486.21
-0.98
517.62
-1.72
8.15
+0.04
-5
Եղանակը Երևանում
Հայ
Կոսովոյի վերաբերյալ խորհրդակցական եզրակացություն. նախադե՞պ Ղարաբաղի համար
15:00
26 Հուլիսի 2010

Նախորդ շաբաթվա ամենավառ իրադարձությունը դարձավ Կոսովոյի վերաբերյալ ՄԱԿ-ի Միջազգային դատարանի խորհրդակցական եզրակացությունը, որում նշվում է, որ Կոսովոյի անկախության ինքնահռչակումը չի հակասում միջազգային իրավունքի նորմերին: Թեև, ի տարբերություն ՄԱԿ-ի ՄԴ որոշման, խորհրդակցական եզրակացությունները չունեն պարտադիր ուժ, սակայն կարող են հանգեցնել լուրջ քաղաքական հետևանքների:

«Կոսովոյի անկախությունն անշրջելի է: ՄԴ-ի եզրակացությունն այս հարցի շուրջ իրավաբանական վեճն ավարտող կարևոր փուլ է, ինչը թույլ կտա բոլոր կողմերին զբաղվել այլ չլուծված հարցերով: Կոսովոյի և Սերբիայի ապագան կապված է ԵՄ-ի հետ, և եթե, վերջապես, այդ խնդիրը լուծվի, ապա կարելի կլինի հանգիստ լինել տարածաշրջանի անվտանգության և կայունության համար», - հայտարարել է Ֆրանսիայի արտգործնախարար Բեռնար Քուշները:

Կոսովոյի վերաբերյալ եզրակացության ընդունումից հետո Երևանում և Ստեփանակերտում չկարողացան անուշադրության մատնել նման իրադարձությունը:

«Այդ որոշումը, իսկապես, աննախադեպ էր այն իմաստով, որ առաջին անգամ Միջազգային դատարանն անդրադարձավ ժողովուրդների ինքնորոշման և տարածքային ամբողջականության խնդրին և դրանց հարաբերակցությանը՝ ընդունելով հենց այն որոշումը, որը ելնում է ՄԱԿ-ի կանոնադրությունից», - նշել է ՀՀ փոխարտգործնախարար Շավարշ Քոչարյանը: Բացի այդ, Քոչարյանի խոսքերով՝ Միջազգային դատարանը հաստատել է երկու ալբանական պետությունների գոյության իրավունքը:

«Այդ դեպքում ի՞նչ գին ունեն Ադրբեջանի բարձրաստիճան պաշտոնյաների հայտարարությունները, ովքեր պնդում են, որ հայերը չեն կարող ինքնորոշվել երկու անգամ և ունենալ երկու պետություն», - նշեց Քոչարյանը:

ՀՀ առաջին արտգործնախարար, «Ժառանգություն» ընդդիմադիր կուսակցության ղեկավար Րաֆֆի Հովհաննիսյանը նշեց, որ Ադրբեջանն, ի տարբերություն Սերբիայի, երբեք չի դիմի ՄԱԿ-ի Միջազգային դատարան:

Միաժամանակ պաշտոնական Ստեփանակերտը հայտարարում է, որ միայն ուրախ կլինի, եթե Միջազգային դատարանի որոշումն ազդի ղարաբաղյան հակամարտության դրական լուծման վրա, սակայն հիշեցնում է, որ ղարաբաղյան կողմը հասել և շարունակելու է հասնել ԼՂՀ-ի միջազգային ճանաչմանն՝ անկախ Կոսովոյի շուրջ տեղի ունեցած իրադարձություններից: Ղարաբաղում չեն կասկածում, որ նման ճանաչումն անխուսափելի է:

Ադրբեջանական երևակայություններ

Ադրբեջանական ԶԼՄ-ները չեն դադարում պնդել, որ Հայաստանը, իբրև թե, խոչընդոտում է ղարաբաղյան հակամարտության խաղաղ կարգավորմանը: Սակայն վերջին իրադարձությունների, այն է՝ Սանկտ Պետերբուրգում Հայաստանի, Ռուսաստանի և Ադրբեջանի նախագահների վերջին հանդիպման, ինչպես նաև դրան հետևած Ադրբեջանի կողմից սահմանի վրա իրականացրած սադրանքի վերլուծությունը վկայում է հակառակի մասին:

Ադրբեջանի ռազմավարությունն է փորձել վախեցնել հայկական հասարակությանը, հանգստացնել սեփական ժողովրդին և շանտաժի ենթարկել միջազգային հանրությանը: Միաժամանակ Ալմաթիում ընդունված համատեղ հայտարարության մեջ ԵԱՀԿ ՄԽ համանախագահ-երկրների արտգործնախարարությունների պատվիրակությունների ղեկավարները՝ Սերգեյ Լավրովը, Բեռնար Քուշները և ԱՄՆ պետքարտուղարի տեսակալ Ջեյմս Սթեյնբերգը կոչ են արել կողմերին հետամուտ լինել Հելսինկյան ակտի դրույթներին, մասնավորապես՝ ուժի կամ ուժի սպառնալիքի չկիրառմանը:

Միաժամանակ Երևանը հայտարարում է ղարաբաղյան հակամարտության խաղաղ կարգավորմանը հետամուտ լինելու մասին, իսկ վերջնական լուծումն անհնար է առանց ղարաբաղյան կողմի լիարժեք մասնակցության: Բաքուն, վաղ թե ուշ, ստիպված կլինի համակերպվել նման մասնակցության հետ, չնայած այժմ Ադրբեջանը դարձել է սեփական քարոզչության գերին:

«Խնդիրն այն է, որ Ադրբեջանը չի ցանկանում ԼՂՀ մասնակցությունը որպես լիիրավ կողմ, քանի որ դա հակասում է նրանց քարոզչամեքենայի խեղաթյուրված ձևակերպումներին այն մասին, որ սա Հայաստանի և Ադրբեջանի տարածքային վեճն է», - կարծում է ՀՀ փոխարտգործնախարար Շավարշ Քոչարյանը:-0-

Loading...
Թեմատիկ նյութեր
Բաժնի այլ նյութեր
15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։