482.26
+0.64
516.89
-1.62
7.57
+0.02
-3
Եղանակը Երևանում
Հայ
Դեպի Ռուսաստանի և ՀԱՊԿ-ի հետ ռազմավարական գործընկերության զարգացում. նախորդ շաբաթվա կարևոր իրադարձությունները
15:17
23 Օգոստոսի 2010

ՌԴ նախագահ Դմիտրի Մեդվեդևի՝ Հայաստան կատարած պետական այցը և Երևանում անցկացվող ՀԱՊԿ ոչ պաշտոնական գագաթնաժողովը համընդհանուր ուշադրության կենտրոնում էին ինչպես Հայաստանում, այնպես էլ նրա սահմաններից դուրս: ՌԴ նախագահի այցը կարելի է պատմական համարելի՝ այցի արդյունքների տեսակետից:

Փաստաթղթեր և հայտարարություններ

Մեդվեդևի՝ Հայաստան կատարած պետական այցի ընթացքում մի քանի կարևորագույն փաստաթղթեր են ստորագրվել: Մասնավորապես, երկու պետությունների միջև արձանագրություն է ստորագրվել Գյումրիի ռուսական ռազմակայանի մասին 1995 թ.-ին ստորագրված երկկողմ պայմանագրի մեջ փոփոխություններ կատարելու մասին, որոնք վերաբերում են փաստաթղթի գործողության ժամկետի երկարացմանը: 1995 թ.-ին ստորագրված պայմանագրի գործողության ժամկետը 25 տարի էր, այժմ փաստաթուղթը գործելու է 49 տարի՝ սկսած 1995 թ.-ից:

Բացի այդ, Ռուսաստանն ու Հայաստանը հայկական տարածքում ատոմային էներգաբլոկի և ատոմային էլեկտրակայանների կառուցման հարցում համագործակցության միջկառավարական համաձայնագիր են ստորագրել:

Այս փաստաթղթերը նշում են, որ երկու կողմերն էլ լուրջ են տրամադրված ռազմավարական համագործակցությունն էլ ավելի ամուր և երկարաժամկետ դարձնելու կապակցությամբ: Նախագահներ Դմիտրի Մեդվեդևը և Սերժ Սարգսյանը հաստատել են ռազմավարական գործընկերությանն ու երկկողմ հարաբերությունների հետագա զարգացմանը հետամուտ լինելը:

«Մեր հանդիպումների հաճախականությունը և, միգուցե, որպես աշխատանքի գագաթնակետ՝ ՌԴ նախագահի՝ Հայաստան կատարած այս պետական այցն ամբողջությամբ արտացոլում են մեր երկրների և ժողովուրդների միջև գոյություն ունեցող հատուկ հարաբերությունը: Դրանք իսկապես ռազմավարական գործընկերության հարաբերություններ են», - ասել է Մեդվեդևն իր հայ գործընկերոջ հետ հանդիպման ժամանակ: ՀՀ նախագահն իր հերթին  վստահություն է հայտնել, որ ՌԴ նախագահ Դմիտրի Մեդվեդևի՝ Հայաստան կատարած պետական այցը կամրապնդի երկու երկրների միջև գոյություն ունեցող դաշնակցային փոխգործակցությունը:

«Համոզված եմ, որ ՌԴ նախագահի պետական այցը լրացուցիչ ազդակ կհաղորդի մեր երկրների միջև ռազմավարական գործընկերության հետագա զարգացմանը, էլ ավելի կամրապնդի մեր դաշնակցային փոխգործակցությունը», - ասել է Սարգսյանը:

Ընդհանուր առմամբ, այս օրերի ընթացքում բազմադարյա բարեկամության և անխախտելի գործընկերության մասին խոսվել է ամեն քայլափոխի: Ըստ էության, խոսքերն ավելորդ էին. Հայաստանում ՌԴ նախագահին ցուցաբերած ընդունելությունը խոսում էր ինքն իր փոխարեն: Քաղաքական բանակցություններին հաջորդում էին մշակութային հարուստ ծրագրերը. Մեդվեդևը Ռուսաստանի առաջին տիկնոջ հետ նույնիսկ հասցրեց զբոսնել երեկոյան Երևանի փողոցներով, որը մի քանի օրվա ընթացքում աննախադեպ տոնական տեսք էր ստացել:

Հայաստանի և Ռուսաստանի նախագահները մասնակցեցին նաև Գյումրիում գտնվող «Պատվո բլուր» հուշահամալիրի բացմանը, որը կառուցվել է ռուս-թուրքական պատերազմների ընթացքում զոհված ռուսական բանակի 156 սպաների մարմինների ամփոփման վայրում:

Կարևորագույն շեշտադրումները

Բնական է, որ բարձր մակարդակի հանդիպումների ընթացքում չէին կարող չքննարկվել տարածաշրջանային կարևորագույն խնդիրները: ՀՀ նախագահը շնորհակալություն է հայտնել Մեդվեդևին տարածաշրջանում ուժերի հավասարակշռության նշանակությունը կարևորելու համար:

«Ես շնորհակալ եմ Ռուսաստանի նախագահին՝ տարածաշրջանում ուժերի հավասարակշռության նշանակությունը, որպես սադրանքներ չթույլատրելու և ռազմատենչ հավակնությունների կասեցման կարևոր  գործոն, կարևորելու համար։ Սա լիովին համապատասխանում է ղարաբաղյան հակամարտության հարցի կարգավորման մեր դիրքորոշմանը», - ասել է Սարգսյանն՝ ավելացնելով, որ այս հարցում Հայաստանի դիրքորոշումը, այն է՝ հակամարտությունը պետք է լուծվի բացառապես խաղաղ ճանապարհով,  մնում է անփոփոխ:

Այս համատեքստում ՌԴ նախագահը կարևորագույն հայտարարություն է արել՝ հիշեցնելով, որ Ռուսաստանը դաշնակցային պարտավորություններ ունի ՀԱՊԿ երկրների առջև, որի մասնակիցն է նաև Հայաստանը:

«Խաղաղության և իրավակարգի պահպանումը Ռուսաստանի Դաշնության խնդիրն է, որը տարածաշրջանի խոշորագույն պետությունն է, ինչպես նաև ամենահզոր պետությունը թե տնտեսական, թե պաշտպանական, թե անվտանգության ապահովման հնարավորության տեսակետից: Միաժամանակ, բնական է, որ մենք ունենք  ՀԱՊԿ անդամների առջև մեր ռազմավարական պարտավորությունները: ՀԱՊԿ-ի մասնակիցներից մեկը Հայաստանն է», - ասել է Մեդվեդևը:

ՌԴ նախագահը ընդգծել է, որ «Հայաստանում ռուսական ռազմաբազայի տեղակայման ժամկետի երկարացումն ուղղված է Անդրկովկասում խաղաղության պահպանմանը»:

Այս հայտարարությունը, ինչպես նաև Հայաստանում ռուսական ռազմակայանի լիազորությունների ընդլայնմանը վերաբերող հայտարարությունը Ադրբեջանի ղեկավարությանը հասցեագրվող ուղերձ է, որը կանոնավոր կերպով «վախեցնում է» Երևանին իր ռազմատենչ հայտարարություններով: Անհրաժեշտ է ենթադրել, որ Բաքվում ճիշտ են հասկացել նախազգուշացումները:

ՀԱՊԿ ոչ պաշտոնական գագաթնաժողով. ևս մեկ քայլ՝ ուղղված համագործակցության խորացմանը

Երևանում օգոստոսի 20-ին մեկնարկած ՀԱՊԿ անդամ-պետությունների երկօրյա ոչ պաշտոնական գագաթնաժողովին մասնակցել են վեց պետությունների՝ Հայաստանի, Ռուսաստանի, Ղազախստանի, Բելառուսի, Ղրղզստանի և Տաջիկստանի ղեկավարները:

ՀՀ նախագահի խոսքերով՝ Երևանում ՀԱՊԿ ոչ պաշտոնական գագաթնաժողովի մասնակիցները նախանշել են Կազմակերպության շրջանակներում համագործակցության և փոխգործակցության հետագա խորացման հստակ քայլերը:

«Համոզված եմ, որ ծրագրերի լիարժեք իրագործումը թույլ կտա մեր կազմակերպությունը հասցնել որակապես նոր` ավելի բարձր մակարդակի», - ասել է Սարգսյանը:

Երևանյան գագաթնաժողովի օրակարգում երկու հարց էր ներառված՝ Ղրղզստանում իրավիճակի կայունացմանն ուղղված ՀԱՊԿ-ի կողմից նախատեսված միջոցառումները և Կազմակերպության շրջանակներում ճգնաժամային արձագանքման արդյունավետ համակարգի ձևավորման հարցերը:

Սարգսյանի խոսքերով՝ Երևանի հանդիպումը կարևոր քայլ է երկրների և, ընդհանուր առմամբ, ՀԱՊԿ պատասխանատվության գոտում անվտանգության համակարգի հետագա զարգացման գործընթացում:

ՌԴ նախագահն իր հերթին տեղեկացրել է, որ ՀԱՊԿ կանոնադրական փաստաթղթերի փոփոխությունները պատրաստ կլինեն դեկտեմբերին,

«Մենք քննարկել ենք ՀԱՊԿ հակաճգնաժամային արձագանքման նոր մեխանիզմը, և բոլորն այն եզրակացության են եկել, որ Ղրղզստանի իրադարձություններից քաղած  դասերը մեզ ստիպում են, որ մեխանիզմն առավել արդյունավետ դարձնենք։ Ին՞չ է պահանջվում դրա համար։ Պետության կամքը՝ այսօր այդ կամքն արտահայտվել է, և դեկտեմբերին պատրաստ կլինեն ՀԱՊԿ կանոնադրական փաստաթղթերի փոփոխությունների վերաբերյալ առաջարկները, որոնք մեր գործունեության հիմք են ծառայում, որպեսզի այնտեղ առավել արդյունավետ ինստիտուտներ հայտնվեն, հնարավոր է՝ առավել ընդլայնված լիազորություններով», - ասել է Մեդվեդևը:

ՌԴ նախագահը ընդգծել է, որ ՀԱՊԿ-ն գործնական և ազդեցիկ կազմակերպություն է՝ էական լիազորություններով:

«Պետք է խոստովանել, որ ՀԱՊԿ-ն, նույնիսկ հասկանալով, որ հարաբերականորեն երիտասարդ կազմակերպություն է, գործնական կազմակերպություն է՝  էական լիազորություններով կազմակերպություն, որն իրականում իր պատասխանատվությամբ ազդում է տարածաշրջանի իրադարձությունների զարգացմանը։ Ինչ էլ ասենք, բայց ՀԱՊԿ-ի գոյությամբ մի շարք բացասական միտումներ զսպվում են։ Ներկաներից յուրաքանչյուրը կարող է դա վերագրել այս կամ այն սառեցված հակամարտություններին կամ խնդիրներին, որոնք ՀԱՊԿ պատասխանատվությամբ գոյություն ունեն տարածաշրջանում», - ասել է Մեդվեդևը:

Նա նաև հույս է հայտնել, որ ՀԱՊԿ անդամները կարող են իրենց ներդրումն ունենալ Ղրղզստանում իրավիճակի կարգավորման գործում: Հայտարարվել է նաև, որ ՀԱՊԿ հերթական գագաթնաժողովը կանցկացվի դեկտեմբերին Մոսկվայում, այդ ժամանակ էլ կազմակերպության նախագահությունը կփոխանցվի Բելառուսին:-0-

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: