478.42
-0.15
561.67
-0.12
8.1
+0.05
+22
Եղանակը Երևանում
Հայ
Թուրքական խաղեր
11:23
03 Փետրվարի 2010

Օրերս Թուրքիայի վարչապետ Ռեջեփ Թայիպ Էրդողանը քննադատել է ղարաբաղյան հակամարտության կարգավորման ԵԱՀԿ Մինսկի խմբի աշխատանքը՝ հայտարարելով, որ համանախագահները բավականին ջանքեր չեն գործադրում հակամարտության կարգավորման համար:

Իհարկե, միամտություն կլիներ Թուրքիայից ակնկալել օբյեկտիվություն և անաչառություն ղարաբաղյան հակամարտության կարգավորման հարցում, սակայն Թուրքիայի վարչապետի արտահայտությունների ցինիզմը տպավորիչ էր:

 «Եթե համանախագահող երկրներն ասեին՝ «Սա այսպես պետք է լինի», ապա Հայաստանը կդադարեցներ օկուպացիան: Այժմ Հայաստանն օկուպանտ է: Դա հաստատում է ԱՄՆ-ն: Եթե բացակայի օկուպացիայի փաստը, ապա խնդիրներ չեն լինի: Սակայն, ցավոք, ոչ Ռուսաստանը, ոչ ԱՄՆ-ն, ոչ Ֆրանսիան չխաղացին իրենցից ակնկալվող դերը», - նշել է Թուրքիայի վարչապետը:

«Կրտսեր եղբորն» աջակցելու Թուրքիայի ձգտումը հասկանալի է, սակայն դա չի արդարացնում Էրդողանի անպատասխանատու և հակասող հայտարարությունները, ով շտապում է Հայաստանին անվանել օկուպանտ՝ այդ «բառախաղի» մեջ անհիմն ներքաշելով Միացյալ Նահանգներին, ով չէր էլ մտածում Հայաստանին օկուպանտ անվանել:

Նախ՝ որքան էլ Ադրբեջանն ու Թուրքիան Հայաստանին օկուպանտ անվանեն, դրանից պատմությունը չի փոխվում: Դաշնակիցները պարզապես մանիպուլյացիայի են ենթարկում փաստերը՝ շփոթելով պատճառը հետևանքի հետ:

Խոսելով «օկուպացիայի» մասին՝ նրանք մոռանում եմ կամ ցանկանում են մոռանալ, թե, ըստ էության, ինչպես է ամեն ինչ սկսվել: Մոռանում են, որ, այսպես կոչված, «օկուպացված» տարածքները հայտնվել են Ադրբեջանի կողմից սկսած պատերազմի հետևանքով:

Սակայն իմաստ չունի ներկայացնել պատմությունը: Հետաքրքրական է մեկ այլ բան. ինչու՞ և ի՞նչ նպատակով է Թուրքիայի վարչապետը հենց այժմ որոշել նման աղմկահարույց հայտարարություններ անել:

Կա մի քանի տարբերակ: Նախ՝ Անկարան սկսում է հասկանալ, որ իր խոստումներին և Ադրբեջանի հույսերին հակառակ՝ Հայաստանը չի պատրաստվում զիջումների գնալ ղարաբաղյան հարցում հայ-թուրքական արձանագրությունների վավերացման փոխարեն: Իսկ «եղբայրների» առաջ ինչ-որ կերպ պետք է պահպանել դեմքը:

Եթե Թուրքիայի խորհրդարանը վավերացնի արձանագրությունները, դա, թեկուզ ժամանակավոր, սակայն կվիրավորի Ադրբեջանին: Այդ պատճառով անհրաժեշտ է պարբերաբար աղմկահարույց հայտարարություններ անել՝ դաշնակցին հիշեցնելու համար, որ նրանք «բիր միլլեթ՝ իքի դեվլեթ» (մեկ ազգ երկու պետություն) են՝ ներկայացնելով սեփական «սկզբունքայնությունը»:

Այսպես թե այնպես, Էրդողանի հայտարարություններն այնքան էլ նման չեն մի  պետության երկրորդ դեմքի հայտարարություններին, որը ձգտում է Հայաստանի հետ բարիդրացիական հարաբերություններ հաստատել: Եթե, իհարկե, Թուրքիան չի որոշել տապալել գործընթացը:

Սակայն այս տարբերակն իրական չի թվում: Թուրքիան պատճառներ չունի Հայաստանի հետ հարաբերությունների կարգավորումից հրաժարվելու համար: Ավելին՝ բաց սահմանը Թուրքիային ավելի է անհրաժեշտ, քան Հայաստանին: Միակ խոչընդոտը, ըստ էության, Ադրբեջանն է:

Դժվար է հավատալ, որ Անկարան Հայաստանի հետ հարաբերությունների կարգավորման բազմամսյա գործընթացը կձախողի Ադրբեջանի պատճառով: Հատկապես հաշվի առնելով այն փաստը, որ Ադրբեջանը չի կարող երկար ժամանակով վիրավորվել Թուրքիայից:

Թուրքիայի վարչապետը հայտարարում է, որ եթե ղարաբաղյան հակամարտության կարգավորման գործընթացի ամենասկզբից ԵԱՀԿ ՄԽ համանախագահները Հայաստանին օկուպանտ համարեին, ապա խնդիրը լուծված կլիներ, և հայ-թուրքական սահմանն այսօր բաց կլիներ:

Իսկապես, Թուրքիան ինքը փակեց Հայաստանի հետ սահմանը՝ ի նշան Ադրբեջանի հետ համերաշխության, իսկ շրջափակումը միջազգային իրավունքում ագրեսիայի նշան է: Միաժամանակ ագրեսորը բարոյական և իրավաբանական իրավունք չունի Հայաստանին համարել օկուպանտ:-0-

Շողիկ Վարդանյան, ԱՄԻ «Նովոստի-Արմենիա» գործակալության թղթակից

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։