482.89
-0.16
541.32
+2.38
8.54
+0.08
+11
Եղանակը Երևանում
Հայ
Անիմատորների շքերթ. Երևանում կայացած ReAnimania փառատոնի արդյունքները
14:10
15 Սեպտեմբերի 2010

«Ոսկե ծիրան» միջազգային փառատոնով փայլուն կերպով մեկնարկած երևանյան կինոսեզոնը ոչ պակաս փայլուն շարունակություն է ստացել սեպտեմբերի 9-13-ը անցկացված ReAnimania անիմացիոն փառատոնի շքերթով:

Մրցութային ծրագրերի հաղթողները

Չնայած երիտասարդ տարիքին (Հայաստանում փառատոնն անցկացվում է երկրորդ տարին)՝ ժյուրիի և վարպետության դասեր անցկացնողների կազմում էին ընդգրկվել աշխարհահռչակ անիմատորներ, որոնց թվում էին Մարթա Մաչադոն, Սերժ Ավետիքյանը, Իոհաննես Ուոլթերսը, Էրիկ Ռիվերը, Ֆրենկ Գլադստոնը, Դևիդ Սփրոքսթոնը: Ինչպես ասվում է դասական խորհրդային ֆիլմում, ցանկը շարունակելի է:

ReAnimania փառատոնի շրջանակներում անիմացիոն ֆիլմերը գնահատվել են ժյուրիի ութ խմբի կողմերից: Ֆիլմերը գնահատվել են հետևյալ մրցութային ծրագրերում՝լիամետրաժ կինո, կարճամետրաժ կինո, մանկական ծրագիր, դեբյուտային կինո, դիպլոմային ֆիլմեր, հեռուստատեսային ծրագիր, հատուկ մրցանակ լավագույն սոցիալական անիմացիոն ֆիլմի և լավագույն հնչյունավորման համար:

«Լիամետրաժ անիմացիոն կինո» անվակարգում հաղթող է ճանաչվել չինացի անիմատոր Լիու Ջիանայի «Պիրսինգ 1» ֆիլմը: Միաժամանակ այս մրցութային ծրագրում հատուկ հիշատակման է արժանացել չեխ ռեժիսոր Իրժի Բարտայի «Ձեղնահարկում, որի տարելիցն է այսօր» ֆիլմը:

«Հեռուստատեսային/կրթական կինո» մրցութային ծրագրում գլխավոր մրցանակին է արժանացել բրիտանացի անիմատոր Փիթ Բիշոփի «Նավթի պատմությունը» ֆիլմը: Այս անվանակարգում ժյուրիի կողմից հատուկ հիշատակման է արժանացել հայ ռեժիսոր Նաիրա Մուրադյանի «Հրեշտակի քաղաք» ֆիլմը:

«Կարճամետրաժ կինո» անվանակարգում հաղթող է ճանաչվել իտալացի անիմատոր ԲԼՈՒ-ի «Մեծ աղմուկ» ֆիլմը, իսկ հատուկ հիշատակման է արժանացել բրիտանացի անիմատորներ Ջեյկոբ Շուի և Մաքս Լենգի «Գրաֆելո» ֆիլմը: Խորվաթ ռեժիսոր Միխայել Մյուլլերի «Միրամարե» անիմացիոն ֆիլմը «Դիպլոմային կինո» անվակարագում արժանացել է գլխավոր մրցանակին, իսկ այս մրցութային ծրագրում հատուկ հիշատակման է արժանացել Վերենա Ֆելսի «Մոբիլ» ֆիլմը (Գերմանիա):

Գերմանացի անիմատորներ Հարի Ֆաշտի և Յակոբ Ֆրեյի «Բոբ» մուլտֆիլմը հաղթող է ճանաչվել «Մանկական կինո» անվանակարգում: «Կարճամետրաժ կինոյի լավագույն հնչունավորում» մրցութային ծրագրում հաղթող է ճանաչվել նորվեգացի անիմատոր Անիտա Քիլլի «Բարկացած մարդը» ֆիլմը և հատուկ հիշատակման է արժանացել «Վիսենտա» ֆիլմը (Սամ, Իսպանիա):

Լավագույն սոցիալական դիրքորոշման համար «Good citizenship» մրցանակին է արժանացել Անիտա Քիլլի «Բարկացած մարդը» ֆիլմը, իսկ այս անվանակարգում հատուկ հիշատակման է արժանացել Ալեքսանդր Բերսոյի «Պատկերացրեք Բրազիլիայի մազերով աղջկան» ֆիլմը (Բրազիլիա):

«Դեբյուտային կինո» մրցութային ծրագրում հաղթող է ճանաչվել հայ անիմատոր Մերի Կյուրեղյանի «Արև և խավարասեր» ֆիլմը:

ՀՀ մշակույթի նախարարության ոսկե մեդալի է արժանացել հայտնի հայ նկարիչ Ստեփան Անդրանիկյանը: Նախարարության պատվոգրերը հանձնվել են հայկական անիմացիայի հայտնի վարպետներ Լյուդմիլա Սահակյանցին և Գայանե Մարտիրոսյանին:

Ռոբերտ Սահակյանցի հիշատակին

ReAnimania միջազգային երկրորդ անիմացիոն փառատոնի օտարերկրյա մասնակիցներն արժանացել են հայտնի հայ անիմատոր Ռոբերտ Սահակյանցի անվան հատուկ մրցանակին, որը հանձնվել է սեպտեմբերի 10-ին կայացած նրա հիշատակի երեկոյի ընթացքում. երեկոն նվիրված էր վարպետի 60-ամյակին:

Հայտնի հայ մուլտիպլիկատոր, ռեժիսոր և սցենարիստ Ռոբերտ Սահակյանցը, ով հայտնի մուլտֆիլմերի հեղինակ է, մահացել է 2009 թ.-ի սեպտեմբերի 24-ին 59 տարեկան հասակում երկարատև հիվանդությունից և սրտի բարդ վիրահատությունից հետո: Նա հայտնի և սիրված մուլտֆիլմերի հեղինակ է, որոնց թվում են «Մորու գույի երեք կապույտ, կապույտ լճակ» (1981), «Բարեկենդանը» (1985), «Կապույտ ծովում, սպիտակ փրփուրի մեջ» (1984), «Խոսող ձուկը» (1983) մուլտֆիլմերը:

Ռոբերտ Սահակյանցի 60-ամյակի շրջանակներում ReAnimania-ն նրա հիշատակի երեկո էր կազմակերպել, որի ժամանակ կայացել է նրա ֆիլմերի հետահայաց ցուցադրությունը: Փառատոնի հիմնադիր-տնօրեն Վրեժ Քասունին նշել է, որ մրցանակ-արձանիկի դիզայնը շատ յուրօրինակ է և իրենց ներկայացնում է հռչակավոր մուլտիպլիկատորի անիմացիոն ժառանգության խորհրդանիշը:

Քասունու խոսքերով՝ արձանիկի դիզայնն ամբողջովին համաձայնեցվել է Սահակյանց ընտանիքի անդամների հետ: Անակնկալ-արձանիկ է դարձել արծաթե աղվեսը, որը ստեղծվել է Սահակյանցի «Աղվեսագիրք» մուլտֆիլմի մոտիվներով: Այս տարի արծաթե աղվեսին է արժանացել Փառատոնի միջազգային ժյուրիի խորհրդի նախագահ Մաքս Հովարդն ու փառատոնի կազմակերպիչներ Լուսինե Քասարջյանն ու Կարինե Արոյանը:

MarAni և AniTA

Տաղանդավոր մարդկանց որոնումից բացի, ցանկացած փառատոն բախվում է հովանավորչական և կազմակերպչական խնդիրների հետ: Այս կապակցությամբ փառատոնի կազմակերպիչները MarAni  (Market of Animation) անվանումը կրող անիմացիոն շուկա էին կազմակերպել, որի շրջանակներում անցկացվեց AniTA (Animation Technologies of Armenia) ասամբլեան:

«Երևանում ReAnimania փառատոնի շրջանակներում անցկացված MarAni անիմացիոն բիզնես-ֆորումը լավ հարթակ է դարձել միջազգային համագործակցության համար», - ասել է փառատոնի հիմնադիր-տնօրեն Վրեժ Քասունին:

Փառատոնի հիմնադիր-տնօրենի խոսքերով՝ այդ բիզնես-ֆորումը ստեղծվել է ֆրանսիական ՄԻՖԱ-ի օրինակով, որն ամեն տարի անցկացվում է Անսիում կազմակերպվող միջազգային անիմացիոն փառատոնի շրջանակներում:

Բիզնես-ֆորումի արդյունքում՝ սեպտեմբերի 13-ին, Երևանում տեղի է ունեցել գագաթնաժողով (ANITA - Animation and Information Technologies of Armenia), որի ժամանակ մասնակիցները անիմացիայի ոլորտում գոյություն ունեցող ընդհանուր թեմաների քննարկման հնարավորություն են ստացել:

Անիմացիայի աշխարհի ներկայացուցիչները տարածաշրջանի ամենախաղաղ երկրում

Ամերիկացի անիմատոր և պրոդյուսեր, Borsu Studios ընկերության սեփականատեր Բորսու Հայսոնը հայտարարել է, որ մտադիր է Հայաստանից կոմպոզիտոր և նվագախումբ հրավիրել «Աշխարհի ներուժ» իր նոր ֆիլմի սաունդտրեքի ստեղծման համար:

«Ֆիլմը գրեթե պատրաստ է և էկրաններին կհայտնվի հաջորդ տարի: Այն դասական անիմացիոն ֆիլմ է, և նրա երաժշտությունը պետք է ևս դասական լինի», - ասել է Հայսոնը: Միաժամանակ նա չի նշել իր ապագա հայաստանցի գործընկերների անունները: Հայսոնը ցանկություն է հայտնել ծանոթանալ հայկական անիմացիոն ֆիլմերի հետ:

Ներկայացնելով հայ երաժիշտների հետ իր առաջիկա համագործակցության մոտիվները՝ Հայսոնը նշել է, որ Հայաստանը տարածաշրջանի ամենախաղաղ երկիրն է և դա է պատճառը, որ նրա հետ համագործակցելու ցանկություն է առաջանում:

Սակայն Հայսոնը անիմացիայի ոլորտի միակ պրոդյուսերը չէ, ով ցանկանում է աշխատել հայ մասնագետների հետ: Մաքս Հովարդը ևս ցանկություն է հայտնել անիմացիոն ֆիլմ նկարահանել Արա Գեղեցիկի և Շամիրամի մասին պատմող առասպելի մոտիվներով:

«Ես արդեն ուսումնասիրել եմ Արա Գեղեցիկի և Շամիրամի սիրո ողբերգական պատմությունը և դեմ չէի լինի անիմացիոն ֆիլմ նկարահանել, եթե սցենարով զբաղվեն հայ կինոսցենարիստները», - ասել է նա Երևանում կայացած մամուլի ասուլիսի ժամանակ: Նրա խոսքերով՝ այդ պատմությունը բացարձակ կինեմատոգրաֆիկ է:

Այս կապակցությամբ Հովարդն ընդգծել է, որ Հայաստանի մշակութային ժառանգությունն ու հարուստ պատմությունը կարող են «ոսկե ջիլ» դառնալ հանրապետությունում անիմացիայի զարգացման համար:

«Շատերը կարծում են, որ եթե իրենք հոլիվուդյան ֆիլմ նկարահանեն, ապա հաջողությունն ապահովված կլինի: Սակայն Հայաստանին դա հարկավոր չէ: Դուք այնպիսի հարուստ պատմություն և մշակութային ժառանգություն ունեք, որ դա կարող է «ոսկե ջիլ» դառնալ անիմացիայի զարգացման համար», - ասել է նա:-0-

Loading...
Թեմատիկ նյութեր
Բաժնի այլ նյութեր
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։