487.29
-0.01
568.08
+2.76
8.23
+0.01
+6
Եղանակը Երևանում
Հայ
Երևան-Բրյուսել երկխոսությունը, անկանխակալ Մինսկի խումբը և Առաջին Հանրապետության տարեդարձը. շաբաթվա քաղաքական ամփոփումը
14:00
31 Մայիսի 2010

Նախորդ շաբաթվա գլխավոր քաղաքական իրադարձությունը ՀՀ նախագահ Սերժ Սարգսյանի Բելգիա կատարած պաշտոնական այցն էր, որտեղ նա հանդիպել է ՆԱՏՕ-ի գլխավոր քարտուղարի, Եվրահանձնաժողովի ղեկավարի և հանձնակատարների հետ: Շաբաթվա նշանակալի իրադարձություն էր նաև նախորդ կիրակի Ղարաբաղում կայացած խորհրդարանական ընտրությունների մասին Ռուսաստանի, Ֆրանսիայի արտգործնախարարությունների և Մինսկի խմբի հայտարարությունները:

Նախորդ շաբաթվա նշանակալի իրադարձությունների թվում էին նաև Առաջին Հանրապեության 92-րդ տարեդարձի տոնակատարությունները: ՀՀ նախագահը տոնի կապակցությամբ մեդալներ և պարգևներ է հանձնել գիտության և արվեստի մի շարք գործիչների և ուղերձ է հղել ժողովրդին:

Ղարաբաղ. հարկավո՞ր է դա արդյոք ՆԱՏՕ-ին

ՀՀ նախագահ Սերժ Սարգսյանը մայիսի 25-27-ը պաշտոնական այցով գտնվում էր Եվրամիության և ՆԱՏՕ-ի մայրաքաղաք Բրյուսելում: Առաջին օրը տեղի է ունեցել ՀՀ նախագահի և ՆԱՏՕ-ի գլխավոր քարտուղար Անդերս Ֆոգ Ռասմուսենի հանդիպումը: Համատեղ մամուլի ասուլիսի հիմնական թեման ղարաբաղյան հարցն էր:
 

Ինչպես նշել է Ֆոգ Ռասմուսենը, ղարաբաղյան հակամարտության գոտում ռազմական դիմադրություն չի կանխատեսվում: Նա նաև հայտարարել է, որ ՆԱՏՕ-ն ներգրավված չէ հակամարտության մեջ, սակայն աջակցում է ԵԱՀՄ Մինսկի խմբի ջանքերին և կոչ է անում իր գործընկերներ Հայաստանին և Ադրբեջանին շարունակել խաղաղ բանակցությունները:

Սարգսյանը, սակայն, նշել է, որ ՆԱՏՕ-ն, որպես Եվրոպայի անվտանգության երաշխավոր, ղարաբաղյան հարցում որոշակի դերակատարություն ունի: Հնարավոր է՝ նախագահը ցանկանում էր դրանով փափկանկատորեն առաջարկել Դաշինքին հանգստացնել Ապշերոնի թերակղզու իր գործընկերոջը Եվրոպայի անվտանգությանը, այդ թվում նաև էներգետիկ սպառնալիք չառաջացնելու համար: Միաժամանակ Սարգսյանը նշել է, որ մարտի դաշտում մկրտված հայկական բանակը պատրաստ է լուծել իր առջև դրված խնդիրները: Նախագահը նաև տեղեկացրել է, որ Հայաստանը հետևողականորեն շարունակելու է համագործակցությունը գործընկեր-պետությունների և ՆԱՏՕ-ի դաշնակիցների հետ:

Ղարաբաղյան հարցը քննարկվել է նաև Սերժ Սարգսյանի և Եվրոպական հանձնաժողովի նախագահ Ժոզե Մանուել Բառոզուի հանդիպման ժամանակ: Եվրամիությունը պատրաստ է շարունակել իր աջակցությունը ղարաբաղյան խնդրի խաղաղ կարգավորմանն ուղղված բանակցություններին, որոնք ընթանում են ԵԱՀԿ Մինսկի խմբի շրջանակներում, ասել է Բառոզուն հանդիպումից հետո տեղի ունեցած մամուլի ասուլիսի ժամանակ՝ նշելով, որ խաղաղ կարգավորումը պետք է անդրադառնա բոլոր հիմնական բաղկացուցիչներին, որոնք են տեղահանված անձանց վերադարձի իրավունքը, ունեցվածքային իրավունքները, ինքնորոշման իրավունքը, անվտանգությունն ու ուժերի դուրսբերումը:

Միաժամանակ Սարգսյանի խոսքերով՝ ԼՂՀ-ի օրինական իշխանությունների մասնակցությունը կարող է որակապես նոր փուլ բացել հակամարտության կարգավորման բանակցային գործընթացում: ՀՀ նախագահը նաև ավելացրել է, որ արդյունավետ չի համարում «ողջ աշխարհում խնդրի առանձին դրվագների շուրջ ներկայացումների բեմադրությունը» և դրսից որևէ մեկի ներգրավումը:

Թուրքիա. վստահության պաշարը սպառված է

Թուրքիայի ապակառուցողական դիրքորոշման մասին Սարգսյանը խոսել է Ռասմուսենի հետ տեղի ունեցած առանձնազրույցի ժամանակ: Նախագահի խոսքերով՝ նախապայմաններ թելադրելով և պայմանավորված ժամկետները խախտելով` Թուրքիան վատնել է իր` որպես բանակցային գործընկերոջ վստահության պաշարը:

Հայ-թուրքական գործընթացը քննարկվել է Բրյուսելում տեղի ունեցած գրեթե բոլոր հանդիպումների ժամանակ: ԵՄ ղեկավարությունը ևս մեկ անգամ կոչ է արել Հայաստանին և Թուրքիային շարունակել երկխոսությունն առանց նախապայմանների և խելամիտ ժամկետներում:

Մայիսի 27-ին ելույթ ունենալով «Վիլա Ամպեն» Արևելքի և Արևմուտքի երկխոսության և մշակույթների կենտրոնում՝ նախագահ Սարգսյանը, խոսելով Ադրբեջանում և Օսմանյան կայսրությունում հայերի նկատմամբ վերաբերմունքի մասին, ասել է, որ հայատյացությունն այսօր մարդատյացության ամենաարմատական դրսևորումներից է: Նրա խոսքերով՝ Ադրբեջանում, ինչպես և Օսմանյան կայսրությունում, հայերին ընկալեցին որպես օտար մարմին, խանգարող, անպետք մի երևույթ, որից պետք է ազատվել ջարդերի և կոտորածների միջոցով: Սակայն այդ ամենից հետո Բաքուն կրկին փորձում է գերիշխանություն հաստատել Լեռնային Ղարաբաղի և նրա ազատատենչ ժողովրդի հանդեպ. այն ժողովրդի, ում ցանկանում էր ոչնչացնել:

Հայաստանի եվրոպական առաջնահերթությունը

Բրյուսելում նախագահ Սարգսյանը մի շարք հանդիպումներ է ունեցել ԵՄ բարձրագույն ղեկավարության հետ: Մասնավորապես Եվրոպական Միության խորհրդի նախագահ Հերման Վան Ռոմպոյի հետ հանդիպման ժամանակ Սերժ Սարգսյանն ասել է, որ Հայաստանը պատրաստ է արագացնել ԵՄ-ի անդամ երկրների հետ ռեադմիսիայի համաձայնագրի կնքումը: Հանդիպման ընթացքում կողմերը քննարկել են ԵՄ մուտքի արտոնագրերի դյուրացման հետ կապված հարցերը: Վան Ռոմպոն իր հերթին նշել է, որ Եվրամիությունը շուտով Հայաստանի հետ բանակցություններ կսկսի ասոցացման համաձայնագրի կնքման շուրջ:

Եվրոպական Հանձնաժողովի ընդլայնման և հարևանության քաղաքականության հարցերով հանձնակատար Շտեֆան Ֆյուլեի հետ հանդիպման ընթացքում քննարկվել են Եվրամիության` հարավկովկասյան պետությունների հետ ասոցացման համաձայնագրի կնքման նախաձեռնությանը վերաբերող հարցերը:

Ինչպես Սարգսյանը տեղեկացրել է Եվրոպական հանձնաժողովի փոխնախագահ, ԵՄ արտաքին հարաբերությունների և անվտանգության հարցերով բարձր ներկայացուցիչ Քեթրին Էշթոնին, եվրաինտեգրումը եղել և շարունակում է մնալ ՀՀ արտաքին քաղաքականության գերակա ուղղություններից:

Բրյուսելում ՀՀ նախագահը հանդիպել է նաև Եվրոպական Հանձնաժողովի առևտրի հարցերով հանձնակատար Կարել Դե Գուխտի, Բելգիայի Սենատի նախագահ Արմանդ Դե Դեկերի, Եվրոպական ժողովրդական կուսակցության նախագահ Վիլֆրեդ Մարտենսի և Բելգիայի ու Նիդեռլանդների հայկական կազմակերպությունների ներկայացուցիչների հետ:

Չճանաչված պետության ճանաչված ժողովրդավարությունը

Կիրակի Լեռնային Ղարաբաղի Հանրապետությունում տեղի ունեցան խորհրդարանական ընտրություններ: Համամասնական համակարգով խորհրդարան անցավ երեք կուսակցություն՝ «Ազատ Հայրենիքը», «Արցախի ժողովրդավարական կուսակցությունը», Հայ հեղափոխական դաշնակցությունը: Խորհրդարանական մեծամասնություն կազմեց «Ազատ հայրենիք» կուսակցությունը՝ 14 պատգամավոր: Ընտրություններին ներկա գտնվող աշխարհի տարբեր երկրների դիտորդները միաձայն հայտարարեցին, որ ընտրությունները օրինակելի էին, համապատասխանում էին միջազգային բոլոր պահանջներին և չափորոշիչներին:

ԼՂՀ-ում կայացած ընտրությունների նկատմամբ Ադրբեջանի արձագանքը չուշացավ: Արդեն չորեքշաբթի Ադրբեջանի արտգործնախարարությունը պերսոնա նոն-գրատա հայտարարեց ՌԴ Պետդումայի հինգ պատգամավորների կիրակի Լեռնային Ղարաբաղի Հանրապետությունում կայացած խորհրդարանական ընտրությունները մոնիտորինգի ենթարկելու համար: «Սև ցուցակում» հայտնված պատգամավոր Կոնստանտին Զատուլինը այս որոշումը համարեց «ցուցադրական պատժամիջոց», որը չի նպաստում չճանաչված հանրապետության շուրջ տիրող իրավիճակի կարգավորմանը:

Ինչ վերաբերում է ընտրությունների նկատմամբ ԵԱՀԿ Մինսկի խմբի, Ռուսաստանի և Ֆրանսիայի արտգործնախարարությունների արձագանքին, ապա բոլոր այդ հայտարարությունների ընդհանուր էությունը հանգում է նրան, որ ընտրությունները չպետք է կանխագուշակեն Լեռնային Ղարաբաղի վերջնական իրավական կարգավիճակի սահմանումը: ՄԽ-ն, մասնավորապես, հիշեցրել է, որ համանախագահ-երկրներից ոչ մեկը, ինչպես նաև ոչ մի այլ երկիր, այդ թվում նաև Հայաստանը ԼՂՀ-ն չեն ճանաչել անկախ և ինքնավար պետություն:

Միաժամանակ ՀՀ ԱԳ նախարար Էդվարդ Նալբանդյանը կարծում է, որ միջազգային հանրությունը պետք է ավելի քան շահագրգռված լինի Լեռնային Ղարաբաղի ժողովրդի կողմից ընտրված իշխանությունների հետ աշխատելու հարցում:

Եվրախորհրդարանի բանաձևի «արձագանքը»

Մայիսի 20-ին ընդունված ղարաբաղյան հարցով Եվրախորհրդարանի բանաձևի կապակցությամբ քննարկումները շարունակվեցին նախորդ շաբաթ Հայաստանի քաղաքական և փորձագիտական շրջանակներում:

ՀՀ ԱԺ փոխխոսնակ Սամվել Նիկոյանի կարծիքով՝ Հայաստանը պետք է իր դեսպանությունները հիմնի այն երկրներում, որտեղ չկան սփյուռքի ուժեղ կազմակերպություններ՝ սեփական շահերը պաշտպանելու և ադրբեջանական քարոզին հակազդելու համար: ՀՀ ԱԺ արտաքին հարաբերությունների հանձնաժողովի նախագահ Արմեն Ռուստամյանն առաջարկել է ձևավորել հատուկ խումբ, որը Եվրախորհրդարանում կներկայացնի երկրի դիրքորոշումն և կպարզաբանի, որ բանաձևը վտանգ է ներկայացնում և կվնասի ղարաբաղյան հակամարտության կարգավորմանն ուղղված բանակցություններին:

«Առաջին Հանրապետության» և «հինգերորդ շարասյան» մասին

Մայիսի 28-ին Հայաստանի բարձրագույն ղեկավարությունը՝ ՀՀ նախագահի և վարչապետի գլխավորությամբ, այցելել է Սարդարապատի հուշահամալիր, որտեղ ծաղկեպսակներ են դրվել 1918 թ.-ի Սարդարապատի ճակատամարտի հերոսների հիշատակին: Նախագահը տոնի կապակցությամբ մեդալներ և պարգևներ է հանձնել գիտության և արվեստի մի շարք գործիչների և ուղերձ է հղել ժողովրդին:

Իր ուղերձում Սարգսյանը նշել է, որ հայ ժողովուրդն ուղղակի անպարտելի է, եթե աշխարհին ներկայանում է միասնական ճակատով, եթե երկրի ներսում չկա հինգերորդ շարասյուն: Նախագահն իր ուղերձում ընդգծել է մայիսի 28-ի նշանակությունը՝ որպես հայ ժողովրդի քաղաքական վերածննդի օր: Սարգսյանը նշել է, որ 1918 թ.-ի իրադարձությունները հայերի համար դաս դարձան այն մասին, որ «ոչ ոք աշխարհում պարտավոր չէ կռվել քեզ համար, քո փոխարեն պաշտպանել ընտանիքն ու հայրենիքը, ոչ ոք պարտավոր չէ քո փոխարեն հաստատել պետականություն»:-0-

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։