480.92
+0.18
511.51
-0.14
7.54
+0.06
-1
Եղանակը Երևանում
Հայ
Հայաստան-Ռուսաստան. անվտանգություն և ոչ միայն
17:27
18 Օգոստոսի 2010

ՌԴ նախագահ Դմիտրի Մեդվեդևի՝ Հայաստան նախատեսված պետական այցը խոստանում է դառնալ տարվա կարևորագույն քաղաքական իրադարձություններից մեկը՝ հաշվի առնելով այցի օրակարգը և, ամենակարևորը, փաստաթղթերը, որոնք նախատեսվում են ստորագրել: Խոսքն, առաջին հերթին, ռազմաքաղաքական միության և ռազմավարական համագործակցության ամրապնդման, Հայաստանի անվտանգության ապահովման և երկու երկրների պետական ու ազգային շահերի պաշտպանության մասին է:

Հայ-ռուսական հարաբերություններն ունեն հազարամյակի պատմություն և տարեգրվում են դեռևս Կիևյան Ռուսիայի ժամանակներին: Հայկական քաղաքական վերնախավի ռուսամետ ուղղվածությունը, որպես միասնական գաղափար, ձևավորվել է XVII դարի վերջում, և այդ ժամանակներից սկսած՝ հայ ժողովուրդը հզոր քրիստոնյա Ռուսիայի հետ միությունը համարել է սեփական անվտանգության ապահովման գրավականը: Իսկ Ռուսաստանն իր համար մեծ կարևորություն ներկայացնող տարածաշրջանում վստահելի և հուսալի դաշնակից է գտել: Հայ-ռուսական ռազմական եղբայրությունը պաթոսային դրոշմակնիք չէ, այլ երկու հարյուրամյակների ընթացքում Ռուսաստանի կողմից Կովկասում մղած բոլոր պատերազմների պատմական տարեգրություն:

Երկու հոգևոր մտերիմ ժողովուրդների արյամբ ամրացված բարեկամությունն ամուր հիմք է դարձել հայ-ռուսական ժամանակակից հարաբերությունների համար, և երկու երկրների նախագահները մոտ օրերի ընթացքում կհայտարարեն ռազմավարական միության ամրապնդմանն ուղղված քայլերի մասին: Անկասկած, այդ քայլերից կարևորագույնը կդառնա Հայաստանում ռուսական ռազմական ներկայության ամրապնդումն ու հանրապետության տարածքում ռուսական ռազմաբազայի տեղակայման ժամկետների երկարացումը: Խոսքն հենց այն ռազմաբազայի մասին է, որը տեղակայված է Թուրքիայի սահմանի վրա, որն ամբողջովին կոտրեց Երևանի հետ ոչ միայն ուժային դիրքից խոսելու, այլև ինչ-որ բան «քաղաքավարի կերպով» առաջարկելու հարավային հարևանի ցանկությունը: Ռուսական ռազմաբազայի տեղակայման ժամկետը նախատեսվում է երկարացնել՝ նախկին 25-ից մինչև 49 տարի՝ կողմերի համաձայնության դեպքում հետագա երկարացման հնարավորությամբ: Միաժամանակ Ռուսաստանն իր վրա է վերցնում Հայաստանի անվտանգության ապահովումը, ինչը երկրի անվտանգության համակարգի ամրապնդմանն ուղղված կոնկրետ գործողություններ է նախատեսում:

Այդ գործողությունների թվում փորձագետները, մասնավորապես, նշում են ռազմարդյունաբերական համալիրի ոլորտում ինտեգրված համագործակցությունը, որը թույլ կտա հայկական բանակը զինել նորագույն սպառազինությամբ: Նման համագործակության շրջանակներում կոնկրետ պայմանավորվածություններ են ձեռք բերվել ռուսական ՌԱՀ-ի ձեռնարկությունների ղեկավարների պատվիրակության ներկայացուցիչների՝ Հայաստան այցելության ընթացքում: Ինչպես Երևանում, այնպես էլ Մոսկվայում համոզված են, որ այդ պայմանավորվածությունների գործնական իրագործումը փոխշահավետ կլինի:

Երկու պատմական դաշնակիցների ռազմական, քաղաքական և տնտեսական համագործակցության բնական ամրապնդումը փոքրաքանակ, սակայն չափազանց աղմկարար հայկական ռուսավախ բազմության մոտ նյարդային դող է առաջացնում: Նման հիվանդագին վիճակի անխուսափելի արդյունք են դառնում բացարձակապես ցնորական հայտարարություններն ու անհեթեթ առաջարկները, որոնք, մասնավորապես, կոչ են անում խզել հարաբերությունները Ռուսաստանի հետ կամ դուրս գալ ՀԱՊԿ-ից: Նույն շարքի՞ց չեն, արդյոք, Ադրբեջանին ռուսական С-300-ի վաճառքի մասին իբրև թե գոյություն ունեցող ծրագրերի մասին ասեկոսեները: Ռուսական կողմը միանգամից հերքեց այդ ասեկոսեները, սակայն իրենց «քաղաքագետ» կոչող մարդիկ այս հարցի շուրջ մի ողջ տեսություն կառուցեցին:

«Ինչի՞ համար է մեզ պետք Ռուսաստանը, և ի՞նչ կարող է մեզ տալ» - գրեթե «ճշմարտանման» կերպով տարակուսում են այդ մարդիկ: Այս հարցի պատասխանը բազմասահման է և չի տեղավորվում նշված գործիչների միավանկ դատողությունների շրջանակներում: Ընդ որում կարևորագույն սահմանը անվտանգությունն է՝ խոսքի լայն իմաստով, իսկ եթե ավելի անկեղծ՝ ապա  տարածաշրջանում հայ ժողովրդի ֆիզիկական գոյությունը ևս, որտեղ նվազագույնը երկու պետություն այդ գոյությունը մեծ հարցականի տակ է դնում:

Դժվարին էթնոքաղաքական, էթնոմշակութային, տնտեսական և բազմաթիվ այլ հարցեր, որոնք վերաբերում են Հարավային Կովկասին և Առաջավոր Ասիային, Ռուսաստանի հետ ռազմաքաղաքական միությունը և ՀԱՊԿ անվտանգության համակարգում Երևանի մասնակցությունը դարձնում են ոչ այլընտրանքային՝ հայ ժողովրդի անվտանգության ապահովման հետ կապված հարցերի լուծման և պատմական հայրենիքում հայ ժողովրդի երկարաժամկետ ու կայուն զարգացման տեսակետից: Նման տարածաշրջանում երեք միլիոնանոց բնակչություն ունեցող երկրի անվտանգության հուսալի ապահովման հնարավորության մասին ցանկացած պնդումները, գոյություն ունեցող անվտանգության համակարգերից դուրս, դեմագոգիկ ու պոպուլիստական են:

ՌԴ նախագահի՝ Հայաստան նախատեսված այցի հետ կապված կարևոր հանգամանք է նաև այն, որ այցը համընկնում է Երևանում կայանալիք ՀԱՊԿ ոչ պաշտոնական գագաթնաժողովի հետ: Այս երկու իրադարձությունները, ասես, լրացնում են միմյանց, եզրափակում են հետխորհրդային տարածքում անվտանգության համակարգը ձևավորող գաղափարների, դիրքորոշումների, մոտեցումների և քայլերի շարունակական, փոխկապակցված և փոխներթափանցող բոլորապտույտը:

Երևանը միշտ կողմ է եղել ՀԱՊԿ-ի շրջանակներում իրականացվող համագործակցությունը գործնական, շոշափելի հուն տեղափոխելուն, և պատահական չէ, որ ՀԱՊԿ-ում Հայաստանի նախագահության ժամանակահատվածում ձևավորվեց բավականին իրական,  նյութականացվող կառույց՝ Արագ արձագանքման հավաքական ուժերը, որն ունի համաշխարհային քաղաքականության մեջ լուրջ գործոն և ծանրակշիռ փաստարկ դառնալու բոլոր հնարավորությունները:

Բացառված չէ, որ ԱԱՀՈՒ հերթական զորավարժությունները 2011 թ.-ին կանցկացվեն Հայաստանում: Դա դաշնակիցների մարտական գործընկերությունն ամրապնդող ևս մեկ քայլ կդառնա:-0-

Գագիկ Բաղդասարյան, «Նովոստի-Արմենիա» գործակալության տեսաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: