484.68
+0.06
530.14
+2.1
8.5
-0.03
+11
Եղանակը Երևանում
Հայ
Հայկական եկեղեցին ողջունում է հայ-ադրբեջանական դիմակայության հարցում Ռուս ուղղափառ եկեղեցու միջնորդական առաքելությունը
13:33
22 Մարտի 2010

ԵՐԵՎԱՆ, 22 մարտի. /Նովոստի-Արմենիա/. Հայ Առաքելական Եկեղեցին ողջունում է հայ-ադրբեջանական դիմակայության հարցում Ռուս Ուղղափառ Եկեղեցու միջնորդական առաքելությունը, «Նովոստի-Արմենիա» գործակալությանն ասաց Մայր Աթոռ Սուրբ Էջմիածնի տեղեկատվական համակարգի տնօրեն Վահրամ քահանա Մելիքյանը:

«Հակամարտության առաջին օրերից սկսած՝ Ռուս Ուղղափառ Եկեղեցին նախաձեռնել և առաքելություն է ստանձնել: Դուք գիտեք, որ ռուս Պատրիարքների միջնորդությամբ բազմաթիվ անգամ անցկացվել են տարածաշրջանի հոգևոր առաջնորդների եռակողմ, իսկ հաճախ նաև քառակողմ հանդիպումները», - ասաց նա:

Վահրամ քահանա Մելիքյանի խոսքերով, այս ամենը ողջունելի է, քանի որ նպատակաուղղված է միայն հակամարտության խաղաղ և արդար կարգավորմանը:

Նա մեկնաբանել է նաև Կիրիլի և Ադրբեջանի հոգևոր առաջնորդ, Կովկասի մուսուլմանների առաջնորդ Շեյխ Ուլ Իսլամ Ալլահ Շյուքուր Փաշազադեի անունից Ամենայն Հայոց Գարեգին Երկրորդ Կաթողիկոսին՝ Բաքվում կայանալիք ԱՊՀ երկրների երկրորդ միջկրոնական գագաթնաժողովին մասնակցելու հրավերի փոխանցման հարցը: ԱՊՀ երկրների երկրորդ միջկրոնական գագաթնաժողովը նախաձեռնել է ԱՊՀ Միջկրոնական խորհուրդը, այն կանցկացվի ապրիլի 26-27-ը Ադրբեջանի մայրաքաղաք Բաքվում:

«Այդ հրավերը ստացվել է: Այն կքննարկվի և որոշ ճշտումներից հետո տեղեկություն կտարածվի վերջնական որոշման մասին», - ասել է քահանա Մելիքյանը:

Գնահատելով Մոսկվայի և Համայն Ռուսիո Պատրիարք Կիրիլի այցը Հայաստան՝ Հայ Առաքելական Եկեղեցու ներկայացուցիչն ընդգծել է այցի երեք օրվա ընթացքում տարբեր արարողությունների և միջոցառումների ժամանակ տիրող եղբայրական մթնոլորտը:

«Այն փաստը, որ հոգևոր հայրերը մասնակցել և հանդես են եկել համատեղ արարողություններում, դարձավ երկու եկեղեցիների միջև գոյություն ունեցող եղբայրության և համագործակցության լավագույն դրսևորումը», - ասաց Վահրամ քահանա Մելիքյանը:

Մոսկվայի և Համայն Ռուսիո Պատրիարք Կիրիլը մարտի 16-18-ը գտնվում էր Հայաստանում: Այցի շրջանակներում երկու եկեղեցիների առաջնորդները Գրիգոր Լուսավորիչ տաճարում մասնակցել են համատեղ աղոթքի, ինչպես նաև Երևանում ռուսական նոր եկեղեցու հիմնաքարի օծման արարողությանը:

Բացի այդ Պատրիարք Կիրիլն ու Ամենայն Հայոց Կաթողիկոսը հանդիպում են ունեցել ՀՀ նախագահ Սերժ Սարգսյանի, Հայաստանի ռուսական համայնքի, ինչպես նաև ԵՊՀ-ի պրոֆեսորադասախոսական կազմի և ուսանողների հետ:

Ամենայն Հայոց Կաթողիկոսը Պատրիարքին է հանձնել Առաքելական Եկեղեցու բարձրագույն պարգևը՝ Սուրբ Գրիգոր Լուսավորչի շքանշանը՝ ի նշան աշխարհասփյուռ հայության կողմից տածած խորը հարգանքի:

Պարգևատրման արարողության ժամանակ Գարեգին Երկրորդը նշել է Ռուս Ուղղափառ Եկեղեցու դերը՝ առավել զորացման ու պայծառության, մարդկանց սրտերում հոգևոր սրբարար արժեքների ամրապնդման, նոր սերնդի քրիստոնեական դաստիարակության, ինչպես նաև` այսօր մարդկային կյանքը հուզող մարտահրավերների հաղթահարման համար հոգևոր ուղենիշների մշակման, միջկրոնական հանդուրժողականության զորացման, միջեկեղեցական հարաբերությունների արգասավորման, մարդու և ժողովուրդների իրավունքների պաշտպանության ոլորտներում, ինչը սրտամոտ և մեծապես ողջունելի է նաև Հայ Եկեղեցու և համայն հայ ժողովրդի համար:

Նա երախտագիտությամբ է ընդգծել նաև Ռուս Ուղղափառ Եկեղեցու` հայ ժողովրդի հանդեպ ցուցաբերած եղբայրական զորակցությանը, Հայոց Ցեղասպանության դատապարտման, ինչպես նաև Ադրբեջանի և Հայաստանի հոգևոր Առաջնորդների հանդիպումների կազմակերպմամբ Լեռնային Ղարաբաղի հիմնախնդրի արդար ու խաղաղ լուծման գործում ներդրած ջանքերին:

Գագիկ Բաղդասարյան, ԱՄԻ «Նովոստի-Արմենիա» գործակալության տեսաբան

Loading...
Թեմատիկ նյութեր

Բաժնի այլ նյութեր
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է: