480.74
+0.03
511.65
+0.46
7.48
-0.03
+1
Եղանակը Երևանում
Հայ
Կինո, ջազ և «Ոսկե ծիրան» Երևանում
15:39
20 Հուլիսի 2010

«Ոսկե ծիրան» երևանյան յոթերորդ միջազգային կինոփառատոնի ժյուրիի նախագահները կիրակի ամփոփիչ մամուլի ասուլիս էին կազմակերպել:

Եվ մտքում ապագա ֆիլմից դրվագ ծնվեց: Իբրև սպիտակ կոստյումներով ջազմենները հավաքում են իրենց գործիքները, և արդեն կարոտելով անցած փառատոնը՝ սուլելով անհետանում են հուլիսյան տապի մեջ՝ վերածվելով ոսկե մշուշի:

Մրցանակակիրների մասին

Շաբաթ օրը՝ հուլիսի 17-ին Երևանի «Մոսկվա» կինոթատրոնում կայացավ կինոփառատոնի փակման հանդիսավոր արարողությունը: Բավականին հանրահայտ դարձած միջոցառմանը մասնակցելու նպատակով ներկայացվել էր 500 ֆիլմ, որոնցից ցուցադրմանն էր թույլատրվել 120-ը և որոնցից միայն 45-ն էր ընդգրկվել փառատոնի մրցութային ծրագրերում:

«Միջազգային խաղարկային կինո» մրցութային ծրագրում կինոփառատոնի գլխավոր մրցանակին արժանացավ թուրք ռեժիսոր Ռեհ Էրդեմի «Կոսմոս» ֆիլմը: Նույն անվանակարգում «Արծաթե ծիրան» մրցանակին արժանացավ բելառուս ռեժիսոր Սերգեյ Լոզնիցայի «Իմ ուրախություն» ֆիլմը:

«Միջազգային վավերագրական կինո» մրցույթում «Ոսկե ծիրան» մրցանակի է արժանացել Պավել Կոստոմարովի «Երկուսով» ֆիլմը: Շվեյցարացի ռեժիսոր Վադիմ Յենդրեյկոյի «Հինգ փղերով կինը» ֆիլմն արժանացել է «Արծաթե ծիրանի»:

«Հայկական համայնապատկեր» մրցույթում հաղթող է ճանաչվել Արման Երիցյանի և Իննա Սահակյանի «Հայաստանի վերջին լարախաղացը» ֆիլմը: «Արծաթե ծիրանի» է արժանացել Կոմս Շահբազյանի «Այստեղ` ներքևում» ֆիլմը, հատուկ հիշատակման է արժանացել Նիկոլայ Դավթյանի «Քեռի Վալյա» ֆիլմը, որը նվիրված է խաղարկային և անիմացիոն կինոյի բեմադրող-նկարիչ, Հայկական ԽՍՀ-ի վաստակավոր նկարիչ Վալենտին Պոդպոմոգովին:

Կինոքննադատների միջազգային ֆեդերացիայի ժյուրիի մրցանակին (FPRESCI) արժանացել է Յասմիլա Ժբանիչի «Ճանապարհին» ֆիլմը (Բոսնիա և Հերցեգովինա):

Էկումենիկ ժյուրին իր մրցանակը հանձնել է Սուրեն Բաբայանի «Մի նայիր հայելուն» ֆիլմին, Եկեղեցիների անկախ ժյուրիի պատվոգրի է արժանացել Ալեքսեյ Պոպոգրեբսկու «Ինչպես անցավ այս ամառը» ֆիլմը:

Հայ ռեժիսոր Մարատ Սարգսյանի «Լեռնավան» ֆիլմը դարձել է կրկնակի մրցանակակիր. այն արժանացել է հայտնի գրող Հրանտ Մաթևոսյանի անվան հատուկ մրցանակի և ճանաչվել է լավագույնը Բրիտանական խորհրդի հայաստանյան գրասենյակի կարճամետրաժ ֆիլմերի մրցույթում Բրիտանական խորհրդի հայկական գրասենյակի կողմից հայտարարված ծրագրի շրջանակներում: Հայաստանում Բրիտանական խորհրդի ծրագրի ղեկավար Նարեկ Թովմասյանի խոսքերով՝ «Լեռնավանը» կմասնակցի «Encounters» բրիտանական կինոփառատոնին:

Հայ-թուրքական կինոպլատֆորմի մասին

«Ոսկե ծիրան» յոթերորդ միջազգային կինոփառատոնի շրջանակներում հուլիսի 15-ին ամփոփվեցին հայ-թուրքական կինոհապլատֆորմի արդյունքները: Լավագույնը ճանաչվեց թուրք ռեժիսոր Բարիս Հանցիոգուլլարի «Լեյլա, ևս մեկ անգամ» նախագիծը: Բացի այդ, մրցանակների արժանացան Հարություն Կբեյանի «Տոհմածառ» (Հայաստան), Քանայ Օզդենի «Տիկնիկային թատրոն» (Թուրքիա) և լիբանանահայ ռեժիսոր Նիգոլա Բեզջյանի «Պտույտ մը Ստամբուլի փողոցներով» ֆիլմերը:

Առաջին անգամ հայ-թուրքական կինոպլատֆորմը ներկայացվել է 2009 թ.-ի ապրիլին Ստամբուլյան 28-րդ միջազգային կինոփառատոնի ժամանակ՝ «Հանդիպումներ կամրջի վրա» ծրագրի շրջանակներում:

Ինչպես կարծում է կինոգետ, հայ-թուրքական պլատֆորմի համակարգող Արծվի Բախչինյանը, կինոպլատֆորմի ձևաչափում վեց լավագույն համատեղ ֆիլմերը պատրաստ կլինեն 2011 թ.-ի հունվարի վերջին:

Հատկանշական է, որ «Ոսկե ծիրան» կինոփառատոնի գլխավոր տնօրեն, ռեժիսոր Հարություն Խաչատրյանը «Նովոստի-Արմենիա» գործակալությանը տված հարցազրույցում նշել էր, որ հայ-թուրքական կինոպլատֆորմն այսօրվա դրությամբ լավագույն նախագծերից մեկն է, քանի որ նպաստում է թուրքերի կողմից իրենց պատմության բազմաթիվ էջերի վերաիմաստավորմանը:

«Թուրքերն իրենք են սկսում զբաղվել հայկական հարցով, Հայոց ցեղասպանությամբ, այցելում են Ծիծեռնակաբերդի հուշահամալիր, համակրանքով են գրում հայերի  մասին: Կարծում եմ, որ սա հսկայական առաջընթաց է», - ասել է փառատոնի գլխավոր տնօրենը:

«Ոսկե ծիրանը» միրգ չէ

Եթե ի մի բերենք Երևանում անցած կինոփառատոնի մասին արտահայտած բոլոր կարծիքները, ապա, առաջին հերթին, անհրաժեշտ է նշել փառատոնի անկախությունը, այլընտանքային ու ժողովրդավարական բնույթը: Մասնավորապես, «Ոսկե ծիրանին» նման գնահատական է տվել բրազիլահայ կինոգործիչ Լևոն Կակովը (Լևոն Շատարևյան):

Էլ որտե՞ղ ամերիկյան կինովարձույթի առաջատար Հյուզ եղբայրների «Իլայի գիրքը» ֆիլմի հետ մեկտեղ կարելի է դիտել երիտասարդ ռեժիսորների փորձարարական կինոն, օրինակ՝ Դավիթ Էնֆենջյանի «Error» ֆիլմը:

«Մենք չենք փնտրում ֆիլմեր, որոնք ոչ մի անգամ ոչ մի տեղ չեն ցուցադրվել: Մենք փնտրում ենք աշխարհի լավագույն ֆիլմերը՝ հանդիսատեսին ներկայացնելու նպատակով», - նշել է կինոփառատոնի գլխավոր տնօրեն, ռեժիսոր Հարություն Խաչատրյանը:

Իտալացի կինոքննադատ և լրագրող Լուչիանո Բարիզոնին իր հերթին նշել է ոչ միայն «Ոսկե ծիրանի» դրական մթնոլորտը, այլև փառատոնի երկրպագուների և հանդիսատեսի թվի ամենամյա աճը: Բարիզոնեն ընդգծել է, որ փառատոնը մեծ ազդեցություն ունի հայկական կինեմատոգրաֆի վրա:

Թուրք ռեժիսոր Սեմիհ Կապլանօղուլի կարծիքով, ում «Մեղր» ֆիլմն արժանացել է կինոփառատոնի Գրան-պրիին և ընդգրկվել է Երևանյան պրեմիերաների ծրագրում, կինոփառատոնները հիանալի պլատֆորմ են սկսնակ կինոռեժիսորների համար, և այս տարվա երևանյան կինոփառատոնը բացառություն չէր:

Հայ արվեստաբան Դավիթ Մուրադյանը կարծում է, որ «Ոսկե ծիրան» միջազգային կինոփառատոնը Հայաստանի համար պատուհան դարձավ դեպի աշխարհ, Հայաստանը ևս ավելի մոտ և հասկանալի է դառնում այս աշխարհի համար:

Ամփոփելով կինոփառատոնի արդյունքները՝ «Հայկական համայնապատկեր» մրցույթի ժյուրիի նախագահ, արվեստագիտության պրոֆեսոր Արմեն Մեդվեդևը փաստել է, - «Համաշխարհային կինոյում հայկական թեման իրականություն է»:

Հայաստանն արդեն վաղուց ապրում է իր աշխարհահռչակ վարպետների աստղերի հովանու ներքո, որոնք են՝ Սերգեյ Փարաջանովը, Ռուբեն Մամուլյանը, Անրի Վերնոյը և Համո Բեկնազարյանը:

Հատկանշական է, որ այս տարվա փառատոնը մեկնարկեց «Մոսկվա» կինոթատրոնի շենքի մոտ Աստղերի պատի բացման արարողությամբ, որը նման է հոլիվուդյան Փառքի ծառուղուն: Առաջին աստղերը պատկանում են աշխարհահռչակ չորս հայազգի կինոգործիչներին՝ հայկական կինոյի հիմնադիր Համո Բեկնազարյանին և համաշխարհային կինոարվեստի մեջ մեծ ներդրում կատարած հայտնի կինոռեժիսորներ Ռուբեն Մամուլյանին, Սերգեյ Փարաջանովին և Անրի Վերնոյին:

Աստղերի պատը բացեցին ՀՀ վարչապետ Տիգրան Սարգսյանը, ՀՀ մշակույթի նախարար Հասմիկ Պողոսյանը, Երևանի քաղաքապետ Գագիկ Բեգլարյանը, փառատոնի պատվավոր հյուրեր Կլաուդիա Կարդինալեն, Անրի Վերնոյի որդի Պատրիկ Մալաքյանն ու ֆրանսիացի պրոդյուսեր Ալեն Թերզյանը:

Ավարտվեց վառ կինոմատոգրաֆի տոնը, սակայն նրանից ստացած տպավորությունները դեռ երկար են մնալու մասնակիցների և հանդիսատեսի հուշերում: Տոն՝ բացահայտումը, տոն՝ անկեղծությունը՝ լի ջազային հնչյուններով, դեռ կշարունակվի, և սպիտակ կոստյումներով ջազմենները շվշվացնելով կրկին կհայտնվեն ոսկե մշուշից, որն ասես հյուսված է ծիրանի քնքուշ նրբերանգներով:-0-

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: