484.04
+0.53
523.1
+1.64
8.44
+0.03
+3
Եղանակը Երևանում
Հայ
Ղարաբաղի անկախության օրը՝ ադրբեջանական սադրանքների և համանախագահների այցի ֆոնի ներքո. շաբաթվա արդյունքները
14:14
06 Սեպտեմբերի 2010

Ղարաբաղյան հակամարտության գոտի համանախագահների այցը այս անգամ կանցնի Ադրբեջանի կողմից վերջերս կազմակերպված սադրանքի ֆոնի ներքո: ԵԱՀԿ Ղարաբաղյան հակամարտության կարգավորման ՄԽ համանախագահները կժամանեն Հայաստան սեպտեմբերի 9-ին, կհանդիպեն ՀՀ նախագահ Սերժ Սարգսյանի և ՀՀ ԱԳ նախարար Էդվարդ Նալբանդյանի հետ, ինչից հետո, հնարավոր է՝ այցելեն նաև Լեռնային Ղարաբաղ:

Այս շաբաթ ԼՂՀ պաշտպանության բանակի զինծառայողները երկու դիվերսիա են կանխել հյուսիս-արևելքում՝ օգոստոսի 31-ին և սեպտեմբերի 4-ին:

Օգոստոսի 31-ին, Երևանի ժամանակով ժամը 06:30-ին Լեռնային Ղարաբաղի Հանրապետության և Ադրբեջանի Զինված ուժերի շփման գծի հյուսիսարևելյան ուղղությամբ՝ Վերին Չայլու գյուղի մոտակայքում, հակառակորդի կողմից ղարաբաղյան բանակի մարտական դիրքերից մեկի նկատմամբ դիվերսիոն գործողությունների փորձ է իրականացվել: Ղարաբաղյան բանակի առաջնային դիրքերի զինծառայողները ժամանակին նկատել են թշնամու հատուկ նշանակության ջոկատի մարտիկների տեղաշարժը և անհապաղ համապատասխան գործողություններ ձեռնարկել՝ պատճառելով հակառակորդին կորուստեր և հետ շպրտելով նրան դեպի ելակետ:

Դիվերսիայի հետևանքով ադրբեջանական կողմի զոհերի և վիրավորների թիվն առնվազն յոթ մարդ է կազմել: Հայկական կողմից մարտի ընթացքում վիրավորվել ԼՂՀ Պաշտպանության բանակի 19-ամյա շարքային Ռուդիկ Մանասերյանը, ում ԼՂՀ նախագահ Բակո Սահակյանը պարգևատրել է Արիության համար մեդալով:

ՀՀ պաշտպանության նախարար Սեյրան Օհանյանն ընդգծել է, որ ադրբեջանական դիվերսիոն խումբը արժանի հակահարված է ստացել՝ դիմելով փախուստի և կրելով կորուստներ:

ՀՀ պաշտպանության նախարարությունը տարածած հայտարարության մեջ նշել է, որ ադրբեջանական կողմի սադրանքները վտանգում են ղարաբաղյան հակամարտության խաղաղ կարգավորման գործընթացը: Ինչպես կարծում են պաշտպանության նախարարությունում, հարևան պետության իշխանություններն արհամարհում են ԼՂ խնդրի խաղաղ կարգավորմանն ուղղված ջանքերը, չեն ցանկանում խաղաղ ճանապարհով լուծել ԼՂ հիմնախնդիրը, պարբերաբար դիմում են սադրիչ գործողությունների` արհեստականորեն ապակայունացնելով իրավիճակը սահմանագոտում և վտանգելով կարգավորման բանակցային գործընթացը:

Սակայն սեպտեմբերի 4-ի առավոտյան ադրբեջանցի զինծառայողները փորձել են ևս մեկ դիվերսիա իրականացնել: ԼՂՀ պաշտպանության բանակի մամուլի ծառայությունը հայտարարել է, որ դիվերսիայի հետևանքով ոչնչացվել է մեկ ադրբեջանցի զինծառայող, մնացած դիվերսանտները փախուստի դիմելիս պայթել են ականի վրա: Ղարաբաղյան կողմը կորուստներ չունի:

Այս դիվերսիան վերջին երկու ամսվա ընթացքում երրորդ նմանատիպ միջադեպն է: Հունիսի 18-ի ուշ երեկոյան Ադրբեջանի հատուկ ջոկատայինները ներխուժել են Լեռնային Ղարաբաղի Հանրապետության տարածք: Թշնամին հետ է շպրտվել: Ծավալված մարտի հետևաքով ղարաբաղյան կողմից չորս զինվոր է զոհվել, ևս չորսը վիրավորվել է: Ադրբեջանական կողմը մարտի դաշտում նվազագույնը մեկ սպանված է թողել:

ԼՂՀ անկախության օրն ու ՄԱԿ-ում ադրբեջանական բանաձևը

Սեպտեմբերի 2-ին ԼՂՀ-ում հանդիսավոր կերպով նշեցին Լեռնային Ղարաբաղի Հանրապետության հռչակման 19-րդ տարեդարձը: Տոնական միջոցառումները սկսվել են առավոտյան Ստեփանակերտի փողոցներում և հանրապետության շրջկենտրոններում`զորասյուների հանդիսավոր քայլերթով: Ավանդաբար հանրապետության բոլոր կրթական հաստատություններում նոր ուսումնական տարվա առաջին պարապմունքները նվիրվել են նշանավոր տարեթվին` անկախության տարեդարձին` խորհրդարանի պատգամավորների, կառավարության և ԼՂՀ անվտանգության խորհրդի անդամների մասնակցությամբ:

ՀՀ վարչապետ Տիգրան Սարգսյանի գլխավորած պաշտոնական պատվիրակությունը և ԼՂՀ բարձր ղեկավարության ներկայացուցիչները՝ ԼՂՀ նախագահ Բակո Սահակյանի գլխավորությամբ, ինչպես նաև ԼՂՀ նախկին ղեկավար Արկադի Ղուկասյանը և մտավորականության ներկայացուցիչներն այցելել են Ստեփանակերտի հուշահամալիր, որտեղ հարգանքի տուրք են մատուցել Մեծ Հայրենականի և Ղարաբաղյան պատերազմի հերոսների հիշատակին:

Երեկոյան Ստեփան Շահումյանի անվան կենտրոնական մարզադաշտում տեղի է ունեցել «Կարոտ» միջազգային 3-րդ փառատոնի բացման հանդիսավոր արարողությունը, որն առաջին անգամ անցկացվում է Հայաստանում և ԼՂՀ-ում և այս տարի նվիրված է Ղարաբաղի Անկախության օրվան:

ՀՀ նախագահ Սերժ Սարգսյանը շնորհավորական ուղերձ է հղել ԼՂՀ Անկախության օրվա կապակցությամբ՝ նշելով, որ «Արցախի անկախությունը հայոց նորագույն պատմության ամենավառ էջերից է՝ մեր ժողովրդի մեծագույն ձեռքբերումը...»:

Սակայն ԼՂՀ Անկախության օրվանից մի քանի օր առաջ հայտնի դարձավ, որ Բաքուն սեպտեմբերի 9-ին ՄԱԿ-ի Գլխավոր վեհաժողովի 65-րդ նստաշրջանի քվեարկությանը կներկայացնի «Ադրբեջանի օկուպացված տարածքներում մարդու իրավունքների ոլորտում միջազգային մարդասիրական իրավունքի նորմերի և միջազգային չափորոշիչների պահպանումը» բանաձևի նախագիծը:

ՀՀ նախագահը, մեկնաբանելով այս քայլը, հայտարարել է, որ Ադրբեջանը հերթական անգամ կոպիտ սխալ է թույլ տալիս՝ Ղարաբաղի մասին բանաձև ներկայացնելով ՄԱԿ-ի Գլխավոր վեհաժողովի քննարկմանը: Նախագահի խոսքերով՝ ակնհայտ է, որ հայկական կողմը պատասխան քայլեր կձեռնարկի, «և այդ քայլերը կմոտեցնեն մեզ մեր նպատակներին»:

«Ադրբեջանցիները ՄԱԿ-ի գլխավոր նստաշրջանի քննարկմանն են ներկայացնելու մի բանաձև (ամենայն հավանականությամբ՝ սեպտեմբերի 9-ին), որի ընդունվելը կամ չընդունվելը չի կարող էական ազդեցություն ունենալ Արցախի և Հայաստանի ո′չ քաղաքական, ո′չ տնտեսական կյանքում, ո′չ էլ անվտանգության բնագավառում», - ասել է Սարգսյանը:

Գիտելիքի օրը

Հայաստանի դպրոցները սեպտեմբերի 1-ին իրենց դռներն են բացել ավելի քան 37 հազար առաջին դասարանցիների առջև: Ինչպես նշել է ՀՀ ԿԳ նախարար Արմեն Աշոտյանը, այս ուսումնական տարին տարբերվում է աննախադեպ բարեփոխումներով և նորամուծություններով, զգալիորեն բարելավվում է ղեկավարման որակը: 2010 թ.-ի սեպտեմբերի 1-ին՝ Գիտելիքի օրը, առաջին անգամ տեղի է ունեցել հայ ուսուցիչների երդման հանդիսավոր արարողությունը:

ՀՀ նախագահ Սերժ Սարգսյանը սեպտեմբերի 1-ի շնորհավորական ուղերձում նշել է, որ «գիտելիքը ուժ է, շատ մեծ ուժ, իսկ մենք՝ մեր երկիրը, նման ուժի կարիք ունի: Ես ցանկանում եմ, որպեսզի դուք ապագայում մասնագիտության գիտակցված ընտրություն անեք, և որպեսզի ձեր ընտրությունը ձեր սրտով լինի: Համոզված եղեք, որ եթե դուք ընտրություն եք կատարել՝ գիտակցելով նրա ողջ լրջությունը, ապա այդ ընտրության համար հարկավոր է պայքարել: Համոզված եմ, որ դուք ունեք նման կամային որակներ», - ընդգծել է ՀՀ նախագահը:

Այս տարի առաջին դասարանցիներին դպրոցին նախապատրաստելը ծնողների համար արժեցել է մեկուկես անգամ ավելի թանկ: Միջինը առաջին դասարանցուն դպրոցին նախապատրաստելը ընտանեկան բյուջեի համար արժեցել է շուրջ 60 հազար դրամ (165 ԱՄն դոլար), ընդ որում անհարժեշտ ապրանքների գների ստորին շեմը, նախորդ տարվա համեմատ, ավելացել է 50 տոկոսով:-0-

Loading...
Թեմատիկ նյութեր

Բաժնի այլ նյութեր
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը: