486.32
+0.4
519.1
+4.61
8.21
+0.05
-3
Եղանակը Երևանում
Հայ
«Եվրատեսիլ 2010». Հայաստանի հնարավորությունները
14:50
27 Մայիսի 2010

Մայիսի 25-ին Օսլոյում մեկնարկեց տարվա կարևորագույն երաժշտական իրադարձություններից մեկը՝ «Եվրատեսիլ 2010»-ը: 39 երկրի ներկայացուցիչները կփորձեն գրավել ողջ Եվրոպայի հեռուստադիտողների և երաժշտագետների ուշադրությունը, իսկ նորվեգացի կազմակերպիչները կփորձեն ինչ-որ կերպ մոտենալ նախորդ տարի Մոսկվայի կողմից կազմակերպված հիասքանչ շոուի բարձր նշանաձողին:

Ինչպես բուքմեյքերների, այնպես էլ մասնագետների կանխատեսումների համաձայն, Եվրատեսիլի 2010-ի գլխավոր ֆավորիտներն են Հայաստանը, Ադրբեջանը, Գերմանիան և Իսրայելը: Ըստ նրանց, հենց այս երկրներից մեկը հաջորդ տարի կհյուրընկալի երաժշտական մրցույթը:

Առաջին կիսաեզրափակիչ

Первый полуфинал

Մայիսի 25-ին առաջին կիսաեզրափակչում որոշվեցին տասը երկրները, որոնք միացել են եզրափակչում նրանց սպասող մրցույթի հիմնադիր չորս երկրներին՝ Ֆրանսիային, Գերմանիային, Իսպանիային և Մեծ Բրիտանիային, ինչպես նաև Նորվեգիային, ով հայտնվել է եզրափակչում որպես մրցույթի նախորդ տարվա հաղթող:

«Եվրատեսիլի» հաղթողին որոշելու կանոնները չեն փոխվել: Ինչպես 2009թ.-ին, հաղթողը կորոշվի հեռուստադիտողների և պրոֆեսիոնալ ժյուրիի քվեարկությամբ:

Մասնակից ամեն երկրում ընտրվել է երաժշտության ոլորտի 5 պրոֆեսիոնալ ՝ կոմպոզիտորներ, երգչուհիներ և պրոդյուսերներ, ովքեր պետք է գնահատեն երգիչներին հետևյալ չափորոշիչներով՝ վոկալ, երգի որակ և ինքնատիպություն, երգչի համարի թողած ընդհանուր տպավորություն: Պրոֆեսիոնալները դնում են իրենց միավորները, որոնք պահվում են մասնակից ամեն երկրի անկախ նոտարի մոտ և հրապարակվում են միայն ձայների հաշվարկի ժամանակ:

Առաջին կիսաեզրափակչի արդյունքում եզրափակիչ անցան Բոսնիա և Հերցեգովինան (Վուկաշին Բրայիչ, «Lightning and Thunder»), Մոլդովան (Օլյա Տիրա և Sun Stroke Project, «Run Away»), Ռուսաստանը (Պետր Նալիչի երաժշտական համույթը, «Lost and Forgotten»), Հունաստանը (George Alkaios&Friends, «Opa»), Պորտուգալիան (Filipa Azevedo, «Há dias assim»), Բելառուսը (3+2, «Butterflies»), Սերբիան  (Միլան Ստանկովիչ, «Ово је Балкан»), Բելգիան (Tom Dice, «Me and my guitar»), Ալբանիան (Յուլիանա Պաշա, «It's all about you»), Իսլանդիան (Hera Björk, «Je ne sais quoi»):

Ֆավորիտների պայքարը

Սակայն հարկ է նշել, որ առաջին կիսաեզրափակչի մասնակիցները, բոլոր մասնագետների կարծիքով, բավականին զիջում էին երկրորդ կիսաեզրափակչի մասնակիցներին. երկրորդի ժամանակ հանդես կգան մրցույթի գրեթե բոլոր ֆավորիտները:

Այսպես, Նորվեգիայի հանրային հեռարձակողի կարծիքով, Եվրատեսիլ 2010-ի լավագույն մասնակիցների հնգյակն ունի հետևյալ տեսքը՝ Սաֆուրա (Ադրբեջան), Լենա Մայեր-Լանդրուտ (Գերմանիա), Եվա Ռիվաս (Հայաստան), Սոֆո Նիջարաձե (Վրաստան), Աննա Բերգենդալ (Շվեդիա):

Այս ցանկի համաձայն, բացի Գերմանիայի ներկայացուցչից, ով ուղղակիորեն հայտնվել է եզրափակչում, բոլոր ֆավորիտները, նորվեգացիների կարծիքով, հայտնվել են երկրորդ կիսաեզրափակչում:

Այս ցանկին կարելի է ավելացնել բուքմեյքերական ևս մեկ ֆավորիտի՝ Իսրայելը ներկայացնող Արել Սկաատին:

Բացի այս երկրներից, մայիսի 27-ին կայանալիք երկրորդ կիսաեզրափակչում «Տելենոր Արենա»-ի բեմ դուրս կգան Լիտվայի, Դանիայի, Շվեյցարիայի, Ուկրաինայի, Նիդեռլանդների, Ռումինիայի, Սլովենիայի, Իռլանդիայի, Բուլղարիայի, Կիպրոսի, Խորվաթիայի և Թուրքիայի ներկայացուցիչները:

Հայաստանի հույսերը

«Եվրատեսիլ 2010»-ին Հայաստանը կներկայացնի երիտասարդ երգչուհի Եվա Ռիվասը, ով կերգի «Apricot stone» (Ծիրանի կորիզ) երգը, որի երաժշտության հեղինակն է կոմպոզիտոր Արմեն Մարտիրոսյանը, իսկ խոսքերի հեղինակը՝ հայտնի ռուս երգահան-բանաստեղծ Կարեն Կավալերյանը:

Ռիվասի երգն այն մասին է, թե ինչպես է հողի մեջ գցված ծիրանի կորիզը վերածվում  հսկա ծիրանենու՝ Հայաստանի խորհրդանիշի:

Հարկ է նշել, որ երգը մեծ արձագանք և դժգոհություն է առաջացրել Թուրքիայում, որտեղ հասարակ երգում նկատել են 1915 թ.-ին Օսմանյան կայսրությունում տեղի ունեցած Հայոց ցեղասպանության ակնարկ, ինչպես նաև կորսված Հայրենիքի նկատմամբ հայերի կարոտը:

Եվա Ռիվասը ծնունդով Դոնի Ռոստովից է, մինչև վերջերս նա առանձնապես հայտնի չէր Հայաստանում, սակայն նրա պրոդյուսեր, «Արմենիա փրոդաքշն» պրոդյուսերական կենտրոնի ղեկավար Վալերի Սահարյանի իրականացրած հզոր PR-արշավից հետո Ռիվասը բավականին արագ դարձավ հայկական շոու բիզնեսի ճանաչված դեմքերից մեկը:

«Եվրատեսիլ 2010»-ի ուղեգրի համար մղվող պայքարի հենց ամենասկզբից Ռիվասը անսահման վստահություն է դրսևորել ոչ միայն ազգային ընտրական փուլի ժամանակ, այլև մրցույթի կիսաերզափակչում: «Ես գնում եմ Օսլո հաղթանակի համար», - բազմաթիվ անգամ հայտարարել է Ռիվասը «Եվրատեսիլից» առաջ տված հարցազրույցներում:

Հայ հեռուստադիտողը հաջողության հույսեր է կապում ոչ միայն հայկական սփյուռքի ավանդական հզոր աջակցության, այլև երգչուհու վոկալային լավ տվյալների և բարետես արտաքինի հետ: Երգչուհին իր մոդելային արտաքինով և ավելի քան 190 սմ հասակով (Ռիվասը նախկինում աշխատել է որպես մոդել), անխոս, «Եվրատեսիլ 2010»-ի ամենագեղեցիկ մասնակիցներից մեկն է:

Բացի դրանից մրցույթում հաղթանակի հասնելու նպատակով Ռիվասի պրոդյուսերները երգչուհու թիմում ներգրավել են նաև աշխարհահռչակ դուդուկահար Ջիվան Գասպարյանին, ինչպես նաև հայտնի ռուս դասական կիթառահար Արտյոմ Դերվոևդին: Բեք-վոկալը կապահովեն Տիգրան Պետրոսյանը, Դորիանս ռոք-խմբի մեներգիչ Գոռ Սուջյանն ու Մարիամ Մեհրաբովան:

Որքա՞ն արժե Օսլո-2010-ը

Ըստ որոշ տվյալների, Օսլոյի մրցույթը կլինի ամենաէժանը վերջին երեք տարվա ընթացքում: «Արգումենտի ի ֆակտի» թերթի տվյալների համաձայն, Նորվեգիան մրցույթի վրա ծախսել է ընդամենը 17 միլիոն եվրո, ինչը գրեթե կրկնակի անգամ պակաս է Մոսկվայում կայացած մրցույթի արժեքից, որը շատերը համարեցին մրցույթի ողջ պատմության լավագույն շոուն:

Օսլոն, այնուամենայնիվ, խոստանում է բոլորին զարմացնել որակյալ շոուով: Կազմակերպիչների խոսքերով, Նորվեգիան շեշտը դրել է լուսային ձևավորումների վրա: Էկրանները կփոխարինի պրոժեկտորներից պատրաստված պատը, որոնք տեղադրված են «Տելենոր Արենայի» ողջ  պարագծով: «Տելերոն Արենան» Հյուսիսային Եվրոպայի խոշորագույն փակ մարզահամերգային համալիրն է, որը տեղավորում է 23 հազար հանդիսական: Մայիսի 29-ին կայանալիք եզրափակչի ժամանակ դահլիճում կգործարկվեն ավելի քան 600 լուսային սարքավորումներ: -0-

Loading...
Թեմատիկ նյութեր
Բաժնի այլ նյութեր
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։
20:07
15 Դեկտեմբերի 2016
Օպերացիա «Ձմեռ Պապ». նվերների լավագույն տասնյակը «Նովոստի Արմենիայից»
Նոր Տարին ամենասիրված տոներից մեկն է, և այդպիսին է այն դարձնում հրաշքի հանդեպ հավատը և ցանկացած երազանք կատարելու և հիասքանչ տրամադրություն պարգևելու ուժը:
19:38
14 Դեկտեմբերի 2016
Մի սահմանախախտի պատմություն, կամ Ադրբեջանի տեղեկատվական սուտ քարոզչությունը
Օրերս ադրբեջանական ԶԼՄ-ները հրապարակել էին մեծ աղմուկ առաջացրած նամակ` ուղղված Ադրբեջանի նախագահ Իլհամ Ալիևին: