480.74
+0.03
511.65
+0.46
7.48
-0.03
+2
Եղանակը Երևանում
Հայ
ՌԱՀ-ն և հացն հանապազօրյա. Հայաստանը շաբաթվա ընթացքում
13:51
17 Օգոստոսի 2010

ԵՐԵՎԱՆ, 17 օգոստոսի. /Նովոստի-Արմենիա/. ՀԱՊԿ ոչ պաշտոնական գագաթնաժողովի անցկացման ամսաթիվը հայտնի դարձավ նախորդ ուրբաթ: ՀՀ նախագահի մամուլի ծառայության տեղեկատվության համաձայն, գագաթնաժողովը կանցկացվի Երևանում օգոստոսի 20-22-ը:

«Գագաթնաժողովի շրջանակում տեղի կունենա երկրների ղեկավարների ոչ պաշտոնական հանդիպում, կանցկացվեն աշխատանքային քննարկումներ և մի շարք երկկողմ հանդիպումներ Երևանում և Սևանում», - նշել են մամուլի ծառայությունից: Գագաթնաժողովի օրակարգային հարցերի շրջանակում կքննարկվեն տարածաշրջանային անվտանգության խնդիրներ, այդ թվում` արդի մարտահրավերներին և սպառնալիքներին հակազդելու հարցերում ՀԱՊԿ անդամ-երկրների փոխգործակցությունը:

Երևանում մեծապես կարևորում են ՀԱՊԿ-ի շրջանակներում իրականացվող համագործակցությունը, այդ թվում նաև՝ ռազմարդյունաբերական համալիրի հետագա զարգացման համատեքստում:

«Ես մեծապես կարևորում են հետխորհրդային երկրների հետ համագործակցության զարգացումը, որոնց հետ մենք գործընկերական կապեր ունենք, հատկապես՝ ՀԱՊԿ երկրների հետ», - նախորդ երեքշաբթի ասել է ՀՀ Ազգային անվտանգության խորհրդի քարտուղար Արթուր Բաղդասարյանը: Նա ընդգծել է, որ ՀԱՊԿ երկրների հետ արդեն որոշակի կապեր են հաստատվել, մասնավորապես, մշակումներ կան ռուս և բելառուս գործընկերների հետ:

«Շուտով համագործակցություն կհաստատվի նաև այլ երկրների հետ», - նշել է նա: Բաղդասարյանի խոսքերով՝ ՌԱՀ-ն կոչված է դառնալ Հայաստանի ազգային տնտեսության զարգացման լոկոմոտիվներից մեկը, իսկ ոլորտի մշակումը կավարտվի 2010 թ.-ին:

Հացը կբավականացնի բոլորին

Նախորդ շաբաթ գյուղատնտեսության նախարարությունը ցրեց Ռուսաստանի կողմից հայտարարված հացահատիկի արտահանման ժամանակավոր արգելքի կապակցությամբ հնարավոր խնդիրների առաջացման մտավախությունները: Հայաստանի գյուղատնտեսության փոխնախարար Սամվել Գալստյանը հայտարարեց, որ հանրապետությունը կապահովվի անհրաժեշտ ծավալների հացահատիկով՝ նշելով, որ Հայաստանը չի կարող անտարբեր մնալ հացահատիկի համաշխարհային շուկայում ստեղծված իրավիճակին, այդ թվում՝ գնագոյացման հարցում։

Նա նշել է, որ Հայաստանը մինչև տարեվերջ ամբողջությամբ ապահովված կլինի հացահատիկով ներկրման և ներքին արտադրության հաշվին։ Գալստյանն ավելացրել է, որ ներկրման և ներքին հնարավորությունների շնորհիվ որևէ խնդիր չի լինի առնվազն մինչև 2011 թվականի մայիսը, իսկ մինչև հաջորդ տարվա բերքը համապատասխան միջոցներ կձեռնարկվեն, այդ թվում քննարկումներ կանցկացվեն Ռուսաստանի Դաշնության ներկայացուցիչների հետ, քանի որ հացահատիկը Հայաստան է մտնում հիմնականում Ռուսաստանից։

Տարեկան Հայաստանում օգտագործվում է 650-720 հազար տոննա հացահատիկային կուլտուրա, որից միայն պարենային նպատակով՝ 435-450 հազար տոննա։ Փոխնախարարի խոսքերով, ներքին արտադրության պակասորդը լրացվում է ներկրման հաշվին, որի ծավալները վերջին հինգ տարիների ընթացքում կազմել են 380-420 հազար տոննա։

Միաժամանակ, հանրապետությունը, զարգացնելով սերմնաբուծությունն և հացաբույսերի տարածքների ընդլայնման ծրագրեր մշակելով, ձգտում է գյուղատնտեսության այս ոլորտում հասնել առավելագույն ինքնապահովման:

Սովորել, թե չսովորել...

Հասարակությունում մեծ արձագանք ստացած իրադարձություններից մեկը դարձավ մի շարք ոչ պետական բուհերի արտոնագրերի գործողության ժամկետի դադարեցման մասին որոշումը: Կրթական ծրագրերի իրագործման լիցենզիոն հանձնաժողովի որոշմամբ՝ ամբողջովին դադարեցվել է Հայ-ռուսական ժամանակակից հումանիտար ինստիտուտի, «ՄՅՈՒԴ» իրավաբանական ինստիտուտի, «Արարատ» Արմավիրի համալսարանի, «ԷՅԱՅՈՒ» Արիա միջազգային համալսարանի, «Վանևան» ինստիտուտի, «Քավենդիշ» համալսարանի, «Արտաշատ» Արտաշատի համալսարանի արտոնագրերի գործողության ժամկետը:

Բացի այդ, հանձնաժողովը որոշել է առանձին մասնագիտությունների գծով դադարեցնել ևս վեց ոչ պետական բուհերի արտոնագրերի գործողության ժամկետները, այդ բուհերն են՝ Երևանի «Մենեջմենթ» համալսարանը, «Գալիք» համալսարանը, Լորիս Քալաշյանի անվան բաց համալսարանը, Ավետիք Մկրտչյանի անվան տնտեսաիրավագիտական համալսարանը, «Տնտեսագիտության, բնապահպանության և իրավունքի հայկական ինստիտուտը», «Երևանի արվեստի համալսարանը»:

Եվս երեք համալսարաններ զգուշացում են ստացել: Ինչպես հայտարարել է ՀՀ ԿԳ փոխնախարար Արա Ավետիսյանը, արտոնագրերից զրկված բուհերի ուսանողները օգոստոսի 17-ից հետո մինչև սեպտեմբերի 15-ը կարող են տեղափոխվել այլ բուհեր: Միաժամանակ ոչ արտոնագրված ուսումնական հաստատությունների ուսանողները կարող են տեղափոխվել միայն նույնատիպ բուհեր, իսկ արտոնագրված բուհերի ուսանողները կարող են տեղափոխվել արտոնագրված՝ ինչպես մասնավոր, այնպես էլ պետական բարձրագույն ուսումնական հաստատություններ:

Հայաստան-Ռուսաստան. օգնությունը շարունակվում է

Հայաստանում Ռոսսոտրուդնիչեստվոյի ներկայացուցչությունը նախորդ չորեքշաբթի 400 արկղ մարդասիրական օգնություն է ուղարկել Ռուսաստանի՝ անտառային հրդեհներից տուժած բնակիչներին:

Համահայկական միջազգային երիտասարդական կենտրոնի կողմից անցկացված ակցիայի արդյունքում հավաքագրված բոլոր միջոցները կուղղվեն Նիժեգորոդսկի և Վորոնեժի մարզեր: Կենտրոնի կոչերին արձագանքել է ավելի քան 1000 երիտասարդ: Հագուստից, կոշկեղենից, տաք հագուստից, անկողինից և առաջին անհրաժեշտության այլ իրերից բացի, կենտրոնի անդամները հավաքել են նաև ֆինանսական միջոցներ, որոնք կփոխանցվեն հրդեհներից տուժածների համար միջոցների հավաքագրման պաշտոնական հաշվեհամարներին:

Բացի այդ, Ռուսաստանի հայկական համայնքները հավաքագրել են շուրջ 100 տոննա մարդասիրական օգնություն, մասնավորապես՝ շինարարական նյութեր, կենցաղային տեխնիկա և էլեկտրասարքեր, հագուստ, ինչպես նաև ավելի քան 7 միլիոն ռուբլի: Մարդասիրական օգնությունը բաղկացած է 188 անուն ապրանքից, ընդ որում բոլոր ապրանքները նոր են: Հինգշաբթի՝ օգոստոսի 12-ին, մարդասիրական օգնության առաջին խմբաքանակը (տասը ԿԱՄԱԶ բեռնատար) ուղարկվել է Վորոնեժի, Նիժեգորոդսկի և Ռյազանի մարզեր:

Միջոցների հավաքագրման ակցիա է անցկացնում նաև «Միասին» երիտասարդական շարժումը:-0-

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: