484
-0.04
526.01
+2.91
8.52
+0.08
+8
Եղանակը Երևանում
Հայ
Լեռնային Ղարաբաղում տոնում են ԼՂՀ հռչակման հերթական տարեդարձը
13:09
02 Սեպտեմբերի 2010

Լեռնային Ղարաբաղի բնակիչները հինգշաբթի՝ սեպտեմբերի 2-ին, նշում են Լեռնային Ղարաբաղի Հանրապետության հռչակման 19-րդ տարեդարձը: Հանդիսավոր միջոցառումներին կմասնակցի Հայաստանից ժամանած պաշտոնական պատվիրակությունը՝ ՀՀ վարչապետ Տիգրան Սարգսյանի գլխավորությամբ:

1991թ.-ին այս օրը տեղի ունեցավ Լեռնային Ղարաբաղի մարզային և Շահումյանի շրջանային խորհուրդների համատեղ նստաշրջանը, որը համաժողովրդական կամքի արտահայտության հիման վրա ընդունեց Լեռնային Ղարաբաղի Հանրապետության Հռչակագիրը՝ Լեռնային Ղարաբաղի Ինքնավար Հանրապետության  և Շահումյանի շրջանի ողջ տարածքում։  

Նման որոշում ընդունելիս պահպանվել են 1990 թ. ապրիլի 3-ի «ԽՍՀՄ կազմից միութենական հանրապետության դուրս գալու հետ կապված հարցերի որոշման կարգի մասին» ԽՍՀՄ օրենքի պահանջները։

Ղարաբաղի ժողովրդի կամքն ամրագրվել է 1991 թ.-ի դեկտեմբերի 10-ին տեղի ունեցած համաժողովրդական հանրաքվեի ժամանակ, որի ընթացքում հանրապետության բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Այս ամենին հետևած դեկտեմբերի 28-ի խորհրդարանական ընտրություններում ընտրվեց ԼՂՀ խորհրդարանը, որը ձևավորեց առաջին կառավարությունը: Անկախ ԼՂՀ-ի կառավարությունն անցավ իր պարտավորությունների կատարմանը բացարձակ շրջափակման և դրան հետևած Ադրբեջանի կողմից կազմակերպված ռազմական ագրեսիայի պայմաններում:

Հաղթելով Ադրբեջանի կողմից պարտադրված պատերազմում՝ ղարաբաղցի ժողովրդին հաջողվեց կառուցել ազատ, ժողովրդավարական, իրավական, սոցիալական պետություն՝ հզոր բանակով և ձևավորված ու ամրապնդված քաղաքացիական հասարակությամբ:

Փորձագետների ճնշող մեծամասնության գնահատականներով՝ ԼՂՀ-ի միջազգային ճանաչումը միայն ժամանակի խնդիր է, որն անհրաժեշտ է ղարաբաղյան հակամարտության կարգավորման մի շարք դետալների ճշտման համար:

Տոնի նախօրեին աշխատանքային այցով ԼՂՀ-ում գտնվող ՀՀ նախագահ Սերժ Սարգսյանը հայտարարեց, որ Ղարաբաղի ազատ զարգացումն այլընտրանք չունի:

«Մեր գործունեությունը պետք է միշտ ուղղված լինի նրան, որ ոչ միայն Ադրբեջանը, այլև մյուս երկրները հասկանան, որ հետդարձի ճանապարհ չկա, որ որևէ կերպ բացառվում է Ղարաբաղի վերադարձն Ադրբեջանի կազմ, որ Արցախն արդեն իսկ կայացած պետություն է, միգուցե` փոքր, միգուցե`դեռևս պրոբլեմներով լի, բայց պետություն է, և այս պետությունն ամրապնդվելու, զարգանալու», - հայտարարել է ՀՀ նախագահը:

Սակայն Բաքուն դեռևս չի ցանկանում համակերպվել տարածաշրջանում ձևավորված իրողությունների հետ: Ղարաբաղի համար նշանակալից օրվանից գրեթե երկու օր առաջ Ադրբեջանը փորձեց դիվերսիոն ակցիա իրականացնել Ղարաբաղի հյուսիս-արևելքում՝ Վերին Չայլու գյուղի մոտակայքում: Սակայն ղարաբաղյան բանակի առաջնային դիրքերի զինծառայողները ժամանակին նկատել են թշնամու հատուկ նշանակության ջոկատի մարտիկների տեղաշարժը և անհապաղ համապատասխան գործողություններ ձեռնարկել՝ պատճառելով հակառակորդին կորուստեր և հետ շպրտելով նրան դեպի ելակետ:

Փորձագետ Սերգեյ Շաքարյանցի կարծիքով՝ ադրբեջանական կողմը ձգտում էր ստուգել այդ ուղղության ամրությունը և նվիրեց ձախողված դիվերսիան Արցախի անկախության հռչակման հերթական տարեդարձին:

ԼՂՀ պաշտպանության նախարարության տեղեկատվության համաձայն, սադրանքի հետևանքով ադրբեջանական կողմը կրել է յոթ մարդկային զոհ, կան վիրավորներ: Ղարաբաղյան կողմից մեկ զինծառայող վիրավորվել է:

ՀՀ պաշտպանության նախարարությունը տեղեկատվություն է տարածել, որում նշվում է, որ ադրբեջանական կողմի սադրանքները սպառնալիքի տակ են դնում ղարաբաղյան հակամարտության խաղաղ կարգավորման գործընթացը:-0-

Loading...
Թեմատիկ նյութեր

Բաժնի այլ նյութեր
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը: