480.74
+0.03
511.65
+0.46
7.48
-0.03
+1
Եղանակը Երևանում
Հայ
Հայաստան-Թուրքիա. «ֆուտբոլային դիվանագիտության» նոր շրջադարձը. Ընդհանրացում
16:32
16 Փետրվարի 2010

ՀՀ նախագահ Սերժ Սարգսյանը, հետևելով փետրվարի 10-ին Մեծ Բրիտանիայի միջազգային հարաբերությունների թագավորական ինստիտուտում արած իր հայտարարությանը, հայ-թուրքական արձանագրությունները ներկայացրել է խորհրդարանի վավերացմանը:

Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից

ՀՀ նախագահը Chatham House-ի ամբիոնից հաստատեց այդ գործընթացին Հայաստանի հետևողականորեն հետամուտ լինելը: «Որպես խորհրդարանական մեծամասնության քաղաքական առաջնորդ՝ բացառում եմ Թուրքիայի կողմից արձանագրությունները, պայմանավորվածության համաձայն` առանց նախապայմանների վավերացման դեպքում Հայաստանի խորհրդարանի կողմից դրանց վավերացման տապալումը», - ասել է ՀՀ նախագահը:

ՀՀ Ազգային ժողովն իր հերթին արդեն հաստատել է արձանագրությունները ստանալու փաստը: Կանոնակարգի համաձայն, Հայաստանի Ազգային ժողովի խոսնակ Հովիկ Աբրահամյանը երկու աշխատանքային օրվա ընթացքում պետք է շրջանառության մեջ դնի արձանագրությունները և համապատասխան հանձնաժողով ստեղծի: Արձանագրությունների շուրջ ընթացող քննարկումների ժամանակ որպես նախագահի ներկայացուցիչ հանդես կգա ՀՀ ԱԳ նախարար Էդվարդ Նալբանդյանը:

Վերը նշված իրադարձություններից գրեթե մի քանի ժամ առաջ ՀՀ վարչապետ Տիգրան Սարգսյանը, ելույթ ունենալով «Հայ-թուրքական հարաբերությունները և միջսահմանային ռեգիոնալիզմ» թեմայով հանրային քննարկումներին, հայտարարել է, որ Թուրքիայի կողմից հայ-թուրքական արձանագրությունների վավերացման դեպքում Հայաստանի խորհրդարանում դրանց վավերացմանը որևէ խոչընդոտ չի լինի:

Հայաստանի վարչապետն այս կապակցությամբ ընդգծեց նաև, որ Մեծ Բրիտանիայում նախագահ Սարգսյանի ելույթն ապացուցում է, որ «Հայաստանի իշխանությունները՝ նախագահի գլխավորությամբ, քաղաքական կամք են դրսևորում Հայաստանի և Թուրքիայի միջև ձևավորված կարծրատիպերը հաղթահարելու և երկու երկրների միջև նոր հարաբերություններ ձևավորելու ուղղությամբ»:

Հայ-թուրքական հարաբերությունների հարթակում տեղի ունեցած վերջին զարգացումների վերաբեյալ իրենց գնահատականներն են տվել նաև Հայաստանի փորձագիտական հանրության ներկայացուցիչները: Թուրքագետ Արտակ Շաքարյանը կարծում է, որ հայ-թուրքական արձանագրությունները խորհրդարան ուղարկելով՝ Հայաստանը ցույց տվեց միջազգային հանրությանը, որ հայ-թուրքական հարաբերությունների նորմալացման գործընթացի դանդաղումը կամ ձգձգումը հնարավոր է բացառապես Թուրքիայի մեղքով:

Հույս հայտնելով, որ ՀՀ խորհրդարանը Անկարայից շուտ արձանագրությունները չի վավերացնի՝ Շաքարյանը նշեց, որ «Անկարայում արձանագրությունների վավերացման գործընթացը, ավելի շուտ, կանցնի շատ բուռն կերպով և առանց Մոսկվայի և Վաշինգտոնի կողմից ճնշման, կարող է ձգձգվել մեկ, երկու կամ երեք տարով»:

ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը կարծում է, որ հայ-թուրքական արձանագրությունները վավերացման համար ԱԺ ուղարկելը նորմալ գործընթաց է, և արտակարգ ոչինչ այդտեղ չկա: Նա նաև այն կարծիքին է, որ ՀՀ խորհրդարանը «պետք է քննի ու վավերացնի արձանագրությունները միայն այն ժամանակ, երբ որևէ քայլ արվի Թուրքիայի կողմից»:

Շտապեցին այս թեմայի շուրջ իրենց վերաբերմունքը հայտնել նաև ընդդիմադիր ուժերը: «Ժառանգություն» հայկական կուսակցությունը մինչ արձանագրությունները խորհրդարան ուղարկելը տեղեկատվություն էր տարածել այն մասին, որ ԱԺ օրակարգում հայ-թուրքական արձանագրությունները ներառելու օրը խորհրդարանի շենքի մոտ բողոքի ակցիա կսկսի:

Ոչ պակաս ակտիվ գործողություններ է պատրաստում ձեռնարկել նաև Հայ հեղափոխական դաշնակցությունը, որը մտադիր է Ազգային ժողովի պատգամավորների շրջանում ստորագրահավաք սկսել՝ հայ-թուրքական արձանագրությունների՝ դրանց ներկայիս տեսքով վավերացման դեմ, այն դեպքում, եթե խորհրդարանը սկսի դրանց քննարկման գործընթացը:

Ինչպես հայտարարեց ՀՅԴ Հայ Դատի կենտրոնական գրասենյակի և քաղաքական հարցերի գրասենյակի ղեկավար Կիրո Մանոյանը, փորձը ցույց է տալիս, որ իշխող կուսակցությունների հայ պատգամավորները կարող են քվեարկել կոալիցիայի որոշմանը հակառակ, եթե հարցը վերաբերում է անձամբ իրենց: «Եթե մեզ հաջողվի դիպչել նրանց ինքնասիրությանը՝ բացատրելով վավերացման հակազգային բնույթը, ապա գուցե հնարավոր լինի խուսափել դրանից»,- ասաց նա: 

Այսպիսով, ՀՀ նախագահ Սերժ Սարգսյանն իր խոսքի տերն է՝ հայ-թուրքական «ֆուտբոլային դիվանագիտության» հարցում նոր էջ բացելով: Գնդակը կրկին Թուրքիայի դաշտում է, և ոչ միայն երկու երկրների, այլև ողջ աշխարհի հասարակությունը պատրաստվել է հետաքրքրությամբ հետևել, թե ինչպես, ինչ կարգով և ինչպիսի արագությամբ կզարգանան հետագա իրադարձությունները:-0-

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: