480.74
+0.03
511.65
+0.46
7.48
-0.03
+1
Եղանակը Երևանում
Հայ
Ալմաթիի հանդիպումները ղարաբաղյան խնդրի պրիզմայի միջով
14:11
19 Հուլիսի 2010

Դատելով Հայաստանի քաղաքական կյանքի հարաբերական պասիվությունից՝ երկրի «մեռյալ սեզոնն» արդեն մոտ է: Հավանական է՝ չարժե աշխուժացում ակնկալել մինչև օգոստոսի կեսը, իսկ ավելի հստակ՝ մինչև ՌԴ նախագահ Դմիտրի Մեդվեդևի այցը:

Այնուամենայնիվ, հանրապետության քաղաքական կյանքն ամբողջովին չի մարել, և որոշ գործընթացներ շարունակվում են:

Ալմաթիի հանդիպումներն ու խաղաղության կոչերը

Շաբաթ օրը կայացած ԵԱՀԿ արտգործնախարարների ոչ պաշտոնական գագաթնաժողովը կոչված էր քննարկել հարցերի լայն շրջանակ՝ գլոբալ անվտանգության խնդիրը, Ղրղզստանում և Աֆղանստանում տիրող իրավիճակը, ինչպես նաև Եվրոանվտանգության պայմանագրի վերաբերյալ Ռուսաստանի նախաձեռնությունը:

Գագաթնաժողովի շրջանակներում տեղի է ունեցել ԵԱՀԿ ՄԽ համանախագահ-երկրների պատվիրակությունների ղեկավարների և Հայաստանի ու Ադրբեջանի արտգործնախարարների հանդիպումը: Սերգեյ Լավրովը, Բեռնար Քուշներն ու ԱՄՆ պետքարտուղարի տեղակալ Ջեյմս Սթեյնբերգը Էդվարդ Նալբանդյանի և Էլմար Մամեդյարովի հետ հանդիպումից հետո հանդես են եկել համատեղ հայտարարությամբ, որում կոչ են արել ղարաբաղյան հակամարտության կողմերին հավատարիմ մնալ Հելսինկյան եզրափակիչ ակտի սկզբունքներին, որոնք են ուժի և ուժի սպառնալիքի չկիրառման, տարածքային ամբողջականության և ազգերի ինքնորոշման սկզբունքները:

Ղազախստանի մայրաքաղաքում հնգակողմ հանդիպումից առաջ ՀՀ ԱԳ նախարարը նշում էր, որ նախարարական մակարդակով ղարաբաղյան խնդրին նվիրված հանդիպման գլխավոր հարցը կդառնա մադրիդյան սկզբունքների վերջին տարբերակին հետևելու Ադրբեջանի պատրաստակամության հստակեցումը:

«Հնարավոր հանդիպման գլխավոր հարցը կդառնա այն, թե, արդյո՞ք, պատրաստ է Ադրբեջանը շարունակել բանակցությունները Սանկտ Պետերբուրգում ներկայացված փաստաթղթի հիման վրա», - ասել է Նալբանդյանը:

Շատ կարևոր է, որ պատվիրակությունների ղեկավարները նշել են, որ այս սկզբունքներն իրենցից միասնական ամբողջություն են ներկայացնում, և որևէ մի սկզբունքին նախապատվություն տալու ցանկացած փորձ անընդունելի է և կհանգենցի անհավասարակշիռ որոշման: Սրանով նրանք ևս մեկ անգամ ամրագրեցին միջազգային իրավունքի այս բոլոր սկզբունքների համազորությունը՝ մի սկզբունքը մյուսից ավելի բարձր դասելու Ադրբեջանի ձգտմանը ի հակակշիռ:

Ադրբեջանին հասցեագրվեց ևս մեկ հայտարարություն այն մասին, որ ղարաբաղյան հակամարտության հարցում ուժի կիրառումը կհանգեցնի թշնամանքի խորացման և դիմադրության ձգձգման:

ԵԱՀԿ ՄԽ համանախագահ-երկրների արտգործնախարարը հերթական անգամ դատապարտել են հունիսի 18-19-ը Ղարաբաղի և Ադրբեջանի Զինված ուժերի շփման գծում տեղի ունեցած միջադեպը:

Հատկանշական է, որ այս միջադեպի կապակցությամբ կարծիք է արտահայտել ԵԱՀԿ գործող նախագահի անձնական ներկայացուցիչ Անջեյ Կասպրշչիկը: Նա կարծում է, որ մինչև ղարաբաղյան հակամարտությունը չլուծվի, նման միջադեպերը կարող են կրկնվել:

Միաժամանակ Կասպրշչիկը չի բացառել, որ այդ միջադեպը կարող էր պատահականություն լինել: Նա անդրադարձել է նաև Ադրբեջանի ռազմատենչ հայտարարություններին՝ նշելով, որ նման հայտարարությունները երբեք չեն լուծի հակամարտությունը, «այն հիմնականում լուծվում է խաղաղ բանակցությունների միջոցով»:

Խոսելով հակամարտության կարգավորման գործընթացի մասին՝ ԵԱՀԿ գործող նախագահի ներկայացուցիչը նշել է, որ այն շատ դանդաղընթաց գործընթաց է, «միլիմետրերի տեղաշարժ», սակայն, նրա խոսքերով՝ «եթե դա չլիներ, որևէ բանակցություն առաջ չէր ընթանա»:

Հետաքրքրական է նաև այն փաստը, որ ղազախական հանդիպումների նախօրեին Բաքուն տարածեց հերթական ապատեղեկատվությունը: Ադրբեջանի արտգործնախարարը հայտարարեց, որ Նալբանդյանի հետ հանդիպման ժամանակ կքննարկվի «Լաչինի և Քելբաջարի շրջանների ազատագրման հարցը»: Նրա խոսքերով` «կողմերն այդ հարցը քննարկել են երկար տարիների ընթացքում»:

ՀՀ ԱԳ նախարարն իր հերթին հերքեց այդ տեղեկատվությունը:

«Դա բացահայտ սուտ է: Հայկական կողմը երբեք չի քննարկել Ադրբեջանի վարչական հսկողության տակ Լաչինի և Քելբաջարի շրջանների փոխանցման հարցը»,  - ասել է Նալբանդյանը:

Հայաստանի և ԵՄ-ի միջև ասոցացման սպասումով

Երկուշաբթի մեկնարկում են Հայաստանի և Եվրամիության միջև ասոցացման համաձայնագրի շուրջ բանակցությունները: ՀՀ նախագահ Սերժ Սարգսյանը կարգադրություն է ստորագրել ասոցացման համաձայնագրի շուրջ ընթացող բանակցությունների համար պատասխանատու թիմի և ոլորտային խմբերի ստեղծման մասին:

Համաձայնագրի կնքման շուրջ բանակցությունների մեկնարկի մանդատը հաստատվել է մայիսի 12-ին: Այս գործընթացը վերաբերում է, մասնավորապես, քաղաքական, տնտեսական բարեփոխումներին, արդարադատությանը, մարդու իրավունքներին: Բանակցող թիմի ընթացիկ աշխատանքների իրագործման քարտուղարության գործառույթներն իրականացնելու է Հայաստանի արտգործնախարարությունը:

Երեքշաբթի ելույթ ունենալով Եվրախորհրդարանի Արտաքին հարաբերությունների հանձնաժողովի հատուկ նիստի ժամանակ՝ ՀՀ ԱԺ խոսնակ Հովիկ Աբրահամյանը հայտարարել է, որ ասոցացման համաձայնագրի իրագործումը նոր հեռանկար կբացի ավելի խորը համագործակցության համար:

«Համաձայնագիրը նոր հնարավորություններ կընձեռի՝ պայմանագրային հարաբերությունների հաստատման, այդ թվում նաև՝ ազատ առևտրի գոտու ստեղծման հնարավորության տեսակետից», - ասել է նա: ՀՀ ԱԺ խոսնակը ընդգծել է, որ ասոցացման համաձայնագիրը սովորական կամ հերթական փաստաթուղթ չէ: «Այն խորհրդանշում է համագործակության որակապես նոր մակարդակ, նոր փուլ», - հայտարարել է Աբրահամյանն՝ ավելացնելով, որ Հայաստան-ԵՄ հարաբերությունները դինամիկ կերպով են զարգանում:

Ընդդիմության գնահատականները նախկինի պես կոշտ են

Հայաստանի ներքին և արտաքին քաղաքականության հարցերը քննարկվել են Հայոց համազգային շարժում (ՀՀՇ) կուսակցության 16-րդ համագումարի ժամանակ: Կուսակցությունը ընդդիմադիր Հայ ազգային կոնգրեսի խոշորագույն ուժերից մեկն է, որը գլխավորում է ՀՀ առաջին նախագահ Լևոն Տեր-Պետրոսյանը:

Իր ելույթում ՀՀ առաջին նախագահը շեշտադրել է արտաքին-քաղաքական հարցերը: Մասնավորապես, նա կարծիք է հայտնել, որ ղարաբաղյան խնդրի լուծման բանալին Ռուսաստանի ձեռքում է:

«Հայաստանի ցանկացած իշխանություն պետք է գիտակցի, որ ի տարբերություն Արևմուտքի, որի առաջնահերթությունների թվում չէ ղարաբաղյան հարցը, Ռուսաստանը Հարավային Կովկասը միշտ համարել է իր կենսական կարևորության  շահերի ոլորտը», - ասել է նա:

Միաժամանակ Տեր-Պետրոսյանը նշել է, որ ղարաբաղյան հակամարտությունը չի կարգավորվի մինչև այդ հարցում շահագրգռված չլինի Արևմուտքը: «Ղարաբաղյան հակամարտության կարգավորումը ձգձգվում է երկար տարիներ ոչ այնքան հակամարտող կողմերի շահերի չհամընկնելու, որքան այն բանի պատճառով, որ այդ հարցը երբեք չի եղել Արևմուտքի առաջնահերթությունների թվում: Փորձը ցույց է տալիս, որ Արևմուտքի համար առաջնահերթ հարցերը անհապաղ լուծում են ստանում, ընդ որում՝ կարևոր չէ, թե ինչպիսի լուծում», - հայտարարել է նա:

ՀԱԿ-ի առաջնորդն անդրադարձել է նաև հայ-թուրքական հարաբերություններին՝ նշելով, որ նրանք չեն կարգավորվելու մինչև չավարտվի ղարաբաղյան կարգավորման գործընթացը կամ այդ գործընթացում զգալի առաջընթաց չարձանագրվի: Տեր-Պետրոսյանը նաև կարծում է, որ հայ–թուրքական հարաբերությունների և Ղարաբաղի հարցի միջև փոխկապակցության բացակայության մասին Հայաստանի իշխանությունների բոլոր հայտարարություններն անլուրջ են և իմաստազրկված:

«Գաղնտիք չէ, որ ինչպես Թուրքիան, այնպես էլ մնացած աշխարհը, այսպես կոչված, «ֆուտբոլային դիվանագիտության» ամենասկզբից մատնանշում էին հայ-թուրքական և ղարաբաղյան հարցերի միջև փոխկապակցությունը, և միայն Հայաստանի իշխանությունները չէին ցանկանում հաշվի նստել այդ իրողությունների հետ», - ավելացրել է Տեր-Պետրոսյանը:-0-

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: