481.93
+0.2
569.16
+0.19
8.37
-0.02
+18
Եղանակը Երևանում
Հայ
Թուրքական ղեկավարության քաղաքական «որոնումները», Լատվիայի նախագահի այցը և «Օրինաց երկիր» կոալիցիոն կուսակցության համագումարը. Հայաստանի քաղաքական շաբաթվա ամփոփում
16:06
14 Դեկտեմբերի 2009

Հայաստանի նախորդ շաբաթն աչքի ընկավ կարևոր քաղաքական իրադարձություններով, որոնց թվում  է հայ-թուրքական հարաբերությունների հաստատման՝ թուրքական ղեկավարության նախապայմանների քաղաքականության հաստատումը, Լատվիայի նախագահ Վալդիս Զատլերսի պաշտոնական պետական այցը Հայաստան և «Օրինաց երկիր» կոալիցիոն կուսակցության 9-րդ համագումարը։

Ինչպես տեղեկացվել է, Թուրքիայի վարչապետ Ռեջեփ Թայիփ Էրդողանի և ԱՄՆ նախագահ Բարաք Օբամայի՝  երկուշաբթի կայացած հանդիպման ժամանակ քննարկվել է Ղարաբաղյան հակամարտության խնդիրը՝ ԵԱՀԿ Մինսկի խմբի շրջանակներում: Էրդողանը հերթական անգամ հայտարարել է, որ հայ-թուրքական հարբերությունների կարգավորումը կախված է հայ-ադրբեջանական բանակցություններից: Էրդողանի խոսքով, ԱՄՆ նախագահն իրեն շնորհավորել է հայ-թուրքական հարաբերություններում տեղ գտած առաջընթացի կապակցությամբ՝ հավելելով, որ «Թուրքիան ձգտում է լավ հարաբերություններ ունենալ իր բոլոր հարևան երկրների հետ։ Սակայն Հայաստանը չլուծված խնդիրներ ունի, որոնց թվում է ղարաբաղյան հակամարտությունը և Հայոց ցեղասպանության միջազգային հետապնդումը»։

«Գոյություն ունեն տեղահանության հետ կապված բազմաթիվ փաստաթղթեր, որոնք ես սեփական աչքերով եմ տեսել։ Ես չեմ հասկանում, թե ինչ փաստերի վրա են հիմնված Հայոց ցեղասպանության մասին պնդումները, և, ընդհանրապես, իմ նախնիները չէին կարող ցեղասպանություն իրականացնել»,- հայտարարել է թուրք վարչապետը՝ պատասխանելով Վաշինգտոնի Ջոն Հոփկինսի անվան համալսարանի ուսանողների հարցերին։

Հարկ է նշել, որ նմանատիպ քաղաքական մանևրների միջոցով դժվար թե թուրքական ղեկավարությունը կարողանա անընդհատ իր վրայից հանել «Էրդողանի նախնիների» կողմից կատարած հանցագործության ճանաչման պատասխանատվությունը միջազգային հանրության առջև։ Դժվար թե հնարավոր լինի անընդհատ խոսել նախապայմանների լեզվով՝ միաժամանակ ստորագրելով փաստաթղթեր, որտեղ «չի ընդգծվում ղարաբաղյան խնդիրը կամ Հայոց ցեղասպանության խնդիրը»։

Թուրքական ղեկավարության շարունակվող քաղաքական մանևրներին ի պատասխան՝ Հայաստանի նախագահ Սերժ Սարգսյանը կրկին հաստատեց Երևանի պաշտոնական դիրքորոշումն, այն է՝ «Ղարաբաղյան հիմնահարցը հայ-թուրքական հարաբերությունների հետ կապելու Թուրքիայի փորձերը սկզբից ևեթ ձախողման են դատապարտված»:

«Հայաստանը պատրաստ է ինչպես հարկն է կատարել իր միջազգային պարտավորությունները և վավերացնել ստորագրված արձանագրությունները: Նույնը մենք ակնկալում ենք նաև Թուրքիայից, բայց եթե Թուրքիան սկսի ձգձգել արձանագրությունների վավերացումը, ապա Հայաստանը անհապաղ կօգտվի միջազգային իրավունքներից բխող հնարավորություններից»,- ասել է նախագահը: 

Իր հերթին Հայաստանի արտաքին գործերի նախարարի տեղակալ Շավարշ Քոչարյանը կտրուկ դատապարտեց ԱՄՆ-ում թուրք վարչապետի հայտարարությունը։ «Հայաստանն էլ կարող է նախապայման առաջ քաշել այն դեպքում, եթե հայ-թուրքական հարաբերությունների համար Թուրքիան  նախապայմաններ առաջադրի», - ասաց նա:

Այս հարցին անդրադարձավ նաև Կովկասի Ինստիտուտի տնօրեն, քաղաքագետ  Ալեքսանդր Իսկանդարյանը։ «Հայ-թուրքական հարաբերությունների նորմալացումը  Ղարաբաղյան հիմնահարցի հետ կապելը իրավաբանական առումով անհնարին է: Այդ իսկ պատճառով, չնայած Թուրքիայի ներսում առկա լուրջ հակազդեցություններին` հայ-թուրքական արձանագրությունների վավերացման հավանականությունը բավականին մեծ է»,- ասաց նա:

Այնուամենայնիվ, ոչ ոքի համար գաղտնիք չէ, որ թուրքական վերնախավի կողմից պարբերաբար հնչեցվող հայտարարությունները՝ «նախապայմաններ հանուն Կովկասի խաղաղության և կայունության» լեյտմոտիվով սենսացիոն չեն ոչ մի լսարանի համար, այդ թվում՝ թուրքական և ադրբեջանական հասարակությունների համար, որոնց համար դրանք իբր նախատեսված են ներքին հուզումները կանխելու համար։ Այունուամենայնիվ, ավելորդ է խոսել այն մասին, որ օրենքը վեր է ամեն ինչից, և իրավաբանական փաստաթղթերն աղավաղել բանավոր հայտարարություններով անհնար է։

Նոխրդ շաբաթ ՀՀ նախագահ Սերժ Սարգսյանի հրավերով եռօրյա պետական այցով Հայաստանում էր գտնվում Լատվիայի նախագահ Վալդիս Զատլերսը:  Այցի շրջանակներում Զատլերսը հանդիպեց այդ թվում Հայաստանի Ազգային ժողովի նախագահ Հովիկ Աբրահամյանի, վարչապետ Տիգրան Սարգսյանի, արտգործնախարար Էդվարդ Նալբանդյանի, Ամենայն Հայոց Գարեգին Բ Կաթողիկոսի, Երևանի քաղաքապետ Գագիկ Բեգլարյանի հետ։

շրջանակներում քննարկվեցին երկու պետությունների համագործակցության խորացման հարցեր։ Մասնավորապես, նախագահ Սերժ Սարգսյանը հատուկ կարևորեց Հայաստանի և Լատվիայի միջև բարեկամական հարաբերությունների հետագա խորացումը։ «Մեր ժողովուրդների միջև վաղուց ձեւավորվել և զարգանում են ջերմ, բարեկամական հարաբերություններ: Ես և իմ գործընկեր պարոն Զատլերսը հերթական անգամ հնարավորություն ունեցանք փոխըմբռնման և կառուցողականության մթնոլորտում քննարկելու Հայաստանի ու Լատվիայի միջև հարաբերությունների ներկա վիճակը և հեռանկարները, մտքեր փոխանակելու փոխադարձ հետաքրքրություն ներկայացնող մի շարք միջազգային ու տարածաշրջանային հարցերի, ինչպես նաև` միջազգային կառույցների շրջանակներում համագործակցության շուրջ», - ասաց Սարգսյանն իր լատվիացի գործընկերոջ հետ համատեղ մամուլի ասուլիսում։

Հայաստանի և Լատվիայի կառավարությունների միջև հինգշաբթի ստորագրվել են օդային կոմունիկացիաների, տնտեսական և գիտատեխնիկական համագործակցության, ահաբեկչության, կազմակերպված հանցավորության և թմրանյութերի անօրինական շրջանառության դեմ պայքարի, ինչպես նաև բնապահպանության ոլորտում համագործակցության համաձայնագրեր։

Սարգսյանը կարևորեց նաև Երևանում անցկացվող հայ-լատվիական ներկայացուցչական գործարար-համաժողովը՝ հույս հայտնելով, որ այն նոր հեռանկարներ կբացի առևտրատնտեսական հարաբերությունների զարգացման և ընդլայնման համար: Հայաստանի նախագահ Սերժ Սարգսյանն իր Լատվիացի գործընկեր Վալդիս Զատլերսի հետ ունեցած համատեղ մամուլի ասուլիսի ժամանակ կարևորեց նաև այն, որ Լատվիան հավասարակշիռ մոտեցում ունի Լեռնային Ղարաբաղի խնդրում՝ ավելացնելով, որ հհակամարտությունները պետք է լուծվեն առանց ուժի կիրառման ու խաղաղ ճանապարհով:

Իր հերթին Զատլերսը համոզմունք հայտնեց, որ հայ-թուրքական հարաբերությունների կարգավորումը և սահմանի բացումը կհանգեցնի հայ ժողովրդի բարեկեցության բարձրացմանը։ «Հարաբերությունների բարելավումը հայ ժողովրդի բարեկեցության բարելացման կոնկրետ պտուղներ կտա»,- ասաց նա։

Նախորդ շաբաթ Կարեն Դեմիրճյանի անվան մարզահամերգային համալիրում տեղի ունեցավ «Օրինաց երկիր» կոալիցիոն կուսակցության 9-րդ համագումարը, որտեղ ամփոփվեց 2009 թվականի գործունեությունւ, ինչպես նաև տեղի ունեցան կուսակցության նոր վարչության ընտրությունները, որի ղեկավար վերընտրվեց Հայաստանի Ազգային անվտանգության խորհրդի քարտուղար Արթուր Բաղդասարյանը։ Համագումարի ընթացքում ներկայացվեցին նաև ծրագրեր, որոնցով կառաջնորդվի կուսակցությունը հաջորդ տարիներին։

«Օրինաց երկիրը» հիմնադրվել է 1997թ.-ին։ Ներկայումս կուսակցությունն ունի մոտ 100 հազ. անդամ։

2007թ. մարտի 12-ի խորհրդարանական ընտրություններից հետո ՕԵԿ-ը խորհրդանում ունի ութ պատգամավոր և երեք նախարարարական պորտֆել՝ կառավարությունում:

Համագումարին մասնակցեցին կուսակցության 2036 անդամներ, Հայաստանի տարբեր քաղաքական ուժերի ներկայացուցիչներ։ Իր ելույթում Սերժ Սարգսյանը նշեց Հայաստանում «Օրինաց երկիր» կոալիցիոն կուսակցության բարձր դերն՝ ավելացնելով, որ հանրապետության իշխող ուժերին լուրջ աշխատանք է սպասվում երկրի համակողմանի զարգացման ճանապարհին։

«Օրինաց երկիր» կուսակցությունն այսօր Հայաստանում իր հաստատուն տեղն ու դերն ունեցող քաղաքական ուժ է, որն իր ժողովրդականությունն ապացուցել է բոլոր վերջին համապետական ընտրություններում: Նա իր կոալիցիոն գործընկերների հետ մաս է կազմում իշխանության և ստանձնել է պատասխանատվություն մեր ժողովրդի եւ մեր հայրենիքի ապագայի հանդեպ», - ասաց նախագահը:

Միաժամանակ «Օրինաց երկիր» կոալիցիոն կուսակցության ղեկավար Արթուր Բաղդասարյանը բարձր գնահատեց իր գլխավորած կուսակցության նշանակությունն ու գործունեությունը Հայաստանի իշխող կոալիցիայում։ «Մեր կուսակցության առանցքային սկզբունքներից է նախաձեռնողականությունը, և քաղաքական կյանքում պասիվությունը մեզ համար անընդունելի է»,- ասաց նա։

Ռոման Մելիքյան, հատուկ «Նովոստի-Արմենիա» գործակալության համար։

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։