478.83
-0.02
557.93
-0.17
7.98
-0.01
+24
Եղանակը Երևանում
Հայ
ՄԱԿ-ի հարվածը Բաքվի պատրանքներին
14:39
05 Փետրվարի 2010

Ադրբեջանական քարոզչամեքենայի ամենահայտնի կոնստրուկցիաներից մեկը, որը մանրակրկիտ կառուցվել է և անվերջ ու մաշվածության չափ օգտագործվել, մեկ րոպեում փլուզվեց:

ՄԱԿ-ի գլխավոր քարտուղար Պան Գի Մունը ադրբեջանական գործակալություններից մեկին տված հարցազրույցի ժամանակ հայտարարել է, որ իր                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                     գլխավորած կազմակերպությունը ներգրավված չէ ղարաբաղյան հակամարտության կարգավորման գործընթացի մեջ: Նա փաստորեն իրեն ետ է պահել ադրբեջանցի քաղաքական գործիչների և դիվանագետների հակահայկական խաղերի մեջ այդ միջազգային հեղինակավոր կառույցին ներգրավելու համառ ձգտումներից:

Չափազանց կարևոր է, որ այդ խոսքերը ՄԱԿ-ի գլխավոր քարտուղարն ասել է ադրբեջանական գործակալությանն ու ադրբեջանական լսարանի համար՝ նման կերպ հասկացնելով, որ ՄԱԿ-ը գործիք չի դառնա արտաքին-քաղաքական խաղերի մեջ:

Պան Գի Մունին Բաքվում սիրելի քարոզչաոճով հարցրել են, թե չարժե՞, արդյոք, կազմակերպության շրջանակներում ղարաբաղյան հակամարտության կարգավորման նոր մեխանիզմներ կիրառել, սակայն հարցադրումից առաջ ճառ են ներկայացրել «Լեռնային Ղարաբաղի շրջանի օկուպացված տարածքների» ազատագրման վերաբերյալ ՄԱԿ-ի Անվտանգության խորհրդի չորս բանաձևերը իբր-թե Հայաստանի կողմից չկատարելու մասին: Վերջին պնդումը, թեև հնչել է որպես ապացույցներ չպահանջող փաստ, այնուամենայնիվ, բացարձակ սուտ է, և այդ ստով արդեն 17 տարի շարունակ պաշտոնական Բաքուն կերակրում է համաշխարհային հանրությանը:

Այնուամենայնիվ, փորձառու դիվանագետը չենթարկվեց ճարպիկ հնարանքին, և  մեծագույն հիասթափություն պատճառելով ադրբեջանական ղեկավարությանը, ոչ միայն չանդրադարձավ տխրահռչակ բանաձևերի թեմային, այլև, փաստորեն, խորհուրդ տվեց աներես առաջարկություններով չկպչել ՄԱԿ-ին:

«ՄԱԿ-ը ուղղակիորեն ներգրավված չէ ղարաբաղյան հակամարտության կարգավորման գործընթացի մեջ, որտեղ գլխավոր դերը Եվրոպայի անվտանգության և համագործակցության կազմակերպությանն է, և այդ հակամարտությանը վերաբերող հարցը պետք է ուղղել հենց ԵԱՀԿ-ին», - ասել է Պան Գի Մունը՝ ըստ երևույթին վերջնականապես փակելով դիվանագիտական պատերազմում Կազմակերպության ամբիոնն օգտագործելու և բացարձակապես այլ պայմաններում և բացարձակապես այլ նպատակներ հետապնդող գրեթե քսան տարի առաջ ընդունված բանաձևերը շահարկելու թեման:

Այնուամենայնիվ, հարկ է բացատրել, թե ինչու է Բաքուն, բանաձևեր թափահարելով, անկեղծորեն ստում: Բանն այն է, որ ՄԱԿ-ի Անվտանգության խորհրդի չորս բանաձևերից էլ և ոչ մեկում Հայաստանի Հանրապետությունը հանդես չի գալիս որպես հակամարտող կողմ և ավելին՝ որպես ագրեսոր: Բանաձևերում Հայաստանին տրված դերը կարելի է անվանել «որոշակի ազդեցություն ունեցող միջնորդի» դեր:

Ավելին, բանաձևերում կան կետեր, որոնք, մասնավորապես, կապված են բոլոր ռազմական գործողություններն ու թշնամական ակտերը անհապաղ դադարեցնելու պահանջի հետ, որն Ադրբեջանը խախտել է ամենակոպիտ ձևով:

Բանաձևերն ամբողջական փաստաթղթեր են, և հակամարտող մի կողմի ընտրությամբ դրանց կատարումն ու մյուս կողմի ամբողջական անտեսումն անհնար է:

Չնայած ռազմական գործողությունները դադարեցնելու և բանակցությունների սեղանի շուրջ խնդիրը կարգավորելու բոլոր պահանջներին՝ Ադրբեջանը, խախտելով Անվտանգության խորհրդի բանաձևերը, ընդհուպ մինչև 1994 թվականի մայիսը չէր դադարեցնում ռազմական ճանապարհով հարցը լուծելու փորձերը:

Հակամարտության գոտում այսօր տիրող իրավիճակը ադրբեջանական կողմի նման քաղաքականության հետևանքն է, և դրանք վերացնել հնարավոր չէ, քանի դեռ չեն լուծվել հիմնարար հարցերը, որոնցից կարևորագույնը, առաջին հերթին, Ադրբեջանի կողմից ճանաչված Լեռնային Ղարաբաղի անկախ կարգավիճակի հարցն է:

Այդ խնդիրները լուծելու համար պաշտոնական Բաքվին անհրաժեշտ է անհապաղ հրաժարվել պատրանքներից, մասնավորապես՝ այն կապակցությամբ, որ միջազգային կազմակերպությունները կամ առանձին պետություններ Հայաստանին ագրեսոր են համարում:

Իրականում, Հայաստանը ինչպես միջազգային հեղինակավոր կառույցների, այնպես էլ առանձին պետությունների, այդ թվում նաև բոլոր գերտերությունների ամենահուսալի գործընկերներից մեկն է:

Իսկ այն, որ հայկական կողմը մտերիմ չէր չեչեն կրոնական ծայրահեղականների և աֆղանցի ահաբեկիչների հետ, ովքեր պաշտոնական մակարդակի վրա, սակայն ապարդյուն, փորձում էին օգնել Ադրբեջանին ղարաբաղյան պատերազմի ժամանակ, միայն խոսում է Երևանի կողմից վարած ճիշտ քաղաքականության օգտին:

Մահմեդական աշխարհի երկրների հետ Հայաստանի բարեկամական հարաբերությունները սահմանափակում են մահմեդական համերաշխությամբ շահարկելու Բաքվի հնարավորությունները: Չնայած Ադրբեջանին երբեմն հաջողվում է մահմեդական պետությունների միջազգային կառույցների նիստերի ժամանակ աննկատ «խցկել» այս կամ այն փաստաթուղթը, սակայն այդ ներուժը ևս շատ շուտով կսպառվի:

Ցանկալի է ներկայացնել ևս մեկ հատկանշական փաստ: Ադրբեջանը դարձավը 2009 թվականի դեկտեմբերին ընդունված բանաձևի համահեղինակներից մեկը, որը վերաբերում է ազգերի ինքնորոշման իրավունքի համընդհանուր իրագործմանը: ՄԱԿ-ի բանաձևը հաստատում է ազգային ինքնորոշման համընդհանուր իրականացումը և կոչ է անում հատուկ ուշադրություն դարձնել այդ իրավունքի ոտնահարման դեպքերի վրա: Միթե՞ խելքի են եկել:

Գագիկ Բաղդասարյան, ԱՄԻ «Նովոստի-Արմենիա» գործակալության տեսաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։