483.58
+0.74
513.85
-7.76
7.67
+0.05
+1
Եղանակը Երևանում
Հայ
Հայաստանն արդեն իր որոշումը գրեթե ունի. շաբաթվա ինտրիգը
20:14
12 Ապրիլի 2010

ԵՐԵՎԱՆ, 12 ապրիլի. /Նովոստի-Արմենիա/. Հայաստանի նախագահ Սերժ Սարգսյանի հայտարարությունն այն մասին, որ հայ-թուրքական հարաբերությունների կարգավորման վերաբերյալ Հայաստանն արդեն իր որոշումը գրեթե ունի, անկասկած, կնշանավորի շատ ամիսներ առաջ սկսած գործընթացի ավարտի սկիզբը:

«Մենք այն կներկայացնենք մեր հանրության դատին որոշ ժամանակ հետո, երբ ամբողջովին համոզվենք դրա ճշմարտացիության մեջ: Այսպիսի պարագաներում ամենակարևորը ճիշտ որոշում կայացնելն է», - ասել է Սարգսյանը՝ զանազան մեկնաբանությունների և կռահումների առիթ տալով: Ամենայն հավանականությամբ առաջիկա օրերին մենք ամենատարբեր մեկնաբանություններ կլսենք պետության ղեկավարի ասածի վերաբերյալ:

Սակայն այս անորոշ ժամանակը երկար չի տևի, քանի որ ենթադրվում է, որ նշված որոշումը կհրապարակվի նախագահի վաշինգտոնյան այցի ժամանակ:

Վաշինգտոնյան հանդիպումների սպասում

Նախորդ շաբաթ հայտնի դարձավ, որ գլոբալ միջուկային անվտանգության գագաթնաժողովի շրջանակներում Հայաստանի նախագահի և Թուրքիայի վարչապետ Ռեջեփ Թայիպ Էրդողանի հանդիպումն, ամեն դեպքում, կկայանա: Սարգսյանն ընդունել է Թուրքիայի վարչապետ Ռեջեփ Թայիպ Էրդողանի՝ երկկողմ հանդիպում անցկացնելու առաջարկը:

Վաշինգտոնում ապրիլի 12-13-ը կայանալիք գագաթնաժողովի շրջանակներում նախատեսված են նաև Սարգսյան-Օբամա և Էրդողան-Օբամա երկկողմ հանդիպումները: Ակնհայտ է, որ ԱՄՆ-ն որոշել է պարզություն մտցնել հայ-թուրքական հարաբերությունների կարգավորման գործընթացի մեջ, որը վերջին ժամանակներում փակուղի է մտել և խճճվել է հայտարարությունների, պահանջների և սպառնալիքների մեջ:

Կովկասի ինստիտուտի տնօրեն Ալեքսանդր Իսկանդարյանը կարծում է, որ վաշինգտոնյան հանդիպումները Օբամայի վարչակազմի մտահաղացումն են՝ կողմերի վրա ճնշում գործադրելու և գործընթացի ձախողումը թույլ չտալու համար: «Հնարավոր է՝ ԱՄՆ-ն Թուրքիային կխնդրի Հայաստանի հետ սահմանի մասամբ բացման պես մի բան անել», - ասել է քաղաքագետը: Նրա կարծիքով՝ հենց Վաշինգտոնից է այժմ կախված հայ-թուրքական արձանագրությունների վավերացումը կամ չվավերացումը:

Դաշնակցություն ընդդիմադիր խմբակցության անդամ Արծվիկ Մինասյանն իր հերթին կարծում է, որ վաշինգտոնյան հանդիպման ժամանակ Էրդողանը կփորձի Հայաստանի նախագահից զիջումներ կորզել՝ նշելով, որ «հանդիպման նպատակն է օրակարգում պահպանել հայ-թուրքական արձանագրությունների հարցը, թույլ չտալ ԱՄՆ նախագահի կողմից ցեղասպանություն բառի օգտագործումը, ինչպես նաև որոշակի առաջընթացի հասնել ղարաբաղյան հարցում»:

Հայաստանի Հանրապետական կուսակցության խորհրդարանական խմբակցության ղեկավար Գալուստ Սահակյանը հայտարարել է, որ Հայաստանը պատրաստ է հետ կանչել իր ստորագրությունը հայ-թուրքական արձանագրություններից՝ իր հայտարարությունը հիմնավորելով, որ «հայ-թուրքական արձանագրությունների վավերացման խելամիտ ժամկետներն արդեն սպառվել են»:

Պատերազմ չի լինելու

ՀՀ նախագահը Ադրբեջանի կողմից ռազմական գործողությունների վերսկսման սպառնալիք չի տեսնում, սակայն «Պաշտպանության նախարարությունը միշտ պետք է ենթադրի, որ վաղը կարող է պատերազմ սկսել, դրա համար էլ այն գործում է առավոտից մինչև երեկո»: Ինչպես ասում են՝ « խաղաղություն ես ցանկանում, պատերազմի պատրաստվիր»:

Նախագահը հավաստիացրել է, որ ադրբեջանական բանակը ոչնչով չի գերազանցում հայկականին, և խուճապի պատճառներ չկան: Նա ավելացրել է նաև, որ պատերազմի վտանգ միշտ կա մինչ ղարաբաղյան հակամարտությունը կարգավորված չէ: Իսկ հակամարտության լուծման հիմնական խնդիրը, ինչպես նշել է Սարգսյանը, ԼՂՀ կարգավիճակի հարցն է:

Սակայն պատերազմի վերսկսման հնարավորությունը բարձր է գնահատում Պաշտպանական մարզատեխնիկական միության նախագահ Արկադի Տեր-Թադևոսյանը (Կոմանդոս): «Ադրբեջանի կողմից սպառազինության և ռազմական տեխնիկայի կուտակումը, ինչպես նաև ադրբեջանական ղեկավարության ռազմատենչ հայտարարությունները խոսում են այն մասին, որ չի կարելի բացառել ռազմական գործողությունների հնարավորությունը», - ասել է Տեր-Թադևոսյանը՝ ընդգծելով չհարձակման մասին պայմանագրի կնքման անհրաժեշտությունը:

Այնուամենայնիվ գեներալը կարծում է, որ հայկական բանակը բավականին մարտունակ է՝ ադրբեջանական ագրեսիային հակահարված տալու համար:

Խնդրի շուրջ իր դիրքորոշումն է հայտնել նաև ԼՂՀ նախագահ Բակո Սահակյանը՝ ևս մեկ անգամ նշելով հայկական կողմի դիրքորոշումը: Նա անտրամաբանական է համարել, որ Լեռնային Ղարաբաղի պետք է գտնվի Ադրբեջանի վարչատարածքային ստորադասության տակ, քանի որ Լեռնային Ղարաբաղը երբեք Ադրբեջանի տարածքի մաս չի եղել, ոչ այն Ադրբեջանի, որը ստեղծվել է 1918 թ.-ին թուրքական «սվինների» վրա, ոչ էլ այն Ադրբեջանի, որը ձևավորվել է Խորհրդային Միության փլուզման արդյունքում:

Սահակյանը հերթական անգամ ընդգծել է բանակցությունների սեղանին ԼՂՀ-ի վերադարձի անհրաժեշտությունը: Միաժամանակ ԼՂՀ նախագահը միակ ժամանակի հարց է համարում Լեռնային Ղարաբաղի ինքնավարության ճանաչումը:

Ընդդիմության հանրահավաքն անսովոր կազմով

Նախորդ շաբաթ ընդդիմադիր Հայ ազգային կոնգրեսի կազմակերպած հանրահավաքը տարբերվում էր մնացած հանրահավաքներից իր մասնակիցներով: Պատահական անցորդը չէր կարող միանգամից կռահել, թե ինչ է անում աֆրիկացիների խումբը հայ ընդդիմադիրների շրջանում:

Բանն այն է, որ այդ օրերին Երևանում, Մարդու իրավունքների միջազգային ֆեդերացիայի (FIDH) 37-րդ կոնգրեսի շրջանակներում, անցկացվում էր FIDH-ի համաժողովը, որի մասնակիցները մասնակցում էին ընդդիմության հանրահավաքին: Համաժողովի մասնակիցները հանրահավաքի ժամանակ ելույթ ունեցան՝ ի պաշտպանություն մարտի մեկի իրադարձություններով դատապարտվածների իրավունքների: 

Հանրահավաքի ժամանակ ելույթ ունեցան, մասնավորապես, FIDH-ի նախագահ Սուեր Բելհասենը, իրանցի իրավապաշտպան Շիրին Էբադին, Քաղաքացիական ազատությունների կազմակերպության (Նիգերիա) նախագահ Իբուչուկուի Օբաբուենի Եզիկեն, Մարդու իրավունքների պաշտպանության ֆրանսիական լիգայի նախագահ Ժան-Պիեր Դյուբուան:

Հանրահավաքի ժամանակ ընթերցվել է մի ուղերձ, որում FIDH-ի կոնգրեսի անունից մասնակիցները կոչ են անում «անհապաղ ազատ արձակել բոլոր քաղբանտարկյալներին և մարտի մեկի իրադարձությունների արդյունավետ հետաքննություն անցկացնել, որոնք վերաբերում են իշխանությունների կողմից ուժի չարդարացված կիրառման դեպքերին»:

Ինչ վերաբերում է ընդդիմության առաջնորդ Լևոն Տեր-Պետրոսյանի ելույթին, ապա նա անդրադարձավ հարցերի լայն շրջանակին՝ սկսած ներքաղաքական և արտաքին-քաղաքական հարցերին ընդհուպ մինչև սոցիալտնտեսական հարցերը: Նախկին նախագահի կարծիքով՝ ԵԱՀԿ ՄԽ համանախագահները փոխհամաձայնության են եկել Ղարաբաղի հինգ շրջանները Ադրբեջանին հանձնելու հարցում:

«Փոխզիջում ասելով՝ ՄԽ համանախագահները ի նկատի ունեն հինգ շրջանները Ադրբեջանին անհապաղ հանձնելը», - ասել է Տեր-Պետրոսյանը: Մնում է միայն գուշակել, թե որտեղից ընդդիմության առաջնորդին նման տեղեկատվություն: Թեև առաջին անգամը չէ, որ ընդդիմության ներկայացուցիչները խոսում են տարածքների շուտափույթ հանձնման մասին և մնում է հուսալ, որ նրանք հերթական անգամ սխալվում են:-0-

Loading...
Թեմատիկ նյութեր
Բաժնի այլ նյութեր
21:11
09 Դեկտեմբերի 2016
Հայաստանը չի կենտրոնանում միայն իր սեփական ցավի վրա, այլ ապագայում ցեղասպանությունների կանխման առաջամարտիկ է
Դեկտեմբերի 9-ը «Ցեղասպանության հանցագործության զոհերի հիշատակի և արժանապատվության եւ այդ հանցագործության կանխարգելման միջազգային օրն» է։
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։