483.58
+0.74
513.85
-7.76
7.67
+0.05
+3
Եղանակը Երևանում
Հայ
ԵԱՀԿ նախագահի հարավկովկասյան «վոյաժը» և հայ-թուրքական արձանագրությունների «չարչարանքները». շաբաթվա քաղաքական տեսությունը
12:18
22 Փետրվարի 2010

ԵՐԵՎԱՆ, 22 փետրվարի. /Նովոստի-Արմենիա/. Միջազգային հանրությունը շարունակում է պատրաստակամություն դրսևորել Լեռնային Ղարաբաղի հակամարտության շուտափույթ կարգավորմանն աջակցելու հարցում: Նախորդ շաբաթ Ղազախստանի պետական քարտուղար-ԱԳ նախարար, ԵԱՀԿ գործող նախագահ Կանատ Սաուդաբաևը հարավկովկասյան ճամփորդության շրջանակներում երկօրյա այցով այցելեց Հայաստան:

Փետրվարի 14-17-ը տարածաշրջանային այցի շրջանակներում ԵԱՀԿ նախագահը եղավ Ադրբեջանում, Հայաստանում և Վրաստանում: Երևանում նա հանդիպեց Հայաստանի ղեկավարության հետ, ինչպես նաև ԼՂՀ նախագահ Բակո Սահակյանի և հանրապետության պաշտոնատար այլ անձանց հետո:

Իհարկե, միամտություն կլիներ Սաուդաբաևի այցի հետ լուրջ առաջխաղացումներ կապել նման բարդ և բազմամյա հակամարտության կարգավորման հարցում:

Այնուամենայնիվ, դիվանագետի «հարավկովկասյան վոյաժին» ուղեկցած և հետևած հայտարարությունները հիմք են տալիս պնդելու, որ ճամփորդության ընթացքում Սաուդաբաևը գործել է ոչ միայն միջազգային կազմակերպության, այլև Ղազախստանի անունից, համենայն դեպս՝ ղարաբաղյան հակամարտության կարգավորման հարցում:

Այս մասին, մասնավորապես, վկայում է Ղազախստանի ԱԳ նախարարի միջոցով ՀՀ նախագահ Սերժ Սարգսյանին ուղղված Ղազախստանի նախագահ Նուրսուլթան Նազարբաևի հայտարարությունը, որում խոսվում է Ղազախստանի՝ որպես ԵԱՀԿ նախագահող երկրի՝ ղարաբաղյան հիմնահարցի խաղաղ կարգավորմանն աջակցելու պատրաստակամության մասին:

Վիեննայում ԵԱՀԿ ԽՎ նիստի ընթացքում Ղազախստանի ԱԳ նախարարի կողմից արված հայտարարությունը, որում ասվում է, որ Ղազախստանը մտադիր է նախագահության «ճանապարհային քարտեզ» մշակել՝ հակամարտության խաղաղ հանգուցալուծման գործընթացի զարգացման վերաբերյալ բոլոր կողմերի ջանքերին աջակցության և ավելացման ուղղությամբ, հայկական իշխանությունների ոչ միանշանակ արձագանքների պատճառը դարձավ:

Այս կապակցությամբ ՀՀ նախագահ Սերժ Սարգսյանը, գոհունակություն հայտնելով երկրների միջև համագործակցության և քաղաքական երկխոսության մակարդակի առնչությամբ, նշել է, որ «ղարաբաղյան հակամարտության կարգավորման բանակցություններն ընթանում են միայն ԵԱՀԿ Մինսկի խմբի շրջանակներում»:

Այս կապակցությամբ Հայաստանում ԵԱՀԿ նախագահի հետ հանդիպմանը ներկա գտնվող ԼՂՀ նախագահ Բակո Սահակյանը նշել է միջազգային կազմակերպությունների՝ Ղարաբաղ այցի անհրաժեշտությունը: Նա նաև ընդգծել է, որ առանց ԼՂՀ-ի՝  որպես հակամարտության անմիջական մասնակցի, մասնակցության հակամարտության կարգավորման բանակցային գործընթացում զգալի հաջողություն լինել չի կարող:

Միաժամանակ զարգացնելով բանակցային գործընթացի տևողության և «հաջողության» թեման՝ նշենք, որ հաշվի առնելով Ադրբեջանի անզիջում դիրքորոշումն ու ժամանակ առ ժամանակ նրա կողմից հնչող ռազմատենչ հայտարարությունները՝ հազիվ թե հնարավոր է հուսալ, որ հակամարտությունը շուտափույթ կլուծվի բանակցային գործընթացի մեջ ԼՂՀ ներգրավմամբ կամ առանց նրա մասնակցության:

Հայ-թուրքական արձանագրությունների «չարչարանքները ՀՀ ԱԺ կուլուարներում

 Նախորդ շաբաթ փոքր-ինչ փոխվել է ՀՀ խորհրարանում 2009 թ.-ի հոկտեմբերի 10-ին Ցյուրիխում ստորագրված հայ-թուրքական արձանագրությունների անցնելու  գործընթացը:

ՀՀ ԱԺ Արտաքին հարաբերությունների մշտական հանձնաժողովը, որը գլխավորում է Արմեն Ռուստամյանը, որոշել է դիմել ԱԺ նախագահ Հովիկ Աբրահամյանին` հայ-թուրքական արձանագրությունների քննարկումը խորհրդարանի լիագումար նիստում կազմակերպել գլխադասային` ԱԺ արտաքին հարաբերությունների եզրակացությունն ունենալուց հետո միայն:

Հանձնաժողովի որոշմամբ ստեղծվեց 5 հոգուց բաղկացած աշխատանքային խումբ, որը մեկ շաբաթվա ընթացքում պետք է ներկայացնի իր դիրքորոշումը քննարկումների անցկացման ձևի վերաբերյալ

Այժմ այնպիսի իրավիճակ է ստեղծվել, որի դեպքում իշխանամետ և ընդդիմադիր խորհրդարականները կորցրել են փոխըմբռնումը միակ հարցում, որի շուրջ նրանց կարծիքներն ավելի վաղ համընկնում էին, այն է՝ արձանագրությունների վավերացման հերթականությունը:

Նախկին միանշանակ, այդ թվում նաև պետության նախագահի մակարդակով հնչած հայտարարություններին հակառակ, որոնց համաձայն՝ Հայաստանի խորհրդարանը կվավերացնի արձանագրությունները միայն Թուրքիայի խորհրդարանի վավերացումից հետո, Հայաստանի Հանրապետական կուսակցության ներկայացուցիչները սկսել են հակասել իրենք իրենց:

Նրանցից ոմանք, մասնավորապես, իշխող ՀՀԿ-ն ներկայացնող պատգամավոր, Հայաստանի մարդու իրավունքների պաշտպանության և հանրային հարցերի մշտական հանձնաժողովի փոխնախագահ Ռաֆիկ Պետրոսյանը կողմ է Հայաստանի կողմից փաստաթղթերի վավերացմանն ավելի վաղ, քան դա կանի Թուրքիան: Պատգամավորը կարծում է, որ նման կերպով մենք կկարողանանք ողջ աշխարհին ապացուցել հայ-թուրքական հարաբերությունների կարգավորման գործընթացում մինչ վերջ գնալու հայկական կողմի պատրաստակամությունը:

Հայ-թուրքական արձանագրություններին դեմ հանդես եկող երկու ընդիմադիր քաղաքական ուժերը՝ ՀՅԴ-ն և «Ժառանգություն» խմբակցությունը, շարունակում են Հայաստանի խորհրդարանի միջով արձանագրությունների անցկացման գործընթացը դադարեցնելու փորձերը: ՀՅԴ-ն, պահպանելով նախկին դիրքորոշումը, պնդում է, որ պետք է կամ ամբողջովին հրաժարվել փաստաթղթերի վավերացումից, կամ վավերացնել դրանք՝ հաշվի առնելով հայ-թուրքական  արձանագրությունների սահմանադրականության վերաբերյալ ՀՀ ՍԴ-ի որոշման մեջ ամրագրված դրույթները:

2008 թ.-ի մարտի 1-ի ողբերգական իրադարձությունների երկամյա տարելիցի նախօրեին

Ընդդիմադիր ուժերը նախագահական ընտրությունների երկրորդ տարին լրանալու կապակցությամբ Երևանում երթ էին կազմակերպել: Ոմանք համարեցին դա 2008 թ.-ի մարտյան ողբերգական իրադարձությունների «գլխավոր փորձ»:

Այն ժամանակ ընտրությունների արդյունքներից դժգոհ հայկական ընդդիմությունը՝ ՀՀ առաջին նախագահ Լևոն Տեր-Պետրոսյանի գլխավորությամբ, ով նախագահի աթոռը զիջել էր Սերժ Սարգսյանին, փետրվարի 20-ին Երևանի կենտրոնում հանրահավաքներ էր անցկացնում: Բողոքի ակցիաները մարտի 1-2-ին վերածվեցին անկարգությունների և իրավապահ ուժերի հետ բախումների, ինչի հետևանքով զոհվեց տասը և վիրավորվեց ավելի քան երկու հարյուր մարդ:

Ներկայիս երթը կազմակերպվել էր ընդդիմադիր Հայ ազգային կոնգրեսի երիտասարդական թևի կողմից: Այն լուրջ հետևանքներ չունեցավ, թեև չանցավ առանց իրավապահ մարմինների հետ բախումների: Ձերբակալվեցին ՀԱԿ-ի երիտասարդական թևի հինգ ակտիվիստներ, և ոստիկանությունը խոստացավ այս փաստի առնչությամբ պարզաբանումներ տալ:

Ըստ տարածած տեղեկատվության՝ Երևանի քաղաքապետարանն արդեն ի գիտություն է ընդունել մարտի 1-ին համահանրապետական հանրահավաքի և մայրաքաղաքի կենտրոնում երթի անցկացման մասին ընդդիմադիր ՀԱԿ-ի դիմումը:

Միաժամանակ Երևանում տեղի ունեցավ Արցախյան հերոսամարտի վետերանների «Երկրապահ» կամավորականների միության հերթական 8-րդ համագումարը:

ՀՀ պաշտպանության նախարար Սեյրան Օհանյանը համագումարի ժամանակ իր ելույթի ընթացքում նշեց «Հայաստանի զարգացման գործում արցախյան ազատագրական պատերազմի վետերանների» արժանի մասնակցության անհրաժեշտությունը:

Նստաշրջանի ընթացքում իր պաշտոնում միաձայն վերընտրվեց Միության գործող նախագահ, գեներալ Մանվել Գրիգորյանը:

Պատմական տարեթիվ

Յուրաքանչյուր ժողովրդի պատմության մեջ կան բեկումնային, պատմական պահեր, որոնք նշվում է անկախ այն բանից, թե հոբելյանական են, թե ոչ:

Նախորդ շաբաթ ԼՂՀ-ն նշեց հանրապետության պատմության մեջ նման տարեթվերից մեկը՝ Արցախի Վերածննդի օրը:

1988 թ.-ի փետրվարի 20-ին Լեռնային Ղարաբաղի Ինքնավար մարզի (ԼՂԻՄ) Ժողովրդական պատգամավորների խորհրդի արտահերթ նստաշրջանի ժամանակ մեջնորդություն ներկայացվեց Ադրբեջանական ԽՍՀ-ի կազմից Հայկական ԽՍՀ-ի կազմ ԼՂԻՄ-ի փոխանցման հարցի դրական լուծման մասին:

Մարիա Հակոբյան, հատուկ ԱՄԻ «Նովոստի-Արմենիա» գործակալության համար

Loading...
Թեմատիկ նյութեր
Բաժնի այլ նյութեր
21:11
09 Դեկտեմբերի 2016
Հայաստանը չի կենտրոնանում միայն իր սեփական ցավի վրա, այլ ապագայում ցեղասպանությունների կանխման առաջամարտիկ է
Դեկտեմբերի 9-ը «Ցեղասպանության հանցագործության զոհերի հիշատակի և արժանապատվության եւ այդ հանցագործության կանխարգելման միջազգային օրն» է։
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։