486.67
+0.35
520.49
+1.39
8.22
+0.01
-6
Եղանակը Երևանում
Հայ
Ադրբեջանի ազատության համար պայքարում էին ջարդարարներն ու մարդասպանՆերը...
12:43
20 Հունվարի 2010

Ադրբեջանում հերթական պետական քարոզչությունն այսօր կհասնի իր գագաթնակետին: Ուղիղ քսան տարի առաջ խորհրդային ղեկավարությունը՝ հանկարծ հիշելով, որ պետության կարևորագույն գործառույթը սեփական քաղաքացիների անվտանգության ապահովումն է, որոշում ընդունեց կարգուկանոն հաստատել Բաքվում, որտեղ ողջ շաբաթ չէին դադարում արյունոտ հայկական ջարդերը:

Հայերի զանգվածային սպանություններն ու բռնի արտաքսումը Ադրբեջանի մայրաքաղաքում սկսվեցին 1990 թ. հունվարի 13-ին: Այն ժամանակվա արյունոտ խրախճանքի ողջ սարսափն ու անհեթեթությունն ընդծում էր այն փաստը, որ Բաքվում գտնվող զինվորական ստորաբաժանումները, այդ թվում նաև՝ ներքին զորքերի 12 հազարանոց համակազմը չէին միջամտում իրավիճակին:

Քաղաքը, փաստորեն, հանձնված էր արյան հոտից արբած և գազազած հազարավոր խելագարներին, ովքեր անպատիժ սպանում էին խաղաղ, անմեղ մարդկանց:

Սակայն ինչպե՞ս են այսօր Ադրբեջանում անվանում այդ խելագարությունը: Ոչ այլ կերպ, քան՝ ազգային-ազատագրական պայքար: Եվ ի՞նչ եք կարծում, ո՞վ է այդպես բնութագրում սեփական հայրենակիցների վայրենի, միջնադարյան հանցագործությունը... Կովկասի մահմեդականների վարչության ղեկավար, շեյխ-ուլ-Իսլամ Ալահշուքյուր Փաշազադեն:

Պարզվում է, որ կարգուկանոն հաստատելով Բաքվում՝ «խորհրդային ռեժիմը փորձում էր խեղդել ադրբեջանական ժողովրդավարությունը և Ադրբեջանի ազգային-ազատագրական շարժումը ներկայացնել որպես մահմեդական ֆունդամենտալիզմի և ծայրահեղականության դրսևորում»:

Ինչպես արդեն կռահեցիք, ազգային-ազատագրական շարժումը էթնիկ զտումներն են, խաղաղ մարդկանց սպանությունը, թալանը, բռնաբարությունը, ծերերին, կանանց և երեխաներին ծաղրուծանակի առարկա դարձնելը: Իսկ այդ շարժման հերոսները  գազանաբարո մարդկանց ոհմակներն են, ովքեր քաղաքում դեսուդեն էին ընկնում՝  նոր զոհեր փնտրելու և իրենց նախնադարյան, քարանձավային բնազդները բավարարելու համար: Բավականին հետաքրքիր պետություն կարող էր ծնվել այդ գործընթացների ընդերքում...

Իրականացված հանցագործության ժխտման դիրքորոշումը հատուկ է ոչ միայն Ադրբեջանի բարձրաստիճան հոգևորականներին, այլև ադրբեջանական պետությանն ընդհանրապես:

Բաքվեցի քարոզիչները սովոր են ի ցույց դնել այս կամ այն ողբերգական իրադարձության հետևանքները, այլ ոչ թե պատճառները: Դա վերաբերում է ինչպես 1990 թ.-ին Բաքվում տեղի ունեցած իրադարձություններին, այնպես էլ ղարաբաղյան հակամարտությանը: Խոսելով ադրբեջանական հողերի, այսպես կոչված, «օկուպացիայի» մասին՝ Բաքվում խորամանկորեն լռում են հակամարտության նախապատմության, դրա պատճառների մասին, որոնց արմատները գտնվում են  Լեռնային Ղարաբաղի հայկական բնակչությունը վերացնելու՝ նրանց ձգտման մեջ:

Բաքվեցի ջարդարարներին հերոսացնելը, պետական մակարդակով նրանց մեծարելը Ադրբեջանի կազմում Լեռնային Ղարաբաղը լինելու անհնարինության ամենածանրակշիռ ապացույցն է: Այս մասին հայտարարում են Հայաստանում և Լեռնային Ղարաբաղի Հանրապետությունում, և այս ամենը հստակորեն հասկանում են նաև համաշխարհային առաջատար խաղացողները:

Բաքվում իրականացված ցեղասպանությունը, ըստ էության, անպատիժ մնաց: Պատասխանատվություն չկրեցին ոչ հայկական ջարդերի իրական կազմակերպիչները, ոչ այն անձինք, որոնց հանցավոր անգործության պատճառով իրականացվեց այդ հրեշային հանցագործությունը:

Սակայն այս ոճրագործության դատապարտումը, առաջին հերթին՝ Ադրբեջանի կողմից, կարող է սկիզբ դնել երկու հարևան ժողովուրդների միջև վստահության մթնոլորտի ձևավորմանը, երկար սպասված խաղաղության հաստատմանը:

Գագիկ Բաղդասարյան, ԱՄԻ «Նովոստի-Արմենիա» գործակալության տեսաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։
20:07
15 Դեկտեմբերի 2016
Օպերացիա «Ձմեռ Պապ». նվերների լավագույն տասնյակը «Նովոստի Արմենիայից»
Նոր Տարին ամենասիրված տոներից մեկն է, և այդպիսին է այն դարձնում հրաշքի հանդեպ հավատը և ցանկացած երազանք կատարելու և հիասքանչ տրամադրություն պարգևելու ուժը: