480.74
+0.03
511.65
+0.46
7.48
-0.03
+1
Եղանակը Երևանում
Հայ
Վաշինգտոնյան գագաթնաժողով. հայ-թուրքական երկխոսության կարգավորման զարգացման հարթակ
13:57
19 Ապրիլի 2010

Նախորդ շաբաթ արտաքին-քաղաքական նշանակալի իրադարձությունների առատությունը փոքր-ինչ մեղմեց  Հայաստանի ներքաղաքական տարաձայնությունների ինտենսիվությունը: Այդ իրադարձությունների թվում էր Լեհաստանի նախագահ Լեխ Կաչինսկու ինքնաթիռի կործանման մասին տեղեկատվությունը:

Սմոլենսկի մոտակայքում ինքնաթիռի կործանման հետևանքով Լեհաստանի նախագահի և նրա տիկնոջ, ինչպես նաև Լեհաստանի գրեթե ողջ քաղաքական վերնախավի մահվան մասին ողբերգական լուրը չէր իջնում համաշխարհային ԶԼՄ-ների առաջին տողերից: Ավիավթարի պատճառների հետաքննությունն ու Լեհաստանում ստեղծված կոլապսը շարունակում են մնալ համաշխարհային մամուլի ուշադրության կենտրոնում:

Հիշեցնենք, որ Լեհաստանի նախագահի Տու-154 ինքնաթիռը կործանվել է ապրիլի 10-ին Սմոլենսկի մարզի Պեչորսկի ծայրամասում Սևերնիյ օդանավակայանում վայրէջքի պատրաստվելիս ուժեղ մառախուղի պայմաններում: Ինքնաթիռում 132 մարդ է եղել, որոնց թվում՝ նախագահն ու իր կինը: Նրանք մեկնում էին Կատին, որպեսզի մասնակցեն սգո միջոցառումներին քաղաքական ռեպրեսիաների զոհերի զանգվածային հուղարկավորության վայրում։

Նախագահ Սարգսյանի վաշինգտոնյան հանդիպումների արդյունքները

Վաշինգտոնում Միջուկային անվտանգության միջազգային գագաթնաժողովն ինքնին միջազգային մասշտաբով նշանակալի իրադարձություն է, որը կարևոր բնույթ ձեռք բերեց հայ-թուրքական հարաբերությունների զարգացման համատեքստում, ամեն դեպքում ՝ այդպես ենթադրվում էր:

Վաշինգտոնում Միջուկային անվտանգության միջազգային գագաթնաժողովն ինքնին միջազգային մասշտաբի նշանակալի իրադարձություն է, որը կարևոր բնույթ ձեռք բերեց հայ-թուրքական հարաբերությունների զարգացման համատեքստում, ամեն դեպքում՝ այդպես ենթադրվում էր:

Ապրիլի 12-13-ը Վաշինգտոնում անցկացվեց Միջուկային անվտանգության միջազգային գագաթնաժողովը, որին մասնակցեց 47 երկիր, ՄԱԿ-ի, Ատոմային էներգետիկայի միջազգային գործակալության և Եվրամիության ներկայացուցիչներ:

ՀՀ նախագահ Սերժ Սարգսյանը ԱՄՆ նախագահ Բարաք Օբամայի հրավերով մասնակցեց Գլոբալ միջուկային անվտանգության հարցերով գագաթնաժողովին: Գագաթնաժողովի շրջանակներում մի շարք կարևոր հանդիպումներ տեղի ունեցան  Հայաստան-ԱՄՆ-Թուրքիայի ձևաչափում: Մասնավորապես, Հայաստանի նախագահը երկկողմ հանդիպումներ ունեցավ ԱՄՆ նախագահ Բարաք Օբամայի, պետքարտուղար Հիլարի Քլինթոնի, Թուրքիայի վարչապետ Ռեջեփ Թայիպ Էրդողանի հետ:

Ընդհանուր առմամբ, Սարգսյան-Էրդողան վաշինգտոնյան հանդիպման արդյունքների տեսությունը թույլ է տալիս պնդել, որ կողմերը կրկին հաստատել են իրենց դիրքորոշումների ամխախտ լինելը: Այն դեպքում, երբ հայկական կողմը հերթական անգամ հայտարարել է Անկարայի հետ հարաբերություններում  նախապայմաններ թույլ չտալու մասին, վերջինս, հետևելով ընտրած քաղաքականությանը, շարունակել է ուղղակի կամ անուղղակի կերպով առաջադրել դրանք:

Եվ, այնուամենայնիվ, Սարգսյան-Օբամա և Սարգսյան-Էրդողան հանդիպումների փակ ձևաչափը, ինչպես նաև պաշտոնական տեղեկատվության պակասը Հայաստանում բարենպաստ հիմք են ստեղծել զանազան ենթադրությունների համար:

Այսպես, Հայաստանի Հանրապետական կուսակցությունը կարծում է, որ  «Վաշինգտոնյան հանդիպումները հերթական անգամ հաստատեցին, որ Թուրքիան չի կարող ճմշումների և հարկադրանքի  լեզվով խոսել Հայաստանի հետ, և անթույլատրելի է շաղկապել ղարաբաղյան հակամարտության կարգավորումը հայ-թուրքական կարգավորման գործընթացի հետ»:

Այդ մասին ասաց ՀՀԿ խորհրդարանական խմբակցության  անդամ Գագիկ Մելիքյանը՝ դրական գնահատելով ոչ միայն Վաշինգտոնում կայացած ՀՀ նախագահի  հանդիպումները, այլև նախաձեռնած բարելավման գործընթացը:  

Նրան հակառակ՝ վատատեսորեն բնութագրելով Թուրքիայի հետ դիվանագիտական հարաբերություններ հաստատելու ողջ գործընթացը՝ Դաշնակցության խորհրդարանական խմբակցության անդամ Արծվիկ Մինասյանը հիասթափություն է արտահայտել նախագահի վաշինգտոնյան հանդիպումների արդյունքների կապակցությամբ:

Պատգամավորը հերթական անգամ նշել է «հայ-թուրքական արձանագրությունների հակահայկական բնույթն ու հանրապետության խորհրդարանի կողմից դրանց վավերացումը թույլ չտալը»:

Նշենք, որ այս կապակցությամբ ՀՅԴ-ն ապրիլի 22-ի կանցկացնի հայ-թուրքական արձանագրություններին դեմ հանդես եկող ուժերի ընդլայնված ժողով:

Սարգյան-Էրդողան հանդիպման միակ պաշտոնապես հրապարակված արդյունքը կարելի է համարել տեղեկատվությունն այն մասին, որ Թուրքիայի և Հայաստանի արտգործնախարարներ Ահմեդ Դավութօղլուն և Էդվարդ Նալբանդյանը համատեղ աշխատանք կիրականացնեն երկու երկրների միջև ստորագրված արձանագրությունների իրագործման ուղղությամբ:

Այնուամենայնիվ, չնայած վաշինգտոնյան հանդիպումների արդյունքների գնահատականների տարաձայնություններին՝ հանրապետության գրեթե բոլոր ներքաղաքական ուժերը նշում էին ԱՄՆ 28-րդ նախագահ, 1919 թ. Խաղաղության նոբելյան մրցանակակիր Վուդրոի Վիլսոնի գերեզմանին այցից հետո նախագահ Սարգսյանի խորհրդանշական ելույթը: Վիլսոնը կողմ էր անկախ հայկական պետության ստեղծմանը:

Վաշինգտոնի մայր տաճարում նախագահ Սարգսյանը նշել է, որ հայկական սփյուռքն ու Հայաստանն անբաժանելի և միասնական են Հայոց ցեղասպանության միջազգային ճանաչման համազգային նպատակին հասնելու հարցում:

«Ոչ ոք չի կարող կասեցնել անխուսափելին»,- հայտարարել է նա իր ելույթում: Նախագահը ցրեց Սփյուռքի մտավախությունները, թե հայ-թուրքական արձանագրությունները կդանդաղեցնեն կամ ժամանակավորապես կսառեցնեն ցեղասպանության ճանաչմանն ուղղված միջազգային քայլերը: Նա նշեց, որ այդ մտավախություններն անհիմն են և անհիմն կլինեն այնքան ժամանակ, քանի հայ ժողովուրդը պատրաստ է նոր պայքարի:

Վերլուծելով Օբամա-Սարգսյան հանդիպման արդյունքները՝ կարելի է պնդել, որ ԱՄՆ-ն պատրաստ է աջակցել հայ-թուրքական հարաբերությունների կարգավորման գործընթացին: Այս ամենը հաստատում է նաև ԱՄՆ պետքարտուղարի հասարակական կապերի գծով տեղակալ Ֆիլիպ Քրոուլի հայտարարությունը:

Քրոուլին, մասնավորապես, նշել է, որ Ամերիկայի Միացյալ Նահանգները շարունակում է կառուցողական աշխատանքը Հայաստանի և Թուրքիայի հետ՝ փորձելով մինչև վերջ հասցնել հայ-թուրքական հարաբերությունների կարգավորման գործընթացը:

Ընդհանուր առմամբ ամփոփելով վաշինգտոնյան հանդիպումների արդյունքները՝ կարելի է նշել, որ չնայած Հայաստանի և Թուրքիայի միջև հարաբերությունների կարգավորման գործընթացի հետագա զարգացման հարցում ԱՄՆ-ի շահագրգռվածությանը՝ այդպես էլ չի հաջողվել հասնել զգալի տեղաշարժերի, և դատելով հայկական ընդդիմադիր ուժերի տրամադրվածությունից և պաշտոնական Անկարայի հակասող հայտարարություններից՝ հարաբերությունների կարգավորման գործընթացի լճացումը կշարունակվի անորոշ ժամանակ:

Փոքր-ինչ առաջ անցնելով՝ նշենք, որ հաջորդ շաբաթ Հայոց ցեղասպանության զոհերի հիշատակի նախօրեին հարկ է անկնալել պաշտոնական Անկարայի դիրքորոշման ավանդական մեղմացում, սակայն այս ժամանակահատվածում Թուրքիայի կողմից ցանկացած «լայն ժեստ» հարկ է ընկալել որպես համաշխարհային հանրության աչքին «թոզ փչելու» փորձ:

Հայաստանում Հայոց ցեղասպանության զոհերի հիշատակի 95-րդ տարելիցի նախօրեին հատկապես շատ են սպասում ապրիլի 24-ին: Իսկապես բոլորին մի հարց է անհանգստացնում՝ արդյոք նախագահ Օբաման իր ամենամյա ուղերձում կհնչեցնի՞ «ցեղասպանություն» բառը, թե՞ ոչ: Նշենք, որ այս հարցի շուրջ ներքաղաքական բանավեճերն ու քննարկումները իսկական տոտալիզատոր են հիշեցնում: Ավելի շուտ դա տեղի չի ունենա, քանի որ նման հայտարարությունը լրջորեն կխախտի ԱՄՆ-ի և Թուրքիայի դաշնակցային հարաբերությունները, ինչն, անխոս, չի բխում Ամերիկայի շահերից:

ՀՀ ոստիկանության օրը

Նախորդ շաբաթ՝ ապրիլի 16-ին, Երևանի Վ. Սարգսյանի անվան հանրապետական մարզադաշտում տեղի ունեցավ հանդիսավոր շքերթ, որը նվիրված էր Հայաստանի ոստիկանության օրվան:

Տոնի կապակցությամբ ՀՀ նախագահի հրամանագրով ոստիկանության մի շարք աշխատակիցներ արժանացան մեդալների՝ իրավակարգի ամրապնդման գործում զգալի ներդրում ունենալու համար:

ՀՀ ոստիկանապետ, գեներալ-լեյտենանտ Ալիկ Սարգսյանի խոսքերով՝ իր 9-ամյակը ոստիկանությունը նշում է որպես ուժեղ, կայացած, իրավական կառույց:

Միաժամանակ Սարգսյանը տեղեկացրել է, որ երկիմաստությունից խուսափելու նպատակով (ապրիլի 16-ը Հոմոֆոբիային դիմակայելու միջազգային օրն է (IDAHO))՝ 2011 թ.-ից ՀՀ ոստիկանության օրը կփոխվի:

Մարիա Հակոբյան, հատուկ «Նովոստի-Արմենիա» գործակալության համար -0-

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: