484.68
+0.06
530.14
+2.1
8.5
-0.03
+12
Եղանակը Երևանում
Հայ
ՄԱԿ-ում հակահայկական բանաձև չի լինի. շաբաթվա ամփոփում
14:46
14 Սեպտեմբերի 2010

Հայաստանը նախորդ շաբաթվա ընթացքում ուշադիր հետևել է նոր բանաձևի ճակատագրին, որն Ադրբեջանը պատրաստվում էր սեպտեմբերի 9-ին ներկայացնել ՄԱԿ-ի Գերագույն Վեհաժողովի քննարկմանը։

«Բռնազավթած տարածքների» վերաբերյալ բանաձևի ձախողումը

Այն, որ Ադրբեջանի առաջարկած բանաձևն ակնհայտ հակահայկական բնույթ էր կրում, ոչ մի կասկած չէր հարուցում։ Այնուամենայնիվ, այդ բանաձևը ոչ հայկական հասարակությունում, ոչ էլ ղեկավար օղակներում առանձնակի անհանգստություն չառաջացրեց։ Առաջին հերթին դա պայմանավորված էր նրանով, որ ՄԱԿ-ի ԳՎ բանաձևերը, եթե նույնիսկ ընդունվում են, ապա զուտ խորհրդատվական բնույթ են կրում, երկրորդ՝ ոչ ոք չէր հավատում ադրբեջանական մտահղացման հաջողությանը։

Դա ընդամենը «բռնազավթած տարածքների» մասին աշխարհին հիշեցնելու և սեփական ժողովրդին քաղաքական կամք և նպատակասլացություն ցուցադրելու հերթական քարոզչային քայլ է եղել։

Սակայն Ադրբեջանը հինգշաբթի անսպասելիորեն ՄԱԿ-ի ԳՎ քննարկումից և քվեարկությունից հանեց հենց իր կողմից ներկայացված «Իրավիճակն Ադրբեջանի բռնազավթած տարածքներում» բանաձևի նախագիծը՝ խնդրելով այն տեղափոխել ՄԱԿ-ի ԳՎ 65-րդ նստաշրջանի օրակարգ։ Հարկ է նշել, որ ՄԱԿ-ի լեզվով «տեղափոխել» նշանակում է հետաձգում անհայտ ժամանակով։

Հայաստանի ԱԳՆ-ն հանդես եկավ հատուկ հայտարարությամբ Ադրբեջանի՝ ՄԱԿ-ի ԳՎ քննարկումից և քվեարկությունից A/64/L.57 բանաձևի նախագիծը հանելու որոշման կապակցությամբ։

«Շնորհակալ ենք ՄԱԿ-ի անդամ բոլոր այն երկրներին եւ առաջին հերթին ԵԱՀԿ ՄԽ համանախագահ պետություններին, որոնք իրենց դիրքորոշմամբ կանխեցին Ադրբեջանի փորձերը շեղել եւ վնաս հասցնել ղարաբաղյան հիմնախնդրի կարգավորման բանակցային գործընթացին` թույլ չտալով ՄԱԿ-ի ԳԱ-ում Ադրբեջանի կողմից ներկայացված ապակառուցողական բանաձեւի ընդունումը»,- ասված է հայտարարության մեջ:

Հայաստանի Հանրապետական կուսակցության մամուլի քարտուղար Էդուարդ Շարմազանովը հայտարարեց, որ ՄԱԿ-ի ԳՎ քվեարկությունից ադրբեջանական բանաձևի հանումը հայկական դիվանագիտության ձեռքբերումն է։ «Նախագահի ղեկավարած հայկական դիվանագիտության կայուն և վստահ քաղաքականությունը թույլ տվեց հասնել նրան, որ Ադրբեջանը հանի բանաձևը քննարկումից և ընդունի իր կապիտուլյացիան»,- ասաց Շարմազանովը։

Հայաստանի արտաքին գործերի փոխնախարար Շավարշ Քոչարյանն իր հերթին կարծիք հայտնեց, որ Ադրբեջանի որոշումը ՄԱԿ-ից բանաձևը հետ կանչելու վերաբերյալ, նախևառաջ, պայմանավորված է բազմաթիվ երկրների և, անշուշտ, ԵԱՀԿ Մինսկի խմբի համանախագահների դիրքորոշմամբ։

Փոխարտգործնախարարի կարծիքը կիսեց նաև քաղաքագետ, Կովկասի ինստիտուտի տնօրեն Ալեքսանդր Իսկանդարյանը։ Ըստ նրա, այստեղ հիմնականում ԵԱՀԿ Մինսկի խմբի համանախագահ երկրների վաստակն է։ «ՄԽ համանախագահ-երկրների դիրքորոշումը հասկանալի է: Գոյություն ունի բանակցային գործընթաց, որն ընթանում է Մինսկի խմբի շրջանակներում, և եթե նույնիսկ մոտ ժամանակներս հակամարտության կարգավորման հեռանկար չի նկատվում, բանակցային գործընթացը պետք է շարունակվի», - ասաց քաղաքագետը:

Հրադադարի ռեժիմի խախտումների դեպքերը հաճախակի են դառնում...

...Եվ սա, թերևս, ամենից շատ է մտահոգում հասարակությանը։ Այնտեղ և այստեղ կարելի է լսել խոսակցություններ «ասում են, այնտեղ՝ սահմանում, անհանգիստ է. կարո՞ղ է՝ պատերազմը վերսկսվի» թեմայով։

Ադրբեջանի կողմից Ղարաբաղի հետ շփման գծում հրադադարի ռեժիմի խախտումների վերջին դեպքերն ահաբեկչական-դիվերսիոն գործողություններ են, որոնք վտանգ են ներկայացնում ոչ միայն տարածաշրջանի, այլ նաև քաղաքակիրթ ողջ աշխարհի համար, նախորդ շաբաթ հայտարարեց ԼՂՀ նախագահ Բակո Սահակյանը։ Ըստ նրա, ագրեսիայի կանխարգելման ամենաարդյունավետ ձևը կարող է լինել միայն ուժեղ հակահարվածը։

Հրադադարի ռեժիմի խախտման կապակցությամբ հանդես եկան նաև հակամարտության կարգավորման միջնորդները։ ԵԱՀԿ Մինսկի խմբի համանախագահներ Իգոր Պոպովը (Ռուսաստան), Բեռնար Ֆասիեն (Ֆրանսիա) և Ռոբերտ Բրադտկեն (ԱՄՆ), հանդես եկան համատեղ հայտարարությամբ, որում դատապարտեցին հրադադրի ռեժիմի խախտման դեպքերը շփման գծում և կոչ արեցին ամրապնդել փոխզիջման մթնոլորտը։

ԵԱՀԿ գործող նախագահ, Պետքարտուղար, Ղազախստանի արտաքին գործերի նախարար Կանատ Սաուդավաևը վճռականորեն դատապարտում է վերջերս ադրբեջանաղարաբաղյան հակամարտության գոտու շփման գծի երկայնքով հրադադարի ռեժիմի հաճախակի դարձած խախտումները։ «Լուրջ տագնապ է առաջացնում երկու կողմերից մարդկային կորուստների թվի աճը»,- ասաց նա։

Ավելին, միջնորդները բացարձակ վստահ են, որ հաճախակի դարձած փոխհրաձգությունները սահմանում բացասաբար են անդրադառնում կարգավորման գործընթացի վրա։ Սա թույլ է տալիս կարծել, որ Բաքուն պարզապես խաղաղ կարգավորում չի ցանկանում։ Ադրբեջանն այնքան է խճճվել սեփական ռազմատենչ հայտարարություններում, որ խաղաղ կարգավորումը, կարծես, չի մտնում նրա ծրագրերի մեջ։

«Ադրբեջանական կողմը չի կարող որևէ խնդիր լուծել իր ագրեսիվ և սադրիչ գործողություններով»,- նախորդ շաբաթ հայտարարեց Հայաստանի պաշտպանության փոխնախարար Արա Նազարյանը։

Նրա խոսքերով, հայ զինծառայողները զգոնություն են պահպանում և միշտ հակահարված են տալիս ցանկացած ագրեսիվ և սադրիչ դրսևորումների։ «Յուրահատուկ որևէ բան չկա սահմանների պահպանման տեսանկյունից։ Այսպես լինում է միշտ, պարզապես ավելացել է նրանց ագրեսիան, բայց այն կզսպվի»,- նշեց Հայաստանի պաշտպանության նախարարի տեղակալը։

Կովկասի Ինստիտուտի տնօրեն Ալեքսանդր Իսկանդարյանի կարծիքով  էլ Ղարաբաղում հրադադարի ռեժիմի հաճախակի դարձած խախտումները կապված են Ադրբեջանի առաջիկա խորհրդարանական ընտրությունների հետ: «Եթե հետևենք, թե ինչպես է ընտրություններից առաջ փոխվում իրավիճակը սահմանին, ապա կարելի է տեսնել, որ միշտ է այդպես լինում»,- ասաց Իսկանդարյանը։ -0-

Loading...
Թեմատիկ նյութեր

Բաժնի այլ նյութեր
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է: