մասնակից, այլև հեռուստաֆիլմների և սերիալների դերասան։

Ինչպես հայտնի էպիգրամում գրել է Վալենտին Գաֆտը,

«Երկրագնդում ավելի քիչ են հայերը,

Քան Ջիգարխանյանի խաղացած ֆիլմերը»:

Ո՞րն է դրա պատճառը։ Ինքը դա բացատրում է նրանով, որ այդպիսին է իր մասնագիտությունը՝ դերասանը պետք է խաղա, և նա չի ամաչում իր որևէ աշխատաքնի համար։ Երևի, նա իրավացի է՝ մեկ այլ՝ կատարողական հնարավորությունների նման լայն դիապազոնով արտիստ մենք, դժբախտաբար կամ բարեբախտաբար, չունենք։  «Սեփական պահանջարկի և հեղինակության համար ոչինչ չեմ ձեռնարկել»,- http://www.gordon.com.ua/tv/dzhigarhanyan/ հարցազրույցիցներից մեկում ժպիտով խոստովանել է նա։

Չնայած կինոյի դերերի պատկառելի բեռին, որով գործընկերներից քչերը կարող են հպարտանալ, Ջիգարխանյանը կարծում է, որ Ռուսաստանը ոչ այնքան կինեմատոգրաֆիական, որքան թատերական երկիր է։

Այդ պատճառով պետք չէ զարմանալ, որ 1996թ.-ին նա Արմեն Ջիգարխանյանի ղեկավարությամբ Մոսկվայի դրամատիկական թատրոն հիմնեց՝ թողնելով Մայակովկսու անվան թատրոնը, որտեղ աշխատեց ծառայեց 1969-1996թթ.։

Արտիստը չի սիրում հոբելյաններ նշել, ինչպես փախչում է ցանկացած հասարակական գործունեությունից, որը կապված չէ ստեղծագործականի հետ։ Նրան չես տեսնի բարձրաշխարհիկ խնջույքներին, որոնք կազմակերպվում են առիթով կամ անառիթ։ Տարի՞քը։ Ավելի շուտ մանրուքների հետևից չընկնելու ցանկությունն է՝ աշխատանքի համար ուժեր թողնելով։

Պատահական չէ, որ Ջիգարխանյանը սիրում է մեջբերել ֆրանսիացի գրող Ռոմեն Ռոլանի այն միտքը, որ Համլետ խաղացող դերասանը գոնե մի փոքր պետք է Համլետ լինի։ Իսկ Համլետին անհրաժեշտ է գոնե երբեմն միայնակ մնալ, ավելացնենք մենք։ -0-

Սերգեյ Վարշավչիկ, «ՌԻԱ Նովոստիի» տեսաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։